【賽後檢討】5月19星期日沙田日賽

（ 賽後檢討 ）沙田 Epic 074 19 May 2024 (Sun)
各位網友大家好, 今集“賽後檢討”同大家回顧返今日分享咗嘅四匹馬匹嘅表現，呢四匹馬包括“智勁駒、四喜鳥、 春風萬里、陽光勇士”....
先講講今日C+3跑道形勢， 今日全日都喺微雨下進行，但係場地情況係絕對冇受到影響，早段時間普遍偏快，放頭後上馬都可以，主要睇嗰場馬嘅步速快慢影響，跟住大家睇片就會發現到呢個情況....
先睇第一場 五班千二米 4號“智勁駒”、“艾道拿”騎131磅排9檔起步.....
起步放頭: 中華威威、上校、萬事有、超勁日子、威力飛彈、勁無敵、投資有利、智勝攻略、歡樂好友、智勁駒、駿先生.....
今場頭兩段步速45.98， 畀標準時間46.25快3線，“智勁駒” 沿途留喺尾三四左右，直路最後300展開衝刺， 表現未如預期只能衝近，最終以二又四分一身位落敗得第五.....
今季跑五場，只要健康情況保持良好，季尾階段有機會，增程千四米可能更合適....
第二場四班千二米，10號“四喜鳥”、“梁家俊”騎129磅排6檔起步.....
起步放頭: 識贏、一代宗師、賢心星、太行美景、以戰常勝、妙玲瓏、四喜鳥、精明選擇、河好運、勁大威猛、霹靂威龍.....
今場頭兩段步速45.88， 畀標準時間46.30快4線，今場步速編快比較利後上馬匹，“四喜鳥” 留守七八位之間 但早段望空三疊、未能穩定馬匹走勢，直路150米走裏面衝刺又受到“賢心星”內閃影響， 最終勉強跑過第三，表現其實唔理想，四班未來賽事遇上質新強勁對手會處下風，建議可以報跑快活谷千二米 對手弱一啲....
第五場四班千八米4號“春風萬里”、“何澤堯”騎127磅排8檔起步.....
起步放頭: 鐵三角、竣誠駒、小神仙、平海之星、精算特殊、龍之珍、逐步贏、永勝金駒、勤德威力、春風萬里、巴基之友、大將、夢照發....
今場頭四段步速1.23.15， 畀標準時間1.24.40快1秒3線，“春風萬里” 沿途留守較後位置，第三第四段比對手續斷加速放甩，直路距離“鐵三角”四五個身位、 已經被對手走甩終點前開全場最快末段23秒76，最終以過半身位落敗得第二
“春風萬里”今季跑九場，最近五場連續上名，現時平52分， 相信啱形勢好易會打開勝利之門.....
第十場三班千四米13號“陽光勇士”、“班德禮”騎119磅排6檔起步.....
起步放頭: 忠誠寶寶、仁心星、手機錶霸、美麗邂逅、君達得、潮州精神、凝聚美麗、十八掌、滿歡笑、陽光勇士、競駿飛翔、紫荊歡呼、肯佩詩、超級龍珠....
今場頭三段步速58.27， 畀標準時間58.50快2.3線，“陽光勇士” 沿途留守七八位，直路走中檔全力衝刺，可惜一路都 有啲內閃，跟住“手機錶霸”同“潮州精神”中間冇位，去到最後幾十米先至打開，最後200米開全場最快末段11秒93， 返到嚟僅僅輸個馬頭、非常不值.....
“陽光勇士”今季出賽九場評分由季初53分加到依家63分，最近跑五場千四米得兩冠兩亞、非常進步，未來跑三班依然孭輕磅仍然可以爭取頭馬....
好快同大家回顧返今日四匹分享馬出賽嘅表現，大家可以做做筆記，睇下有咩馬值得跟進，今集講到呢度，我下次再見，拜拜.....

[@user-oo4pb3yy4b]

得第八場有得分，瓜兩匹三歲馬大熱Q，頭馬新力好隔夜大熱W3.5倍，P3.1倍咁冷，預咗瓜，賢瓜開韋

[@waikilaw2731]

一定掂毫無鬥志下衝上來，在大外攔也要不斷被前面那匹馬阻住！！！質素不用擔心！！！！！！！

[@alisha0125]

羅兄🌤早晨🍔🍟🍦 隻馬好生、早段尾三唔規矩，走順直路開全場最快末段，收復不少失地，下次有决心就贏得

[@user-oo4pb3yy4b]

方希Q兩條，不時都會開

[@user-oo4pb3yy4b]

告東尼/姚本輝各一匹Q腳，沈集成最叻第四，連續四期冇P，好叻呀

[@rockyhon4940]

😂😂😂！尾塲一個你介紹的楊光勇士！一個我話你知的鄭先生！鬥志高昂！13-14位置Q$171冇得走啦！多謝主持人介紹！

[@alisha0125]

Rocky哥🌤午安🍜🍕🍧🍹 都係老友記正能量⚡思維帶來好運💚恭喜👏恭喜👏

[@rockyhon4940]

@@alisha0125 你話老鄭是否像何伯（76）一樣老糊塗？？或者係六神無主？自信過高或是佢認為隻馬贏得？隻滿歡笑今塲點解仲唔輸10個馬位博落班？？落一班的對手肯定食？😢😢😢

[@alisha0125]

Rocky哥，客觀分析，如果你代入佢嘅諗法， 而家只淨返兩個零月，部署安排上真係好有難度，正所謂"等唔嚟"，作為練馬師見到隻馬真係狀態勇，"搏咗先"呢個心態係不難理解

[@rockyhon4940]

@@alisha0125 這些只是表面睇！我見佢贏馬時很多馬主為佢高興！比起昨天丁仔贏馬時的情況完全不一樣！再睇養馬數量！！我個人認為佢有一定程度的馬主支持！馬會一定不會俾佢死！！你睇大師挑本輝也在幫佢！

[@alisha0125]

@@rockyhon4940 你見馬會成日搬龍門延長批準練馬師一年一年續約，因為呢個"五班頭馬計兩場"制度明顯有缺憾，咁搞法好快下遊練馬師就唔見曬， 問題係新練馬師喺邊度請返嚟呢? 過往胡森、麥菲文、苗禮德、大家有眼睇，外國月光唔一定完過我哋....

[@user-oo4pb3yy4b]

一場快步速，利智勝攻略最快末段

[@rockyhon4940]

勝利同盟！降班下一班老弱殘兵！9檔好跑！宿在後面有遮擋又唔死位！直路望空衝！贏得！1170磅不怕重磅！🎉🎉🎉🎉

[@alisha0125]

Rocky哥🌒晚安🍒🍪☕ 早兩日丁仔隻"穿甲戰鷹"又轉咗馬房，而家佢總數得返25隻， 好急呀！於是咪右派隻"勝利同盟"跑2200囉....

[@rockyhon4940]

@@alisha0125 第一口孖寶啦！1號射落第=塲鄭俊偉！隻新力剛勝狀態保持！檔位靚！今塲冇也馬放頭！佢自己做步速！又係4班！計數架！更定有分頭！👏👏👏😋😋😋😋🤪

[@rockyhon4940]

請大哥幫手睇吓！提供一，二隻腳好嗎？🤔🤔🤔！

[@alisha0125]

@@rockyhon4940 "勝利同盟"最重磅排九檔增程跑2200，難道唔少呀，中途試下變奏或者係唯一出路， 真係唔敢睇好....😅

[@alisha0125]

@@rockyhon4940 rocky哥，第一場我鍾意2號豐盛多彩、5號國大合

[@user-oo4pb3yy4b]

四場班牛屎佬包四連環，12匹馬有6匹自己友，好精神先落飛唔係，獎金大少後落飛先係

[@rockyhon4940]

的香港人好奇怪！鄭俊偉是什麼人？晴王也去棒做大熱門？？？上季希威森是救佢的大功臣！如果晴王係得飛起佢？希威森不騎就知道死啦！😢😢！好奇怪姐！

[@alisha0125]

"晴王"熱門確係奇怪，傷患馬今季都未跑得返，等佢近咗先跟啦

[@rockyhon4940]

@@alisha0125 你可否評核一下第4塲輝煌精英同鑽石寶寶兩隻馬？第一次鑽石寶寶贏到輝煌精英冇得跑2個馬位！你話135磅之後應該差唔多！但今次輝煌精英贏鑽石寶寶又係冇得跑又係2個馬位？是否又係你話輝煌精英進步神速？？😂😂😂😂

[@alisha0125]

@@rockyhon4940 rocky哥，首先要糾正你嗰隻叫做"鑽石星空"唔係"鑽石寶寶"😁 上一場4月28號呢兩匹馬對壘，當時係黏地，頭兩段46秒71、總時間一分九秒六七（偏慢）由於黏地關係當日放頭，後面啲馬好難追，所以雙雙放甩對手贏咗; 今場正常場地頭兩段造出45秒79，畀標準時間快半秒，總時間一分零九秒02 ，亦都畀標準時間快四線，"鑽石星空"三歲馬今場孭135磅仲要跑快步速， 對一匹出賽只有三場嘅馬難度非常之高，相反"輝煌精英"受讓九磅順放前便走佔先機，所以可以反勝三馬位. 估計"輝煌精英"今場贏三個馬位都會被加八分去到59分，將來兩匹馬如果再跑四班都要孭重磅，優勢就會大幅減低.

[@rockyhon4940]

@@alisha0125 我真的很高與同你以馬會友！從中學習到現在馬友的思維！我脫咗節啦！我選擇馬匹是從人際關係方面着手！我不會睇馬狀態！多謝你的高見！🙏🙏

[@user-oo4pb3yy4b]

個個驚鄭俊偉畢唔到業，三場頭馬，大把時間啦