Súkkulaði

Lagið Súkkulaði er ástaróður til súkkulaðis og er eitt af 5 íslenskum aukalögum sem má finna á breiðskífu SamSam. Platan kom út í nóvember 2014 og heitir einfaldlega SAMSAM. Textann má finna hér fyrir neðan:
Lag: Hólmfríður Ósk
Texti: Hófí og Greta
Útsetning: SamSam
Súkkulaði:
Ég man ei okkar fyrsta fund
fyrir löngu síðan.
Þú léttir ávallt mína lund
og bætir mína líðan.
Gaman vær´að hafa þig
hjá mér alla daga.
Vont það væri fyrir mig..
..en það er önnur saga.
Án þín lífið bragðlaust er.
Mér þú svo margt gefur.
Ég fæ ekki nóg af þér
og þrá mín aldrei sefur.
Þegar eitthvað bjátar á
þú sefar sorgir mínar.
Á gleðitímum vil þig fá
sú löngun aldrei dvínar.
Án þín lífið bragðlaust er
hér í þessum heimi.
Ég fæ ekki nóg af þér
og þér ég aldrei gleymi!
En ég er ekki sú eina
sem þráir að eiga með þér fund.
Flestar konur kjós´að reyna
að hugs´ekk´um þig hverja stund!
Mér finnst gott að nart´í þig
og drekka þig með hraði.
Best er þó að borða þig
elsku súkkulaði,
elsku súkkulaði.