شكراً على الإعجاب | كلمات مشاري الرشيدي اداء ماجد خضير 2023

إشترك وفعل التنبيهات بـ قناة مساعد البراك الرسمية للحصول على الجديد
إهداء الى رجل الافعال : عايض بن فلاح بن رقيب
كلمات : مشاري الرشيدي
اداء : ماجد خضير ‪@majed_khudairl‬
تصميم : مساعد البراك
‏‎للتواصل مع مساعد البراك
سناب
‏ / msa3d_albrrak
‏‎ تلجرام
👇🏻👇🏻👇🏻
‏t.me/msa3d_alb...
كلمات القصيدة
ياوجه الله وبسم الله المعطي الوهاب
اسمّي وانا ابو العلم والعلم سميته
كلامي موجّه صوبكم ياأولي الألباب
ولا لي شغل باللي مايفهم لاحاكيته
من يروح لقمة للدهر بين ضرس وناب
ماصاده سوى هقواته اللي مهقويته
لو العمر مايركض ما شب الشباب وشاب
سنينه من اللي فات ماهي بـ معطيته
ياخوفاه من عدواني اللي بشكل اصحاب
وياطيباه ياللي غدرهم ماتحريته
ياجمهوري الغالين شكراً على الإعجاب
ترى اعجابكم عن راحة النفس بديّته
لو الشعر مايحتاج قوة وحرب اعصاب
ياكم شاعرٍ تصلخ وتطبخ عفاريته
وانا شاعرٍ عندي مشاكل مع الأحزاب
وحزب ٍ تجاهلته وحزبٍ تعديته
ياوجدي على جيل ابن مربح وابومشعاب
وياصبري على شيٍ حصل ماتمنيته
لو اكتب معاناتي تبي تتعِب الكتِاب
وشيٍ مابيه يبين للناس خفيته
وعذراً بدون حجاب ساقت بسوق حجاب
لو اكتب غزل فيها ولا بيت سويته
ومااعرْف امدح الا نادرٍ للثناء كساب
ولا كل ما غنوا به الناس غنيته
لا قلت اعذب الشعر اصدقه ماني بـ كذاب
على ذمتي عن ذمة الشعر حطيته
لا جنّح ظلام الليل كنه جناح غراب
ياكم قاف سراني مع الليل سريته
متى ماقدرت اصك باب انفتح لي باب
ما يلهيني الا الفرض لا حل صليته
اقدم دروسٍ تشرح الشعر للطلاب
مثل مايقدم عايض دروس في صيته
ولد عمك اليا جاك ذكره مع الاجناب
لامرت وسبع انعام ماهي متعديته
تراه متجمل فيك في ذكره اليا طاب
لوانك ولا فنجال عنده تقهويته
على طاري اللي فيه ظني ماعمره خاب
ومنصاي بعد الله لاضاقت تنصيته
مثل وقفة ابن رقيب عايض تفك ارقاب
لاجيته ماساق العذر مع كثر ما جيته
ياعايض ماضرك سم لا عقرب ولا داب
ومن يعترض لك في طريقك توطيته
صغار الاسامي لو تسابق على الألقاب
يحسبون كلٍ يصِلْه المدح في بيته
تعليّت يابوعلي يا عالي الأنساب
وتساميت بـ افعالك عن مسحّب بشيته
يقولون ماتحدك على الضيق غير اسباب
واقول انت حتى الضيق للضيق حديته

[@Msa3dAlbrak]

شرفوني فالسناب .. ⭐️ 🤍 t.snapchat.com/rpuYjsha

[@user-xs5nx2hg6l]

🥰🥰👍

[@user-xs5nx2hg6l]

صح لسانك كفو كفو

[@user-gr9fl3tj8h]

يستاهل ابوعلي مليون نعم ماهي سبعة انعام اقول صح لسانك يابو مساعد وانشهد انك شاعرا كفوو مدحت رجل كفوو يستاهل حزام عبس يستاهل عايض فالح

[@user-tp7rw4cw3f]

عزالله انك أبدعت يبو مساعد

[@user-df7uz8fi7k]

صح لسانك ويستاهل ابو علي

[@sjr3226]

الله ابدعت ي مشاري

[@user-pt4po5dd3v]

صح لسانك يا مشاري مبدع من يومك وكل الشكر للمنشد ماجد خضير🌹🌹

[@user-tt1th7lt8c]

لاوالله يستاهل ابوعلي مليون نعم ماهي سبعة انعام اقول صح السانك يابومساعد وانشهد انك شاعراً كفوو ومدحت رجل كفوو يستاهل حزام عبس الشيخ عايض فلاح ابن رقيب

[@user-qc4zr4on2e]

الله الله صح لسانك يابو مساعد شاعر جزل وابداع متواصل وعايض بن رقيب رجل كفووو وصاحب مواقف نبيله ماينكرها الجميع ويستاهل

[@user-qc4zr4on2e]

وصح الله بوح المنشد المبدع ماجد خضير

[@user-rm8ue2or3s]

صح السانك ي ابومساعد يستاهل ابن رقيب مجمل عبس

[@user-pe7vy8sp4h]

الله عليك يبو مساعد ابدعت صح لسانك شاعر بني رشيد

[@Amhmid]

مبدع

[@user-st8oe9ly6z]

صح لسانك ياابومساعد انت شاعر جزل ولاتجيب لاالشعر الجزل وابوعلي كفو وعزالله انه قد الهقوه دايم لانصاه رفيقه مايقصر بواجبه مع القريب والبعيد

[@user-hm4oo6qr4n]

الله الله عليك يامشاري والله مادري وش اقول ويستاهل ابن رقيب

[@masoudalbarak4400]

صح اللسانك ي مشاري ومبدع ودايم مجمل ورافع روسنا ي ماساعد الله يحفضك