شيلة - زواج الشاعر عبدالرحمن بن شلاح كلمات مشاري الرشيدي اداء شبل الدواسر 2022

إشترك وفعل التنبيهات بـ قناة مساعد البراك الرسمية للحصول على الجديد
كلمات : مشاري الرشيدي
اداء : شبل الدواسر
تصميم : مساعد البراك
‏‎للتواصل مع مساعد البراك
سناب
‏ / msa3d_albrrak
‏‎ تلجرام
👇🏻👇🏻👇🏻
‏t.me/msa3d_alb...
الكلمات
هد ياليل ياليل الهدوء والسكينة
ودي اهدّي الهاجس من اللي طراله
خاطر الشعر متضايق ونفسه حزينة
ويتوجد على الماضي ماحالك بحاله
له علي المقام اللي يشوفه بـ عينه
لين انسيّه كل الحزن و أسر ... باله
قالوا الشاعر امن الجن عنده قرينة
قلت مالي قرين الا الشعر في مجاله
جيت ابقطع ضماء روحه واجدد سنينه
سال سيل القريحة وانتعش من ... خلاله
لين خلا افياضه كنها فياض لينة
لااخضرت عقب وسميٍ صدوقن ... خياله
من ملكني جميله له ارقبتي رهينة
علموا من ملك قلبي بروعة جماله
يوم زانت بفضل الله والاحوال زينة
ياقصيدي تراك مجمل بكل حاله
لاتحرى يابن شلاح غير السمينة
مالك الا الجزاله وانت شاعر جزاله
اترك اللي يحط العذر بينك وبينه
ايتطوى مثل طي الرشا ... بالمحاله
وازهل اللي ياسعد اللي يحطه يمينه
بالمواقف يسدك عن قبيله لحاله
يوم موعد زواجك كلنا محترينه
مثل عيد الفطر يوم نتحرى هلاله
راكب اللي ماودك يركبه من يهينه
ان عرف قيمته ماعنده الا حلاله
لااشتغل تقل مصنوعٍ بليا مكينة
مالها صوت قبل وبعد صوت اشتغاله
حظ والله من اثار السجود بـ جبينه
لاتوكل على الله فوق جيبٍ وكاله
واضح الدرب لااحدٍ ينشد الدرب وينه
لااستوى الدرب للي كل درب استواله
تقل مااعرْف طريق الا طريق المدينة
وجهي لـ حفل شيخٍ محفله يـنعناله
ماتغارب على سليمان سلمت يمينه
الكرم والعلوم الغانمة راس ماله
شايبٍ عقّب عيالٍ على نهج دينه
اشهد انه على النوماس ربى عياله
طيبهم وهبه من الله ماهم شاحذينه
طاب راس الولد من طيب ابوه وخواله
من سلايل رجالٍ مجدهم وارثينه
الذرى والظلال اللي يذري ... ظلاله
النميان عون اللي يبي من يعينه
الهم الطيب دايم ينتمي والجماله
والنعم بـ اللي تعز النعم ماتهينه
كفو ياللي تطول كفوفهم كل طاله
ربعي ابناء مهيمز جمعهم حان حينه
وصل الأرحام واجب من وصول الرسالة
من قبل نجتمع طيب النسب جامعينة
مثل ما نجتمع بالمرجلة والشكالة
كلنا ابناء رشيد وموقفه محتمينه
لااعتزينا وحنا عبس مجد الأصالة
الرشيدي على الجزلة ماهم سابقينه
لو يطيرون مايجارون حتى ظلاله
الرشيدي رشيد العقل ياجاهلينه
يخلِف عقولكم قدام يلبس عقاله
أهله قبل يبلغ رشده مـبلغينه
يدري انه من اطيب ساس واطيب سلاله
بـالمراجل عقيدٍ ماعقد حاجبينه
ان نطح كل طرقي وان نطح كل قاله
ينطح الموت عن ربعه بـ جنبٍ متينة
وينطح الضيف بالترحيب من طيب فاله
من يعاديه يبشر بلعنة والدينه
ومن يخاويه مادّور خويٍ بداله

[@user-uy1fq5cg5g]

صح الله السانك يا ابو مساعد وعيال شلاح يستاهلون أكثر

[@aaaaaaaa3726]

صح لسان الشاعر مشاري سرهيد كسبها شعر ورجوله الله يزيده من فضله

[@sultanalbrak404]

صح لسان الشاعر مشاري سرهيد وصح صوت شبل الدواسر و ابدعت يامساعد طال عمرك

[@fgxjg6004]

تحياتي لك المنشد شبل الدواسر

[@masoudalbarak4400]

ابدعت يامساعد الله يحفظك و تــــــــــــــــــــــــــــــــسلم يمينك♥️🌸

[@user-sf9vu9uq1s]

صح لسانك مبدع والله ياابو مساعد بيض الله وجهك صح صوت شبل الدواسر

[@user-fn6ne6ug6b]

صح لسان شاعرها 👋 ومنشده .. مشاري يقدر وعبدالرحمن ابن شلاح والله يستاهل الله يوفقه في حياته الزوجيه 🌹🙏

[@user-uu4lu6xu9u]

يستاهل ابن شلاح وصح لسانك الشاعر مشاري الرشيدي

[@fgxjg6004]

صح لسانك يا تاج راسي مشاري تحياتي لك من حمدان الرشيدي من السودان

[@user-ms4ok2ec8f]

صح لسانك يابو مساعد كفؤ كفؤ بيض الله وجهك دايم مشرف👏👏👏👏👏👏👏👏👏👏👏👏👏

[@user-rz7fh4tb7p]

كفووو والله ي ابومساعد

[@user-ly1ng4dp1o]

مبدع

[@Khaled_ga]

صح لسانك يبو مساعد اشهد بالله انك شاعر جزل ومحمل بكل محفل

[@bbb8052]

صح لسان ابو مساعد على الكلمات وابن شلاح يستاهل وابدع فيها المنشد ابن فصلا ولاهنت يامساعد على التصميم

[@user-fv8wg8kr1i]

كفوو والله وصح لسانك يابو مساعد اشهد انك خليفة مساعد

[@user-rm8ue2or3s]

يسلام👏🏻👏🏻👏🏻👏🏻👏🏻👏🏻

[@user-pe7vy8sp4h]

صح لسانك يبو مساعد نحت من صخر 👍

[@user-tg2vb5gc6u]

مشاري حر من احرار بني رشيد ونعم الرجل

[@mosaalmaafa2272]

صح لسانك وبدنك اداء حماسي

[@user-ly1ng4dp1o]

صح الاسانك ي ابوسرهيد