اشنو الفرق بين امو تضامن وامو شامل التسجيل في امو الشامل (الضمان الاجتماعي)؟ AMO TADAMON AMO CHAMIL

شحال من واحد ولات عندو امو تضامن ولا امو شامل
او كيقول شنوا الفرق بيناتهم؟
واش كاين شي خلاص ولا لا ؟
كيفاش نتسجل في امو الشامل ؟
واش عندي لحق نختار اللي بغيت فيهم ؟
تسجلتوا في السجل الوطني والسجل الاجتماعي
مشيتوا او جيتوا للمقاطعة السيبير الكاتب العمومي كثرت لوراق
لمهم هاد الشي كامل باش في الاخير اللي عندوا المؤشر قل من العتبة ولات عندوا أمو
(تا الناس اللي كان عندهم راميد راه دازوا نيشان لاموا من بعد ما تسجلوا في السجل )
جاتكم الورقة ديال لاسينيسي او كتسولوا كيفاش نخدموا بيها
هاد السلسلة خصصتها
مواضيع مختلفة سبق طرحها :
1 - سلسلة تضم كثير من المواضيع حول علاجات الاسنان (لعمارة، قتيل العرق، ديتاغتغاج، الفيكس، الراديو بانوراميك ...)
• عند طبيب الأسنان
2 - سلسلة خاصة بالناس ديال امو تضامن (مواضيع مختلفة، تعمار لوراق، علاج الاسنان، الراديوات، العمليات، الولادة ...)
• سنلام اطلانطا تأمينات ...
3 - سلسلة حول العمليات الجراحية والتحمل وكل ما يخصها
• العمليات الجراحية
4 - سلسلة تتحدث عن الامراض المزمنة، كيفاش تقاد الملف، التعويضات 100% ايمتاش تاخذها
• الأمراض المزمنة وطويلة...
5 - سلسلة امراض العيون وتعويضاتها (الجلالة، الراديوات ديال العينين ... )
• عند طبيب العينين
6 - سلسلة التأمينات التكميلية سنلام، اطلالنطا (الشرطة، التعليم، الفلاحة، القوات المساعدة، الصحة، ...)
• سنلام اطلانطا تأمينات ...
7 - سلسلة خاصة بالطلبة وعلاقتهم بكنوبس (الاسنان، العمليات، العنوان البريدي، ...)
• الطلبة وكنوبس
8 - سلسلة حول الراديوات والاستكشافات الطبية (السكانير ، TDM ، IRM ... )
• الراديوات والاستكشافات...
9 - سلسلة حول التلاعبات الللي تحضي منهاعند الاطباء المصحات او الناس اللي كتبيع ليك الاجهزة الطبية (جهاز الادن، تلاعب INP ...)
• تلاعبات بعض الاطباء
10 - سلسلة مواضيع مختلفة حول التغطية الصحية
• مواضيع مختلفة حول التغ...

[@جولةحولالعالم-ح7و]

بارك الله فيك على المعلومات القيمة لتعريفنا الفرق لأمو الشامل وآمو تضامن

[@CNOPS_CNSS]

على الرحب

[@Salem_voice]

كون غير خلاو لينا الرميد كنا بعدا كنستافدو ولو شوية حسبنا الله ونعم الوكيل فاخنوش وحاشيته🤲🏻

[@CNOPS_CNSS]

للأسف يا أخي

[@Salem_voice]

@@CNOPS_CNSS مشيت اخويا الكريم لسبيطار ندوز فالمستعجلات عطيتهم ورقة تاع امو تضامن ميتة ليا ديك لي عططاونا اول مرة بلاصت رميد فيها عام 2022 ومكنت عارف ملي عطيتها لهم قالو لي ماتت خلص ربعين درهم واش هاد الورقة بديلة الرميد كسفاش اخويا نجددها ؟وشكرا

[@الامبراطورالمغربي-ت2و]

ممكن حلقات على القيمين الدينيين و شرح تأمين تكميلي مع شركة الوفاء ..و كذلك شرح مزايا مع ارامل القيمين الدينيين وشكرا

[@CNOPS_CNSS]

للأسف قبل كان عندي معلومات ، لكن حاليا منين دازوا لوفا مازال ما عنديش شي معلومة ، اذا وصلاتني شي حاجة ننشرها ليكم بالنسبة لاسينيسي راه تستافدوا بنفس الطريقة اللي كيستافدوا بيها جميع منخرطي سنيسيس او اللي كنشرح في الفيديوات

[@الامبراطورالمغربي-ت2و]

@@CNOPS_CNSS شكرا سيدي المرجوا دعم هذه الفئة بالشروحات لأن حقوقنا مهضومة مع المنذوبية ولا أحد يرشدنا إليها

[@naimazeerouk2735]

الله يجازيك ولدي عبد الرحيم شرحك وااأضح ما شاء الله عليك الف لايك

[@CNOPS_CNSS]

الله يكبر بيك

[@abdelazizelabsi5336]

شكرا جزيلا على كل هذه المعلومات المفيدة.

[@مشاعر-ذ9خ]

وعليكم السلام والرحمة والبركات السي لعروسي جزاك الله عنا خيرا🤲 بالتوفيق والنجاح

[@CNOPS_CNSS]

الله يكبر بيك

[@asmaeelidrissi562]

الله يجازيك بالخير، شرحتي لينا حسن صونطر دابل ديال cnss

[@CNOPS_CNSS]

مرحبا

[@Maroc.nostalgie]

الله يخليك عندي واحد السؤال إلا ممكن تجاوبني شحال هادي كنا كنستافدو من Amo بالمجان من بعد وفاة الأب طلع المؤشر ولحد الان مزال متقيدنا ف amo الشامل واش إلا تقيدنا غادي نبداو نخلصو من داك الشهر ولا خصنا نخلصو حتى الشهور لي دازو

[@CNOPS_CNSS]

هو فاش غادي تسجلوا غادي يطلع أنهم كيتسالوكم الاشهر الماضية ، لكن راه لحدود الساعة ما كاينش شي حاجة تلزم بالاداء، لأنه من ناحية المبدأ غادي نخلص الشيء اللي كنستافد منوا يعني تسجلوا ، او خلصوا فقط الاشهر انطلاقا من التسجيل او راه في الشهر الرابع يتفتحوا ليكم الحقوق

[@حمزةالشرادي]

جزاكم الله خيرا أخي العزيز عبد الرحيم

[@CNOPS_CNSS]

الله يكبر بيكم ❤❤❤

[@DrissChrif-j6f]

السلام عليكم ورحمة الله تعالى وبركاته.العز و النصر لكل المغاربة الأحرار أينما كنتم بشعار الله الوطن الملك.🎉🎉🎉🎉🎉😂😂😂😂😂😂😂❤❤❤❤❤❤❤❤

[@CNOPS_CNSS]

✌️✌️✌️✌️

[@amallamrani3712]

شكرأ على كل هذه المعلومات القيمة

[@KhadijaAboussabek]

الله يشفي ملكنا ويحفظه ياربي

[@CNOPS_CNSS]

امين وكل المسلمين يارب

[@مشاعر-ذ9خ]

ولدي لعروسي انا كنت مريضة ومشيت للجنة الطبية فالرباط وعطاوني 5 سنوات رخصة مرضية طويلة الامد 3سنوات اجرة كاملة 2 سنوات نصف اجرة وخلال ال5سنوات كنقدة شواهد مرضية مدة كل واحدة 6 اشهر وكانت يجيني الفحص المضاد وكلشي تمام مارجعولي حتى شهادة مرضية من بعد طلبت التقاعد النسبي المرضي ، وقفت الاجرة عام وشهرين وخلال هذه الفترة وصلتني مراسلة من الخزينة العامة مفادها انني اخذت مستحقات لا استحقها ومطلوب مني ارجاعها وكان المبلغ 157 الف درهم هل سبق ليكم قابلتو مثل هذه الحالة ولدي ؟ راني ماعرفت كيف نراسلك فالاميل وشكرا ولدي

[@CNOPS_CNSS]

سبق شفت هاد المسألة عندك ، ولكن للأسف يا سيدتي ما نكذبش عليك ما عنديش فكرة على الموضوع اللي غادي يفيدك أكثر هو تشوفي شي محامي ، لأنه غادي يشوف القانون ديال الوضيفة العمومية على حساب فين خدامة ، او من خلالو يقدر يلقا ليك الحل من الافضل شوفي شي محامي

[@مشاعر-ذ9خ]

@@CNOPS_CNSS شكرا ولدي الله اجازيك بخير 💐💐💐💐💐💐

[@fatimaezzahraamani1422]

السلام عليكم. راسلي الخزينة العامة في موقعها و شرحي وضعيتك و اطلبي يعطيوك ديالاش بالضبط هاد المبلغ. راهم تيجاوبو بالتفاصيل

[@Khalid-fw9us]

نجومية الملك في قلوب وعيوني الشعب المغربي بدأت تفل وتضمحل حتى في خطب الجمعة عندما يبدأ الخطيب في الدعاء للملك وحاشيته الكل يخفض يديه تعبيرا عن عدم رضاهم على ملك ترك شعبه ينهش فيه المرض والفقر ورجالات الدولة الفاسدين

[@CNOPS_CNSS]

ليس دفاعا ولكن من وجهة نظر متابع ومتخصص في المجال الملك عندما يعطي توجيهات فهي تكون خارطة ، المشكل ليس فيه المشكل الاساسي في التنزيل وفي بعض من يحسبون نفسهم فوق القانون الملك قتال التغطية الصحية للجميع ، لمن من كلفوا بتنزيلها هم من أنزلوها بطرق غير عادلة وهنا يجب توجيه شكايات في الامر من طرف المتضررين ليصل الصوت

[@khalidguazar4928]

​@@CNOPS_CNSSج

[@Ahmad-n8z4w]

😂 الصمت حكمة في بعض الأحيان​@@CNOPS_CNSS

[@KhadijaAboussabek]

المغربي الأصيل متشبت بملكه الله يحفظه ويبعد عليه كل شر ان شاء الله

[@mdryd4347]

شكرا على التفسير الواضح .

[@CNOPS_CNSS]

على الرحب

[@AyoubAzir-c5y]

السلام عليكم انا يالاه بديت كنتسجل ف امو على قبل ولدي مريض مرض مزمن او اليومة مشيت المقاطعة باش يقولولي المؤشر او لقيتو 9,93 او قلولي هنخلص كل شهر 230 درهم يعني انا مباشرة تحسبت مع الناس ديال امو الشامل

[@CNOPS_CNSS]

المؤشر طالع بزااااف يا أخي ، خاصك تحاول تنزلو شوية ، باش يكون أقل من 9,74 أو تاخد الدعم اللي بيه تبقا تخلص أمو اشامل من بعد ما تخلص ثلاثة أشهر غادي يتفتحوا ليك الحقوق للإبن

[@AyoubAzir-c5y]

@CNOPS_CNSS شكرا جزيلا

[@MohammedBourazouk-hg1ny]

كينة وحد المرأة خدامة في شركة تصبير السمك بغات تحول لشركة أخرى واش الأيام ديالها متخافش عليهم ؟ عندها دابا 850 يوم عمل بغات تحول وخافت بغيت نسولك الى عند شي معلومة على هذه القضية الله حفظك

[@CNOPS_CNSS]

لا ما تخافش عليهم، الايام والنقط ديالها كيبقاو بالاسم ديالها

[@salmasalma8710]

اول مشاركة.شكرا

[@CNOPS_CNSS]

مرحبا ❤❤❤

[@topchaapimarocan7922]

واعباااد الله اش هادشي ىاه تغطية صحية خاصها تكون فاااابور واش هادي دولة اسلامية ولا شنو

[@CNOPS_CNSS]

للأسف

[@MainaHaytam]

Lah isawb osafi

[@fatimaezzahraamani1422]

السلام عليكم. تبارك الله شرح مفصل مبسط. والدتي عندها الرميد،تتستافد بيه على أمراضها المزمنة.ليس لديها عمل أو عقار أو دخل. بغيت نسجلها في amo Tadamon.غتكون غير بوحدها في التسجيل. ممكن أخي

[@CNOPS_CNSS]

راميد ما بقاش من زمان أخر من كتن كيستافد بيه وقف ليه في 12/2023 يعني الى في ديك الفترة ما تسجلش في امو تضامن فراه كان تسد ليه راميد اللي غادي تديري حاليا هو تسجليها في الشجل الوطني الموحد، والسجل الاجتماعي او تشوفي المؤشر اللي يخرج ليها هو اللي غادي يقول ليها اشمناموا تستافد غالبا غادي يجيها المؤشر طالع فيه الدعم ديال 500 درهم او منها تخلص أمو الشامل

[@fatimaezzahraamani1422]

@@CNOPS_CNSS بارك الله فيك أخي

[@arwaabdo2996]

مرتبط بعدد أفراد الأسرة وخ مخداكش موالو تيكون مؤشر مرتفع وخ مطلقة بولادك للأسف

[@Jamal-o7p]

ججك الله خيرا اخي

[@Fatimazakaria8]

السلام عليكم جزاك الله خيرا اخي واش حتى RMA كتعوض بالنسبة لابراي فيكس

[@CNOPS_CNSS]

ما نقدرش نعرف ، كاين كونطرا بين المشغل والتأمين او فيها شروط ختصة، غادي يخصك تسول في التأمين نيت

[@rajawichichaoui5849]

بالنسبة prise en charge فالمستشفيات العمومية كاين ولا لا . وشحال خاص باش يكون عندك الحق فيه . وشكرا

[@CNOPS_CNSS]

اه كاين ، بالنسبة لامو تضامن التحمل كلي بالنسبة لامو الشامل كيخلصوا الفرق ديال 30 في لميا ولكن راه التحمل ماشي في كلسي ، راه فقط في الاسياء اللي القيمة ديالها فايتة 200 درهم

[@kamalkimo8877]

​@@CNOPS_CNSS وفي المستشفيات الخاصة وعندك حق مفتوح في امو الشامل۔وبغيتي تدير واحد سكانير للثمن ديالو مرتفع واش كتخلص غير الفرق ولا كتخلص كولشي وكيعمرو لك باش تدفعهم

[@CNOPS_CNSS]

@@kamalkimo8877 لا كتخلص كلشي تا تتعوض من بعد غير هو رد لبال السكانير ولا ليريم راه الثمن غاليا بزاف لكن التعويض غير على قد الحال تفرج هنا تعرف الثمن ديالهم kzbin.info/www/bejne/oXaskGdsr69nZ7ssi=OTOykOycNJhu1IG0

[@fatimalamaizi7601]

سلام خويا انا انشاء الله باغا نولد في مستشفى خاص واش ممكن غادي نخلص كولشي عاد اعوضني ولا نخلص غا لفرق نتمنى تجوبني عندي امو تضامن

[@CNOPS_CNSS]

من حقك الطرق بجوج لكن قلبي على تخلصي فقط الفرق شوفي هنا سبق شرحت الولادة العادية kzbin.info/www/bejne/habGmpJpn7KgkMksi=PlAY5DMFzlfLwuYe هنا الولادة القيصرية (اللي قلتوا على سنيسيس صالح ليك في امو تضامن ) kzbin.info/www/bejne/lYibg5SYjJitic0si=rrFNsYm53lKL--fo

[@rffvdv4464]

خاي الله يحفظك واش كاينة شي حلقة على السيكاتريس بسبب الجرح . شكرا

[@CNOPS_CNSS]

لا السيكاتريس ما يتعوضش، كيتعوض فقط العمليا ولا لخياطة ولا الحروق

[@rffvdv4464]

@@CNOPS_CNSS اوك شكرا الله يحفظك

[@CherkaouiNouhaila-nu4wh]

سلام خويا انا مشيت ندفع بروزون شارج حيت عندي عملية د الولاده لقيت امو توقف ومشيت تسجلت فامو شامل وخاصني نخلص داكشي لي جمعو عليا دبا سؤال امتى غيمكن ليا نستخدم امو جديد

[@CNOPS_CNSS]

ممكن ما تخلصيش اللي فات ، تخلصي اللي عندك حاليا ، غير هو غغادي يخصك تخلصي 3 اشهر عاد يتطلق ليك في الشهر الرابع

[@Rajaachannel]

السلام أخي بغيت نسولك واش ممكن نتسجل غي أمو شامل و نخلص داك مبلغ شهري انا في عمري 32 سنة ؟ بغيت نولد و نتعوض واش ممكن و كيفاش ؟ انا نعندي ضمان الاجتماعي

[@CNOPS_CNSS]

واش عندك الضمان الاجتماعي ؟ الى عندك راه معاه كتكون التغطية الصحية الى ما عندكش ، خاصك تسجلي في السجل الوطني والاجتماعي الموحد ، او تخرج ليك المؤشر او داك الساع عاد تسجلي في امو الشامل

[@nad.b4901]

السلام عليكم . عندي استفسار. واحد السيدة مطلقة و عندها إبن و عندها الدار و لكن ما خداماش ، كتعيش من النفقة و مساعدات الأخوة ديالها لأنها سنها فوق 50 سنة و عندها أمراض مزمنة . واش المؤشر يطلع؟

[@CNOPS_CNSS]

صعيب نحدد المؤشر ديالها ، اللي عليها تتسجل او تشوف شحال يخرج ليها هو قد ما ككان عدد الافراد كثير كيكون مزيان او كيجي المؤشر طايح

[@hassanguenguou4775]

البنكي كايقول لي رقم الحساب البنكي خطأ اشنو الحل الله ايجازيك بيخير برغم ان الرقم الحساب البنكي صحيح وشكرا بغيت الجواب فأقرب وقت❤

[@CNOPS_CNSS]

غادي تمشي لوكالة ديال سنيسيس هوما اللي غادي يدخلو ليك الرقم من عندهم

[@Hamid22YT]

الله أكبر ولله الحمد والشكر

[@saddikkhadija3333]

السلام خويا عندي ولدي عندو مرض مزمنوالدواء معندوش دار امو الشامل وقالو ليه 3اشهر عاد يستافدواش واخا عندو مرض مزمن

[@CNOPS_CNSS]

للأسف اه هدا هو القانون عندهم حاولي الادوية تجمعي لكراطن تا يطلقوا ليه الاستفادة عاد دفعيهم او منين تطلق ليه الاستفادة جري عند الطبيب ديري ليه ملف مرض مزمن بحال شرحت هنا kzbin.info/www/bejne/mJyZcoCDfp6SrJIsi=f1aNAB6XnKPusThe

[@saddikkhadija3333]

@@CNOPS_CNSS عندو ملف ديال المرض المزمن ولكن لكراطن ديال الدواء كان كيتعامل مع لفارمسي وهما ليكانوا كيتكلفوا

[@malikasahel7914]

سلام اخي نتمنى تجاوبني شاء القدر واصيب زوجي بمرض تليف الرئة التي تتطلب الة الاوكسحين التي بدورها تستهلك الضوء ليلا ونهارا وبهذا طلع المؤشر كنا نود ان نتسجل في امو لكن خاصنا باش نخلصو شهريا سؤال هل في طريقة ما او ادارة ما نتوجه اليها باش يهبطو لينا هاد المؤشر

[@aichasebbah]

امو شامل واش كيكون فيه تقعد واش كيكون فيه لخلاص على لوليدات ولا لا واش كيتجمعو ليك داك نقطة بحال كنوبس ولسينيسيس

[@CNOPS_CNSS]

امو الشامل ما فيه لا تقاعد لا نقاط لا خلاص على لوليدات فيه فقط التعويضات على التغطية الصحية ، لامتيال

[@aichasebbah]

@@CNOPS_CNSS الا بغينا ه\اك لسينسيس لي فيه تقاعد شنو ممكن نديرو

[@khadijaer-rajy5211]

خويا عفاك واش كاين شي ڤيديو هدرتي فيه على الجوا أو التغليفة ديال السنة ؟

[@CNOPS_CNSS]

اه كاين هدا للناس ديال كنوبس kzbin.info/www/bejne/e5u2pGSXaLV9jc0 او هذا الناس ديال امو امو تصامن امو الشامل kzbin.info/www/bejne/rZjFpYOcbauGsJYsi=wzISFyjLOfsdHsQK

[@brahimhakkami4196]

سلام. خويا أنا عندي أمو تضامن ولكن دبا طلع ليا المؤشر. آش خاصني ندير في هاد الحالة واش نعاود نتسجل في آمو لشامل

[@CNOPS_CNSS]

اه تتسجل من خلال السيبير ولا كاتب عمومي ، او غادي يبداو يقطعوا ليك من فلوس الدعم اللي كتجيك

[@user-ke5jx8rx7f]

خويا الا خلصتي امو شميل من بعذ نزلتي المشير واش خترجع امو طضمون

[@abou-hamza4777]

تناقض صارخ.. امو الشامل قلت ليس لهم اجر ثابت فكيف يكون له حساب في البنك

[@CNOPS_CNSS]

غادي يمشي يفتح حساب باش الى كان اقل من 9,74 راه غادي يستافد فيه من الدعم أو من داك الدعم يخصل امو الشامل واتفق معك في قضية التناقض لأن الدولة باغا تدير لعبة سانك سانك ، كيف قلتي تخيل سيد ما عندوش دخل ، او عندوا المؤشر فوق 9,74 يعني ما غاديش يطلب الدعم، يعني ما غاديش يفتح حساب ، كيفاش اذن يستافد من اموا الشامل ؟؟؟ هو القالب مبني على سير فتح حساب او يدير الله خير منين ندوزوا للاجبارية او غادي يبان الخير ديال الحكومة باقي افلام جايا

[@firamcool6241]

​@@CNOPS_CNSSازيدك هدي الأسرة مكونة من 4 اشخاص كلهم غيخلصو واحد لي كيشد الدعم لهو رب الأسرة الاخرين منين غيخلصو الله اعلم

[@CNOPS_CNSS]

@@firamcool6241 صحيح

[@BRAHIMMACHHOUR-vq7to]

من فضلك بالنسبة للطلبة منين نقدرو نحصلو على نيميرو ديماتريكسلصيو و رقم الانخراط لي كنملؤو بيهم ورقة العلاجات ولا ماشي ضروري نعمروهم

[@CNOPS_CNSS]

ما تحتاجهمش ، نتوما الطلبة كتخدموا فقط ب رقم البطاقة الوطنية

[@BRAHIMMACHHOUR-vq7to]

@@CNOPS_CNSS شكرا

[@adamgamer823]

السلام عليكم. سيدة مسجلة هي والابنة ديالها المطلقة كأسرة واحدة ساكنين بنفس المنزل. ويستافدو من الدعم المباشر . المؤشر ديالهم مايمنحش ليهم أمو تضامن. ولكن مامسجلينش فأمو الشامل. وبغاو يتسجلو . واش كل وحدة تخلص أمو بوحدها ولا نفس الخلاص يشملهم ب 2.

[@CNOPS_CNSS]

الى الابنة أقل من 21 سنة راه تدخل مع الام ، الى كتقرا تبقا داخلا معاها تل 26 سنة او تسجل مع الام الى فايتة 21 او ما كتقراش راه تتسجل بوحدها

[@zahranariman8052]

السلام عليكم اخي من فضلك عندي،سؤال الله جزيك بالخير .عندي أخ مريض مرض نفسي دخلته لمستسفى الرازي و هذه ليست أول مرة ولكن هذه المرة تختلف لأن أخي لا يملك امو وطلبوا مني أذاء،مبلغ كبير جدا و بغيث نعرف اش ممكن ندير أو نعمل باش الأخ ديالي منخلصش عليه الإقامة في الرازي .المرجو الرد الله يرحم الوالدين

[@CNOPS_CNSS]

ضروووووري تغطية صحية غادي تحاولي تسرعي العمليات في المقاطعة باش يخرج ليه المؤشر او تسمح ليه بتغطية صحية غير هذا راه ضرويري تخلصوا الاقامة في حال التغطية كيتحملوا عليكم بعد شوية

[@zahranariman8052]

@@CNOPS_CNSS شكرا أخي

[@KhalidAloukas]

خويا عفاك أمو الشامل الخلاص على لي جاهم المؤشر طالع واش إجباري أو إختياري و شكراً

[@CNOPS_CNSS]

حاليا راه اختياري ، يعني ممكن ما تسجلش كاع في اموا الشامل ، ولكن من بعد غادي يفرضوه على الناس

[@youmes-iq6lp]

مرحبا عافاك بغيت نسولك أنا كنخلص أمو شامل من شهر ماي 2024 و دابا دارو الحق مغلق رغم أني كنخلص كل شهر

[@CNOPS_CNSS]

غالبا ما وصلهمش الاقتطاع ديال الشهر ، ولا طلع ليك المؤشر شوية او خاص الاقتطاع يولي كثر ، عيطي ل 3939 او سولي يقولوا ليك المشكل

[@youmes-iq6lp]

شكرا لك ​@@CNOPS_CNSS

[@huaweipsmart7795]

السلام عليكم الام ديالي مستفدتش من امو حيت تسجلات بوحدها اوطلع ليها المؤشر ولاكن كتاخد الدعم واش غتخلص فيه شي حاجة

[@CNOPS_CNSS]

من بعد غادي يقدروا يحبسوا عليها الدعم ، غادي يخصها تتسجل في امو تضامن او تخلص من فلوس الدعم نصيحة من الافضل خلصوا او ديروه ليها ، ما كتعرفي الوقت اش تجيب او التغطية الصحية كتعاون شوية

[@huaweipsmart7795]

@CNOPS_CNSS كنشرك بزاف على الرد ان شاء الله

[@memorieschannel5722]

شكرا خويا والله العضيم احسن واحد كيشرح هادشي مزيان بارك الله فيك عندي واحد السؤال مشيت للبنك حليت لحساب للأب من بعد مشيت مكتبة وتسجل فامو الشامل وقالولي فالمكتبة يخلص كاش 150 dh فالكاش بلس من بعد ميتخلص لمدة 3 شهور عاد من بعد نرجع لمول المكتبة يكمل الإجراءات باش دخل الأم مع الأب ويربط الحساب البنكي مع [الدعم ،تغطية الصحية ] وتولي فلوس الدعم كدوز فالبنكة والإقتطاع ديال 150 dh كلشي يدار اطوماتيك واش فعلا هاذ الهضرة كاينا ؟؟

[@CNOPS_CNSS]

لا أ خويا هذا غير كيخربق عليك قول ليا أولا فين فتحتي لحساب البنكي ؟ واش بنكة ولا شي وحدة من دوك الوكالات الصغار ؟ الامور كيفاش كتمشي ، راه ممكن تديرها بوحدك بلا مول المكتبة كتدخل للموقع ديال التسجيل تتسجل عادي وبسيط في امو الشامل، او تعطيهم رقم الحساب البنكي باش هاكا منوا غادي يبداو الاقتطاعات، او الحساب البنكي خاصوا يكون ديال البنك (داك الشي باش قلت ليك واش فتحتي في بنكة ولا فيوكالة صغيرة ، شوف الفيديوا لتحت فيه حذرت من هاد لبلان) منين كتسجل او تعطيهم الريب كيبداو الاقتطاعات في الشهر المالي (تسجلتي مثلا ليوم، بداية فبراير يقطعوا الشهر الاول )، من بعد ما يقطعوا ثلاثة أشهر غادي يتفتحوا الحقوق للأب ديالك (غادي يتفتحوا في بداية ماي) عاد مسألة الدعم راها بوحدها، أصلا الدعم باش يجيك راه ضرووووري تعطيهم الريب ، الحساب البنكي اللي فتحتي تدخل للمنصة الخاصة بالدعم، تدير الطلب او تعطيهم الريب ، او صافي منين غادي يتقبل غادي يدوزوا ليك الدعم في الحساب راه الدعم بوحدوا ، أو اموا بوحدو التحذير اللي قلت ليك من الوكالات : kzbin.info/www/bejne/foqYhImlqKynrsksi=PVkveZA1ujN0NS28 كيفاش تتسجل في امو الشامل : facebook.com/watch/?v=410237205219572

[@memorieschannel5722]

@CNOPS_CNSS لا فتحت حساب فالبنك الشعبي

[@youmes-iq6lp]

السلام عليكم عافاكم عندي أمو شامل كيفاش نعمر irm ف الورقة و شنو خوما الوثائق المصاحبة الله إشافي الجميع

[@CNOPS_CNSS]

ورقة ديال ليسينيسيس يطبع فيها الطبيب او يعمرها وصفة تحدد ليريم او يكتب فيها علاش عطاك ليريم تمشي فين تدير ليريم او تديروا يكشيو ليك الوصفة يعمروا لبلاصة اللي خاصة بيهم في ورقة سنيسيس او يعطيوك فاتورة فيها الثمن اللي خلصتي او تدفع الملف او دير معاها نسخة من التقرير اللي غادي يعطيوك صحاب ليريم (غادي يعطيوك في الاصل صورة فيها ليريم معها شي سيدي او يعطيوك تقرير )

[@youmes-iq6lp]

السلام عليكم شكرا جزيلا على تقسام المعلومة الله إشافي الجميع

[@clevermr3281]

والدتي مسنة لا تعمل وليس،لها أي نشط مدر للدخل ، لا تستفيد من اية إعانة، كيف يمكن أن اسجلها لتستفيد من امو واي امو .

[@CNOPS_CNSS]

غادي تسجليها في المقاطعة غير هو شوفي شكون يدخل معاها في الاسرة باش ما يجيها المؤشر طالع حيث الفرد اللي بوحدوا اغلبية كيجيه طالع

[@fatimaezzahraamani1422]

​@@CNOPS_CNSS ويلا مكاينش معامن تدخل.شنو المعمول أخي؟

[@akhokomabdelilah3469]

جزاك الله خيرا اخي الكريم

[@CNOPS_CNSS]

❤️❤️❤️

[@AbdelfatahEssalmy]

السلام عليكم انا عندي السرطان والعوينات مشاو ولودنين مشاو وكندير الشيميو ودبا طلعو ليا المؤشر ولحالة ضعيفة شنو هو الحل آلله يجزيكم بخير

[@CNOPS_CNSS]

الله يشافيك او يعافيك للأسف المنظومة كارثية غادي تحاول تدير تحيين او طلب اللي في المقاطعة يديروا معاك شي حل تقدر أيضا تدير طلب للعامل اللي تابعين ليه ممكن يتدخل بشي حل

[@soumaasseydi6609]

جزاك الله خيرا

[@CNOPS_CNSS]

هلى الرحب

[@zaffatnadir]

خوي شخص الى مسجل في امو شامل انزل ليه المؤشر واش يرجع امو تضامن

[@CNOPS_CNSS]

اه دخل للسيت ديال امو تضامن او عاود دفع طلب او غادي يفتاحوا ليك امو تضامن او يوقفوا ليك الاقتطاعات ديال الشامل

[@zaffatnadir]

@@CNOPS_CNSS 🙏🙏❤️

[@abdelazizsalhi352]

سلام الله عليكم انا لا أعمل إلى حد الآن عمري 31 سنة ساكن في منزلنا مع والدي المتقاعد ووالدتي إني أبحث عن عمل ، فهل يمكنني الاستفادة من التغطية الصحية التضامن او الشامل؟ جزاك الله خيرا.

[@CNOPS_CNSS]

غادي يخص الوالد او الوالدة يتسجلوا او يديروك ساكن معاهم او شوف المؤشر شحال غادي يخرج بي المؤشر تعرف واش امو ولا امو الشامل تسجلوا في المقاطعة

[@faculte04]

خويا بغيتك تجاوبني على التغطية الصحية. بغيت نتسجل فيها ولكن معرفتش اش خاصني ندير. دابا حنا 6 في الدار 2 من خوتي موظفين وساكنين في مدينة أخرى وعندهم التغطية الصحية ديالهم. الوالد خدام موظف وعندو التغطية الصحية ومدخل معاه الوالدة وخويا الصغير. انا بوحدي لي بقيت عندي 23 عام عاطل ومعنديش التغطية الصحية. دابا واش مني نتسجل في السجل الموحد ندخل معايا حتى خوتي لي ساكنين في مدينة اخرى ولا لا. وفي حالة تسجلت مع مولين الدار وجا المؤشر طالع كيفاش غادي نستافد من التغطية الصحية

[@CNOPS_CNSS]

هادوا يا اخي حالات معقدين دابا الى تسجلتي بوحدك موشكيل تسجلتي مع مالين الدار موشكيل حيث الى بةوحدك غادي يجيك المؤشر طالع ، تسجلتي مع مالين الدار غادي يجي طالع كثر حيث الواليد موظف هو قانيا خاص الواليد يتشجل او يسجل معاه الواليدةاو الخ لصغير ، اوالمؤشر اللي غادي يخرج بيه تعرف واش يخر الدعو او لا لا ، او اش منامو عندك فيها الحق او تا لا تسجلتي بوحدك راه ما كاينش شي حاجة كتمنع ، غادي تسجل او تشوف المؤشر شحال يخرج ليك او بناءا عليه تعرف بغيتي نصيحتي خلي الامور غاديا حاليا ما حد باقثي ما كاينش الاجبار في الامر ، حيث خفتك تطيح في مشكل تتسجل او يولي خاصك تدخل لامو الشامل ديال لخلاص او تبقا تتجمع عليك سير شوف ليك شي لعيبة خدمو ولا دير مقاول ولا شي حاجة راك باقي شباب ، او بيها غادي تقدر تدير تغطية صحية

[@NismaTiswahom]

ممكن تجوبني عافك انا عندي دار في اسمي مخدماش عندي ولد او رجل ديالي هاجر اوروبا واش نستافد ولا نخلص مزال ممشيت نتسجل حيت معنديش باش نخلص

[@CNOPS_CNSS]

غادي تسجلي في المقاطعة مع الابن ديالك او تشوفي المؤشر شحال يخرج، او بناءا عليه تشوفي واش تخلصي ولا لا ، غلبا يخرج ليك الدعم ديال 500 درهم او بيه تخلصي أمو الشامل

[@mustaphamusta525]

خويا انا والديا وقفو ليهم آمو تضامن حيث طلع المؤشر شنو الاجراءات التي ممكن نعملوها وشكرا

[@CNOPS_CNSS]

غادي تمشي للسيبير يدير تحيين الى لقا كيفاش يقاد الامر

[@MohammedYasine-ib9zx]

السلام عليكم بالنسبة الخلاص واش داك الثمن كيكون موحد لجميع المشتركينفيamo او كب واحد بحدو كيخلص

[@CNOPS_CNSS]

على حساب تركيب الاسرة كيف داير شوف هنا او اذا ما تفهماتش شي حاجة خلي سؤال نجاوبك ان شاء الله kzbin.info/www/bejne/jmLQZoh7r8amjLMsi=y2s40edCu0zzAnq7

[@MohammedYasine-ib9zx]

شكرا خويا

[@MohamedChennaoui-d1k]

خويا امو الشامل كيتكلف بعملية زرع القرنية واش غيها بريز اونشارج

[@CNOPS_CNSS]

اه فيها التحمل ، ا نتا تخلص 30 فيلميا او رد لبال راه فيها العملية او فيها القرنية نفسها اللي خاصك تلقاها أصلا لمهم شوف مع كلينيك فين غادي تديرها او راه يتكلفوا

[@mostaphaanasi]

سلام خويا أنا كان عندي المؤشر 9,27 والبارح سيفطو لي ميساج بلي المؤشر عندي تغير 9,37 شنو خاصني ندير خويا دابا باش ينزل لي النؤشر راه ما تزاد علي والو

[@CNOPS_CNSS]

دير تحيين في المقاطعة ولا عند مول السيبير

[@chaymachayma4304]

الله يخليك انا انولد انشاء الله في اواخر شهر 5 بالاه خرجلي المؤشر بلي عندي امو شامل نم هنا نبغي نولد يكو خرج ليا انشاء الله؟

[@CNOPS_CNSS]

ايوا بالي زربي ليوم ولا غدا قضي الغراض ، تسجلي باش يبداو الاقتطاع في بداية يناير او تدوزي 1 و 2 و 3 او بداية شهر 4 تبداي الاستفادة الى عطلتي التسجيل تل يناير ، غادي يبداو الاقتطاع تل شهر 2 او داك الساع تولي محاكة مع الولادة

[@chaymachayma4304]

@@CNOPS_CNSS ah y3eni hta lchher 5 daba rah safi khrjlina bli ankhlso 224dhs khasna ghir nkmlo akhir khotwa fcyber llah yr7m lik lwalidin

[@mohamedjahah690]

خويا واش الى خلصت الانخراط غنبقا نستافد من الدعم واخا يكون عندي المؤشر طالع

[@CNOPS_CNSS]

تبقا تستافد من الدعم الى المؤشر تحت 9,74 الى فاتها ما تستافدش

[@sporttech4368]

السلام عليكم وشكرا لك اخي على التجاوب مع اسئلة المواطنين. اخي انا الواليدة ارملة كتستافد من الدعم وكان عندها امو تضامن ودبا طلعو ليها المؤشر وقالو ليها بلي خاصها تخلص، واش دبا الى تسجلت في الشامل غادي تبدا تخلص غير ابتداء من الشهر الجاي ولا غادي يحسبو ليها من نهار طلع ليها المؤشر يعني شي ست اشهر قبل.

[@CNOPS_CNSS]

غالبا غادي يحسبوا ليها من نهار طلع ليها المؤشر ، بزاف الناس مأخرا تصدموا باقتطاعات زايدة ، فاش سولوا قالوا ليهم كانوا كيتسالوكم شهر كذا وكذا غير حاجة اضافية راه الى عندك شي ملفات في الفترة اللي فاتت واخا داز عليهم التاريخ راه تتعوض فيهم ، تدفعهم لكن تكون مخلص الفترة اللي قلتي

[@sporttech4368]

@@CNOPS_CNSS واش الى خلصت الاشهر اللي دازو غادي تستافد من الشهر الجاي ولا حتى دوز ثلاثة اشهر

[@ZakiaStor-n4l]

سلام عفاك انا بابا طلع ليه لمؤشر وأنا مطلقة عندي ولد كلسة معاه ولكين خداما فلكبلاج وعندي ضمان جتيماعي واش يمكن ندخل معاه ويهبط ليه لمؤشر

[@CNOPS_CNSS]

اه ممكن تدخلي معاه نتي او ولدك، راه قد ما كن عدد أفراد الاسرة كثير المؤشر كينزل

[@ZakiaStor-n4l]

@@CNOPS_CNSS شكرا

[@marouanemst242]

خويا عبد الراحيم وأحد ألإشارة عفاك كنت خدام في الأوراش أربعة أشهر كملات أوباغي نكاد أمو تضامن واش ممكن حنت سمعت خاصني نريح سنة.!!!!

[@CNOPS_CNSS]

لا خاصك تا تفوت 6 اشهر بعد أخر مرة ديكلاراوك في اوراش عاد تقدر انداك تسجل في اموا مثلا قضية الواليدي شوف شي حد دخلوا معاه باش ينزل المؤشر كثر او حرك ليه امو تضامن اسرع

[@منوعاتمعلطيفة-ي6و]

عفاك طلعو لي المؤشر في شهر3 ومفراسيش حيت مكيقولو لي والو فالسبيطار باقي كندوز بامو تضامن عندي بزاف فالسبيطار خفت احبسوه لي معرفتش اش ندير التحسين مبقا منبدل فيه

[@CNOPS_CNSS]

ما حد باقي عندك أمو تضامن يعني راه واخا طلع المؤشر شوية لكن ما فاتش 9,32 يعني راه باقي تستافد عادي

[@منوعاتمعلطيفة-ي6و]

@@CNOPS_CNSS الله يرحم الوالدين ولكن باقي كنستفد خفت احبسوه. لي طلع المؤشر الى 9,351 بعد مكان ف9,321 انا عندي ورم فالرأس الحمد لله مخايبش كنداوي عليه وعندي بنية trisomie متبعة على القلب والتغدية والنمو الى حبسوه والله ماعندي ماندير غنحبس كلشي هدشي لي خفت منو حيت قالو دبا من بعد شهرين غدي احبسو لي ممشجلش فامو الشامل شكرا بزاف

[@منوعاتمعلطيفة-ي6و]

ومن شهر 3 وانا مشفتوش حتى دبا ولكن باقي كنستفد

[@iiikwkl3afta363]

اخي ديجا تسجلت فأمو الشامل او دخلت rip او كان خاصهم يقطعو ف 1/06 مقتاطعوش منو ديك 144 اش نو الحل ؟ وشكرا

[@CNOPS_CNSS]

الى ما قطعوش غادي تاصل بي 3939 او غادي يعطيوك ربما شي رقم او بيه تخلص في شي وكالة ، كاين لامكانية ديال تخلص بي يدك

[@iiikwkl3afta363]

@@CNOPS_CNSS شكرا اخي

[@QbferahïDjdj]

@@CNOPS_CNSS واش هاد رقم 3939 ديال لاسينيسيس

[@Hanane.chouaib333]

خويا عبد الرحيم الله يخليك انا مطلقة. وجاني المؤشر طالع. وبغيت ندخل امو الشامل واش ايقطعو ليا من هاد الشهر الي جاي

[@CNOPS_CNSS]

منين كتسجلي ، كيبداو الاقتطاع من الأول ديال الشهر اللي قدامك مثلا تسجلتي غدا ، غادي يقطعوا ليك من الأول ديال شهر 12

[@Amjad.123]

انا عندي امو شامل بغيت نولد فمصحة خاصة واش نخلص غير لفرق ولا نخلص الثمن المحدد للولادة فمرة عاد نتعوض من بعد جاوبني الله يرحم والديك

[@CNOPS_CNSS]

عندك الحق في الطريقتين ، لكن من الافضل طلبي التحمل شوفي اللي قلت على سنيسيس راه ينطبق عليك kzbin.info/www/bejne/lYibg5SYjJitic0si=u3Ui-ivxXdI38UgM kzbin.info/www/bejne/habGmpJpn7KgkMksi=IjJLDTBx5jrNsjda

[@HassanNgar-uu5gy]

جزاك الله خير

[@redomed1]

كيف ممكن ناخد decompte ديال شي دوسي من كنوبس وشكرا

[@CNOPS_CNSS]

تمشي للتعاضدية او تطلبوا

[@ismailaouarfat]

هل الزوجة تستفيد مع الزوج في اللمو الشامل لأن الاب لديه حق مفتوح و الام لا. هل من حل

[@CNOPS_CNSS]

اه خاصها تستافد معاه الى الحق مغلق يتاصل ب 3939 او يقول ليهم اشنوا المشكل بالضبط

[@azizelbirch3295]

سلام لعندو امو شامل تيخلص ودبا نزل مؤشر واش استافد امو تضامن شنو خاص ادير

[@CNOPS_CNSS]

اه يدير طلب في الموقع ديال امو تضامن باش يستافد منوا فابور

[@SoumiaMounir-cr5vh]

واش صحاب امو شامل كي ستافدو من دعم ديال 500 dh ولا لا

[@CNOPS_CNSS]

نعم كاين ناش عندهم الدعم او عندهم امو الشامل الدعم الى عندك أقل من 9,74 راه عندك الحق فيه

[@yousseflayati4778]

السلام عليكم بالنسبة ليا، عندي الوالدة عندها عملية مستعجلة على القلب فالسويسي، ملي دفعت لهم بطاقة amo tadamon قالو لي بلي droit ferme.. ملي سولت قالو ليا ممكن يكونو الوالدين ديالك طلع لهم المؤشر، مع العلم ان العملية عند الوالدة ديالي فالاجل ديال شهر.. بغيت نعرف شمن اجراءات ممكن ندير، وواش تكفيني فيه هاد المدة (شهر) ندير فيها الاجراءات؟؟ وشكرا

[@CNOPS_CNSS]

غادي تدخل للسجل الوطني الموحد تشوف المؤشر شحال عندهم بعدا ، الى اقل من 9.32 راه غالبا غير شي خطأ، داك الساع غادي تدخل للسيت ديال امو تضامن او تعاود تطلب التسجيل ديالها راه اسبوع كاع يجاوبوك كان المؤشر طلع هنا اللي مشكبل، الانك باش تحيين المؤشر كياخد الوقت لمهم القصة كاملة مرتبطة بالمؤشر طل عليه او تعرف داك الساع المشكل

[@AdamYassin-ts2px]

السلام عليكم خويا انا تسجلت في امو الشامل باغي نخرج منه واش عادي اخي ما بقيتش باغي نخلص؟جاوب خويا الله يحفظك

[@CNOPS_CNSS]

الدولة ما واضحاش في هاد الباب ، تخيل النهار الاول كان اختياري ، شحال من واحد ما دهخل ليه على مدة ، حاليا راهم كيقطعوتا لصحاب الدعم من لفلوس قال ليهم تخلصوا الشهورة اللي فاتوت يعني تا انت ممكن دابا ما تخلصش حيث ما عندكش ، ولكن غادي يجمعوهم ليك او يقول ليك باقين كنتسالوك للاسف الصورة ضبابية

[@قناهتحدياتالاكل]

بغيت نسولك الله يرحم ولدين عندي ويفي وتش الموشر غادي يطلع لي انا بغيت نقري بنتي في المدرسه وطلبوه لي

[@CNOPS_CNSS]

واش طلبوا ليك الويفي ولا المؤشر في المدرسة ؟؟ الانترنيت الى عندك راها كتطلع المؤشر شوية ، رد لبال دخلوا في اسم شخص اخر الى محتاجوا ضروري

[@قناهتحدياتالاكل]

ضروري بنتي بغات تقرا في ابتدايء قالوا ضروري رقم تعريف باش تسجل في مسار عاد يقبلوها في مدرسه انا عندي ويفي واش نحيدوا عاد نتسجل ولا اش ندير من فضلك

[@SamraKalin-ct8hu]

سلام عليكم بغيت نعرف الى كان عندي مؤشر طالع امستافدتش من الدعم بعني حتى امو منستافدش منو

[@CNOPS_CNSS]

الى ما مستافدش من الدعم تلقائيا ما تستافدش من امو لكن ممكن تستافد من امو الشامل او تخلص ، لخلاص غالبا فوق 200 درهم على حساب شحال عندك في المؤشر

[@فذكر-م3ب]

السلام عليكم خويا عبد الرحمان عندي سؤال خارج موضوع الفيديو انا الواليدة عندها كنوبس وتسدو ليها الحقوق وتواصلت معاهم قالو لينا خصك تجيب شهادة الأجرة فوطوكوبي لاكارط فوطوكوبي كنوبس من بعد مدة متفتحش ليها الحقوق تواصلت معاهم قالو ليا راه مقبلوش ليها الضوسي تا تجي عندنا ونشرحوا ليك ، وانا بعد على المركز بغيت نعرف فنظرك شنهوا السبب الا عندك فكرة والله يجازيك

[@CNOPS_CNSS]

غريبة هاد القضية ؟ هوما من المفترض كيقطعو تلقائيا من المصدر حاول تتواصل معايا في الخاص نشوف معاك الامر او عطيني تفاصيل اكثر واش متقاعدة ولا ارملة ، ولا خدامة ، والقطاع [e-mail]

[@ahmedahmed-rs2hq]

قدمت مغالطة بخوص الحلاقة والسائقين. فهرلاء أجرهم غير ثابت . وبالتالي من حقهم يتسجلون في أمو الشامل هذا

[@CNOPS_CNSS]

ماشي انا اللي كنقول يا اخي ، انا غير شرحت ليك المغالطة الدولة اللي عطاتها الحلاق والسائق حاسباهم مع الحرفين غير الاجراء

[@polatmohamed5996]

السلام عليكم خويا الى جاب الله تسجلت في ٱمو الشامل ،وعندي شي 20 ضوسي ف cnss ديا الدوا او الطبيت منذ 2020 واش الى تسجلت فٱمو الشامل غنسترجع النسبة ديال دوك الضواسة ديال الدوا وشكرا

[@CNOPS_CNSS]

علاش عندك من 2020 ؟؟ معطلين بزااااف هادوا الى كانوا حيث كان عندك الحقوق مفتوحة انداك (مثلا كنتي خدام) راهم يتعوضوا نسبة للمعلومات اللي عاطيهم في السابق كان نفس الحساب البنكي اللي كان عندك هو اللي عندك تا دابا في امو الشامل راه يدوزوا ليك فيه التعويضات في حال عوضوا الملفات راه معطلين بزاف دير شكايات عليهم

[@fouziasf4259]

شكرا بارك الله فيك

[@CNOPS_CNSS]

الله يكبر بيك

[@GuvgGjjv]

الوالدة توفاه و عندها أمو تضامن كاتخلص دبا شنو الإجراءات باش نوقفه ليها

[@CNOPS_CNSS]

أجاركم الله فيها غادي تمشي للمقاطعة تدير تشطيب عليها او غادي يكون واحد فيكم هو رب الاسرة الجديد أما نتا او احد الاخوة او الاب اذا حي او داك الساع تشوف الامؤشر الجديد او واش يخرج ليكم الدعم ولا لا

[@GuvgGjjv]

@@CNOPS_CNSS هي فيه غير بوحدها مامعاها حتى واحد

[@fouziataabane8010]

السلام عليكم الله يجازيك بخير جاوبني امي ارملة و معندها حتى حاجة في الاسم ديالها في الاول المؤشر كان مزيان و تسجلت في امو تضامن هاد الشهر طلع المؤشر اشنو الحل باش يعاود يهبط

[@CNOPS_CNSS]

ديري تحيين او شوفي ممكن يكون شي حاجة تزادت بلا ما تعرفوا (واحد السيد سبق شفت الحالة ديالوا تزادوا موطور او هو ما عندوا موطور، دار التحيين او رجع ليه المؤشر مزيان )

[@abdoas9424]

بارك الله فيك

[@CNOPS_CNSS]

على الرحب

[@ImanBakai]

ولمعندوشي باش بخلص امو الشامل يعني مخدماشي شنو يقدروا يعملو ليه

[@CNOPS_CNSS]

هوما لحد الساعة باقي ما فرضوهش اجباريا ، ولكن كاين ناس وقفوا ليهم الدعم تا يخلصوه عاد طلقو ليهم الى الانسان ما عندوش راه ما عندوش منين غادي يجيبها يسرق، حنا باغين نديروا الحماية الاجتماعية ولا باغي نخنقوا الناس

[@ImanBakai]

معندهم ميعملوا ليه مشي لعندهم وقلهم انا مخدماشي

[@issamelhatimi]

بالنسبة لطب الأسنان فأمو تضامن في المستشفيات العمومية أو الخاصة

[@CNOPS_CNSS]

طب الاسنان في العمومي كاين فقط في كلية الطب ديال الدارالبييضاء، غالبا العلاجات مجانية لأصحاب اموا بالنسبة ل القطاع الخاص تخلصوا بحال الجميع او يعمروا ليكم لوراق او تدفعوا للتعويض

[@ahdichiimad2620]

سلام عليكم الفيديو ديال البارح مطلعش عندي ولا تمسح ؟

[@CNOPS_CNSS]

هدا هو الفغيديوا اللي حطيت لبارح نيت اللي قبلوا كان ديال القوات المساعدة هاهوا kzbin.info/www/bejne/gWGpknxor7KenZo

[@elhaddaouilahcen]

سلام اختي ان كان عندي amo tadamon او دبا خدمت في شريكة مني بغات دكلرني في cnss قلتلي انت ديجى مسجل بغيت نعرف واش القنون كيلزم على المشغيل يخلص عليا cnss اولى غدي نبقى تابع غير amo

[@CNOPS_CNSS]

نتا اصلا مسجل يعني عندك رقم تسجيل اللي كان عندك في امو هو نيت اللي غادي يبقا عندك غير غادي تولي عندك امو ديال الخدامة يعني صاحب الشركة غادي يديكلاري بيك او هو اللي غادي يبقا يخلص عليك

[@ourMO]

السلام عليكم ورحمة عفاك اخويا عندي الوالدة تسجلات فامو الشامل شهر 5 ولكن نسات ما خلصاتش، واش الا خلصات دبا شهر 5 و 6 و 7 غادي تستافد، ولا خاصها تسنا عاود 3 شهر أخرى؟

[@CNOPS_CNSS]

والله ما نكذب عليك ، غادي يخصك تسول عندهم تاصل بالرقم 3939 او تكون حداك هيا غادي يبغيوها هيا اللي تهضر او دير حداك البطاقة الوطنية او رقم التسجيل اللي عندها او غادي يعطيوك بالضبط اشنوا تدير

[@karimdone7012]

تاشمن تعويض دفعت ملف ديال الدواء فيه 1100 درهم ردو ليا 230 درهم فيناهيا هاد 70 ٪ ديال التعويض اللي مصدعين لينا بيها راسنا

[@CNOPS_CNSS]

خويا كريم ديك 70 فس لمسا راه ماشي من اللي خلصتي كاين تفاصيل اخرى خاصك تعرفها او تبقا تحضي معاها بحال الادوية اللي ققلتي شوف هنا كيفاش كيعوضوها kzbin.info/www/bejne/bHerpIKlYrt0p7Msi=dn2my5aLWgYDdu_D

[@FatimaFatima-el3gt]

سلام عليكم أنا عندي واحد المشكيل إلى وصلاك تعلقي ممكن تجوبني من فضليك المشكيل هو اني عندي نقاط طلعين او انا متزوجة او درين رب الاسرة عازب بدون اطفال بدون زوجة او مشكيل ااني رجلي تخلاص ٤٥٠٠ دريال بدون فائدة مخليت فين بشيت ماقليت حتى حل.الىعندك شئ فكرة ممكن تفدني جزاك الله خيرا

[@CNOPS_CNSS]

بلاتي ما فهمتش الموضوع بالتفصيل النقاط طالعين فين ، واش خدامة او عندك النقاط ولا كتهضري على المؤشر اللي عندوا علاقة بالدعم وامو ؟ الاب عازب ، فين دايرينها ليه ؟او هوا فين مسجل واش المقاطعوة ولا فين ؟ جاوبيني في تعليق اخر بالتفاصيل باش يبان ليا التعليق او نفهم او نحاول نوجهك

[@FatimaFatima-el3gt]

@@CNOPS_CNSS شكرا لك اخي تسجلت في المقاطعة مدت سنة و ٥ اشهر دبة أنا او رجلي او ولادي جونا نقاط طلعين عملت تحين اكثر من مرة رجعوا هبط ليا نقاط الى ٩.٦٤٦ مهم قالوا ليا خصك تخلصي باش تستفدي بدينا تنخلص ٣او ٥٠٠ دريال من شهر ٥ او انا تنخلاص حبست في شهر ١٠ لان رجعوا طلعوا نقاط ل ٩.٧٥٠ قالوا خصنا نخلص ٢٢٥ درهم مهم ملي مرض ليا لوليد بشيت باش نعمر دواء قالوا ليا اصلا رجالك كين غير بوحدوا في الوراق بشيت عند مول سبير قال ليا درين رجالك عازيب بدون اطفال بدون زوجة رجعت المقاطعة قالوا ليا حنا مسجلينك شوفي مع ضمن الاجتماعي بشيت العندهم تقلوا ليا سري ضفي راسك من ابلكسيوا بشيت عند اكثر من واحد عندهم سبير حولوا يضيفوني والوا.سمح ليا خويا طولت عليك نتمنا كن شرحت ليك

[@imyimilya8063]

خويا عفاك طلع المؤشر ل 9.54 واحنا مسجلين تلاتة بابا وماما وانا لي عنري غوق 21 درت بطاقة امو تضامن ديالي وواةديا عندهم اطاقتهم ىوحدهم واش مني نبغو نخلصو امو تضامن 144 واش نخلصو فقط 144 او والديا يخلصو وانا نخلص

[@CNOPS_CNSS]

الى ما كتقرايش ، اه غادي هوما يتسجلوا بجوج 144 درهم ، او نتي بوحدك 144 درهم

[@berberefaouzi8347]

السلام عليكم ورحمة الله وبركاته الله يرحم ليك الوالدين

[@CNOPS_CNSS]

واليدينا او واليديك ❤️❤️❤️

[@Doolipraan]

السلام عليكم اخي كنا فامو تضامن و تسجلت فامو الشامل حيث طلع المؤشر واقفين على عملية جراحية الواليد تسجلت البارح و مغاديش يقطعوا تال 1 فشهر 6 اذن واش من تاريخ الاقتطاع ديال المبلغ غادي نستافد و شكرا !

[@CNOPS_CNSS]

لا مشكلة، ما غاديش يستافد تل 1 في شهر 9 غادي يقطعوا ليه ثلاثة اشهر عاد بعدها يفتحوا ليه الاستفادة الى عندكم شي حاجة عاجلة ديروا شكاية ل ANAM kzbin.info/www/bejne/q2LTfJprh9-Vp6csi=y0w-ZBnHIMeVXgyz

[@capfroid8523]

​@@CNOPS_CNSSت

[@Ghizlanghazal4971]

​@@CNOPS_CNSSا

[@a.mobile4757]

سلام خويا واش امو الشامل اقدر استافدو الابناء من التغطية الصحية؟ وشكراا

[@CNOPS_CNSS]

اه يستافدوا مع الولي ديالهم اللي هو مقيد أصلا

[@AlloSalam-r8m]

Salam khoya lah yhafdak ana makadamch m9abal lwalida matnod matharak osakan ghir mohsina masatch kinkhdam bi mard lmima dfa3t ana olmima khraj liya 9.72 chno Ndir darham mador ghir lmohsinin

[@CNOPS_CNSS]

الله يضافيها او يعافيها ، او نتا الله يخلصك على البر ديالك او الوقوف بجانبها اللي عندك اخي هو تحاول تشوف شي واحد اخر تزيدوا معاكم في الاسرة واخا يكون خدام او حاول تشوف حتا العامل ولا القايد ديال لبلاصة فين نتا شرح ليه الوضعية او ربما يلقا معاك شي حل

[@AlloSalam-r8m]

@@CNOPS_CNSS Amiiin khoya lah yhafdak la walo masat hta had li9ltha lih tay9ol msajal

[@hamzatory8204]

سلام وعليكم خويا نتمنى تجوبنا على واحد تساؤل أنا حاليا تغطية الصحية عندي حق مغلق في cnss غادي تفتح حتى 1 في شهر 6 حاليا كندير حصص ديال إشعاعي 39 حصة على بروستات خلصت 40600 درهم + واحد ابرة كل 3 اشهر ثمنها 3037 درهم خاص ندكها بديت هاد الحصص من 15 شهر 3 غادي نسالي هاد الحصص حتال شهر 5 سمعت عندك حق 60 يوم من اخر حصة باش تدفع باش تعوض واش يمكن ليا ندفع لتعويض في شهر 6 مني غادي يولي عندي حق مفتوح في التغطية الصحية amo ولا لا وشنو هما وثائق لي خاصني ،؟؟؟

[@CNOPS_CNSS]

اسأل الله العظيم رب العرش العظيم أن يشفيك ويعافيك للأسف يا أخي لا، حيث التعويض كيتحسب تاريخ القيام بالأمر خاص يكون عندك الحق مفتوح في تاريخ القيام به حاول تدير واحد القضية شوف شي مدير ديال وكالة سنيسيس او شوف معاه اذا كان شي مخرج قانوني كيفاش تفتح ليك الحقوق قبل ! او حاول تدير ايضا استعطاف لوزير الصحة وايضا الوكالة الوطنية للتأمين الصحي على الله يخرج ليك شي امر خاص بالتعويض على المصاريف

[@kamalkimo8877]

السلام عليكم۔كون بديتي الحصص في هاد الشهر يعني 3 ولا 4 فيه كان يكون عندك الحق تدفع في شهر 6۔سير اجونس ديال السنسس وشوف المدير علی الله يكون شي حل۔الله يشافيك خويا

[@fatimaezzahraamani1422]

من الجانب الانساني إقادو ليك تواريخ الحصص. من أجل تعويضك. طهور بإذن الله تعالى

[@lahcenerrachidy7820]

لي تحول من امو تضامن إلى الشامل واش حتى هو خاص 3 أشهر عاد استافد

[@CNOPS_CNSS]

لا بي القانون خاصوا يستافد نيشان لانه انتقل من نظام لنظام اخر ، غير يخلص يتفتحوا الحقوق

[@haf1397]

بغيت اولدي نتسجل لانه بدن السجل السكني والاجتماعي ابني مايمكنش يستافد من المنحة يالله احصل على البكالوريا. خفت نتسجل ويكون عندي مؤشر اعلى من 9وبالتالي غنبدا نخلص كل شهر وانا ماعنديش نسرقهم .لاحول ولاقوة الا بالله.. كيف غنعمل يكون مؤشري اقل من 9ونحصل عى امو تضامن الله يجزيك بخير ارشدني يا ولي وحبدا اذا امكن نكلمك هاتفيا باش نعرف اش غندير وشكرا.

[@CNOPS_CNSS]

لا ماشي مشكيل غير تسجلي او كيف ما جا المؤشر راه ما كتخلصي والوا بي العكي غالبا غادي تولي نتي تشدي الدعم ديال 500 درهم شهريا لخلاص كاين على امو الشامل او هذا باقي حاليا عندك الحق بغيتي تخلصيه واخا ما بغيتيش راه ما تخلصيهش او ما تكونش عندك تغطية

[@haf1397]

@@CNOPS_CNSS شكرا جزيلا.

[@adilsafsafi1163]

السلام عليكم اخي الكريم الوالدة عندها 9,6 جاها الدعم واش ممكن ما تسجلش في cnss و تبقى تستافد من الدعم ؟؟

[@CNOPS_CNSS]

ربما كتقصد التسجيل في التغطية اه المؤشر اللي عندها راه يسمح ليها تتسجل في امو الشامل او تبقا تخلص شهريا شوف هنا kzbin.info/www/bejne/jmLQZoh7r8amjLMsi=9XYzOu-vaqIrRago

[@adilsafsafi1163]

@@CNOPS_CNSS قصدت ليك خويا واش التغطية الصحية إجبارية أو اختيارية و في حالة ما الام ديالي ما بغاتش تستافد من التغطية الصحية واش يقدرو يمنعوا عليها الدعم؟

[@ilhambenali7799]

خويا عافك جوبني انا كان عندي ضمان اجتماعي ومابقيتش خدامة ولكن نهار كان تسجيل ف اموا تسجلت مع الدار ومي كايجيها الدعم دابة لكن انا صيفطوا ليا ميساج انني خاصني نتسجل فى امو الشامل اش غاندير

[@CNOPS_CNSS]

واخا مك كيجيها الدعم راه تقدر تا هيا خاصها تسجل في امو الشامل غادي تمشي تديروا تحيين عند شي كاتب عمومي باش تحاولوا تنزلوا المؤشر ، راه الى نزل على 9,32 غادي تستافدوا من الدعم اللي غادي يبقا او غادي تستافدوا من امو تضامن في حالة المؤشر ما نزلش راه خاص نتي تخلصي باش تستافدي او مك تا هيا تخلص باش تستافد من امو

[@aichaoumouhdi]

السلام عليكم بالنسبة لناس لي كتاخد المعاش من اروبا في حدود 400 درهم شهريا او 500 درهم واش ممكن تستافد من الدعم المباشر

[@CNOPS_CNSS]

ممكن تستافد في دياك الشي اللي كيسولوا عليه ما كاينش شي حاجة عندها علاقة بالمعاش ديال برا غير سيري تسجلي في المقاطعة او يخرج ليك المؤشر او غالبا تستافدي

[@tarazaali3662]

أخي عبد الرحيم شكرآ على المعلومات أخي أنا متقاعد في الصندوق الضمان الاجتماعي ودفعت ملف طبي تمن دواء ديلو 35000 DH وهادي تقريبآ أربعة اشهر اهوة في طور الانجاز اعييت بشكايات بدون جدوى هل هناك مصاضر اخري خارج cnss لاعمل شكايتي اضاحة الدواء الغالي هادا قابل لاتعويض

[@CNOPS_CNSS]

الله يشافيك او يعافيك الشكايات غالبا كنتي كتديرهم ل سنيسيس دابا غادي تدير شكاية ل anam الطريقة هنا kzbin.info/www/bejne/q2LTfJprh9-Vp6csi=N4B4ftpNxG_9MCsn في حال دازت شهرين او ما داروا معاك والوا غادي تدير شكاية ل مؤسسة وسيط المملكة (راه الطريقة ساهلة تقدر تقرا عليها في غوغل )

[@tarazaali3662]

أخي عبدالرحمن أنا علي من مدينة فاس هاد anam وقلة خاصة لكنوبس مشي cnss

[@NaaimaAlhar]

خويا عافك انا تفرقت مع رجلي داب ربيعة سنوات انا معرفتش فين هو ولكن ممطلاقش وبغيت ندخل مبغاش يدخلوني عندي بنت الله يسهل عليك الا متشرج ليا

[@CNOPS_CNSS]

الى ما كاينش خاصك ضروري تديري طلاق الشقاق راه القضية غادي تدوز في المحكمة او غادي تطلقي او من بعد غادي تولي عندك الحضانة على لبنية او داك الساع تسجلي في المقاطة باش يخرج ليك المؤشر او بيه تعرفي واش تولي امو تضامن ولا امو شامل