Рет қаралды 481
ناصر الفراعنة..
حي يا برق شعف نوه من القبلة تزبّر
مدلهم سيف برّاقه فتق صدر الغداري
عقربي فيه صيّاح الرعد هلّل وكبّر
مزن تسوقه ملائكة السما سَوق الجواري
آتعبّر كل ما شفت المطر فوقي تعبّر
وآتوجع لا طرالي من قديم الوقت طاري
ليت شعري هل عن الموتى رسول أو مخبر
لا ورب النخل ذي الأكمام والسبع الجواري
اخذها مني نصيحة لك وبالخط المحبّر
المُسالم في الزمن هذا تعشّاه الضواري
السحا من واحدٍ ما يستحي فعل متبّر
عند سودان العلابي قبل حمران العتاري
وواحدٍ في غبرة الأيام ثوبه ما تغبر
يعتبر ناقص وللمنقود في وجهه مواري
في الزمن ذا لا الصبر ينفع ولا كثر التصبر
يا تكون من الصقور أو يا تكون من الحباري
كل كسر غير كسر النفس ممكن ينتجبر
كل عيب غير عيب البخل تستره المصاري
كل جرم غير هتك العرض يمكن ينتدبّر
وضحكة الحزب اليميني تبكي الحزب اليساري
....
ناصر الفراعنة
شاعر مضر
شاعر الثقلين
فرعون الشعر
مارد الشعر