شاعر مضر.. ناصر الفراعنة.. داهية قوم..

ناصر الفراعنة..
قال من هّلت دموعه على صورة امّه
يوم سلّ الشطير ودم الابطال حامي
داهية قوم وتضيع الدواهي بكمّه
شَرْب سبع البحور وجاك فايع وظامي
لا يشيله مديح ولا تحطّه مِذمّه
ياكل العايلين أكل الجراد التهامي
صرت كنّي(حسينٍ)و(الشريف)بن عمّه
ساعتينٍ خطيب وساعتينٍ حرامي
ساعتينٍ تفكّه ساعتينٍ تخمّه
خفرتينٍ من الجنّ احرمنّي منامي
ركّبنّي بمثل الغيمه المدلهمّه
من ظلام الفضاءاليا فضاءٍ ظلامي
شفت شيٍّ يِنسّي راعي الهم همّه
احمرٍ من ورائي وازرقٍ من أمامي
في جبال المحيط الاطلسي فوق قمّه
وقفنّي ومن طاقة غِشاءٍ هُلامي
شفت ابوحفص ووحوش الضواري تشمّه
وبن طالب علي ياطيب ذيك الأسامي
شفت عثمان وسط الدار يسبح بدمّه
شفت راس الحسين بكفّ نسرٍ قطامي
وشفت(جثّة شبيبٍ)كامله مستتمّه
في قعَر نهْر دِجله والقتيل الجُذامي
لولا نورٍ من الرحمن جبت المطمّه
قصّتي ما يكفّيها مسلسل درامي
.....
ناصر الفراعنة
شاعر مضر
شاعر الثقلين
فرعون الشعر
سلطان الشعر
ملك الشعر

[@myw_1962]

ابداااعاااات الشاعر/#ناصر_الفراعنه_حفظه_الله

[@صالحصالح-و8ص]

صح السنك

[@abdullahshalfayez6553]

صح لسانك بيوت مثمنه مثل راعيها بحفظ الله وتوفيقه يارب 🌹

[@عبداللهأبوشافي]

صح لسانك يابو فارس عزالله قصيد ومعانيها جزلة