شعر شعبي ليبي ... مهدي بشير التمامي ... خوذ بنت

[@freedomnewspaper]

خوذ بنت روس اجواد موش المادا .. هلها على سوق البلى تنادا. رد الشيرة خوذ بنت هلها و خوالها خيرة وخال لضناك اختار طيب سيرة .. خال ما عليه ينقدو نقادا خال وين ما قالو للنادي ديرة يجيب الثنا كاد العدو بزناده ... خال في جناحه عايشة العشيرة كابر وما زالوا صغار انداده .. خال زين مشكور الرفق والجيرة ناس تعرفه بالصدق في ميعاده .. خال ما يدير اللي بعيب تعيره رضي بوه وامه من سنة ميلاده .. رد القول خوذ بنت هلها يعرفو الاصول.. الناس الاولى يقولو الزمان يطول وان مال الزمان تكون لك سنادا .. ولا يخاتلك منظر تكون عجول بياض مظهره غطى عليه سواده .. ولا توهك خضرة عيون وطول ودور واصفها غلب كداده ... جمال المظاهر بالسنين يزول ما من اللي جي للندم ما فادا .. ولا تهيم في جرة علل معسول مرات العسل برا وجوا صادا .. خوذ وصية ناسب عرب زينين من بيتية عرب يكرمو في الضيف والطربية وانشد عليهم كثر النشادا ... خوذ بنت في هلها يقولو بية هادية وما تاخذ اللي عربادة .. سقيمة يدين وعندها غيرية وعفة وزينة تكون لك ودادة .. تعرف رد القدو واجوادية على كل حجة عندها ردادة .. وان كان ششدها على الخفا محكية تفسر الدي وملحظه وبعاده .. عليها عقل وازن طيبة ورضية كريمة رباية عز هلها سادة وخشومهم واصحاب طربانية ناس باهية حد البها وزيادة ..

[@dawieelhouderi4359]

صحا لسانك يا المهدي بشير

[@mehop1316]

الله الله ..

[@mansourali8024]

اسلمت اسلمت وربي يحفظك