Рет қаралды 25,663
#خالد_الزعاق
شيلة خالد الزعاق
شيلة خالد الزعاق
انشدوا لي خالد الزعاق ولا ابن عميره
انشدوا. لي خالد الزعاق والا بن عميره
كم ليله باقيه عن طلعت سهيل اليماني
اتعبتنا جمرة القيض ولواهيب الظهيره
بعد كنا ماعلينا منه صرنا ما نداني
ياوجودي يابراد ً يفهق القيض وهجيره
وسجة ًيسعدبها قلب ً من همومه يعاني
لا تمشيت بديار ً نبتها نفحة عبيره
كلها قيصومه وشيح وسكب وبعيثراني
ماغبطت اللي مصيف ًفي مراكش والصويره
دار قوم ً حبها ما راود القلب وشعاني
الوكاد ان الزمان التالي احداثه مثيره
والعجاف تبدد الباقي من رسوم السماني
اكثر ارواة الحديث ابن عمر وابو هريره
والاغاني في كتاب الاصفهاني فالاغاني
المهم الرجل ما يخلف مباديه ومسيره
والكفو فعله يصادق به على قول اللساني
يامحمد مثلك وشرواك جعل الله يجيره
والله اني ما اتعذر عن لزومه لا نصاني
انت ياكحيلان كفوً للمهمات العسيره
احتزم يابو مشاري جعل راسك ما يهاني
ابك حنا للرفيق الوافي سلاح وذخيره
ولازم مشاري وعامر قبل يعناك يعناني
الله يبارك لكم ويزيد من فضله وخيره
من غلاكم كل طيب جاكم يزف التهاني
من كبر تقديركم لفوكم حشود غفيره
ياعسى الافراح دايم ياطويلين الايماني
مرحبا حي الله ضيوف ً لفو من كل ديره
فالكم خولاني مبهر بهيل وزعفراني
والشحم والعود الازرق والتراحيب الكثيره
قدر ضيف ثبيت في حاضر وفي ماض الزماني
ارحبو بسم شيوخ ً سطروا للمجدً وسيره
ذوي هليل شيوخ ثبيت ملجا كل جاني
من رموز عتيبه الهيلا هل الاسماءالشهيره
عزوة بين القبايل جالهم صيت وشاني
ربعي عتيبه تضد القوم وتصد المغيره
بالرصاص وبالسيوف وبالشباري والسناني
روسنا اللي بالمدايح والثناء دايم جديره
خل روس بالمصادم عشرهم ترجع ثماني
عثمان الثبيتي