شيلة الدره

شيلة الدره
لا والله الاّ راحت بقلبي جهار من النهار
وأنا ليا واحد نشدني قلت تكرم عينها
ماهو ما غير القلب لا والله تفداها العـَمَار
الدرّة اللي ما خلق زينٍ يشابه زينها
إن جيت أوصّفها يصيب الشّعر وقفة واحتيار
لو قلت ما جاء مثلها في الكون أخاف أهينها
شمس الضحى تغار منها والقمر منها يغار
والأرض تقلب ورد عنـّابي تحت رجلينها
حبيتها حبّ الغريب اللي تشوّق للديار
يذكر دياره ثمّ سالت دمعته من حينها
حبيتها لو أدري إن الحبّ للعاشق دمار
ذوقي وتفكيري وعقلي كلّهم هاوينها
لو قالت اليسرى يمين وقالت اليمنى يسار
أقول كيفك يا حياتي زيّ ما تبغينها
من حبـّها جت في خلايا المخّ يعني باختصار
أشوفها حتى وأنا في النوم ينصر دينها
وليا لبست الثوب أصكّ زرار وأخلّي زرار
وألبس شماغي وأنشد أصحابي شماغي وينها
صبرت وانّ الصبر نار إشتقت وإن الشوق نار
حالت سلوم البدو من بين الوصال وبينها
عشرين عام من الوصال ولا نهارين إنتظار
الأولة يا زينها و الثانية يا شينها
البعد عن من تعشقه موتٍ حمر والموت حار
الله يوم أذكر دموووع الشوق مع خدّينها
من دونها ما كنـّي الاّ عايشٍ في قندهار
روحي مهدّدها الخطر فـ ” يسارها ” ويمينها
أحيان أقول آآآبو حياتي مالي الاّ الإنتحار
واحيان أقول العافية والعافية يا زينها
شوفوا لنا حاجة تغيـّب بالعقل غير السّكار
ودّي يغيـَّب بي ولا اصحى غير بين يدينها
- كلمات الشاعر / وصل العطياني
- أداء المنشد / حاكم الشيباني
- تنفيذ وانتاج / قناة عـادي

[@almjed6738]

يازين التطور تغير خلقه الله الجمال احسن من اول

[@user-yk1gi9vq2n]

رررروووووعععععههههه روعه

[@user-cq9nv7mk9m]

ماشاء الله الله يقويك❤️

[@user-et6ze6me2r]

صح السانك

[@user-du2bl5wh1t]

مشاءالله

[@user-de6pl8uq2n]

وش ذا الحزن 🤦🏻‍♀️🤦🏻‍♀️

[@Fahad-to5wu]

انشهد عذاب 😦💔

[@almjed6738]

احب اغير بشكلي

[@almjed6738]

كيس شعير جمل

[@salo4214]

يليت القصيده بالام

[@memo-alshmal3713]

😪🔥والشوق ناار

[@almjed6738]

اجدد الجسم الخربان

[@almjed6738]

محمد ماهو كويس

[@almjed6738]

زكاه فطر من محمد أسوأ ريال

[@Na-vz3di]

ابي رابط الشيله ي قلبي