Рет қаралды 18,584
ازهلوها صبو الشاهي وشبو لي زقاره
صبو الشاهي وشبو لي الزقاره وازهلوها
لا تسلمني سلاح ولا تسلمني خفاره
هذي الفكره من افكار القصايد كنسلوها
المعاني كلبوها من تحت رهن الاشاره
غير لا جا المدح يا صعب المعاني كلبوها
خابر ان المدح يا مصعب مبانيه وجداره
خص لا جا اللي مواقفهم على الطاله بنوها
كل قمة طيب تطلب من بغاها الاستماره
بس ما تطلب من اللي من طناخه أسسوها
( مرحبا عند ابلجٍ ماهو يحسّب للخساره
وعندي بيوت القصيد اللي تشوّش لا اسمعوها
هذا بن شاهين مزبان الدخيل وعز جاره
مرحبا في محفله والمرحبا مني ادبلوها )
الغتر البيض والشمغ الحمر ماهي اثاره
لعنبوها كان ما حذفت ياربعي لعنبوها
احذفوها كل ما خالد سكر طيب ونعاره
وان تعزوا بن علي قومو تعزوو واحذفوها
لابةٍ من ماضي الايام مركزها الصداره
بالفعول اللي تجملهم ليا منهم حكوها
قبل لا يوحد مليك وقبل لا تشكل وزاره
بين زرقات الرماح وفوق صفراً لا اعتلوها
ان تعزوت بنت ابوها في ضحا الحرب ونهاره
والله ان ربعك سعدها لا تعزوت بنت ابوها
من تحزم في حداهم ما وخذ منه حواره
وان خذوها يلحقون وهم سعدها لا ألحقوها
اعلنو بـ الانكساره .. اعلنو بـ الانكساره
جوكم اللي لا بغو حاجه خذوها لا بغوها
جَندلو روس الكبار اللي يعشقون الكباره
دون مختف الشليل ودون ابلهم جندولها
من بني هاجر عناوين المفاخر والضفاره
للضفر خزنه وخلان الآشده لقبوها
من قحاطينٍ لهم في وسط نجد وفي فقاره
حكمٍ اقسى من قسى اللي قبلهم يوم احكموها
ادري ان الهرج يكفيكم من طواله قصاره
بس هذي نبذه وعيدو عليها واحفظوها
محمد بن عيينان