Рет қаралды 80,244
فوق منهو عادته قطع الخرايم
استوت لي شرد افكار القصيده
سايقه ما هيضه برد النسايم
مندبل كبده من الشعر وجديده
ان مدح مابطن المدح الشتايم
وان شتم ما لحف الشتم بـ جريده
ان مشا يمشي على روس الهلايم
وان وقف ياقف على الروس العنيده
من صتايم وان مدح يمدح صتايم
وكل طيب راس عده من رصيده
والنشيده ما لحقها لوم لايم
فالجري تفاخر بيوت النشيده
عند ناصر بن جري جات العزايم
مرحبا والمرحبا منه وكيده
احذفوا يالاد سالم بالعمايم
وولعوا راس الفتيله بالوقيده
عزوةٍ منزالها روس العدايم
يال جدي اهل التواريخ التليده
ما افتخرتو بالصحون وبالولايم
فخركم في ذكر الافعال المجيده
ربعنا من عادها ضلم وجرايم
العدو لامن بدا فينا نبيده
من قبل عصر التطور والحكايم
عادها مابين مطرود وطريده
ابلنا تارد وتحماها الوسايم
وتنزل القاع الخطر واللي تريده
مانرددها على القاع الوخايم
وكل قوم دونها نطرح عقيده
ولا ضربنا فالنحر ولا الرثايم
الغدر ماهو لنا ولا نجيده
من بني هاجر هل الناموس دايم
وروسنا تدجر طرب يوم الوقيده
محمد بن عيينان