شيلة المنشد فهد ابن جري : مهداه للملازم راشد بن سفر المظفري - كلمات : فهد بن راشد

المدح يزهى اللي كسب كل نوماس
ماهوب يزهى راعي النقد والذم
يزهاك ياللي للعلا تعصب الراس
وتدحم مع اهل الطيب وتشفر الكم
يزهاك ياراشد سفر ال ابوراس
ياراعي ابشر بسعدك وازهل وتم
حرٍ ينومس في هدادة مع الناس
واحصانٍ امقدمً على كل مقدم
الطيب جبته يابو سفر على ساس
رقيت عالي الطيب من فوق سلم
جبته من اللي ماحوا الطيب بـ اقياس
يارد على كسب النعم صافي الجم
اللي زرع فالطيب زرعن ومغراس
وجنا النعم جعله بجنات ينعم
من لابةٍ من عادها فوق الأفراس
وانتم اكبار بخوت في كل معلم
لا قيل ابن ظافر غدا كل وسواس
تطيرون اعماس من يشكي الهم
ترثت مخاضيبن على كل مقباس
واللي بنوه اجدادكم ماتهدم
رفيقكم يهنا بنومه والانعاس
وعدوكم يسبح على ضفه الدم
حرابكم جا له من الله تعوماس
لو يتندم .. ؟ مايفيد التندم
امسطرين المجد في راس كراس
وافعولكم نبراس فالليل الاظلم

[@akorr1167]

انشهد✌🏻❤

[@rakanal1706]

السلام عليكم احتاج رقم التواصل الله يعافيك

[@fearless11110]

كفووو وتستاهل يابو بوسفر

[@maewed9458]

تستاهل يابو سفر