شيلة المنشد فهد بن جري : مهداه الى المهندس شجاع فالح شجاع العتيبي : كلمات

شيلة المنشد فهد بن جري : مهداه الى المهندس شجاع فالح شجاع العتيبي : كلمات - سعود فالح العتيبي

Рет қаралды 5,475

القناة الرسمية لـ المنشد فهد ابن جري

4 жыл бұрын

مرحبا في محفل الطيب والطاله
مرحبا ونقول بأجمل معانيها
عد طلعْ النور والنجم واهلاله
وعد نبت الأرض واعداد ساقيها
محفلٍ كل من يجي له ويسعى له
الضيوف الي عسى الله يحييها
ضيفنا يقلط وفال السعد فاله
والنفوس خفاف قدام لافيها
عند منهو كل ما كبرت القاله
الحمول الكايده مايخليها
فالح الي يشهد القول بـ أفعاله
كلمته لا قالها ما يثنّيها
طيّبٍ والطيب من عمّه وخاله
قوم فالطالات تعرف مجانيها
لأجلهم باب الشعر بفتح أقفاله
والبيوت النادرة جيت أغنيها
__________
مبطي أدوّر لـ فكرة وأحاول وآستشير
فكرةٍ ميقافها صعب ومصدرها ثقه
والمواقف تظهر الكفوّ وابو ضلعٍ قصير
واحد يجمّل بـ موقفهْ و أحدٍ يمحقه
عقّب الي دون حِله يوقّف يستخير
والله إني في لزومي ما خلّيت افشقه
شاعرٍ ماجيت أغنّي على الشكل المثير
ولاني آغنّي على زين بكرة معنقّه
جيت جيّة موقفٍ غير والميقاف غير
جيت أولّع ساحة الشعر مثل المحرقه
بـ هاجسٍ يغرف بحر ويارد الجمّ الغزير
مابقى طرقٍ ف سوق المعاني ماطرقه
من خلايا شاعرٍ راسه الطيّب خطير
هاجسه لو كان فمخ الرضيع لـ ينطقه
شاعرٍ ممشاه ماهو على سلك الحرير
هاجسه عن من ينافسهْ دايم يفهقه
" "
احتزم بي يا خوّ سعود فاليوم العسير
جاكم الي ماتوانا ولَا العذر اخلقه
يا سميّ العود يالجنب ياخوي الكبير
من سعى في لازمه بعد ربي حققه
وانت حددت الخطا ثم حثّيت المسير
وجيت في كل الجهَد والجهود موفقّه
جعله مبارك شهادتك وجعلك بألف خير
جبتها ومن قوّ راسك وعزم موثقّه
اعتليت الطيب والفعل يالوجه السفير
جعل راسك بعد روس الردا المدّنقه
ياولد منهو على طيب فعله ما يحير
كل دربٍ للنواميس قدمك يطرقه
"فالح" الطالات والعز عون المستجير
فوق كل قمة من المجد ركّز بيرقه
عنده إن المستحيلة على شانه تصير
والفعول الي تنومس تبرهن مَنْطقه
نسل من مجلسهْ ريف الطراقي والقصير
قبل يتمم ضيفه ألا الذبيحه معلقّه
شايبٍ يوم ان الأوضاع شرّ ويوم خير
كم ريالٍ وسط جيبه على الطالة احرقه
جدي الي يدهْ تندا من الخير الوفير
يعطي من يبغى العطا ولآ يحسّب وش بقى
مانحسّب وش خسرنا من الشي الكثير
ولاحسبنا وش خسرنا حسبناها صدقه
مع خْوانه مالهم لا مثيل ولا خشير
أسم باني قصر الأمجاد والطيب اعشقه
هادي الي بان فعله على عيون الضرير
كن ربي للأمور الصعيبه خالقه
معه عبدالله شجاعته ما تبغى شوير
كل جمعٍ من متونه تقدّم وافرقه
ربعي الهيلا عتيبة هل السيف الشطير
كم عقيدٍ طاح منّا ودمّه ترهقه
يوم كان الوضع حامي وشرّه مستطير
يشهد إلنا وسط وأطراف ذيك المنطقه
المسمى نجد يوم الدهر شرٍ شرير
من نوانا كنهْ ناوي لـ حبل المشنقه
في نهارٍ تطبخ الروس بالأسم الشهير
من عزاوينا جماجم عدانا تنصقه
طبعنا ثابت من الوقت الأول للآخير
كل عام ومجدنا كنهْ شمسٍ مشرقه