Рет қаралды 4,196
متي على الله ياحمـد يظهر..سهيل
ونشوف نجمه في دجا الليل لاحي
يطلع علينا النجم.....ويبرد الليل
ويهب ذعذاعه من اربع....نواحي
يقصر نهار الصبح ويطول ...الليل
ونبدل المسرا بممشا ...الصباحي
ناخذ لنا مع كل درب ن..محاصيل
نضرب تهاتيه الدروب..الصحاحي
احد ن سواليف عن الذود والخيل
واحدن عن طيور الهدد..والفلاحي
قمنا انتعايا والحكايا .......هواويل
ولجة سوالفنا بكثر ......الصياحي
احدن نقل طيره يبي زود ...تدهيل
واحدن يشيك موتره من...صلاحي
هذا على شفه يحط.......المعاميل
وهذا يكمل مانقص.......للمراحي
راع الولع دايم يبي شوفته.. سهيل
يرجي على الله شوف برق الجناحي
في خايعً قفرً جفوه .........النوازيل
واهل الدبش تقصر عليه المراحي
فيه الغضا والرمث وتلقا به...الريل
وعشب عقب رش المطر في..فاحي
هذي طراة العمر لاقيل......ماقيل
وكلن على شفه وذوقه ......يروحي
هي منوتي ياخوك يوم..المحاصيل
رفقة هل المعروف بعاد...المناحي
شرواك لاعدو زحول ......الرياجيل
اللي علي الخوه كما البرق....لاحي
يابو خليفه هون الوضع....ويهون
لابد ماتبرد علينا .........الليالي
اقفت سموم القيض والحر من دون
وذعذع عليـنا ياهبوب الشمالي