Рет қаралды 3,618,684
سهيل في قاصي سماء المملكه بان
والجو زان وبردن الغداري
واستبشروا بالخير في كل الاوطان
واستبشرت بالخير جرد الصحاري
وزان الهداد وجو راع الولع وان
اللي لشوفه طول الانتظاري
لو كان مالي بالهدد والقنص شان
الا انها سلوت كثير الطواري
لابان نجم سهيل مع وقت الاذان
واليل طال وقل وقت النهاري
الله على خوت طليقين الايمان
الي لهم بالطيب علم ومواري
على ثلاث جيوب من نوع نيسان
اخر موديل النوع سوبر سفاري
نمسى علي ديره خلا مابها اسكان
الا الذواري تقتفيها الذواري
ماطبها الا الوبل من غر الامزان
ولا داجها غير الوحوش الضواري
قاعن خضر يبعد عن النفس الاحزان
والسيل باطرافه له ايام جاري
وان ذعذع الغربي وحرك للاغصان
وهب البراد اللي بتال العصاري
نزبن على الضلع المجاور مسيان
الي ركونه لطراقي مذاري
واقدم لشب النار والكيف عجلان
شغموم لنوماس والطيب ضاري
وقدم من الرسلان للكيف رسلان
فيها من الخولان ولا هراري
على طرف جذوه بعد جرمان زان
يالين فاحت مع نسيم البراري
ثم ساقها للي حواليه بتقان
من اليمين يسوقها لليساري
فنجالها يجلي عمس كل عمسان
ودارت سوالفهم بذوق ووقاري
ثم اهجعو لين الفجر وقت حان
وجهر مؤذنها بصوتن جهاري
وقامو لها بخشوع واتقان وايمان
ماقال مسلم طبقو والبخاري
ومن بعدها يامدور النوم غلطان
عقب اشعمو ال قهوة الصبح ناري
نارن بها عن سبرة البرد مزبان
اللي تزايد مع هبوب الفجاري
وليا اشرقت شمس الضحى والهدد زان
وكلن على ذبح الحباري يماري
هذا على كفه نقل فرخ شيهان
بحريتن وقت الهدد ماتداري
وهذا على يمناه مغتر بالالوان
حرن مخاليبه سوات الشباري
احدن ذبح في هديته طير كروان
واحدن ذبح في هدته للحباري
هذي حلات العمر لوكان ماكان
سجت نشاما في فجوج الصحاري.
في لازم الخوه غدوا مثل الاخوان
ولجل الوناسه ماحسبو للمساري