شيلة رمح شمر 2023 🔥 | منقية خالد اللغيصم | كلمات علي العساف | اداء خالد ال بريك

شيلة رمح شمر لـ منقية باشات شمر لمالكها خالد اللغيصم
-
كلمات : علي العساف
اداء : خالد ال بريــك
-
" الكلمات "
هبّت هبوب الحميّه يا هبوب البراد
وهذي هبوبٍ ما يقوى صلفها كود ذيب
ذيبٍ قنيبه يهيّم كل جزله بواد
لكن له مدةٍ ماهو يود القنيب
ما عاد لي شف فـ أغلب مغريات العباد
لي عام ضارب على زينة حياتي صليب
اغيب ولأسمي مكانه فوق سبعٍ شداد
وفالقسمه إليا حضرت اخذت كل النصيب
اقصد وشعري من الله ما يعرف اقتصاد
اما رفع فالسما ولا دفن في شعيب
يا مير ماهي بلحيّة مدح ولا هجاد
الوضع وقفة قبيله ما تبى ألا عريب
شاعر وقوفه فريضه مثل فرض الجهاد
صدته كفرٍ بواحٍ ما دخل فيه ريب
يطول عزمه وراسه كل ما طال ماد
والعود الازرق يزيده عامل الوقت طيب
يا كليب زود الحطب والهيل فأم القناد
شمّر لفت تدحم في جمع عَده مهيب
استغفر الله تقول جمع يوم التناد
من هوله الطفل يملى راسه الهش شيب
لعيون خالد وخالد رمحنا فالشداد
رمحٍ تمثنى البلاوي ما تقفى كليب
ذيبٍ قنيبه يهوّن صوت قدح الزناد
من خاصمه يكثر من اللطم ومن النحيب
من نسل شيخٍ بقى اسمه مثل ذات العماد
ما يجهلونهه هلل القران خل الصليب
لا راحت اريا الخلايق مثل سرب الجراد
رايه يولّج جمل من حنكته في قليب
جدعان فخر اللغيصم في نهار الطراد
يوم البلاوي تطيّش كل عقلٍ لبيب
ورّث رجالٍ مضاربها مضارب حداد
اللي عجز وابتلش فـ معالجتها الطبيب
اخوان جوزا فخر شمّر ما عنهم حيّاد
من دونهم نسنهج الحله بضربٍ عطيب
يا شمر الوضع ماهو زين وضحٍ سناد
حميّه الله يقلع من يصد ويغيب
يا شمّر انتم هلل الامجاد واهل الشداد
من قبل لا الناس ترقى فوق كور النجيب
يا شمّر انتم هلل التاريخ عد وعتاد
سيوف حربٍ مضارب حدها ما يخيب
يا متعبين الخصوم متعبين الجياد
دون البكار استبحتوا كل قاعٍ رحيب
العام غرس البذر واليوم يوم الحصاد
واللي انتصر في بدر اليوم عيّا يجيب
حوّل عليهم ولد جدعان طير الهداد
محوال جدانه اللي يحتمون الطليب
حضّر حلالٍ يقد من الليال السواد
نبصر حلاها لو ان الشمس تنحى المغيب
بكار وضحٍ بكور الوسم منها تقاد
لو مالها جرةٍ فالقاع نتنى الصبيب
عشرين فرديةٍ لو بيّنت يا سعاد
في عهد كعب اعرفي مالك بشعره نصيب
ما نلبس ان جات تعرض غير لبس العياد
نشوف عوج الرقاب هلال نصرٍ قريب
باشات شمر غزايز من كساه السهاد
في دبرة ابله رفض ينصى ويندب نديب
يا رمحنا قرطبه تشهد فعل بن زياد
ورماح والله لا تشهد فعل بوشك قريب
ان عودت مشترى وان عودت للتلاد
شمر هلل البوش واهل الفوز غصبٍ وطيب