Рет қаралды 1,959
Subscribe to Sayed Mekkawy KZbin Channel | اشترك في قناة سيد مكاوي
bit.ly/SayedMekkawy-YT
#Sayed_Mekkawy | #سيد_مكاوي
• Lyrics : Salah Jahin | صلاح جاهين
• Composition : Sayed Mekkawy | سيد مكاوى
• Music Arrangement : Sayed Mekkawy | سيد مكاوى
• Lyrics | كلمات الأغنية :
"بنات: قبة سيدنا الولي دول نوروها. ما أحلى البيارق والناس بيزوروها. قبة سيدنا الولي في الجو عالية. ما أحلى البيارق لما نوروها.
بائع: حمص حمص، تل ما ينقص، ع النار يرقص. يرقص يرقص ويقول. اللي شاف حمص ولا كلش. حب وإتلوع ولا ولا طالش.
فتاة: يسترك هات حبه بقرش.
الجميع: هاهاهاهاهاهاهاااو.!
حمار ينهق . بائع: حمص حمص حمص .. حمص حمص حمص .. اسعى اسعى اسعى اسعى .. حمص حمص حمص .. حمص حمص حمص .. اسعى اسعى اسعى اسعى مصوراتي : خدلك صورة سته في تسعه اسعى اسعى اسعى اسعى مصوراتي : خدلك صورة سته في تسعه .. اسعى .. اسعى .. اسعى اسعى اسعى اسعى القهوجي: ياسي عجورة النار خسعه
االله... لله... الله...
بائع : عجمية,
االله... لله... الله...
بائع : باللوز,
االله... لله... الله...
بائع : طعمية
االله... لله... الله...
أراجوز،
الله.... االله... لله... الله...
الأراجوز : الليلة الكبيرة يا عمي والعالم كتيرة المجموعة: الليلة الكبيرة يا عمي والعالم كتيرة. ماليين الشوادر يابا م الريف والبنادر. الاراجوز : دول فلاحين ودول صعايدة دول من القنال ودول رشايده الليلة الكبيرة يا عمي والعالم كتيرة.
العمدة: ياحضرة الاراجوز قول لي,
الأراجوز: نعم ياعمدة عاوز ايه.
العمدة: منين يروحوا لمتولي ؟
الأراجوز: امدح نبينا وصلي عليه.
العمدة: اللهم صلي عليه.
الأراجوز: تمشي كده على طول على طول.. لحد ما تلاقي عمارة.
العمدة:لحد ما الاقي عمارة.
الأراجوز:تدخل يمين تلقى بتاع فول.. دكانته على ناصيه حارة.
العمدة:دكانته على ناصيه حارة.
الأراجوز:تدخل يمينك في شمالك.. شارعين وفي التالت تكسر..
العمدة:شارعين وفي التالت أكسر.
الأراجوز:على اليمين واخد بالك... وتمشي على طول تتمخطر.
العمدة:وامشي على طول واتمخطر!,
الأراجوز:تفضل كذا تمشي وتدب.. وتخش من مطرح ما طلعت
العمدة: واخش من مطرح ما طلعت
الأراجوز: ولما تلقى مقلة لب.
العمدة:ولما القى مقلة لب.
الأراجوز: تعرف بانك تهت وضعت !
العمدة: دي وصفه سهلة، دي وصفه هايلة.
المجموعة: مع السلامة، مع السلامة، مع السلامة يا أبو عمة مايله. مع السلامة يا أبو عمه مايله.
لاعب البخت: فتح عينك، المجموعة : تاكل ملبن. لاعب البخت: فينك فينك، المجموعة: تاكل ملبن. لاعب البخت: اوعى لجيبك.. لا العيب عيبك، قرب... جرب... نشن... وسطن ايدك وسطن. إضرب.. البندقية: طاخ!
لاعب البخت: يحميك يا ابني تبقى غالبني. قرب خد لك حتة ملبن.
بائع: فريرة للعيل.. يا أبو العيال ميل. خد لك سبع فرارير.. زمارة.. شخليلة.. عصفورة يا حليلة.. طراطير يا واد طراطير!
السيرك. المعلن: الليلة الليلة السيرك تعالوا دي فرجة تساوي جنيه قولوا هيه. الأطفال : هيه هيه هيه المعلن: بمناسبه هذا المولد يوجد برنامج سواريه... قولوا هيه الأطفال : هيه هيه هيه المعلن: في السيرك شجيع يهجم ع السبع ويركب دوغري عليه...قولوا هيه.. الأطفال : هيه هيه هيه المعلن: وبنات قمرات زي الشربات حلوين مش عارف ليه... قولوا هيه. الأطفال : هيه هيه هيه المعلن: وكمان بلياتشو تعالوا اسمعوا نتشه وشوفوا هيعمل إيه..قولوا هيه الأطفال : هيه هيه هيه
مدرب الأسود: أنا شجيع السيما.. أبو شنب بريمة أول ما أقول هالى هب وأصرخ لى صرخة ""ها ها ها"" السبع يتكهرب ويبقى فرخة ! حالا بالا سأصارع أسد إنما أيه متوحش وهخلى وجهه شوارع ! تسقيفة يا ناس ما يصحش ! اهو جه اهو جاه .. تسقيفة بقي .. تسقيفة أمال.. تشجيعة أمال.. تعالى لي لالي لالي يا حبيبي تعالى لي.
دقي يا مزيكا حمار ينهق مزيكا حمار ينهق
الجمهور: هاهاهاهاها مزيكا
بائع: السمك مقلي كل وبرق لي! صنف زي الفل.
بائع: استخار واختار، فشه أو ممبار. يلا سمي وكل.
زفة المطاهر.
نساء: يا أم المطَّاهر رشي الملح سبع مرات. في مقامه الطاهر خشي وقيدي سبع شمعات.
أطفال: يا عريس يا صغير. علقة تفوت ولا حد يموت. لابس ومغير وح تشرب مرقة كتكوت.
رقصة الحصان.
في القهوة
المعلم: بالذمة دا سابع عيل. مزفوف من وقت قليل.
القهوجي: مولد شيلالاه يا معلم. عقبال أولادك.
المعلم: كلمِ.
نداءات: واحد مضبوط واتنين مصري.
القهوجي: ع النار حاضر جايلك دوغري.
يوزع تحيات: مسا التماسي يا مسا التماسي، يا ورد قاعد على الكراسي.
نداء: هات شاي يا دقدق.
القهوجي: عيني وراسي.
يدخل الريس حنتيرة مغن القهوة الصعيدي.
الجميع: سمعنا يا ريس حنتيرة.. للصبح معاك السهيرة.
الجميع: سمعنا.... سمعنا.
• Follow Mazzika:
• / mazzika
• / mazzika
• / mazzikatv
• mazzikagroup.com/
© Powered By Digital Sound
bit.ly/Mazzika