اسباب فصلة السبلت وقت((الظهر))

مشكلة هذا السبلت يفصل وقت الظهر بسبب درجات الحرارة العالية هناك عدة اسباب لهذه الحالة سوف تشاهدها في هذا الفيديو
وأي استفسار لديك بخصوص التبريد لا تتردد في مراسلتي او كتابة تعليق في المشكلة اخوكم وخادمكم علي الكهربائي
07717833905

[@tofetofe292]

اخوان رجاءا لحد يتخطى الدعايات اللي تظهر في الفيديو تابعوها كامله علمود يستفاد الاخ علي الكهربائي جزاكم الله خير الجزاء...

[@aliaa88]

شكرآ على هذا التنويه 🌹🌹🌹

[@a.b.m5035]

اقل ما نقدمه لك نتابع الاعلانات للاخر وما نفصله دام انك تعبت وشرحت واستفدنا منك البعض يريد ياخذ الفايده والمعلومه بدون ما يخسر ثواني بدعمك جزاك الله خير تحياتي لك من اليمن🌷

[@aliaa88]

@a.b.m5035 بعد عمري الغالي الف تحية وسلام لشخصك الكريم

[@امممحمدامممحم]

​@@aliaa88اخي اكدر اشيل البليتة العازلة بين الكمبريسر والمروحة علمود يدخل الهواء للكمبريسر

[@aliaa88]

@user-un9rh1co2p لا اخوي هذا الشي غلط حرارة الشبكة الخارجية راح تزيد من حرارة الماطور اذا تريد افتح فتحة قرب الفان مقابل الماطور وخلي مروحة تسحب الهوى الحار

[@اللهكريم-ت5ق]

وين احصل هيج كهربائي بمنطقتنه كلهم هوش حشاك ولافحص لاشي كله بدل بدل وتششششش شحن غاز وتششششش طلع الغاز هااا عمي شكو عمي غازك خلص مفعوله وتشششششش حطيتلك غاز جديد وكله جذب وكلاوات وهنوب وهوه موجود يبرد من يطلع تروح لبروده مادري الطركاعه شني

[@MONTZ616]

هههه اي وعلي

[@aliaa88]

@MONTZ616 خادمكم

[@MONTZ616]

@@aliaa88 خادم الحسين عليه السلام

[@الإعلاميمصطفىالأسدي-ض5ح]

شلون اعرف الماطور مالت المروحة تعبان؟

[@aliaa88]

علميآ من قياس اطراف الماطور عن طريق قياس مقاومة الملف او نظريآ قياس قوة الدفع اذا كانت معقولة او ضعيفة

[@مهند-المجدي81]

استاذي العزيز وأكو سبب أهم من الي ذكرتهن هو رمز الماطور أذا كانT2 فيعني مخصص للمناطق المعتدلة وأذا T3 فيعني مخصص للمناطق الأستوائية والحارة يعني الي يوالم أجوائنا هو T3

[@aliaa88]

حياك الله عيوني نعم صحيح نسيت اذكر هاي المعلومة احسنت بارك الله بيك

[@hayderalnjjar102]

ماله علاقة هالسالفة السبلت مالتي T فقط وكلشي مابيه صارله ٨ سنوات

[@aliaa88]

لا هاي السالفة الهة علاقة الT1 ما يتحمل دراجات عالية بس ممكن السبلت مالتك نوع زين والشمس مو عامودية علية ومحافظ علية مايفصل عندك

[@الشمري-ه2ك]

​@@aliaa88أحسنت عندي كري T1كان يفصل وضعت عازل للقطعة الخارجية عن الشمس بعد ميفصل

[@aliaa88]

نعم لأن ما يتحمل درجات حرارة عالية

[@حسنقاسم-ط8ذ]

ستاذ علي عدي القطعه الخارجيه هم يفصل والفان بي صوت

[@aliaa88]

@@حسنقاسم-ط8ذ شوكت تفصل بس الظهر لو كل وقت

[@حسنقاسم-ط8ذ]

نوبات الصبح يفصل ويرجع نوبات الضهر نوبات يفصل مايبرد شلع

[@حسنقاسم-ط8ذ]

هسه حطيتله كابستر ماله ابو 5 سويته ابو 6 شوي احسن هنوب طلع عندي الفان بي صوت شلون الصفاره يصفر ويسكت يصفر ويسكت

[@aliaa88]

@@حسنقاسم-ط8ذ نضفت القطعة الخارجية زين

[@حسنقاسم-ط8ذ]

جان مابي شي ابد ويبرد من جبت واحد غسله وطك الرادير الفوك بيده حيل كام يطلع التراب السبلت ماصحه ابد حطيتله غاز ردت رحمه لمك اشتغل وهاي اجيبه المصلح حطله غاز وبس ياخذون فلوس يمكن باجر ابدل الفان شسوي مليت من المصلحين ماعدهم ماله الله بس سحب فلوس سحب

[@SadkMoohmd]

اخوي اريد رقمك بلا زحمه عندي سؤال كلش مهم

[@abomorad]

السلام عليكم اخي بلا زحمه عندي جهاز طن ونص حرت شسويله ساعه ينطي هوى بارد وساعات يدفع هوى حار وكانما يتحول تدفئه ويفصل ويطلع على الشاشة حرف اف فور

[@aliaa88]

عليكم السلام عيوني خوية هاي المشكلة بماطور الفان القطعة الداخلية اما يكون الماطور نفسة بي مشكلة او بلفيشة مالتة بتجاه الكارت

[@abomorad]

@@aliaa88 رحم الله والديك اخويه

[@fatmaa.a4397]

السلام عليكم استاذ عندي سبلت TCL طن ونص جان يشتغل طبيعي حاليا. من اشغل يشتغل الضاغط وتبرد البوريات والهوه بارد تقريبا نص دقيقة ويفصل وتبقى المروحة الخارجية مشتغلة بدلت الكابستر. فحصت اسلاك الضاغط يوجد توصيل واي لوز ماكو. على الاقطاب الكونتكتر. جاي يوصل قست المقاومة بين أقطاب الضاغط R 4 B R. 2.6 W W. 1.6. B فولتية المصدر 230 المشكلة التيار 27. ( علامة وفاة) بلازحة اذا اكو حل او اكو شي.مافاحصة مع التقدير.

[@عمى-ط4ص]

أبو حسين عيني عندي سبلت ٥ طن يعزل الظهر دائماً ويطلع رمز E 5 شنه سبب يرحم والديك لأن والله تعبني نوعيت السبلت أور كار المصري

[@aliaa88]

حياك الله عيوني الغالي شوف رمز الE5 هذا حساس القطعة الداخلية الي يصير على البايبات بلراديتر بس انة ما اشك بي اتأكد من سرعة المراوح الخارجية ونضافة القطعة لأن الفصل بس الظهر يعني جاي يصير ارتفاع بدرجة الحرارة ويفصل الماطور وومكن حتة نقص الغاز هم بي هيج تأثير

[@جميلالشباني-ه2ض]

اجيبلك السبلت من الديوانيه للبصره بعد اخوك من تجي مشايه اني معزبك حتى اشوفلي السبلت تحياتي يحفظك الحسين ع

[@aliaa88]

يابعد عمري جزاك الله خير عساك سالم لا والله ما مشيت للزيارة عندي هواي التزامات

[@جرحالفراق-ض5خ]

الله يخليك جاوبني عندي سبلت الحافظ بالنهار حار يتأخر ويفضل وبليل يفصل دقيقه ويطفي دقيقه وحار الهوى نار

[@aliaa88]

هذا الماطور يفصل وهواي اسباب اما يكون الماطور ضعيف او القطعة الخارجية وسخة او سرعة الفان الخارجية بطيئة لازم ينفحص واذا بلبصرة انة حاظر

[@saifsaad4725]

استاذ عندي سبلت دفع القطعة الداخلية ضعيف رغم معلي الفان اقوى ششي.. منين المشكلة.؟

[@aliaa88]

شوف عيوني اسباب ضعف دفع القطعة الخارجية السبب الرئيسي وسخ في القطعة الداخلية اما الراديتر ((الشبجة)) او وسخ في السربس المروحة الطويل لازم نظيفة الاسباب الأخرى ضعف في كابستر المروحة الداخلية ((السربس)) او ماطور المروحة نفسة بي ضعف ابدأ من السهل حتة الصعب بلفحص

[@علاماتالحزن-ث4ك]

سلام عليكم استاذ علي عندي مكيف گرافت من اشغله يحدث صوت ويعيد دوره كامله وينهض.والى اخليه على 3 يا له ينهض ماهو السبب

[@aliaa88]

عليكم السلام ورحمة الله اذا صوت زنة ويرجع يشتغل اما تكون ضفيرة الوايرات بيهة رخاوة او الكابستر بي ضعف

[@ابوحسنالبصراوي-خ5ي]

اكلك انت تريد بس تنشر انا شي مو عملي اجي وتعرض لصعقة او اعطل الجهاز عليمن هو ١٥الف اجيب فني وابدلة والضفيرة ١٠الاف اجيب فني ثقة عالاقل يعرف الضفيرة او الكابستر الصليين

[@aliaa88]

هذا الشي راجع الك اذا ما تريد تستفاد انطي فلوس وصلح محد جابرك انة انطي المعلومة للناس الي تريد تتعلم وتستفاد

[@muslimalbadr-v2v]

ألف ألف ألف رحمه على والديك أبو حسين على هذا الشرح المفصل بارك الله بجهودك واستمر وجزاك الله خير الجزاء

[@meemee6641]

السلام عليكم وين هذا المصلح يا محافضه اذا قريب خلي يصلح السبلت والله جديد ويشتغل بس ماكو تبري

[@aliaa88]

عليكم السلام عيوني موجود بلبصرة

[@EmadKa-u3o]

السلام عليكم اخي سبلت ٥طن يطلع علامه e1السبب شنو شكرا

[@aliaa88]

عليكم السلام عيوني هذا الرمز خاص بحساس الحرارة الداخلية اما تبدلة يكون بلقطعة الداخلية الي هو الثرموستات او تقشط طرفين الحساس وهو مربوط وتخلي علية مقاومة زغيرة اذا راح الرمز معناها الحساس عاطل لازم تبدلة

[@العراقي-ي4ل]

السلام عليكم هاي المكيف العندي الجبته البارحه مستعمل صلحاه اوكمل جبته للبيت البارحه اليل كله زين بس بده يشتغل عندي البروده اويفصل ايضل ايذب بس هوا عادي حار يبقه نص ساعه يفصل او يرجع يشتغل التبريد ١٠دقايق اوهم يفصل ماهوا السببب

[@aliaa88]

عليكم السلام عيوني السبب اما ضعف الكهرباء او وسخ في الراديتر الخارجية

[@ذياب-ض8ك]

وين الونتكتر،،،،؟

[@زيتونهالعراقالعراق]

السلام عليكم استاد علي ممكن اتفهمني ليش يديرون غاز 134مكان 22

[@aliaa88]

عليكم السلام عيوني والله خوية كلمن كام يشتغل بكيفة انة شايف جماعة يخلون نص شحنة 134 ونص يكملونة بل22 يكولون ابرد يصير بس هو كل سبلت مخصص اله غاز

[@حسينلاسدي-ق3ه]

يرحم والديك إذا أمكن رقمك عندي استفسار

[@meemee6641]

بعيد علينه احنه الديوانيه حسبالي من الديوانيه

[@aliaa88]

خادمكم

[@MONTZ616]

سلام عليكم ورحمة الله وبركاته عندي سبلت مرات ظهرية يفصل داخلية وخارجية سوة شنو سبب؟ كل عشر دقائق يفصلن ويصير بيهن ضعف وي فصلة هاي ظهرية

[@aliaa88]

عليكم السلام عيوني هاي ممكن مشكلة بلكارت لو اكو واحد من الوايرات لو راخي لو يباس من الحماوة ويفصلن

[@MONTZ616]

@@aliaa88 سلام عليكم يا وايرات قصدك مال ضاغط؟

[@حسنطاهر-ك6ض]

السلام عليكم اخي الكريم عندي نفس نوعية جهازك الي هو LG صار يفصل كل دقيقتين بأستمرار ع مدار اليوم مع العلم الجهاز نضيف من الداخل والخارج وطريقة ربطة . ارجو الرد جزاك الله

[@aliaa88]

اتأكد من سرعة الفان اخاف بطيئة لأن الماطور يحمى عندك

[@حسنطاهر-ك6ض]

@@aliaa88 شكراً

[@زيتونهالعراقالعراق]

السلام عليكم ارجو ان تتحملني(سؤال ثلاجه ماطورهه ربع فحصنه الاعاقه وصل طول الكابلري 5متر والعلاقه أقل من250تقريبان225 والابلري 0.031جم اكو ضرر على الماطور مع العلم الماطور جديد ,(ارجوما اكون ماطولت عليك ،)ربي يبارك فيك

[@aliaa88]

عليكم السلام عيوني حياك الله من الشرط قبل عمل الاعاقة وتبديل الفلتر يجب تنظيف الدورة بلكامل اما بلنسبة للأعاقة المقبولة من 220 الى 250 ما يهم طول وقطره ماكو اي مشكلة على الماطور

[@زيتونهالعراقالعراق]

شكراً عيوني بارك الله فيك زكاة العلم تعليمه

[@امنِظُر]

خويه بلا زحمه عندي مكيف صناعه سوني غسلته وتأكدت من تظافته وبعده يفصل شسوي بهل حاله علما مخليله رافع قدره والمهرباء 215

[@aliaa88]

يفصل بس الظهر لو كل وقت

[@امنِظُر]

@@aliaa88 من يشتد الحر فتره 12ظهر لحد8بليل وهوه بمكان مغلق يعني مو على شمش مباشر

[@HhHh-b9e4f]

هل البوريات اذا مامغلفه كله يسبب فصل

[@aliaa88]

نعم ممكن اذا كانت درجة حرارة الجو عالية لأن ماطور القطعة الخارجية يعتمد على الغاز البارد الي راجع عن طريق البايب الكبير حتة يخفض من درجة حرارة الماطور

[@meemee6641]

اذا ماتصير زحمه السبلت من نشغله يشتغل بس الهواء حار والمروحه الخارجيه تفتر سريعه بس ماترعد ماكو صوت شنو السببه وفقك الله اشرحلي الحاله

[@aliaa88]

@@meemee6641 عيوني ممكن القطعة الخارجية تشتغل بس الفان والماطور طافي لازم تسمع صوت زنة الماطور مشتغل لا اذا ما مشتغل ممكن يكون عندك الكابستر عاطل او قطع في ضفيرة الوايرات اما اذا الماطور مشتغل والهوى حار معناها ماكو غاز بي ليك

[@meemee6641]

الله يوفقك لكل خير

[@عليالمَدائني-غ1غ]

زين هوه البارد يعتبر مشترك ليش ماربطته مع البارد الرئيسي ليش بالكابستر

[@aliaa88]

صح البارد مشترك نربطة بلكابستر حتة يكون قريب ونكدر ناخذ فرعيات لباقي الاجزاء

[@عليالمَدائني-غ1غ]

@@aliaa88 اني كهربائي مو اختصاص تبريد بس حسب معلوماتي انه البارد يلوز بالفرعيات فاشوف لو تربطونه بالمسطره الرئيسيه الي غذيت منهه موبالكابستر افضل لان الكابستر يعتبر نقطة تقويم للبدء فميحتاج تربط بي بارد

[@mhamadkhalil5666]

السلام عليكم عندي سبلت ميديا يطلعp7 غاز طبيعي كابستر جديد كهرباء طبيعي شنو سبب

[@aliaa88]

عليكم السلام عيوني هذا الماطور تصعد بي الحرارة ويفصل اتأكد من نضافة القطعة الخارجية والمروحة واذا ما بيهم شي حاول تصعد شحن الغاز الى 75 حتة يبرد الماطور وحاول تخلي فدشي فوك القطعة حماية من الشمس

[@مهندالعبادي-ت2ت]

اخوي ممكن خدمه سبلت عندي يفصل القاطعه الخارجيه وداخليه نضيم يكلولي صوج الماطور المطور نضيف

[@aliaa88]

حياك الله عيوني هذه المشكلة دائمآ تصير بسبلت الاواكس والميديا وهذا اكثر شي الكابستر مال القطعة الخارجية ضعيف ومرات يكون نقص بلغاز للأفضل تبدل الكابستر وتصعد ضغط الغاز لل70

[@مهندالعبادي-ت2ت]

@@aliaa88 بدلت كابستر نفس الحال

[@aliaa88]

@مهندالعبادي-ت2ت لازم ينفحص موقعي لأن التخمين بهيج عطلات ما ينفع لازم الفني يشوفة حتة يحدد العطل صحيح

[@صالحمهدي-و2م]

السلام عليكم ورحمة الله وبركاته عزيزي ابو تبارك مشتاقين جدا لرؤيتك ونسأل الله أن تكون بخير وعافيه والعائلة الكريمة ونحن متحمسين لدروسك القيمه وشرحك اليوم لاعطال السبالت كان روعه ومعلومات جدا مفيده الرجاء الاستمرار حفظك الله ورعاك ودمت بخير ر

[@aliaa88]

عليكم السلام ورحمة الله وبركاته الله يعزك استاذ صالح انة الاشوق بتواجدي وحضوري معاكم والحمد لله على دوام الصحة والعافية بدعواتكم ان شاء الله مستمرين في نشر الفائدة والعلم للجميع

[@sazx9072]

ترة هي حسب نوع ضاغط السبلت مو سبب بالقطعة الخارجية اذا جان الضاغط T2 يتحمل 50 درجة وجوة او اقل من 50 و T3 الي هو يمي يتحمل 70 او 60 او الT4 يتحمل درجات حرارة عالية جدا

[@جمعهاللامي-ص7ف]

واذا بس T

[@sazx9072]

@@جمعهاللامي-ص7ف ماكو T بس هية تجيك بس T وياها ارقام

[@sazx9072]

@@جمعهاللامي-ص7ف اقصد T تجيك وياها ارقام

[@husean-1235]

اللة يوفقك استاذ علي ياطيب يا ابن الطيب ويجزيك خير الدنيا والاخرة اني حسين من ديالى دائما اراسلك وما تقصر وياي اصلك طيب وابن طيب ويجعلك من اتباع سيد الشهداء ويحشرك معاهم لان انتة جاي تقدم خدمة للناس وتقضي حوائجهم جزيل الشكر استاذ علي

[@aliaa88]

حبيبي الغالي ابو علي ان شاء الله انة تواجدي لخدمتكم الله يقدرنا على فعل الخير للناس دائمآ

[@muslimalbadr-v2v]

ألف ألف ألف رحمه على والديك أبو حسين على هذا الشرح المفصل بارك الله بجهودك واستمر وجزاك الله خير الجزاء اخوك متابعك من الكوت

[@ابوزهراءالناصري-و9ث]

استاذ شلون اعرف كابستر الفان ضعيف

[@aliaa88]

اما يكون منفوخ او مطلع دهن او واحد من الكلبسات راخي من مكانة ...بس احنة نقيسة بلجهاز اضبط

[@fadel416]

والنعم منك ..شرح كافي ووافي ..احسنت في ميزان حسناتك اخي

[@aliaa88]

بعد عمري تدللون

[@mohammedkalel7508]

اخي العزيز حلها فقط شيل الحديدة العارزلة بين الماطور والمروحة فقط وسلملي

[@AaAa-ur3go]

شكرًا على هذه المعلومات اريد بعد اكثر عندي سبلت كيلون داءما يحرق الاسلاك

[@aliaa88]

عيوني اذا دائمآ السبلت يحرك اسلاك معناها الماطور ياخذ امبير عالي وهذا بي عدة اسباب اكو بيهن نفس الي ذكرتهن واذا الماطور بي ضعف او انسداد بلمنظومة هم يسوي هيج

[@HassnKassm-p4q]

خويه اني هم عندي سبلت الضهر يفصل وبليل زين يعني الضهر تبريده كلش مو شي رغم اني الراديتر كلساع اغسله الخارجي

[@Majid-j4h]

عندك عطل بالعكس مالته جيب فني يقرص عاكس وخليه على وتبريد فقط

[@ثائرزياره-ن6ك]

السلام عليكم عندي سبلت ٣ طن كرافت تطلع بي علامة E13

[@aliaa88]

مشكلة بلكهرباء ويفصل الضاغط

[@ثائرزياره-ن6ك]

@@aliaa88 استاذ هو ما يشتغل كلش تطلع بس هاي علامة

[@aliaa88]

السبلت سنكل لو 3 فيز

[@Mo.Amine07]

الحل الأمثل مكيف Tropical الذي يتحمل درجات حرارة فوق 55 درجة

[@عليعلي-ط2ذ9ص]

عدنه رافع قدره من شغل السبلت نص ساعه ويعزل

[@ليثناصر-ق2ر]

وين مكانك

[@aliaa88]

بلبصرة عيوني

[@عليالشمري-غ2ث9س]

اخي السلام عليكم الواير الرئيسي وين اربطه بالداخليه لو بالخارجيه رحمه لوالديك

[@aliaa88]

عليكم السلام عيوني يا واير تقصد هو القطعة الخارجية يجي بيهة واير متر تقريبآ هذا للكهرباء مباشر وعندك واير ثاني يربط بين الداخلية والخارجية

[@عليالشمري-غ2ث9س]

@@aliaa88 اخي يعني الخارجيه الواير المتر اربطه بتيب يعني البعض يكولون يربط بالكوندكتر

[@aliaa88]

@user-pz4yf2zl1r عيوني اذا القطعة الداخلية مربوط وياها واير قصير من الشركة معناها هذا للكهرباء والواير الثاني الاسود يربط بين الداخلية والخارجية اذا بيهة كونتكتر الواير الاسود يجي بي 4 اسلاك حار مباشر للكونتكتر وبارد وخط اشارة للكونتكتر وخط ارضي .. اما السبلت الطنين او اكثر ما يجي بي واير مربوط بلداخلية هذا الكهرباء الرئيسية تربط للقطعة الخارجية مباشرتآ والواير الي يجي ويا يصير بين الداخلية والخارجية

[@عليالشمري-غ2ث9س]

@@aliaa88 بارك الله بيك والله يرزقك بحق يوم الجمعه

[@aliaa88]

@user-pz4yf2zl1r تدللون عيوني الله يحفظكم

[@Aisha69m]

بالبصره الضهر 50 درجه الحراره يفصل توسوت القديم قطعه غسلته وبالفي موشمس ويفصل طن ونص شنو الحل

[@aliaa88]

والله خوية احنة بلبصرة الجو كلش حار وفصلة السبلت طبيعية لأن الماطور بداخلة جهاز اوفر لود هذا من الماطور تصعد بي الحرارة راح يسحب امبير عالي ويفصل وهذا يعتبر حماية بس احنة ننطي حلول عسى ولعل تنفع وهي التنظيف وتقوية الفان الخارجية وغيرها وايضآ تغطية السبلت من الشمس المباشرة

[@فضهحسين-خ5ع]

اخي رحمه لوالديك جاوب سبلت ٢طن نوعيه اوكس بنهار يتحول وحده ع درجه٣٠الا نطفي زنشغله وشويه وهم يرجع ع ٣٠بلمكلوبي تطلع الدرجه بس بليل ميتحول ؟؟؟شنو سبب للعلم جديد اله شهرين والفولتيه تقره ٢٠٠

[@aliaa88]

خوية اكو دكمة تشغيل تصير بلقطعة الداخلية قريبة للكارت تضغطها وتبقى ضاغطها وتطفي الجهاز من الكهرباء وترجع تشغلة يلا تشيل ايدك ان شاء الله يرست ويرجع طبيعي

[@ماجدحميد-ط3ض]

شرح مختصر ومفيد . لك كل الاحترام ❤

[@aliaa88]

تدللون عيوني

[@المطوري-ع9ه]

عاشت ايدك اخي الكريم عندي سبلت طن ونص من اشغله الكمبريسر يصير بي شخطه كل دقيقه وماينهض بدلت كباستر ونفس، الشي

[@aliaa88]

ايدك العايشة عيوني هذا اما الماطور بي نقص دهن او الماطور عبر عمرة الأفتراضي وتعب ممكن اذا يتبدل الدهن وتنضبط الاعاقة يرجع طبيعي

[@hashaw1639]

اشكرك حبيبي ربي يوفقك بحق محمد والِ محمد

[@MHh-i1b]

السلام عليكم اخويه اني عندي مكيف كرافت العام جان يفصل الظهر وبيه كلوب يطفئ الأزرق يعني فاصل وهاي السنه غسلنا عبالنه يفصل لان وسخ اشتغل يومين زين وانوب رجع يفصل الظهر بس صار الكلوب الأزرق يبقى مشتغل

[@aliaa88]

عليكم السلام عيوني معناها بس الماطور جاي يفصل الكهرباء باقية واصلة للماطور واذا هاي الحالة تصير بس الظهر بدرجات الحرارة العالية يعني لازم تسويلة قسطرة معا تنظيف الدورة

[@حسينالمالكي-ن2و]

اخي الكهرباء تضعف الضهر

[@محمدعبدالكريم-خ4ع4ر]

اخويه بلازحمه عندي السبلت يشتغل وره تقريباا ربع ساعه يفصل او بعد ميشتغل اله ثاني يوم يشتغل او نفس الحاله هم يفصل من يفصل الك المروحه الخارجيه تبقى مشتغله شنو السبب بلازحمه

[@aliaa88]

خوية هاي بيهة عدة اسباب يعني لازم فحص موقعي ما تكدر تعين العطل هيج

[@مهندالبندكاري-ف3ن]

معدل ❤

[@aliaa88]

خادم

[@ahrm1170]

استاذ عندي سبلت توسوت يشتغل اول ربع ساعه تبريد طبيعي وراها يصير هواه حار رغم تنظيف القطعه الخارجيه ومن بعد مايفصل اصير طكطكه بالقطعه الداخليه

[@aliaa88]

عيوني الغالي تكدر تعرف وين الطكطكة تصير بلكونتكتر او بلمروحة حتة نعرف العطل

[@ailail4493]

أخي العزيز عندي السبلت يبرد بس الصبح وباليل اني راح اتبع الخطوات إلي شرحتها حضرتك ،،سوالي اذا نقص غاز هم يفصل الضهر والصبح وبالليل يشتغل

[@aliaa88]

عيوني الغالي نعم اذا نقص غاز هم يفصل الظهر لازم تشوف البايبات مالتة اذا البوري الصغير مجمد هذا مليك ومنقص هواي اما اذا بارد قليل منقص قليل واذا مضبوط لازم يكون البوري الكبير ابرد من الصغير

[@mhamadkhalil5666]

السلام عليكم واير 2 ونص يتحمل سبلت طن3

[@aliaa88]

لا راح يحمى الافضل يكون 4 ملم

[@mhamadkhalil5666]

@@aliaa88 اني عندي واير 4 في 4 يتحمل سبلت عدد 3 عل 3 طن

[@aliaa88]

يتحمل اذا كانت المسافة اقل من 4 متر والافضل يكون 6 ملم لأن احسب كل السبالت تكون على نفس البارد ابو4

[@mhamadkhalil5666]

@@aliaa88 زين جوزه 64 تحمل عدد 2 سبلت 3طن

[@aliaa88]

@mhamadkhalil5666 اي نعم تتحمل

[@حيدرموسى-غ3ث]

احسنت جزاك الله خيراً على هذا الشرح المفصل ربي يرزقك ياطيب

[@jehadalr1723]

عنوانك او تلفونك

[@springsun4874]

السلام عليكم اخي العزيز عندي سبلت الحافظ ٣ طن يفصل الظهر لحد الليل ممكن حل حسب علمك وشكرا

[@aliaa88]

عليكم السلام عيوني اول شي لازم تشوف الغاز مالتة مضبوط القطعة الخارجية نظيفة المروحة الخارجية فرتهة طبيعية قوية وتالي تتأكد من قوة الكابستر هاي كلهن السهلات بلبداية بعدة يجي الاصعب ممكن انسداد ممكن ضعف بلكهرباء ممكن ضعف بلماطور

[@ملهقاسم-ظ6ص]

والله انا عندي سبلت بل نهار ما ينهظ بس بليل يشتغل طبيعي الله شاهد وله شايف منه بروده بل نهار مشغل مبرده والله كريم

[@aliaa88]

الله يساعد هواي ناس تعاني من هاي الشغلة

[@mohd68]

ما شاء الله عليك و منك نستفيد تحياتي لك من دار زايد 🎉.

[@ابوحسنالبصراوي-خ5ي]

هية اصلا ليش الكلبسات حامية بسبب حرارة الماطور وعادة بسبب تعب الماطور

[@aliaa88]

وحرارة الماطور شلون ارتفعت غير تعرف السبب لو بس تتعلم كلمتين وتجي تتبرمك علية انة انصح الناس الي فاهمة وتريد تتعلم من الى امثالك

[@bassim7440]

شكرا اخ علي متفضل على المعلومات جزاك الله خيرا

[@aliaa88]

خادمكم عيوني الفضل لله وحدة

[@محمدصالح-ر4ق6م]

هو السبلت فاشل اصلا

[@المسلماويالمسلماوي-ج9خ]

السلام عليكم واذا السبلت كله ينطفي يفصل كهرباء وبعدين يرجع يشتغل والكهرياء 220

[@aliaa88]

عليكم السلام عيوني الغالي معناها المشكلة بلكارت لازم ينفحص

[@mhamadkhalil5666]

السلام عليكم عندي سبلت ميديا 3 طن كنتوري عندي كمبريسر يشتغل 5 دقايق يحمه ويفصل شنو سبب غاز طبيعي

[@aliaa88]

عليكم السلام عيوني من الاسباب الي تصعد حماوة الماطور هي وصاخة القطعة الخارجية يجب غسلها جيدآ ضعف المروحة الخارجية او ضعف ماطور المروحة الخارجية او ضغط الغاز قليل او انخفاض في الفولتية اقل من 200

[@هانيالتميمي-ض7خ]

أخي العزيز اني من البصرة عندي سبلت طنين يفصل جبت أكثر من مصلح كال الغاز صاير اسود والضاغط تعبان

[@aliaa88]

حياك الله عيوني ياهلا بيك قصدك الدهن صاير اسود مو الغاز وهذا يصيرلة حل اذا الضاغط نشط ينذب الدهن ويتبدل وينشحن مرة ثانية

[@slvarDragoon]

اخويه عندي سبلت متحرك واحد طن هماتين يتبدل الكمبريسر مالته

[@aliaa88]

اي نعم يتبدل طبيعي اكو جديد واكو مستخدم

[@فيصلالكرعاوي-ف7ه]

ألف شكر وتحيه حب واحترام لكم على الشرح والتوضيح من الديوانيه عندي سبالت بالنهار يفصلن وبالليل يشتغلن رغم كلشي سويت من نظافه وغاز وتبديل الكابستر ونفس الشي يفصلن بالنهار

[@aliaa88]

عيوني الغالي الف شكرآ على كلامك الجميل اكو بعد شغلتين الاولى لازم تعزل البايبات بعازل كلهن ولفاف حتة يتعزلهن من الشمس وتخلي فد قمرية تسد الشمس عن القطعة الخارجية وتنصي دفع الفان على الدرجة الناصية كلش وخلي درجة الحرارة 22 اذا نجحت تمام واذا ماكو تجيبلك فني تكلة يسوي قسطرة للسبلت وقبل هذا كلة شوف المروحة الخارجية مو ضعيفة تنطي هوى قوي اذا ضعيف حاول تبدل كابستر المروحة اذا كان ابو 2.5 خلي 3 يعني زيد علية نص درجة

[@فيصلالكرعاوي-ف7ه]

@@aliaa88 الف الف شكر على التوضيح ربي يحفظك

[@aliaa88]

حاظر عيوني

[@شاكرالعگیلي]

@@aliaa88 استاذنا الكبير حصل معي هذا الشي السبالت تفصل بالنهار وبالليل تشتغل ونوبات هم تفصل.. وبعدين اكتشفت الكيبل الرئيسي من الشارع للبيت قياسه ٢×٦ مايتحمل ثلاث سبالت والدليل من اطفي واحد منهم يشتغلون اثنين مع تخفيض التبريد لل٢٢ ونوبات لل ٢٤ تحياتي هذه تجربتي حبيت اشاركك فيها يا استاذنا الكبير علي الكهربائي البصري

[@aliaa88]

@user-hp4eb1tl6q بعد عمري الغالي نعم هذا احد الاسباب اذا الكيبل الرئيسي ما يتحمل راح يصير ضعف بلفولتية ويفصل الماطور الف تحية عيوني وشكرآ على المشاركة

[@عليباش-ف5ص]

بروح والديك رقمك

[@aliaa88]

07833390953

[@BA-zo7ep]

اخي سلام عليكم مشكور على التوضيح عندي سبلت يفصل بالنهار أو بالليل مدة الفصل عشر دقائق ويرجع يشتغل طبيعي ويبرد فقط عشر دقائق وبعدها يفصل مع العلم من يفصل تتوقف المروحه وعشر دقائق تسمع دكه صغيره وتشتغل المروحه ويرجع يبرد وهكذا طول اليوم الرديتر نظيفه بالقطعه الحاره والباردة الكابستر ما ضارب الكهرباء 240 جزاك الله خير

[@aliaa88]

عليكم السلام عيوني حياك الله طبعآ المشكلة اكثر تحديدآ بلقطعة الحارة عندك الماطور جاي يحمة ويفصل اول شي لازم تبدل الكابستر لأن مو شرط يطلع دهن او ينفجر مرات يضعف وتنتبه على المروحة الخارجية دفع الهوى قوي لو ضعيف لأن هذا يأثر كلش وايضآ تنتبه ما عندك واير حامي او صاير اسود يابس اما المحتمل الاخير نقص غاز لازم من يشتغل يكون البوري الكبير ابرد من الصغير اذا بلعكس اكو نقص بلغاز

[@H.F_ED]

السلام عليكم ورحمة الله وبركاته أستاذنا الفاضل عندي السبلت يسحب امبيريه عاليه وتنزل الجوزه بعد ما يشتغل فترة ساعه كنت اضن ان السبلت يسحب امبيريه عاليه هذه الحاله بالنهار جربت شغلته بالليل نفس الشي اذن موسبب حرارة الجو حار ممكن يكون سبب اخر انا ما اعرفه لئنني ليس فني كهرباء تبريد طبعا هذا اختصاص أصحاب الخبره مثل حضرتك او اي شخص اختصاصه تبريد متابعك من محافظة البصره

[@aliaa88]

عليكم السلام عيوني الغالي هنا لازم فحص موقعي نفحص شكد ياخذ امبير وشكد الفولتية لأن ممكن اكو انسداد بلمنظومة لازم تشوف وين الانسداد او ممكن ضعف بلماطور لازم نقيس الملفات مالتة انة اخوك من البصرة ورقمي موجود بلغلاف مال القناة اذا قريب علية اجيك

[@ياسرقيمز-ت9و]

جزاك الله الف خير ...

[@MUHAMMED-h4o]

هههههه😂

[@jamaldeeb4523]

نفس الاسباب في كل الفيديوهات السبب هو ان المروحة تسحب هواء ساخن لايبردالمكتف وبالتالى يكون خط السحب ساخن ولا يبرد الكمبروسر بالصورة المطلوبة فيزداد الحمل علي الكمبروسر يفصل أوفر لود ف

[@aliaa88]

صحيح لأن هذه الاسباب هي الرئيسية

[@اصبريياروحي]

سلام عليكم عدنه سبلت يورك اجه المصلح فصل الحار من عنده شوكام كل ربع ساعه يفصل مع العلم شال القطعه الخارجيه اخذه يمه وكمله وجابه

[@aliaa88]

عليكم السلام عيوني لازم يرجع يفحصة خاف شحنة الغاز ما كاملة لو المروحة ضعيفة لو اكو مشكلة بلماطور ....حتة بليل يفصل

[@حياةالريف-ي7ه]

افضل شرح على اليوتيوب انشاء الله بميزان حسناتك

[@بيروتبيروت-ظ5ط]

خوي عندي مكيف يشتغل ربع ساعة ويفصل بعد ماينهض اله نص ساعة تقريبا شنو السبب

[@aliaa88]

زين شنو الاعراض الى تظهر من يشتغل طبيعي بارد ما يجمد ولازم تتأكد من نظافة الراديتر الخارجية والداخلية

[@بيروتبيروت-ظ5ط]

@@aliaa88 والله من يشتغل طبيعي بارد والبوري مالتة مايجمد والكهرباء فوك ال٢٣٠ بدلت كنديسر

[@بابلي-ق6ك]

سلام عليكم استاذ ممكن سؤال . المكيف اقوى لو السبلت . اريد اخليه بمحل . المحل 3 في 8 ولاتكلي كنتوري لان ماعندي مكان غير بس اشد تعليك لو سبلت لو مكيف . واذا جبت ال 410 افضل لو ال 22 افضل ومشكور منك

[@aliaa88]

عليكم السلام عيوني الغالي الافضل الك سبلت تعليك طنين ونص اقل ما يفيد ويفضل 22 تحياتي

[@بابلي-ق6ك]

@@aliaa88 تسلم مشكور منك

[@ghfg1544]

والله علاوي انت ذهب وكلش ذكي والشرح مالتك فول بس عندي سوال اذ القطعة الداخليه وصخه هم تاثر ع فصلت السبلت كل ربع ساعة

[@aliaa88]

انتة اصل الذهب عيوني اذا الداخلية وصخة هم تأثر لا يصير بيهة انجماد وهنا الحساس راح ينطي درجة البرودة عالية وتفصل القطعة وحتة الدفع مال الهوى يقل

[@bmh7909]

من الجزائر و ومن قلب الصحراء.... اقول لك... أحسنت والله احسنت

[@aliaa88]

اتشرف بيك ياطيب على راسي منورني

[@محمدجبار-ه9ع]

الله يبارك بيك

[@garryhenneman8984]

أحسنت الشرح😅

[@حميدابوحميد-ط9ق]

السلام عليكم اخي المحترم عندي لسبلت بوري لسحب يثلج وفحصته مابي زياده بالغاز ونضيف مابي كل اوساخ ماهو لسبب

[@aliaa88]

عليكم السلام عيوني لازم تتأكد من سلامة انطعاج البوري الكبير وايظآ فحص قوة دفع الفان الداخلية وحساس التجميد

[@حميدابوحميد-ط9ق]

مشكور ياطيب

[@عصامالاميرال]

حبيبي اني عندي المروحه مجاي يدفع الهواء بصوره صحيحه وجاي يحمه الماطور

[@aliaa88]

شوف الكابستر الصغير الخاص بلمروحة شكد القيمة مالتة جيب واحد نفسة ممكن ضعيف واذا بدلتة ونفس الحالة معناها ماطور المروحة هو ضعيف لازم يتبدل واتأكد من نضافة الراديتر الخارجية

[@amakidpnamjad8232]

احسنت فعلا ❤❤

[@omaraldulaimi5046]

اخي اذا البواري طولهن مترين يأثر

[@aliaa88]

عادي ماعليهن شي

[@كيسانابوعمرا]

السلام عليكم استاذ عندي سبلت صار شهر من اشتريته وشغله طبيعي بس قبل يومين غسلت القطعه الداخليه وبده يفصل مع العلم رستت الجهاز ونفس الشي واريمونت هم رسته يشتغل دقيقه ويفصل 20 دقيقه مع العلم من يفصل تبقه المروحه الخارجيه مشتغله بس الماطور ما ناهض واسف ع اطاله ارجو الرد

[@aliaa88]

عليكم السلام عيوني ما يطلع رمز بلجهاز هنا عندك الماطور ماجاي ينهض لازم تتأكد من سلامة الكابستر وايضآ قياس الكهرباء وحاول تشوف الماطور اذا شتغل شكد ياخذ امبير

[@كيسانابوعمرا]

@@aliaa88 لا مايطلع اي رمز والكهرباء تقره عندي 220 طبيعيه شلون اتأكد من الكابستر

[@aliaa88]

الكابستر ينفحص بجهاز لازم واذا ماعندك فتحة شوف بي دهن او منفوخ من صفحة او من تخضة تسمع صوت ماي

[@saadatyy]

السبب الرئيسي هي الراديتر صغير العندك.

[@aliaa88]

هذا طن ونص القديم

[@thoalfgarali9385]

احسنت جزاك الله خيرا

[@ateaff88]

بلتوفيق عزيزي

[@aliaa88]

التوفيق للجميع ان شاء الله وبكم نرتقي

[@عباسعكله-ر4ص]

Well done for publishing, may God bless you and reward you with the best reward

[@تِمَنيتإلاحبهُممايبعدون-ح9د]

جزاك الله الف الف خير على هذهِ المعلومات

[@aliaa88]

خادمكم

[@عليحسين-ب2ق9ر]

سلام عليكم يرحم والديك ممكن رقمك اني من البصره جزيره محتاجينك

[@سيدرياض-ش1ر]

السلام عليكم عندي سبلت كنتوري كان تبريده أتغطه بالصيف من البرودة ثلج بعد مانقلته لغير بيت صار هواء حار جبت مصلح بدل كابستر وفحص الغاز وطلع طبيعي وبدلت إكلبسات الوايرات ونظفته غسلته وشغلته البرودة ضعيفة كلش وجبت هم مصلح وهم نفس الحاله هل بعد القطعة الخارجية عن الداخلية يقارب ال5متر تأثر القطعة الخارجية فوق السطح والسبلت بالأرض هل هذا سبب عدم التبريد أو عطل آخر ماعرفوه المصلحين يرحم والديك

[@احمدَالتميميْ-ي1ف9ف]

مشتاقين استاذ شو مختفي طمنه عليك صار فتره ماتنشر

[@aliaa88]

حبيبي الغالي تشتاقلك العافية عيوني بخير الحمد الله ملتهين بمشاغل الدنيا

[@omaribraheemhasan]

جزاك الله خيرا…عيني عندي سبلت الحافظ اصدار قديم، الشاشة مالته لمس، بالجديد من اريد اشغله واسيته على ١٦ ورا شوي العداد مال الحرارة يصعد منه ومن حاله وميوكف الا يوصل للماكس ٣٢ درجة…

[@محمدمهند-ز2ب]

استاذ سؤال بعد اذنك عدنا مجمع طبي بيه ٣ سبالت وصارلهن يومين او ٣ يفصلن وكت الظهر وبليل شغالات عادي مع العلم الفولتيه الي تجي تتراوح بين 170v الى 200v ولكن شادين جهاز رافع فولتيه وتطلع منه 220v .. وشكرا جزيلا

[@aliaa88]

عيوني حياك الله لازم واحد يفحصهن يشوف وين السبب يمكن المروحة الخارجية يمكن الكابستر ممكن انسداد هواي اسباب وما تبين الا فحص موقعي

[@محمدمهند-ز2ب]

@@aliaa88 جزاك الله كل خير استاذ .. شكرا جزيلا

[@aliaa88]

تدلل بعد عمري