სემინარი გივი მარგველაშვილის რომანის - "მუცალის" შესახებ

15 აპრილს "კავკასიურ სახლში", გივი მარგველაშვილის სახელობის ლიტერატურულ-ფილოსოფიურ კვლევათა გერმანულ-ქართული ინსტიტუტის ეგიდით გაიმართა სემინარი გივი მარგველაშვილის ნაშრომზე „მუცალი“.
🔹 ნაშრომი წარმოადგენს ვაჟა ფშაველას „ალუდა ქეთელაურის“ ონტო-ტექსტუალურ რევიზიას, რომელიც მსხვერპლად შეწირულ ლიტერატურულ გმირს - მუცალს თემის ერთგანზომილებიანი თემატურობიდან დაიხსნის და მას ონტოლოგიური თვალსაზრისით, თავისუფლების შესაძლებლობას მიანიჭებს.
🔹ამ ინტერ-ტექსტუალურ მცდელობაში განმსაზღვრელი პრინციპია ჟილ დელიოზისეული „დეტერიტორიალიზაცია“, რომელსაც მარგველაშვილი მუცალის ტრაგიკული ბედისწერისგან დასახსნელად გამოიყენებს.
🔹სემინარის ფარგლებში განხილული იქნება „მუცალის“ ლიტერატურული, ფილოსოფიური და სოციალურ-თეორიული ასპექტები.
მონაწილეები:
🔻 ნუგეშა გაგნიძე (აკაკი წერეთლის სახელმწიფო უნივერსიტეტი, პროფესორი) - ნიკოლოზ ბარათაშვილის „მერანის“ რეცეფცია გივი მარგველაშვილის "მუცალში".
🔻ზეინაბ კიკვიძე (აკაკი წერეთლის სახელმწიფო უნივერსიტეტი , ასოცირებული პროფესორი) - “თემი-თემა-თომინოს" სოციოლოგიური ასპექტები გივი მარგველაშვილის “მუცალში"
🔻მარიამ ხაზარაძე (საქართველოს ტექნიკური უნივერსიტეტი, ფილოსოფიის დოქტორი) - ონტო-თემატურობა და თემი „მუცალში“
🔻ნაირა გელაშვილი - მწერალი, მთარგმნელი
მოდერატორი: რამაზ ვადაჭკორია