Shareek e dawat e Islam hai Abu Talib - part2 - Ali Rizvi Sachay

Shareek e dawat e Islam hai Abu Talib - part2 - Ali Rizvi Sachay and Team
Shareeke Daawate Islam Hai Abu Talib
Nabi Ko Haq Ka Ek Inaam Hain Abu Talib
Hari May Wahi May Ilhaam Hain Abu Talib
Haram Ke Azm Ka Ehraam Hain Abu Talib
Ye Chunkay Laaye Jo Ghuncha Woh Phool Ho Jaye
Phir Inki Godh May Pal Kar Rasool Ho Jaye
Rasoolay Rab Ke Nigehbaan Hain Abu Talib
Nabi Hain Deen Toh Emaan Hain Abu Talib
Nuzoolay Wahi Ka Unwaan Hain Abu Talib
Baghair Lafzon Ka Quran Hain Abu Talib
Inhi Ke Dum Se Huwi Ibteda E Bismillah
Inhi Ne Nuqta Diya Zeray Baa E Bismillah
Payambari Ki Balaon Ka Rad Abu Talib
Madad Khuda Ki Hai Shaklay Madad Abu Talib
Nabi Ki Dhaal Damay Jiddo Kad Abu Talib
Nishana Khatmay Rasul Aur Zad Abu Talib
Jihad Inka Hai Pas Manzaray Jihad E Ali
Ali Hain Baad May Inke Ye Pehlay Naaday Ali
Nazar Chura Gayi Dunya Magar Abu Talib
Kasay Thay Nusratay Haq Par Kamar Abu Talib
Hazaron Taighein Thee(N) Aur Ek Pisar Abu Talib
Rakhay Thay Apni Hathayli Pe Sar Abu Talib
Lagan Jo Unko Na Hoti Charaghay Gul Hota
Nabi Ka Fatiha Quran Ka Bhi Qul Hota
Kahan Hai Tang Nazar Hum Se Bhi To Aankh Mila
Hai Inke Kufr Ka Daawa To Kuch Saboot Bhi La
Koyi Toh Rasm Jihalat Ki Inke Ghar May Dikha
Buton Ke Aagay Jhuka Inka Sar Sar Apna Jhuka
Khuda Ke Noor Pe Oh Khaak Daalnay Wale
Ye But-Shikan Ko Hain Godhi May Paalnay Wale
Rasool Inka Bara Ehteraam Karte Hain
Sawab E Deed Se Tanzeem E Aam Karte Hain
Seher Ko Uth Tay Hi Awwal Ye Kaam Karte Hain
Inhe Namaz Se Pehlay Salam Karte Hain
Nabi Agar Kisi Kaafir Ko Yoon Salami Hain
Toh Phir Zaroor Nabuwwat May Koyi Khami Hain
Inhi Ke Ghar May Hai Khairul Anaam Salle Alaa
Pisar Nabi Ka Hai Qayam Maqam Salle Alaa
Kisay Naseeb Hai Ye Ehteram Salle Alaa
Ke Inke Khurd Hain Sare Imam Salle Alaa
Khata Muaaf Ho Ye Bhi Agar Nahi Momin
Toh Phir Jahan May Koyi Bashar Nahi Momin
Na Janchiye Ye Rawayat Na Seerat O Kirdar
Nabi Ke Ankh Se Ab Inko Dekhiye Ek Baar
Ye Baargahay Risalat May Aap Ka Tha Viqaar
Pacharh Khaa Ke Inhe Roye Ahmad E Mukhtar
Woh Aam E Huzn Bana Inka Jab Visaal Hua
Ye Gham Rasool Ke Ummat May Aik Saal Hua
Ye Marnay Wala Gar Emaan Hi Na Laaya Tha
Toh Kya Rasool Ne Kaafir Ka Gham Manaya Tha
Zaban Pe Waa Abata Baar Baar Aaya Tha
Wo Khud Bhi Roye Thay Auron Ko Bhi Rulaya Tha
Jatadiya Tha Ke Jo Mohsin E Risalat Hai
Toh Usko Rona Rulana Nabi Ki Sunnat Hai
Ye Baat Agar Ho Ijazat Toh Pooch Loon Mai Yahin
Hussain Ibne Ali Kya Nahi Thay Mohsin-E-Deen
Hum Inko Roye Toh Phir Kyun Ho Koyi Cheen Bajeen
Banay Thay Inka Toh Naaqa Rasoolay Arsh Nasheen
Hussain Soye Shahay Mursaleen Ke Seenay Par
Ghazab Hai Shimr Ka Zaanu Unhi Ke Seenay Par
Bagoshe Hosh Kuch Abb Haalay Karbala Suniye
Suna Jo Mere Tasavvur Ne Woh Zara Suniye
Bayan E Himmat O Sabray Shahay Huda Suniye
Wo Aati Hai Malakul Maut Ki Sada Suniye
Mila Jo Hukm Ke Sar Se Nikaal Jaanay Hussain
Kaha Ke Sakht Hai Ya Rab Ye Imtehanay Hussain
Laga Hai Zakhmay Tabar Beh Raha Hai Sar Se Lahoo
Bharay Hai Khoon May Jaanay Rasool Ke Gaysu
Qareeb Jaakay Rakhoon Dil Pe Kis Tarha Qaboo
Ke Iss Lahoo May Toh Hai Fatima Ke Doodh Ki Boo
Nida Ye Aayi Ke Aankhein Toh Daal Aankhon May
Kaha Behan Ka Hai Iss Dam Khayal Aankhon May
Mein Phir In Ankhon Pe Dhaaun Sitam Ye Kya Hai Zaroor
Bicharh Ke Jo Ali Akbar Se Hogayeen Bay Noor
Nida Ye Aayi Dehen Se Nikaal Jaanay Huzoor
Kaha Dehen May Toh Kaantay Parhay Hain Rabbay Ghafoor
Ye Jaan Balab Sitam O Jor E Ashqiya Se Hain
Zabaa(N) Hai Sukhi Huwi Theen Din Se Pyaase Hain
Nida Ye Aayi Ki Gardan Se Khaynch Jaan Inki
Kaha Mai Kya Karoon Gardan Pe Chal Rahi Hai Churi
Churi Pakar Ke Ye Chillati Hai Koyi Bibi
Na Zibha Kar Mere Bachay Ko Mai Dua Doongi
Jahan Rawan Tere Khanjar Ki Aab Hai Zaalim
Ye Bosagah E Risalat Maab Hai Zaalim
Nida Ye Aayi Ki Seenay Se Qabz Karlay Jaan
Kaha Ke Teeron Se Chalni Hai Ay Mere Rehman
Abhi To Maarkay Barchi Hata Hai Ek Shaitan
Aur Ab Toh Hai Tahay Zanu E Shimr Ye Quran
Ye Karb Hai Ke Rukhay Paak Zard Hai Ya Rab
Tere Hussain Ke Seenay May Dard Hai Ya Rab
Nida Ye Aayi Ke Mazloomiyat Ke Rutba Shanaas
Kamar Se Khaynch Lay Saabir Ki Jaan Bay Waswaas
Kaha Malak Ne Tarap Kar Ba Dard O Hasrat O Yaas
Kamar Toh Toot Gayi Jab Se Margaye Abbas
Sadaye Ghaib Ye Aayi Bahaal Hai Chehra
Kaha Kay Khoon Se Asghar Ke Laal Hai Chehra
Ye Guftugu Thi Ke Murjha Gaya Rasool Ka Phool
Falak Se Aagaye Roohul Amee(N)S Hazeen O Malool
Kaha Pukar Ke Mooh Dhaamp Lo Bara-E-Rasool
Pisar Ki Laash Pe Kholengi Apne Baal Batool
Sada Ye Sunke Usi Simt Chal Parhi Zainab
Tarap Ke Khaimay Se Bahar Nikal Parhi Zainab
Naseem Udhar Se Toh Qudsi Ki Ye Sada Aayi
Idhar Tarapti Huwi Bintay Murtaza Aayi
Qareebay Laash Jo Khawhar Basad Buka Aayi
Akhi Ke Halqay Bureeda Se Ye Sada Aayi
Koyi Buzurg Na Ab Hai Na Khurd Hai Zainab
Nabi Ki Aal Tumharay Sipurd Hai Zainab

[@fazalrizv1206]

Mashallah. ....

[@iftikharhusain9459]

Mashallah

[@askaryzaidi343]

SubhanAllah