Рет қаралды 46,281
Kanaka Durga Bhajan
శ్రీ కనకదుర్గ నీ చరణ కమలములు చేరి కొలఁతుమమ్మ
అమ్మ కనకదుర్గ నీ చరణ కమలములు చేరి కొలఁతుమమ్మ
పాపములు పారద్రోలుమమ్మ
రూప సౌందర్యరాశివమ్మ
పాపిడి బొట్టు గొలుసులమ్మ
ఒప్పుగా జారు కొప్పు సుమ్మ
కొప్పున మొగలి రేకులమ్మ
నెత్తి పై రవ్వలరాగిడమ్మా
అమ్మ చెప్పలేము నీ చెవుల కమ్మలు చారడేసి సుమ్మ
గొప్పగా అమరియున్నవమ్మా
అమ్మ కనకదుర్గ నీ చరణ కమలములు చేరికొలఁతుమమ్మ
పాపములు పారద్రోలుమమ్మ
అమ్మ తళతళ శిరమున హేమకిరీటము కర్ణకుండలాలు
గళంబున కంఠాభరణాలు
కరంబున దానకంకణాలు
వేళ్ళకు ముద్దుటుంగరాలు
కాళ్ళకు అందెల కడియాలు
చల్లని చూపులు చంద్రికలు
అమ్మ నీలి కురులు బంగారు దండ వంకీలు ఎన్నో నగలు
నిన్ను వర్ణింప వశమే అసలు
అమ్మ కనకదుర్గ నీ చరణ కమలములు చేరికొలఁతుమమ్మ
పాపములు పారద్రోలుమమ్మ
అమ్మ ఆదిలక్ష్మికి ఆడపడుచువాని అందురు సుకుమారి
మాధవుని సోదరి కౌమారీ
వేదములు గోచరించు గౌరి
ఆదిపరాశక్తివె ఆగ్రసౌరి
పేదల పెన్నిధివని కోరి
మోదముతో తలతుమమ్మ చేరి
అమ్మ ఆది అనాదిగ నీవే భవాని శంఖ చక్రధారి
ఆది జగదాంబ అర్థనారీ
అమ్మ కనకదుర్గ నీ చరణ కమలములు చేరికొలఁతుమమ్మ
పాపములు పారద్రోలుమమ్మ
అమ్మ ఆటకాండు పీఠన్చు వలువ జలతారు లతలతోను
పైట బంగారు పూలతోను
పట్టుగల నేత రవికతోను
గంటల వడ్డాణముతోను
పాటవ తాంబూలముతోను
వాటముగా ఆయుధములతోను
మేటి రతనాల పీఠమందు
అమ్మ కోటి సూర్యుల కాంతులతో కూర్చుంటివి గుడిలోన
నీకు సాటెవ్వరూ ఇలలోన
అమ్మ కనకదుర్గ నీ చరణ కమలములు చేరికొలఁతుమమ్మ
పాపములు పారద్రోలుమమ్మ
అమ్మ సకలచరాచర జగతికి నీవే శక్తీరూపివమ్మా
కదనమున కనకదుర్గవమ్మ
భాగ్యమున మహాలక్ష్మివమ్మా
ముఖమా చంద్రబింబమమ్మ
మనసా వెన్నపూస సుమ్మ
చదువులకు సరస్వతివమ్మ
అమ్మ అఖిలాండేశ్వరి చాముండేశ్వరి భద్రకాళివమ్మా
నిద్రలో నిన్ను తలతుమమ్మ
అమ్మ కనకదుర్గ నీ చరణ కమలములు చేరికొలఁతుమమ్మ
పాపములు పారద్రోలుమమ్మ
జై జై మాత జయహో మాత
జై జై కాళీ జయహో కాళీ
జై జై లలిత జయహో లలిత
జై జై భవాని జయహో భవాని
జై జై దుర్గ జయహో దుర్గ
జై జై దుర్గ జయహో దుర్గ
జై జై దుర్గ జయహో దుర్గ