StarTalk丨鳳南小隊同大家解構電影版《想見你》 施柏宇分享人生道理師承柯佳嬿

StarTalk丨鳳南小隊同大家解構電影版《想見你》 施柏宇分享人生道理師承柯佳嬿
被喻為穿越神劇嘅《想見你》，喺2019年播出時風靡唔少觀眾。相隔數年，《想見你》更拍成電影版，而「鳳南小隊」嘅柯佳嬿、許光漢同施柏宇更加係嚟到香港做宣傳同跑戲院謝票。呢日「鳳南小隊」就嚟到《StarTalk》同主持 王鎮泉 分享拍攝時嘅點滴。
劇集版嘅《想見你》已經有一個好完整嘅結局，所以柯佳嬿坦言收到要開拍電影版時，自己都感到相當困惑，唔知喺電影版入面仲可以講啲咩，直到電影正式開拍，柯佳嬿笑言成個感覺係好似帶住上輩子嘅記憶嚟演戲，亦覺得電影版係一份送畀一直以嚟鍾意《想見你》嘅劇迷們嘅禮物。許光漢亦認同劇集嘅結局喺佢哋心目中已經你好完美，所以佢諗嘅係點樣可以喺106分鐘內講13集嘅故事，點樣去複製自己，呢啲都令佢覺得好有難度，同時亦有種好奇妙，有既熟悉又有距離感嘅感覺。
喺完成劇集後，施柏宇當時以為真係要同個角色講再見，所以當時佢雖然喊得好傷心，但都有好好同角色道別，施柏宇笑言冇諗過之後會有電影版嘅出現，所以佢話拍電影版嘅時間，就抱住一個好開心嘅心態嚟拍攝，佢仲形容再次同柯佳嬿、許光漢合作，再次可以見到鍾意《想見你》嘅觀眾，感覺就好似同老朋友見面，然後再好好同各位講再見咁。
施柏宇個角色係唯一冇穿越、亦冇被穿越嘅角色，問到佢如果可以選擇，會唔會希望自己可以擁有改變過去未來嘅能力？佢諗都冇諗就即刻話唔需要，仲話曾經有一位前輩同佢講：「事情本來就沒有分對或錯，你也沒有必要去改變一些什麼，因為每一次的經歷都是讓你變成更好的自己。」佢仲話唯一要做嘅，就係學會點樣令自己得更加好，而唔使做啲咩調整。
當施柏宇幫大家些完一課人生大道理課堂後，坐喺隔離嘅柯佳嬿同許光漢都笑言感覺好似去咗另一個領域咁，施柏宇隨即就話教佢以些道理嘅人就係柯佳嬿，點知柯佳嬿一臉茫然，仲反問施柏宇呢翻說話係佢講㗎咩？非常搞笑。
許光漢嘅角色王詮勝，比起劇集入面，電影嘅感覺更不一樣，泉叔問到佢係點樣去詮釋呢個角色？喺隔離嘅柯佳嬿就搭嘴話電影版嘅更王詮勝更有女人味，仲笑言許光漢係本色演出，許光漢聽完就話本色演出係冇可能，佢又話自己設定劇集入面嘅王詮勝係更加少女，而電影版就會中性啲。而柯佳嬿就話再次演陳韻如同黃雨萱呢兩個角色，佢都花咗啲時間去睇返自己之前嘅演出嚟攞返個感覺，仲話今次好似要模仿自己嘅演出，感覺相當特別。
情人節就快到，泉叔問到如果要佢哋揀戲中一個角色嚟講愛嘅告白，佢哋會揀邊個？柯佳嬿就表示自己會揀黃雨萱，仲話希望無論大家係單身，係一個人定兩個人，都希望大家情人節要快樂。許光漢就揀以李子維嘅角色同大家講：「祝大家情人節快樂」仲話會揸摩托車載大家去台南玩。而施柏宇就話自己揀電影版嘅莫俊傑，仲用廣東話同大家講：「我鍾意你呀！」
#想見你 #StarTalk #鳳南小隊 #柯佳嬿 #許光漢 #施柏宇 #電影版#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@pmeizi8773]

去愛 去失去 要不負相遇！ 廣東話講得好正啊😊

[@jiarui1312]

真的 看完影版 还是走不出来 感觉这部剧电影会一直一直陪着我 😭

[@sweetxsour9684]

鳳南小隊❤! 柯佳嬿❤!

[@waiwaix12]

1:40 那派派呢 啊啊啊啊啊啊啊啊🥰

[@sakumaimai]

派派💗💗💗💗💗💗💗💗💗💗

[@wailungleung9042]

柯佳嬿之前小資女孩好有陳韻如加黃雨萱合體性格

[@yi9909]

光漢❤

[@ChanChan-ix8ro]

(更正)不在上面更改：梗係講緊如果佢收得票房再高緊係想佢哋原班人馬拍一部作品或者第二部電視劇電影等其他啦~舞臺劇都得㗎見面會。。。或個人出等的作品 等其他活動！

[@wailungleung9042]

原來之前劇集大結局留低左伏線

[@JiaKelly3]

好难得听他们很正经的访谈 😅通常都在开玩笑居多 😂

[@user-mr4wl1lu5e]

광한이 얼굴만 보는즁~ 뭐라고 하는지 한국말번역이 시급해요^^ 같이 웃을수가 없엉;;;,

[@wailungleung9042]

泉叔平常咁鍾意普通話訪問，現在已經如願以償

[@qdf269]

佳嬿感冒了有鼻音..