Рет қаралды 4,320
StarTalk丨菊梓喬曾被瞞騙變第三者 新歌《隨意瞞》勸感情勿自欺傷透心
菊梓喬上TVB娛樂新聞台節目《StarTalk》接受主播許文軒(Edmond)專訪,大談新歌《隨意瞞》,菊梓喬與作曲人鄧智偉識於微時,最近為菊梓喬度身訂造咗呢首歌,佢初時覺得鄧智偉外表又cool又惡:「入錄音室嗰陣同佢講可以鬧,但唔好鬧到喊,喊就好難錄,我覺得你做嘢好嚴肅好惡。」菊梓喬後來發現鄧智偉係一個溫柔嘅暖男,讓歌手休息放鬆先再錄歌。
菊梓喬稱今次與鄧智偉相隔兩地越洋錄音,中間試過斷線,用咗幾個鐘諗辦法都唔得,只好再度期錄音,菊梓喬覺得欠缺溫度,希望下次有機會見面錄音,講到今次《隨意瞞》係講被瞞騙,菊梓喬直言係唱出自己真實感情寫照:「每段歌詞都講緊我每一段過往嘅感情,好多時被欺騙嗰個會覺得自己係受害者,最終兇手係自己,決定權喺自己手上,你可以走,放低一切,放棄你面前呢個人,只係你唔捨得,聽到嗰一下真係好痛,呃埋自己真係最難受。」
菊梓喬試過拍拖一段時間,男方每逢大時大節要開工,直至幾年後,菊梓喬先發現對方有女朋友,佢認為你係自己太信任另一半,從來唔會check對方,而男方不停演戲講大話,菊梓喬頓時接受唔到:「佢不停演戲,唔似講緊大話,我點解會咁,萬一啲人識佢又識我,認為我係第三者咁點算,我唔可以做呢啲行為,第三者唔做得,如果佢只係同女仔出去玩,未一齊嘅,我都會呃自己係佢去玩,因為我見唔到佢真實做緊咩,有第三者就唔得!」菊梓喬經歷過感情被瞞騙,對愛情觀有所改變,佢選擇唔太管對方,因為自己越執著就越痛,要等感情好穩定先公開戀情。
菊梓喬有感過往派歌速度太密集,反而佢享受放慢腳步推出新作,佢希望之後多啲開騷,暫時唔想計劃太多,菊梓喬喺疫情下陷入抑鬱期:「整個人好悲觀,一起床淨係想喊,想坐喺度咩都唔想做,唔敢睇以前自己嘅嘢,會覺得以前咁樣,而家咁樣,我又唔敢,變咗要放空,又好快自己再(調整)重新出發。」菊梓喬笑指靠瘋狂清潔家居減壓,用「斷捨離」執到啲嘢好整齊,不斷煮飯同洗碗,佢亦開心見到新一代年青歌手湧現,有意同XiX成員Aster劉芷君合作。
#菊梓喬 #StarTalk #許文軒 #隨意瞞 #TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0