Рет қаралды 92,406
StarTalk詳盡版|《下流上車族》親解車總芊芊易角傳聞 林敏驄即興「加料」戲味昇華(下)
林敏驄、江美儀及鮑起靜等主演TVB劇《下流上車族》迎來結局周,不少網民讚林敏驄係該劇靈魂人物,監製關文深、兩位編審朱鏡祺及劉小群接受周奕瑋主持娛樂新聞台節目《StarTalk》專訪,親解易角傳聞真相,
監製關文深曾與「黑仔」姜皓文見面已講晒整個故事,初步大家應承開呢套劇,後嚟拍攝時間延期,加上姜皓文接咗一套電影撞期,監製關文深最後決定換人,坦言唔知點解傳出誤導消息稱姜皓文開咗一日工,其實當時仍未開始。
林敏驄拍攝嗰陣經常爆肚,更稱劇本太厚,所以一頁都冇睇過,監製關文深相信佢有睇過劇本,覺得林敏驄係記憶力強,將啲重點記晒喺心裡面,埋位同佢講一次,基本上可以記得晒,佢先可以有啲位即興「加料」令戲味昇華。
監製關文深跟「鐵三角」林敏驄、江美儀及鮑起靜第一次合作,佢一開始搵林敏驄,就覺得對方係演搞笑角色,當林敏驄演完第一場喊戲,監製頓時睇到林敏驄感性演技,令到別人眼濕濕,編審朱鏡祺認為林敏驄成功捉到「親情」,每次講起家人,佢嘅演出係由心而發,由佢寫歌詞已經知道佢係感性嘅人,但佢唔輕易流露,終於被今次呢個劇本發掘出嚟。
編審劉小群認同林敏驄同江美儀完美詮釋老夫老妻嘅感情,尤其林敏驄攬住江美儀喺舊樓嗰場喊戲,先係男兒有淚不輕彈,然後哽咽自責照顧得家人唔夠好,盡現心酸感覺,劉小群認為:「現實生活好多人嘅不幸都係咁,大家會忍住,佢開始哽咽講咗一番說話,知道喺現場感動到美儀,當時劇本冇,但美儀攬住佢錫咗一啖,一啲老夫老妻睇咗會有感受,嗰個共鳴好強。」
佢哋更爆「蔓蔓」羅毓儀原來係第一個入組,因為佢嘅純真可愛吸引到編審,角色好似為佢度身訂造。當時睇到羅毓儀喺《好聲好戲》落敗,喊得好真摰又可愛,當刻已認定「蔓蔓」就係羅毓儀;而監製好眼光搵咗郭柏姸演「芊芊」,家姐好靚好清純,細妹「蔓蔓」又好可愛,監製關文深讚江美儀完美演到太太呢個角色,細心教導後輩「芊芊」郭柏姸、「蔓蔓」羅毓儀入戲,使車氏姊妹花郭柏姸同羅毓儀超額完成期望。
《下流上車族》創作組一直堅持「芊芊」識踩滑板係想突顯到瀟灑反叛嘅性格,監製關文深更親解「芊芊」角色之謎:「蘇皓兒係因合約未能演出,並唔係坊間流傳佢啲戲唔好,佢啲戲都OK,好遲先換郭柏姸,郭柏姸好乖女,一收到呢個角色,搵咗教練教佢,教練話郭柏姸好勤力、好快上手。」
編審朱鏡祺同劉小群讚鮑起靜層次式演技,令「投訴王」Emma婆婆呢個可愛角色更立體,鮑姐展現影后級演技係自己唔喊,反而觀眾心酸爆喊,鮑姐面對林敏驄無定向出招,游刃有餘淡定接招,劉小群更親揭鮑姐接劇原因係丈夫方平覺得《下流上車族》呢個劇名OK而促成這樁美事。
#StarTalk #下流上車族 #TVB #鮑起靜 #林敏驄 #江美儀 #關文深 #朱鏡祺 #劉小群#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0