استخدام المضادات الحيوية (Antibiotics) بشكل غير صحيح في مصر

يا شباب، خلونا نتكلم بصراحة عن موضوع مهم جداً وهو استخدام المضادات الحيوية (Antibiotics) بشكل غير صحيح في مصر.🛡️
الوضع فعلاً سيء، ومحتاجين نغير الطريقة اللي بنتعامل بيها مع الموضوع ده.
الجرعة المثالية للمضادات الحيوية قبل العمليات هي جرعة وحيدة المفروض ندي العيان جرعة واحدة قبل العملية بساعة، دي أهم جرعة وبتدي أفضل حماية.
الجرعات دي ممكن نستمر فيها لحد 24 ساعة بعد العملية. بعد كده، كل الدراسات والأدلة العلمية بتقول إن المضادات الحيوية ملهاش أي دور.
ليه ما نستمرش في استخدام المضادات الحيوية؟
استخدام المضادات الحيوية لفترات طويلة بيخلي البكتيريا أكثر مقاومة للعلاج، وبيصعب علينا علاج العدوى بعد كده.
البكتيريا بتبقى خليط من أنواع متعددة، وده بيصعب العلاج بشكل كبير.
التعامل مع العدوى بعد العمليات
أول حاجة بنعملها لو العيان جاله عدوى هي إجراء فتح وتنظيف وأخذ عينة مزرعة.
علشان المزرعة تطلع نتائج صحيحة، لازم العيان يوقف المضادات الحيوية عشر أيام قبل ما نعمل المزرعة.
نصيحة مهمة بلاش ندي المضادات الحيوية بشكل مفرط ولوقت طويل زي ما بنعمل دلوقتي.
عارف إن التغيير صعب لأن ده المفهوم اللي كان موجود، لكن لازم نغيره.
الحل انكوا جربوا مع العيانين اللي ما عندهمش عوامل خطر والعيانين الصغيرين في السن اللي بيعملوا عمليات بسيطة إنكم ما تدوش مضاد حيوي بعد الجرعة الأولانية.
لو جربتم ونجحتوا، هتتشجعوا إنكم تمشوا على الإرشادات الصحية العالمية.
أنا دكتور شريف خالد، أستاذ جراحة العظام في القصر العيني. تابعوني علشان تعرفوا نصايح أكتر لشباب جراحة العظام.
لو كلنا التزمنا بالإرشادات دي، هنقدر نحسن من صحة المرضى ونقلل من مشاكل مقاومة البكتيريا للمضادات الحيوية.💪
Website: drsherifkhaled...
KZbin Channel: / @sherifakhaled
LinkedIn: www.linkedin.com/in/sherif-khaled73
Instagram: / drsherifkhaled
Facebook: / prof.dr.sherifkhaled.c...
Research Gate: www.researchga...
CU Publications: scholar.cu.edu....
Prof. Dr. Sherif A. Khaled Clinic: maps.app.goo.g...
Phone Number: 0227926690
Whatsapp: wa.me/+2012800...