Рет қаралды 4,231
നബി (സ) മദീനയിലെത്തിയ സന്ദർഭം. നല്ലവരായ ആ നാട്ടുകാർ വഴികളിലും മാളിക മുകളിലും തിങ്ങിക്കൂടി. സന്തോഷത്തിന്റെ ആധിക്യത്താൽ തഹ്ലീലും തക്ബീറും മുഴക്കി നബിക്കും അബൂബക്കർ സിദ്ധീഖിനും ഗംഭീര വരവേൽപ്പ് നൽകുന്നു. ത്വല അൽ ബദറു അലൈനാ എന്ന ഗാനമാലപിച്ച് ദഫ് മുട്ടി സ്വാഗതം ചെയ്യുന്നു.
ഈ സന്തോഷ നിമിഷത്തിൽ പങ്കെടുക്കാനുള്ള ഭാഗ്യം ഉഖ്ബതുബ്നു ആമിറിന് ഉണ്ടായില്ല. ആ സമയം തന്റെ ആകെയുള്ള സ്വത്തായ ഏതാനും ആടുകളുമായി മദീന പ്രാന്തപ്രദേശങ്ങളിലെ മേച്ചിൽപുറങ്ങൾ തേടി പോയതായിരുന്നു.
എന്നാൽ മദീനയിലെ പ്രവാചകതിരുമേനിയുടെ വരവും സ്വീകരണവും മദീനയിലെ കുഗ്രാമങ്ങളിലും പ്രാന്തപ്രദേശങ്ങളിലും വരെ എത്തി. അങ്ങനെ അത് ആമിറിന്റെ ചെവിയിലും എത്തി. താമസിയാതെ ആമിർ മദീനയിലെത്തി. നബിയുമായി കൂടിക്കാഴ്ച നടത്തി.