Рет қаралды 1,008
في الحقيقة هو الفيديو ده مفروض كنت ناوي اخليه موجه لطلبة ثانوية عامة اللي خلصوا السنة ديه وداخلين كلية.
بس لما بدأت اكتب الاسكريبت بتاع الفيديو ده، بصراحة اكتئبت، ولاقيت نفسي بسترجع تجربة مرهقة نفسياً وعصبياً.
فانا حابب اني في الفيديو ده اه اوجه رسالة للشباب اللي لسة مخلصة ثانوية عامة وداخلة كلية جديد،
لكن في نفس الوقت عايز اتناقش مع كل واحد مر بالتجربة ديه وخلص دراسة خالص في الدروس اللي استفادها من تجربة التعليم ديه كلها. وهل لو رجع بيك الزمن هتاخد نفس المسار اللي انت اخدته دلوقتي ولا لأ!
فلو انت لسة مخلص ثانوية عامة، الفيديو ده هيفرق في تفكيرك جداً. اما بقي لو انت مخلص من فترة وبتشتغل دلوقتي فخليني اسألك سؤال: ماذا لو قدامك فرصة انك ترجع تعيد ثانوية عامة تاني، هل هتعمل كده؟