台灣經典諺語 96 則

Рет қаралды 12,771

Күн бұрын

1 佛靠扛，人靠裝。
2 心思無定，抽箴算命。
3 十肥九獃，無呆狀元才。
4 破厝塌鼎，忝死某子。
5 千金買厝，萬金買厝邊。
6 有來有往，嘸來清爽。
7 歹鑼忝鼓，歹翁忝某。
8 尪生某旦，食飽相看。
9 有錢三頓，嘸錢當衫。
10 心肝嘸好，風水免討。
11 忍氣求財，賭氣相刣。
12 寵錢會富，寵子賣厝。
13 先顧腹肚，再顧佛祖。
14 不驚你富，驚你無後注。
15 有錢岸手頭，嘸錢岸褲頭。
16 濟牛踏嘸糞，濟某嘸地睏。
17 坐轎嘸人知，騎馬較嬈掰。
18 巧的顧身体，戇的顧傢伙。
19 毋驚輸得苦，只驚斷了賭。
20 觀念那會通，賺錢歸碗公。
21 腳踏實地，串講白賊話。
22 扛轎毋扛轎，管新娘放尿。
23 咒讖若有準，博局免用本。
24 厝內會曉治，卡好排八字。
25 打子罵別人，飼子袂大欉。
26 有福予神助，嘸福予神誤。
27 起厝場面粗，拆厝人面黑。
28 衰人愛算命，醜人愛照鏡。
29 線短袂打結，話短袂相殺。
30 世事陪到夠，無鼎擱無灶。
31 食飯食碗公，做事閃西方。
32 長工望落雨，乞食望普渡。
33 做嘸一湯匙，食欲歸糞箕。
34 美花別人欉，美某別人房。
35 人來才掃地，人去才泡茶。
36 尪去換新衫，某去換飯坩。
37 講話那帶刀，友情起風波。
38 飼子是義務，吃子看媳婦。
39 在生嘸人認，死了歸大陣。
40 強的怕雄，雄的怕無天良。
41 巧的看布底，傻的跟人買。
42 鳥嘴牛尻川，仙賺嘛袂春。
43 吃好是享受，吃歹會長歲寿。
44 愛看人呷肉，毋湯看人相打。
45 袂敖假敖，胭脂抹咧鼻頭。
46 袂仙假仙，牛瀨假鹿鞭。
47 癢的毋扒，痛的抓到破皮。
48 袂肥假喘，袂有錢假好額款。
49 欠錢怨債主，不孝怨爸母。
50 錢銀纏半腰，毋驚金紙無人燒。
51 家己做醫生，尻川爛一屏。
52 嘸寒毋知熱，嘸艱苦袂曉快活。
53 錢袂趁到手，毋通大蝦配燒酒。
54 花要插插頭前，插後壁無人情。
55 出外五湖四海，入門放屁滲屎。
56 酒前山盟海誓，酒醒昨眠壞勢。
57 日時毋通講人，暝時毋通講鬼。
58 呷別人耶愛刹，呷家己耶愛節。
59 戇外媽疼外孫，戇雞母孵鵪鶉。
60 站著干焦樹欉，躺著干焦死人。
61 中醫袂好看西醫，西醫袂好問童乩。
62 家欲齊，置雙犁，家欲破，置雙妻。
63 做：毋驚長工死，食：毋驚主人散。
64 萬貫家財三頓飯，千厝萬瓦一頂床。
65 算命那會準，草埔仔嘛會生竹筍。
66 蔗葉嘸挽袂成欉，囝仔嘸槓袂成人。
67 為著省一枝螺絲，摔壞一架飛卵機。
68 嚴官府出厚賊，嚴父母出阿里不達。
69 查甫輸局會起肖，查某輸局會做婊。
70 顧內顧外會曉想，食老蹺腳撚嘴鬚。
71 天公最大眾人罵，土地公最小眾人拜。
72 老濛老格會咘土豆，幼是幼嘴嚙嘛會蛀。
73 偎山山崩，偎壁壁倒，偎豬椆死豬母。
74 一審重判，二審減半，三審豬腳麵線。
75 袂曉拉絃仔假絞線，袂曉唱歌假吞涎。
76 毋識字格沒衛生，馬桶蓋龕棋仔冰。
77 吃好吃壞放出來隴同味，穿好穿壞脫掉攏同家私。
78 毋聽老人言會拖屎連，毋聽老人話會狼狽。
79 酒嘸啉對不起良心，腳嘸縛對不起序大。
80 會做大家是清閒，袂做大家蹲灶前。
81 濟子餓死爸，濟媳婦忝死大家。
82 看人吃嘴涎流，吃人的汗那流，給人吃目屎流。
83 講甲詙嘴鬚好打結，教甲會後叔嘛會變老爸。
84 嘸冤嘸仇，袂成尪某，嘸欠嘸債，袂成父子。
85 有錢上海，嘸錢上害，有錢遊香港，嘸錢去北港。
86 囥花會香，囥病會重，囥水果會生蚊蟲。
87 坐東向西賺錢嘸人知，坐南向北賺錢穩達達。
88 一斤菜卡輸四兩蔥，一群囝仔卡輸一個尪。
89 觀念那袂改，出門騎歐托拜，觀念那會改，賓士牽來駛。
90 近山驚蚊，近海驚晒，透早驚凍露水，半暯驚柱著鬼。
91 棚頂若嬈，台腳坐未條，嘸看擋未條，看久會牙小。
92 起厝嘸閒一冬，娶某嘸閒一工，娶細姨嘸閒一世人。
93 袂生子毋湯笑人的子敖號，袂娶某毋湯笑人的某敖走。
94 某那賢慧，尪會狼狽。尪那才情，某著清閑。某那勥腳，尪著翹腳。
95 孔子廟邊的囝仔會讀書，豬屠口囝仔會刣豬。
96 戲台邊的囝仔會吹嗒嘀，廟邊的囝仔會跳童乩。
＃台語＃學台語＃會說台語更有人緣