Рет қаралды 358,640
Бәріңізге Ассалаумағалейкум!
Айырқалпақты қырғыз ағайындар қақаған қыстың қаңтарында, өз қалауындағы президентті сайлай алғаны үшін, бөріктерін аспанға атып қуанды.
Дегенмен, Қырғызстанның қазіргі көрінісі айтарлықтай жақсы емес.
Сайлау кезінде 18-кандидат бағын сынап, алысып жүріп, ел Садыр Жапаровпен табысып еді.
Бұрынғы аресттегі адам, бүгінде президенттік төрде.
Сакең басқарғалы Қырғызстанның жай-күйі қалай өзгерді? Бұл сұрақтардың жауабын білмес бұрын, дәл қазір төменге түсіп подписаться деген қызыл тетікті басып және қасында шыққан қоңыраушаны баса салыңыз Шабыт бізден, Қолдау сізден!
Бұл жаңалық басқалардан өзгерек, және талдауымызда супер болғалы тұр.
Садырдың қарсыластарының бетіне басатын бір көзірі бар.
Ол Жапаровтың өткен шағындағы жағдаяттар.
Садыр 2013-те бұқара халықты жиып, митинг ұйымдастырды деген айыппен оның үстінен қылмыстық іс қозғалды.
Кейіннен, 2017-де ескі жараның орны ашылып, 11-жылға бас бостандығынан айырған болатын.
Жолы болар жігіттің халқы шығар алдынан дегендей, ақталып шығып бұрынғы Ата-Жұрттың депутаты Сооронбай Жээнбековпен қатар иық тіресемін деген үміт болған ғой, сөйтсе бұл жолғы әрекеті әлін білмеген әлек адамның күйі жай ғана.
Қуырдақтың көкесін түйе сойғанда көресің, тартысты бәсекенң сайлау болғанда көресің дегендей, 2021-де халқы қолдаған Садыр өзгелерден оқ бойы озып шығып президент болды.
Жапаров келгелі қырғыз бір туғандар елінде жақсы жаңалықтан гөрі, құлаққа түрпідей тиетін дүниелер көп болды.
Әңгімені соңғы оқиғалардан бастап тарқатайын.
Қырғыз-Тәжік шекарасында 28-сәуірде кикілжің орын алды.
Түймедейін жанжал, түйедейін қақтығысқа айналды.
Бұл жерде ең әуелі қырғыз ағайындар қатты зардап шекті.
Әрине негізгі себеп, Головнойдағы су мәселесі екені түсінікті.
Бірақ осы ситуациядан 190 Қырғызстандық азаматтар жарақат алды.
36-адам мерт болды, арасында балаларда бар.
Жаман үйді қонағы билейдінің кейпі болғаны айдан анық.
Себебі, Тәжіктер соғыс техникаларын кіргізіп, толассыз оқ жаудырып жатқанда, Қырғыздар тарапы әуе құралдарын қолданудан бас тартқан, және шабуылды былай қойғанда дұрыс қорғаныс тактикасын жүргізе алмады.
Міне бұл жайт бір туғандардың әскери әлеуетінің әлсіз екенін тағы бір мәрте көрсетті.
Бірнеше күн шекарада шу болып жатқанын Сакең біледі, бірақ оның келіссөзді дер кезінде жүргізе алмауы, әскерін дұрыс қолданбауы, жағдайды бақылаудан шығарып алуы нені аңғартады?
Жау кеткесін қылышыңды сермегеннен пайда барма?
Садыр бәрі бітіп, бояуы сіңген соң жақсы тұрақты армия жасақтау керек екенін, және шабуыл жасай қалған жағдайда төтеп бере алатын күш болу керек екенін айтыпты.
Сәке ойыңыз керемет бірақ шығынға батқан соң барып, аузы күйген үрлеп үшедінің күйіне ендіңіз?
Неде болса, ерте қамдануға болар еді.
Сәуір болмай тәуір болмас, алайда Айырқалпақты бауырларымыздың елінде сәуірде жан түршігерлік жағдай орын алды.
Айзада есімді аруды бейтаныс адамдар Бишкектің ортасында ұрлап әкеткен болатын.
Екі күннен соң, оның денесі табылды.
Ал күдікті өз-өзіне қол салған, бірақ оған дейін қызды зорлады деген дерек бар.
Қырғыз елі бір сәтте қаһарына мініп, Ішкі Істер министрі Ұлан Ниязбековтің отставкаға кетуін талап етіп, зорлық-зомбылыққа қарсы шерулер ұйымдастырды.
Расымен халықты түсінуге болады, себебі қызды аман алып қалуға шанс болған, әйтседе құқық қорғау қызметкерлерінің салғырттығы ешқандай шара қолданбауы еріксіз ашу тудырады.
Ковид деген көк итті қуатын, соны емдейтін тәсіл таптық деп Садыр мен Алымқадыр айды аспаннан бірақ шығарды. Оны ауруханада қолданғанын мәлімдеді.
Сөйтсек Жапаровтың әкесі сонымен қатар халық емшісі екен, рецептте әкесінен қалыпты.
Ол олма, тікелей эфирге шығып өздері ішіп көрсеткен ғой.
Басшының халыққа мәселені шешу жолдарын айтқаны жақсығой, бірақ Сакең улы өсімдікті халыққа ұсынып, не абырой таппақшы болды деймінде.
Оған қоса, президенттің кеңесінен соң ауруханаға түскендердің саны да өскен.
Сондықтан қырғыз елі сенім артқан басшының халқымен эксперимент жасағаны үлкен қателік болды.
Онымен тоқтасынба,
Садыр ары қарай өз ісін жалғастырды.
Тамызда энергетика саласында, тариф бағасын қымбаттатамыз демесі барма.
Нақтырақ айтар болсақ жарықтың бағасы екі есеге артады, яғни базалық құны 1-сом 48-тиынды құрайды.
Алайда президент жағдайы нашар отбасыларға бағаны арзандатамыз деп сөйледі.
Халықтың жанды жерін басқан Жапаров сын астында қалды.
Қырғыздар бұл ұсынысқа түбегейлі қарсы екендерін жеткізді.
Денсаулық сақтау, әлеуметтік даму министрі үй жағдайында 132-бала 352-мың көмек алады және оларға тариф құны 74,2 тиын деп халықты сендірді, бірақ мұғалімдер, дәрігерлер, пенсионерлер каким-то образом назардан тыс қалады, қызық.
Садырдың ел алдында қадірі кете бастадыма?
Әлде бұл жаңашыл президенттің Қырғызстан үшін жасаған әрекетіме?
Сайлау ләйлім үрдісі жалғасқаны жөнінде айтайын.
11-сәуірде Қырғызстанда депутаттарды сайлау өтті, 28-қала мен 420-аймақта.
Бишкек пен Ошта үлкен дау шығып, іс ушығып, қарсылас партиялар бір-бірлерінің жағасына жармасты. Толығырақ Видеода...