تصليح الثقوب والتشققات والعيوب في جدران المنزل الداخلية

لتصليح اي ثقب او تشقق او عيب في الجدار الداخلي للمنزل المغطى بالبورك تحتاج ثلاث خطوات
١. تغطية العيب بمعجون الطلس
٢. تنعيم المنطقة بكاغد الجام
٣. صبغ الجدار

[@KhaledAli-rc3co]

هل استطيع اعمل ثقب في نفس المكان بعد فتره من الزمن؟

[@fouadalmohandes229]

بالتاكيد يصير وخاصة اذا غيرت الجوي لحجم اكبر او اطول ويبقى وزن الجهاز يلعب دور بالنتيجة اذا كان الجهاز خفيف ابد ما ياثر

[@kattyhanane2441]

1:45 فعل الخير

[@fouadalmohandes229]

اشكرك عزيزي

[@duhaaduhaa-w8k]

طريقه الحفره الكبيره شون تصلح

[@fouadalmohandes229]

لتغطية حفرة صغيرة او ثقب لمسمار يصير نستخدم معجون الطلس او البورك لكن اذا واكع من الحائط جزء كبير او حفرة تتجاوز العشرة سنتمترات راح ننجبر نمليها بمادة ثانية سريعة الجفاف ومتماسكة ورخيصة لان البورك ما متماسك ويسيح مرات وسعره غالي وطبعا بعد ما نمليها نغطيها بطبقة اخيرة من البورك واي سؤال اني حاضر وتدللين

[@duhaaduhaa-w8k]

ياماده نستخدملهه

[@fouadalmohandes229]

حسب الحفرة ومكانها لكن عموما تكدرين تمليها بسمنت ورمل وبالاخير من يصير مستواها قريب على باقي الحائط تغطيها بالبورك او معجون الطلس السمنت والرمل تروحين لاي سكلة قريبة عليكم وتكليله اريد بالعلاكة شوية رمل وشوية سمنت او اي بيت جاي يبنون بيه يمكم تطلبين من العمال تاخذيهن للبيت وتاخذين جزء قليل منهن تحطين مي للجزء القليل وتخلطيهن بعدها كون تركعين الخبطة بالحفرة مثل الي تركع العجينة بالتنور من تخبز، يعني كون ضربة بيها قوة حتى تلزك العجينة واتركين العجينة لليوم الثاني هذا الحجي العجينة كون ما غطت الا جزء كلش صغير من الحفرة حتى ما تسيح باليو الثاني هم عجينة صغير من الاسمنت والرمل وهم تركعيها بالحفرة وهكذا ثالث ورابع مرة الى ان تصير الحفرة مملية وقريبة على مكان باقي الحائط تروحين لاقرب ابو انشائية وتكليله اريد معجون طلس وشفرة لتعديل المعجون معجون الطلس بحدود ستة الاف دينار يكفي يصلح البيت كله والشفرة بين الف الى الفين تاخذين شوية من المعجون وتمسحين طبقة خفيفة والافضل تاخذين شوية باليوم الثاني وطبقة خفيفة ثانية. وتسدين معجون الطلس بسرعة الي بالعلبة لان ينشف.

[@abdalqadr1]

احسنت

[@fouadalmohandes229]

تدلل عزيزي، اشكرك.

[@duhaaduhaa-w8k]

سوونه هيج مقاطع احنه البنات 🤭

[@fouadalmohandes229]

تدللين عزيزتي

[@user-uu2gf3ys8n]

رحمة لوالديك شكد حجم الكاغد

[@fouadalmohandes229]

حجمه صغير على راحة ايدك ولازم يكون انعم شي ، ميصير خشن لان يشخط الحايط. كله لابو الانشائية ينطيك بالف دينار اذا عندك التصليح قليل.

[@user-mh7zj1ep2h]

يصير استخدم الكاغد جام اعدل بي البياض المخدوش او المو عدل

[@fouadalmohandes229]

نعم عزيزي بس هم تحتاج معجون طلس

[@aliasade2952]

حائط بورك وأثناء شغل الكهرباء صارت بيه حفر بسيطه اكدر اعالجه بل بورك لو شلون

[@fouadalmohandes229]

@aliasade2952 اكيد عزيزي اشتري معجون طلس وكاغد جام حط معجون طبقة كلش خفيفة وزيد عليها فد عشر دقائق وبعد فد ربع ساعة من ينشف اذا شفته صاعد ساويه بكاغد الجام شوية شوية تتعلم

[@nnwvv]

المعجون الطلس وين الكاه؟

[@fouadalmohandes229]

متوفر في الباب الشرقي اكو المحال الي يبيعون على صفحة البتاوين هذولة اكو بيهم ينصحون واكو بيهم يقفصون واكو المحال الي بين ساحة الطيران وساحة الخلاني هذولة اكثرهم زينين وحاجاتهم زينة واسعارهم مناسبة واذا متندل اوصفلك بعد واي سؤال اني حاضر وتدلل

[@fouadalmohandes229]

بمحال الانشائية يمكم احتمال قديم واكيد اغلى ومن المحتمل انه ما تلكاه اصلا

[@lovernight5888]

شنو اسم المعجون

[@fouadalmohandes229]

الاسم العام المعروف عند محال الانشائية هو (معجون طلس) وتوجد العديد من الماركات منها المرجان واخرى

[@user-gv9vz3bh6v]

​@@fouadalmohandes229تنصحني اعالج الفطور بالمعجون

[@aliasade2952]

عادي معجون اصلح بيه ثقوب حائط بورگ

[@fouadalmohandes229]

معجون طلس لازم سعر دبة ٣ الى ٤ لتر حوالي ٥ الاف دينار يكفي بيتك كله لو متروس ثقوب

[@aliasade2952]

@@fouadalmohandes229 يعني اسمه معجون طلس

[@fouadalmohandes229]

@aliasade2952 نعم عزيزي اسمه معجون طلس الافضل تشتريه من الباب الشرقي لان جديد ورخيص وياه شفرة وكاغد جام قطعة صفيرة ويفضل معجون الطلس الاردني وابتعد للاسف عن المرجان

[@aliasade2952]

@@fouadalmohandes229 اشكرك اخي هوه البيت جديد ومشتغله بورك بس من شتغل الكهربائي صارت بيه اثار واذا اصلح بورگ البورك بسرعه يجف

[@fouadalmohandes229]

@aliasade2952 عزيزي تخميرة البورك مستحيل علة صاحب المنزل عجين الطلس بيه مجال اكثر ينطيك ثواني اكثر حتى يجف