తన ఒకానొక భక్తుని గురించిసద్గురు శ్రీశివానంద మూర్తిగారి మటలలో ...

శ్రీ గురుభ్యోనమః
భగవంతుని దర్శిస్తూ ఆతని లీలలను వర్ణిస్తూ గీతగోవింద కావ్యాన్ని జయదేవుడు రాస్తే,
నమస్తే పద్మనాభాయ...,
నీ లీలలు భక్తులు పాడుతున్నారు మేలుకొనుము శివానంద..., ఈచల్లని రేయి...., నీరాజనమ్మీయరే ఆనంద వనమందున వెలసిన శ్రీ శివానందునకు....
అని తన యందే ధ్యాస, శ్వాస కలిగి, భక్తితో ఫాదర్, ఫాదర్ అంటూ కీర్తనలు, గేయాలు రాయడమే కాక ఎంతో మధురంగా గానం చేసిన ఒకానొక భక్తుని గురించి ఆ భగవంతుడే గురువై స్వయంగా వివరించడం ఇందులో విశేషం.
ఆ భక్తుని గురించి గురువు గారు ఎంతో ఆనందంగాను, సంతోషంగానూ వివరిస్తూ మధ్య మధ్యన జీరబోయిన గొంతుకతో వారు మాటలను ఆపడం, ఆతను చేసే ప్రార్థనని కూడా గురువు గారు పరోక్షంగా ఎలా స్వీకరిస్తూంటారో ప్రత్యక్షంగా చెప్పటం వింటూంటే మన కళ్ళు కూడా చెమర్చకుండా ఉండలేవు.
మోక్షార్థి అయిన ఆ భక్తుని యెక్క అసామాన్యమైన భక్తి శ్రద్ధలకి లొంగిపోయి అతని కష్టాలు, కర్మని క్షయం చేసి ఊర్ధ్వ లోకాలకి పంపి అక్కడ కూర్చో పెట్టిన గురువు గారు ఎంతటివారో కొద్దిగానైనా మనకి తెలుస్తుంది.
గురువు అంటే ఎవరు, ఏమిటి, ఆతని యందు ఎలాంటి భక్తిశ్రద్ధలతో ఈ భక్తుడు ఉన్నాడో ఇది వింటున్నప్పుడు మనకూ తెలవడమే కాక ఆతని భక్తి భావంతో కలిసి మనమూ శివానందుని లీలానుగ్రహాలలో ఓలలాడుతాము.
అనుదినమూ నిను కొలుతును శివానందుని దేవేరి అని అమ్మగారిని ఉద్ధేశిస్తూ నీవంటి కన్నతల్లి, శివానందుని వంటి ఈశ్వరుడు, నావంటి భిక్షగాడు ఈలోకంలో నే ఉండరంటూ చేసినటువంటి ఎన్నో ఎన్నెన్నో గానములతో
దాదాపుగా ఒకగంట పైన ఉన్న ఈ mp3 ఆడియోలో గురువు గారి మాటలలోనే ఆ భక్తుడు ఎవరో తెలుసుకుని, అతని ఆ గానములను సందర్భానుసారంగా, తగినంత వరకే తీసుకుంటూ ఆ భక్తుని ఫొటో కూడా జతపరుస్తూ చేసిన ఈ ఆడియోలో ప్రతీ మాట మిస్ కాకుండా విందామా శ్రీశివానందుని లీలలు.
నమస్తే పద్మనాభాయ నమోహృత్పద్మవాసినే పద్మాసనస్థ దేవాయ శివానందాయతే నమః||