تفريغ الرديتر بالطريقة الصحيحة من المحرك

[@هذاانا-ق6ر]

هذا والله اللي استفدنا منه صح بارك الله فيك وفي امثالك وجعلها الله في ميزان حسناتك يوم تلقاه

[@kawaser71]

بيض الله وجهك يا ابو نايف شرح مفصل ومن مصدر موثوق.

[@Abonaif56]

ووجهك ابيض

[@abuzeyadal436]

لو صورة ربي يحفظك طريقة فك من جهة راس المكية

[@abuzeyadal436]

وجزاك الله خير

[@mhm8889]

2:21 الاخ وضح ان ماء لديتر في الجالون الاسود صناعه امريكيه. وان ماء الديتر المتوفر في الاسواق المحليه بالجالون الابيض ان الصناعه من عبد اللطيف جميل وكيل تويوتا بالسعوديه

[@عبدالله-ظ4ف1و]

انا غيرت ماء رديتر لاندكروزر فكيت سرة الرديتر والخرطوش من جهة بلف الحراره ودفق الماء الي ف بطنه كله وعبيته ثلاث جراكل شربهن كلهن لين كح

[@sami34223]

يعني الافضل تفك البلف ولا نكتفي بشيل الخرطوش

[@Abonaif56]

المصنع حط لك مكان لتفريغ المكينه اسهل واضمن

[@FAISAL-yh9mq]

بارك الله فيك .. طيب ياخوي في كتيب الصيانه او الموقع بعد قايلين ارفع الموتر ولا هذي من عندك .!؟

[@3bd0o0l]

الله يعطيك العافية 👍🏻👍🏻 .. لاهنت من وين جبت المنحدر اللي رقيت السياره عليه؟ وبكم

[@Abonaif56]

اشتريته من واحد جابه من امريكا دورته بكل مكان بالرياض والشرقيه مالقيته للاسف

[@appleiddi5338]

ابو نايف عطنا سنابك الله يسعدك

[@ياسرياسر-ف9س5ف]

فصل عند الحداد

[@zqx7]

قسما بالله قطعت رجلي ادوره 💔💔💔 من ايام كورونا ما لقيته!

[@fahadnajee2814]

لاهنت يابو نايف بغيت المنتج اللي يرفع السياره نفس اللي عندك

[@Abonaif56]

جايبه من امريكا ماحصلته بالسعوديه

[@rashe.d]

بالنسبه للمويه فيه مويات تستحمل درجات حراره اعلى ب ١٠ درجات عن مويه تيوتا

[@sami34223]

مثل ايش اخوي ؟

[@z89v44]

@@sami34223اي سي ديلكو

[@Faisall400]

افضل موية للسياره بريستون

[@أبوسما-ج7ت]

الله يعطيك العافيه على الشرح الجميل 🌹🌹 كيف احصل على كتيب الصيانه

[@Abonaif56]

كل سيارة لها كتلوج كااامل لكل مسمار اشتريته من موقع امريكي على شكل كتاب الكتروني pdf اكتب نوع سيارتك ومديلها وابحث بقوقل

[@saadm692004]

@@Abonaif56 السلام عليكم بارك الله بك على الشرح الوافي الاحترافي في تتبع المعلومه والتطبيق. وإظهار المصدر اللى يوثق صحة ودقة المعلومه. ما عليك امر ابي رابط موقعاللى نزلت منه كتب الصيانه و كم يكلف سعره . مع الشكر

[@Abonaif56]

@@saadm692004 والله اني منزله من ٥ سنوات ولا ادري بالضبط وين لكن ببحث لك

[@Abonaif56]

اتوقع هذا الموقع يوفرها لك toyotamanuals.com.au/#/?q=eyJidWlsZE1vbnRoIjpudWxsLCJidWlsZFllYXIiOm51bGwsImRvY3VtZW50VHlwZSI6InNlcnZpY2UtcmVwYWlyLW1hbnVhbCIsImtleXdvcmQiOiJMYW5kIiwibW9kZWxOYW1lIjpudWxsLCJzZWFyY2hlZCI6dHJ1ZSwic2hvd0FkdmFuY2VkIjpmYWxzZSwibGF0ZXN0IjpudWxsLCJwYWdpbmF0aW9uIjp7InBhZ2UiOjEsInBlclBhZ2UiOjEyfX0=

[@أبوسما-ج7ت]

@@Abonaif56 كثر الله خيرك 🌷 ماقصرت

[@horsepowerauthority3389]

نبي رابط الموقع حق دليل الصيانة الي جبت منه الطريقة لا هنت

[@gha0222]

هل ضروري تغيير ماء الرديتر او يكفي تزيده اذا نقص ومتى الوقت اللازم لتغييره

[@Abonaif56]

اذا ماغيرته يفقد الماء خواصه ويقل ادائه ويزيد الصداء والاملاح بالاجزاء الداخليه لنظام التبريد

[@ilwkq]

تغيره كل ٥٠ الف تقريبا

[@zqx7]

الجالون الاسود ما لقيته فريت صناعية العاصمه كلها

[@saadalbkh]

3:57 torque صامولة راس المكينه لها عيار شد بمفك خاص 👍 حاول تشتريه ولا تاخذه من اقرب ورشه و ترجعه اذا خلصت 🌷

[@abumuhammedabumuhammed7632]

مشكور على الشرح الجميل يعطيك الف عافيه

[@Abonaif56]

الله يعافيك

[@qwzxhskexn9467]

تكفى الي يعرف حق فورشنر ٤ سلندر مكان صرة البلك وين

[@Abonaif56]

والله مدري

[@Abo_Mohammed41]

من وين جبت الجالون الأسود حق تويتا ماحصلناه لا عند الوكيل ولا الموزعين ؟

[@mattmatt7941]

بشر حصلت ولا لا

[@SAM.s.s.s.s]

بحثت عن الجالون الاسود قالو لي فقط عند الوكيل البازعي

[@user-yh3yx8gw3i]

جزاك الله خير بسالك تنفع نفس الطريقة للنيسان؟

[@Abonaif56]

غالباً نعم لكن مااقدر اأكد لك

[@saadm692004]

جيب بترول فتك له سره بجانب المكينه من جهة السايق .

[@MohammedAlzahrani-jg5iy]

بالنسبة لموية الرديتر الوكيل صار يوفر موية رديتر اصلية من مصنع تويوتا واظن صناعتها الماني جالون كبير حجمه اظن ٥ لتر ولون المويه زهري وليس احمر عشان الموديلات الجديدة لتويوتا ولكزس

[@اللهمصلوسلمعلىنبينامحمد-ق1ه]

استغفر الله العلي العظيم واتوب اليه اللهم صل وسلم على نبينا محمد وعلى آله وصحبه أجمعين لا حول ولا قوة الا بالله العلي العظيم اللهم أغفر للمسلمين والمسلمات والمؤمنين والمؤمنات الأحياء منهم والأموات يا رب العالمين

[@ع.ع.ح.ن666]

استمر ي بطل

[@altarad0763]

ياخي الموتر جديد ليش تغير الموية

[@ahmed94499]

شنهي أفضل الزيوت للرديتر في أجواء الخليج و لسيارات الكورولا ..

[@ahmed94499]

حصلت على الجواب في منتصف الفيديو

[@mahdidossari9991]

ابونايف مسيت بالخير ، عندي برادو 2021 ابي افصل نظام Eco كيف طريقة فصله ، مافيه شي في شاشة المعلومات ولا عرفت كيف افصله ، ياليت تفيدني لاهنت

[@w9l_]

من دقمة عداد الكيلو . اضغط عليها كم مره لين تطلع لك كلمة Eco وتختار on ولا off . طبعاً اذا حطيت off الموتر راح تخف نفسه خصوصا بالفزه . ولكن يزيد صرف البنزين شوي 👍🏼

[@محمدالعجمي-ذ6ب]

@@w9l_ لانكروزر 2018 شلون بفصله اذا تعرف

[@w9l_]

@@محمدالعجمي-ذ6ب هلا اخوي اللاند مدري عنه لكن جرب نفس الطريقه يمكن تظبط معاك او اسال الوكيل

[@AbuAbdallh6566]

ترى ما في فرق، لكن اذا تبي تفصلها حط الطبلون على ODO حق الممشى، وعلق على الزر، بيفتح لك حق الايكو وطفّه، أما العزم ما يفرق شي

[@427saleh]

مافيه نظام ايكو اصلا ... هو فقط مؤشر يعلمك ان قيادتك الان ودعستك اقتصادية ... وعشان اثبت لك ادعس لاخر شي وبتشوف اللمبة تطفي لا احد يظحك عليك ويقولك اذا طفيته يزيد عزم

[@lensfoxq8]

متي لازم تغيرها انا صارلي سنتين

[@Abonaif56]

حسب الكتلوج اول مره بعد 180 الف كلم !! لكن الافضل قبل

[@mohmad810]

طيب ليش ماتفتح اللي تحت اللديتر وتشغل السيارة بحيث يطلع الماء كله

[@Abonaif56]

هذي الطريقه المشروحه بكتلوج المصنع وهم ابخص🙂

[@سعيدالاسمري-ح1غ]

كلامك في محله لاكن للأسف ماحد من المهندسين أفاد اوطبق الشي اللي شرحته حتى الوكاله يغيرون ماء اللديتر فقط ماعندهم سالفه مع كامل احترامي

[@Abonaif56]

صدقت

[@هذاانا-ق6ر]

فعلا ماعندهم امانة حتى الزيوت زيوت القير والدفرنس يغيرون ما يطبقون المواصفات المطلوبة عند تغيير زيت الدفرنس او ناقل الحركة اليدوي والاوتوماتك وزيت الدبل

[@xq9994]

@@Abonaif56الله يعطيك العافية شرح وافي يابونايف عندي لاند كروزر فكسار 2010 هل ينطبق عليها مثل اللي تقول

[@Ebrhrr]

احسنت

[@mafia2573]

لا ياخي غلط الي تسويه لو تشوف المويا الي نازل من المكينه نظيف فرق عن الديتر

[@Abonaif56]

مافهمت عليك وين الغلط؟ الي نازل من المكينه هو نفس الماء النازل من الرديتر لكن متوزع والطبيعي انه ينزل نظيييف

[@saeedalderei395]

لو يكون فيديو أوضح افضل

[@m7sen1111]

الماء ما نزل كامل من صره الرديتر الأولى لانك رافع الموتر لو الموتر مو مرتع كان الصره الأولى تكفي للتغريغ

[@Abonaif56]

ممكن يأثر الميلان بس ماتكفي صرة الرديتر اذا تبي تفرغ اكبر كميه وتقدر تجرب بنفسك وقت التبديل

[@m7sen1111]

انا صراحه جربتها ونزل كله لكن انا سويت حركه من غطاء الرديتر العلوي حطيت منفاخ الهواء ودف الماء كله اللي بالرديتر يمكن هذا اللي طلع الماء كله

[@عبادمبشر]

موية تايوتا البيضا جيدة استخدمتها سنتين ماصدت بالمكينة وفيها مثل الزيت ولكن اللي معك افضل لان الجلايكول اثلين 50/50 وذيك 40/60

[@alwahbirx]

التصوير ماهو واضح مكان الصرة

[@Abonaif56]

والله حاولت اوضحه اكثر شي لكن حطيت صورة تقدر تدور عليها بنفس المكان

[@saadm692004]

السلام عليكم هل كتب في كتلوج الصيانه تركيبة و مكونات ماء الراديتر. في بعض الكتالوجات، ، يكتب تركيبة ومكونات ماء الروديتر حتى يسهل على المالك ان يبحث عن افضل ماء اذا لم يتوفر ماء الوكالة . ياريت تصور تركيبة ماء تويوتا اذا مذكور بكتبيب الصيانه .

[@Abonaif56]

عليكم السلام مكتوب بكتيب المالك معلومات بسيطه لكن مادام ماء الشركة الاصلي متوفر لا تتعب نفسك بالبحث عن غيره خاصه اذا سعره معقول ومصدره موثوق