تغيير نمط الحياة.. إزاي اثبت عادة جديدة واتابعها

افتكروا دايما ابدأوا بداية بسيطة.. بلاش تعملوا كل حاجة مرة واحدة علشان ما تتعبوش...
برامج وابليكيشنز لمتابعة العادات:
wayoflifeapp.com/
coach.me
Habitica.com وموجود فيه مجموعة عربية
habitica.com/#/options/groups...
وفيه غيرهم كتير ممكن تلاقوهم هنا:
www.lifehack.org/553816/here-c...
حاجات ذكرتها في الفيديو:
Happy life planner: / nootahpage
لو عايزين تشجيع في تحقيق أهدافكم انضموا لجروب "أجندة" على فيسبوك:
/ agenda.club

[@lamiahadad4945]

ان شاء الله بطبقها بعد ماخلص من رسالة الماجستير لانه اخذه كل بالي .. ومتاكده من نجاحها وفعلا لفتي نظري لنقطه مهما كانت مش خاطره عبالي انا لما كنت بحاول انضبط بعاده وكنت بسيب يوم ماكنت بعاقب نفسي وبعيد من الاول وكنت خلاص بشوف بيعدي ال30 يوم وانا لسا مش مثبته العاده عندي وخلاص بتعب وببطل افكر فيها وباجلها .. كثير حاجات فعلا بتحكيها بكل فيديو بتخليني اركز انها موجوده في حياتي ومش مركزه انها مشكله فعلا كلامك ذهب وعندي مقترح لو بتعمل دورات تنمية عندك في دولتك مقابل مبلغ مادي بسيط لانك بجد بتنفعي تكوني مدربه وتستحقي تنعمل لك دورات مخصوص والعالم يحضر لها بهنيكي على روعتك واسلوبك الجميل والبسيط .. انا كنت كل ماشوف بنت بتخطط بالبلانر والشكل حلو ومرتب والوان كنت برتاح بس مابطبق لانه بحس اني مش حلتزم الا لما يكون معي بلانر ملون مثلهم وهالشي مش صح .. الواحد يعمل بالموجود يبدا بالموجود وفعلا لما شفت بداياتك بالتنظيمم وشفت دفاترك بعدين سنه عن سنه بتختلف اكثر واكثر فمش مهم الكمال المهم الاستمرار والاشياء الثانيه بتيجي بعدين .. وزي ماقلتي ايه الفايده بجمع بلانرز حلوه وكيوت ومش بستخدمها

[@noongoll2876]

انا اكتسب العادات بسرعه جدا يمكن بحدود الـ١٦يوم تكون ثابته الحمدلله بس المشكله انو كمان اكتسب عادات سلبيه بسرعه ع فكره سر في سرعه تكوين العادات هو حب الذات والايمان فيها وكمان انك تستخدمي ارادتك الحره الاختيار هذا شيء بيساعدك كثيرر

[@el_wissem_channel2018]

انتي رائعة ... و الله خاصة في الحجر الصحي هذا يمكننا تغيير الكثير .. أنا بدأ اليوم بهذا الجدول لاكتساب عادات جديدة و التخلص من أخرى. . و سأعود بإذن الله بعد المدة المحددة و أخبرك عن ما تمكنت من إنجازه ☺☺

[@inesinesbarika3749]

شكرا ليكي المره دي اصبح اسلوبك اسهل وابسط

[@wafamkh2741]

بارك الله فيك ،،،، انت انسانة رائعة ومعطاءة استمري و نحن معاك على درب

[@droosdroos5643]

جزاك الله الف خير انا استفدت منها كثير خاصة في قراءة القران الله يكتب اجرك

[@zakizakaria4299]

كيف استفدت منها في قراءة القران وشكرا

[@zetsu3866]

بجد فيديو ممتاز ربنا يحفظك ويجعل خيرك ده ف ميزان حسناتك

[@hibakhadra5645]

يعطيكي العافيه.. والله يجزيكي كل خير ❤❤❤

[@alshimaayunus1489]

شكرا ليكى انتى نورتى طريقى ودلتينى على حاجات طول عمرى بدور عليها ومش عارفاها .بجد يا انجى انتى كل يوم بتخلنى احس انك اهم حاجه حصلت ليا السنه دى وممكن اقول فى سنيييييين كتير من عمرى

[@IngyAgenda]

Al Shimaa Yunus حبيبتي ربنا يبارك لك دايما يا رب ويجعلني عند حسن ظنكم على طول يا رب

[@lolyshow1788]

لا اعرف كيف اشكرك....ليس بيدي احسن من الدعاء لكي ...ربي يوفقك ويرزقك

[@IngyAgenda]

آمين يا رب.. ويجعل لي من دعائك لي نصيب

[@sana2olatanzem]

طريقة شرحك جميلة .. شكرا لمجهودك 👍⚘

[@prettyorganizedlife9996]

جميل جدا، انتي شجعتيني اجيب سبيس اوت بلانر وتكلمت عنها في اخر فيديو وتكلمت عن قناتك

[@user-jz7ek8uc7e]

حلو تغيير نمط الحياة مفروض نسويه بحياتنا

[@sosofahim3997]

ممتازه يا استاذه انجي ربنا يوفقك يا رب

[@biba_world]

طريقة جميلة و شرحك جميل

[@nooraalnoaimi3211]

شكرا جزيلا استاذه انجي .. بالتوفيق 💎

[@user-fx5iv1ph5j]

ررؤىلمطاه🙍🙍🙍🙅🙇🙎🌞🌓🌙👽👽

[@Jehan-fs7rh]

الله يوفقك حفزتيني اني اعمل جدول وانتظم بالدايت... شكرا يا ذوق...استمري اكثر يا مرتبة

[@user-qs3co6mo3p]

جزاكي الله عني خير الجزاء

[@karimabenssy5716]

تحية كبيرة اوي من ألمغرب

[@user-nh7zq1jt7w]

انت رائعه جدا جدا بارك الله فيك حبيتك جدا جدا

[@sasoadnan9484]

فيديو جميل و مفيد ربنا يبارك فيكي حبيبتي لأني دخلت عليه و مافهمتش حسيت اني تايهه habitica انجي ممكن تعملي فيديو عن

[@titimtouba6805]

شكرا بزاف بزاف و ربي يجزيك كل خير.

[@esraajalil1080]

شكرا على كل كلمة كلتيهة بالفيديو

[@emmagamal5440]

جميل جدا شكرا جدا لك ❤❤❤

[@fleurdorchidees5718]

فيديوهاتك متميزة.تحية ليك من الجزائر😘

[@IngyAgenda]

الف شكر ليكي حبيبة قلبي

[@jananajah8567]

Choookran ❤

[@dsfghhfghhh7933]

لايك قبل مشوف الفيديو لاني بوثق فخبرتك جدا. اختك من المغرب انا مشتركة فقناتك من البداية لكن اول مرة اكتب لك تعليق. مسيرة موفقة.

[@IngyAgenda]

ألف شكر ليكي حبيبتي، ربنا يجعلني دايما عند حسن ظنكم بإذنه تعالى

[@user-jw1pe5dn2b]

Agenda is thanks

[@user-zj3yu9qo3o]

محمدعبدة عسيري ج

[@minaessaid9772]

ما شاء الله عليك

[@zezemahmod7766]

شكرا كملي

[@ummohamed6506]

أسأل الله أن يجعلك ممن قال عنهم النبي صلى الله عليه وسلم ( أحب الناس إلى الله أنفعهم للناس ... ) وفقك الله يا إنجي وجزاك كل خير . تحياتي لك من دولة الإمارات.

[@IngyAgenda]

الف الف شكر ليكي حبيبتي، ربنا يجعل لي نصيب من دعائك ليا يا رب :*

[@mostafataha6150]

انتي هايله ♥

[@user-mz2km5wv7f]

وحشتيني جدا يارب تكوني بخير وشكرا على الافادة وياريت تتكلمي ف جزء تطوير الذات وايه مثلا الافكار زي مثلا ماجستير ف حاجة معينة ع سبيل المثال ياريت تفيدني

[@IngyAgenda]

تطوير الذات مجاله واسع جدا جدا جدا، فكرت اتكلم فيه فعلا لانه واحد من الاهداف المهمة، بس فعلا مش عارفة المه منين! احاول اعمل عنه حاجة ان شاء الله

[@zynbzahi5140]

تحيه الك من فلسطين ،،ربي يحفظك ياارب

[@zynbzahi5140]

حكيتلك مره تساعديني كيف اثبت عاده ،،فعلا التليلي مارسي عاده وحده بكون اسهل علي وفعلا اسهل لانو انا لئيت صعوبه لانو كنت بدي ثبت اكتر من عاده بوقت وااحد

[@IngyAgenda]

andaluss اندلس التدرج دايما افضل واكثر ثباتا

[@almalakalnaem3090]

رائعة. . أرجو من حضرتك الكتابة مع الشرح بصوتك الهادىء المميز

[@IngyAgenda]

طب اكتب ايه بالضبط؟

[@user-fs2rw7zm4t]

تم تطبيق ماقلتي ولكن بعادات اكثر في وقت الحجر وماشي تمام حتى الان من اسبوع .... اشكرك على اسلوبك السهل والواضح

[@IngyAgenda]

الحمد لله، بالتوفيق يا رب... لو لأي سبب حسيت انك بدأت تلخيط و فيه حاجات بدأت تقع قلل العدد خليك في العادات الأولى، ما تتوقفش عن كله او تحاول اكتر مع العادات الاصعب.. خليها لما تتمكن من الاسهل.. ده بفرض انه حصل لخبطة، ان شاء الله ما يحصلش وتفضل ماشي تمام بإذن الله

[@user-fs2rw7zm4t]

الحمدلله ماشي تمام حتى الان ......سؤال اخر فيه عادات صحيه طبقتها ٬من شهرين ونص بدون انقطاع لم اسجلها في العادات الجديدة ومازالت امارسها بشكل يومي ....

[@IngyAgenda]

طالما ثبتت خلاص

[@tarq4354]

حبيت قناتك 🌱 اذا ممكن تنزلي شرح فكرة موقع habitica سجلت فيه بس ما عرفت استخدمه ، .

[@IngyAgenda]

حاضر من عنيا.. حانزل عنه حاجة ان شاء الله..في البداية استخدميه كانه جدول متابعة عادات بس، مع الوقت حتعرفي استخداماته اكتر، هو فيه مميزات كتير بتعرفيها لما تشتغلي فيه بشكل جماعي مع ناس تانية..

[@zetsu3866]

حبيبتي اجندة بجد افكارك حلوة ايه رايك نعمل جروب عن طريق تواصلنا ده نقترح افكار تفيدنا وتفيد غيرنا ف شتي مجالات الحياة نطرح افكار بسيطة نحل بيها مشاكلنا وبما انك انطواءية. وانا زيك تماما ففكري كدة ف موضوع الجروب ده جايز يبقا خير نفيد بيه اللي حوالينا ونسعد بيه نفسنا

[@IngyAgenda]

فيه جروب لاجندة فعلا على فيسبوك، بنحاول فيه نتبادل الافكار والخبرات بين كل متابعي القناة وكل المهتمين بتنظيم حياتهم.. لينك الجروب موجود في وصف الفيديو.. يا ريت تنورينا هناك :)

[@sabaasabaa9029]

حبيييت شكرا كتير حبيبتي ♥️

[@user-mz2km5wv7f]

شكرا جدا انك رديتي عليا يعني انتي ممكن تقولي افكار وكل واحد ع حسب ميوله بس اكيد ف اساسيات يعني ع سبيل المثال انا لسه متجوزتش وانا كبيرة اخواتي يعني خبرتي مش اوي يعني ممكن حد زيي يعمل هواية مثلا يقرا مثلا ف مواضيع تفيد الحياة الزوجية فيما بعد تربية الأطفال يعني احس اني عندي عقلي بيفكر شوية

[@IngyAgenda]

ياسمين اشرف هو في رأيي مافيش اساسيات.. تطوير الذات بيعتمد على انك تشوفي انت بتحبي ايه وتتابعيه.. او مجال من مجالات حياتك حاسة انه ضعيف وعايزة تقويه.. او فيه هواية معينة كنتي بتحبيها وتحبي ترجعي تتابعيها.. وهكذا..

[@shrouq_salah_2001]

❤

[@shereenghieth908]

التراكرز المعمولة دي بيجيبوها منين لو سمحت؟!

[@user-vc7po1fv1l]

👍

[@lastcasual5968]

فيه موقع اسمه فري بيك بنزل من عليه الحجات دي جاهزة واطبعها ولو بتفهم اليستريتور ممكن تعدل فيه براحتك

[@robagad675]

ممتازه الله يوفقك يارب هو خلال تثبيت العاده لو حصل ظرف بنبدا من الاول برده يعنى خارج عن ارادتنا كمثال عاده الصحيان بدرى وبخلال تثبيت العاده الشخص مرض اسبوع فمكنش بيصحى بدرى عشان محتاج لراحه هيبدأ من الاول؟؟؟ ولا ممكن يتم معاه فكره الى صممتيها بالدواء وهو ان يتعوض الايام بالعاده فيما بعد يعنى لو متبقى 10 ايام تصبح 17 بعد راحه المرض

[@IngyAgenda]

بيرجع تاني من الأول.. الفكرة من تثبيت العادة انها تمارس بدون انقطاع، بصرف النظر عن السبب.. لانه طالما انقطع عنها فخلاص ما اتعودش عليها.. عملية مزعجة انا عارفة، بس ضرورية للاسف، بس ما تقلقيش لما بترجعي من الأول بتكون اسهل عليكي كتير من أول مرة

[@alibaweadfghjk9698]

روووعه

[@user-fx5iv1ph5j]

نككنتقنج

[@hanameflah9747]

💟💟💟💟

[@Noorali-ys3ru]

أحسنت وفقك الله

[@user-qs3co6mo3p]

علميا ايه اقل عدد عادات ممكن اطبقهم في حياتي مع بعض وايه اقصي عدد لايفضل ازيد عنه؟؟

[@IngyAgenda]

مالهاش مقياس واضح.. خدي بالك ان ده مش علم، دي مجرد أساليب بنحاول نحسن بيها حياتنا بقدر الامكان.. في مرحلة التثبيت ممكن تحطي 3 أو 4 عادات مع بعض لو كلهم سهلين، زي انك تتعودي تغسلي اسنانك كل يوم وحاجات من النوعية دي.. لكن حاجات تانية زي المواظبة على الصلاة تتعمل لوحدها فقط لان دي بتحتاج مجهود اكبر.. وهكذا.. انت جربي، ابدأ بحاجة واحدة ايا كانت الحاجة دي ايه، لو في ظرف اسبوعين وجدتي نفسك ما سقطيش منها ولا يوم جربي تدخلي عليها عادة تانية بشرط انها تكون سهلة.. لكن عادة زي الصلاة واظبي عليها وحدها حتى لو وجدتي انك مستمرة فيها كويس من البداية.. لما العادات دي بتثبت بتتحول إلى اسلوب حياة مش مجرد عادة فبتبقى جزء من الروتين اليومي العادي بيتعمل بدون مجهود وتقدري تزودي اي عدد ممكن من العادات بعد كده تاني، وهو ده الهدف النهائي من فكرة العادت انك تحسني أسلوب حياتك، يعني العادة مش مطلوبة في حد ذاتها العادة مطلوبة علشان تأثيرها الإيجابي في حياتك.. لو العادة مالهاش التأثير الأيجابي ده يبقى لا لزوم لها والافضل تعيدي النظر فيها.

[@mimd7127]

لو ممكن يا اختي لو حابه ابدأ بالصلاه على وقتها برأيك ابدأ الزاي

[@IngyAgenda]

اضبطي منبه قبل موعد الصلاة بعشر دقائق، بمجرد ما يرن، ابدأئي في تقفيل اي شيء في ايدك بتعمليه وتوضأي واتجهي للمكان اللي بتصلي فيه وانتظري الأذان.. ممكن تستغلي الدقائق دي في التسبيح والذكر، حتكون فائدة مضاعفة.. انتظري الصلاة من قبل وقتها بمدة كافية علشان تلحقي تقفلي اللي تحت ايدك أو تخلصيه.. وما تنسيش تتابعيها كعادة في جداول متابعة العادات.. وإن شاء الله ربنا يوفقك وتقدري عليها.. ويا ريت تفتكرينا في دعواتك، انا وكل متابعي القناة.. :)

[@fatimaibrahim7756]

1-عشان تثبت عادة تابعها لمدة ٩٠ يوم متواصل بدون انقطاع لو فصلت في النص إبدأ من الأول. 2-محاسبة دائمة كل يوم 3-نقاط مركزية ٢٠،٣٠،٦٠،٩٠. 4-كافئ نفسك .

[@user-ii7kb3eb6t]

الجدول ده مش عارفه اشوفه كويس في كل الفيديوهات فلو سمحتي قوليلي هو تكوينه ايه بالظبط؟؟؟

[@IngyAgenda]

ده ايام الشهر كلها مرصوصة في شكل جدول.. الايام في السطر اللي فوق خالص واللي في الجنب ده مكان فاضي تكتبي فيه اسماء العادات اللي انت عايزة تتابعيها

[@abdallahdesoky2387]

انا عوزا متابعه للسنه كلها عشان السنه كلها تكون قدامي

[@IngyAgenda]

فيه جداول للسنة كلها فعلا دوري في جوجل حتلاقي كتير

[@dsfghhfghhh7933]

حبيبتي انا ابتديت في تسطير التراكر . ممكن اعرف حبيبتي ممكن احط كم عادة في تراكر واحد؟ مستنة الاجابة على نار هههه

[@IngyAgenda]

الفكرة كلها انك تبدأي بداية بسيطة لحد ما تتعودي، انت ممكن تكتبي كل العادات اللي عايزاها لكن انت بتغصبي على نفسك تغيير كبير مرة واحدة، نفسك مش حتقبلها وحتتعبي بسرعة، التراكر ساعتها مش حيفيد.. حاولي تبدأي بداية بسيطة، ابدأي باتنين بس او 3 بالكتير قوي، لحد ما تثبتيهم وتحسي انك تمكنتي منهم وساعتها دخلي عادة جديدة معاهم وكملي بالاربعة، وهكذا بالتوفيق حبيبتي ان شاء الله

[@dsfghhfghhh7933]

حاضر حبيبتي هعمل بنصيحتك . والف شكر على الاهتمام و الاجابة.

[@eyadraed8945]

😍😍😍😍😍

[@user-nh7zq1jt7w]

على فكرة انا ست 👩🏼

[@khadija-mq7lh]

اهلا اريد اسالك يا انجي انا عندي عادات مش يومية مثلا روتين النظافة الشخصية الاسبوعي و الذي اعمله بالاحد و الخميس هل انا.كدة محتاجة انظر 90 يوم او ازاي قصدي هل احسب كل خميس يوم او كل اسبوع او كيف؟ يعني بعد 90 خميسا اكون ثبتت العادة او بعد 90 يوم من الخميس اللي بدات بيه

[@IngyAgenda]

ما تلخبطيش نفسك بتفاصيل فرعية، العادة بتثبت لما تلاقي نفسك بتعمليها بشكل تلقائي لم تعودي بحاجة إلى منبه يذكرك بيها.. ايا كان الوقت اللي استغرقته، الايام اللي بنحسبها بتكون للتسهيل مش اكتر، يعني لما بنقول 90 يوم معناه بتجربي بعد المدة دي هل انت بتعمليها تلقائي ولا لسه بتنسي العادات.. في العادات الأسبوعية الوضع مختلف طبعا، لانها مش أيام متتالية، فحطيها في جدولك واتأكدي انك بتعمليها كل اسبوع، وبعد فترة حسب ما تقدريها انت جربي نفسك هل اصبحتي بتنفذيها بشكل تلقائي طبيعي بدون ما تحتاجي ما يذكرك بها ولا لأ؟

[@khadija-mq7lh]

فهمتك جيدا شكرا جدا عالاجابة 💜💜💜💜

[@quotes.232]

ازاى بتعملى التاب بتاع الفواصل

[@IngyAgenda]

التابز موجودة ببتباع في المحالت مع الستيكي نوتس والحاجات دي، حتلاقايها في المكتبات الكبيرة زي سمير وعلي وألوان لو انت في مصر

[@saraeid4063]

فيديوهات جميله وكان نفسى اشوف فيديوهات كده عن التنظيم انا طب لو عاوزه اعمل واحده اجنده ودفتر أتابع فيه يومى والشهر كله انا مشيت فيه ازاى وانا طبعا مش خططت لطول السنه لو عاوزه ابتدى من الشهر الجاى عادى ولا ايه ترشيحاتك ليا بالنسبه للاجنده ويكون سعرها مناسب وبسيط

[@molysemsem5618]

وانا كمان زيك بالضبط عايزة ابدأ

[@IngyAgenda]

Malek Mahmoud اي وقت تقدري تبدأي فيه والاجندات كتير في السوق في مصر دلوقتي واسعارها كلها متقاربة.. في ديوان والف وفيرجين ممكن تلاقي لسه.. لو مش لاقية ممكن تكبعي الشعور من على جوجل كالندر عادي جدا.. ايه كمان محتاجاة؟

[@saraeid4063]

شكرا جزيلا على ردك تانى حاجه ايه رئيك بما انك جربتى حاجات كتير انا قررت اعمل بلنر بايدى حتى الكتابه على الورق انا عندى موهبه الرسم بس التقسيم إلى محيرني شويه انا هعمل واحد يكون شامل جميع جوانب حياتى زى بتاعك الكبير ده وواحد to do التقسيم بقى من جوا افضل تقسيمه اى

[@IngyAgenda]

Malek Mahmoud برضه دي حاجة حسب الاحتياج لان مش كل الناس بتفضل نفس التقسيمة باشوف تعجبها تقسيمة معينة ناس تانية تكرهها جدا وهي هي نفس التقسيم. الفكرة الاساسية الاجندة دي حتستخدم في ايه؟ تنظيم المواعيد والمهام ولا برضه كتابة المذكرات كمان؟ ولا تراكر للعادات ولا ايه بالضبط؟ طالما كله حيتكتب بالايد من الاول الافضل تشوفي فيديوهات عن bullet journal حتديكي افكار كتير جدا جدا.. مبدئيا اعتقد الشكل الشهري والاسبوعي ضروري وممكن مثلا صفحة لكل يوم لو محتاجة كتابة كتير بشكل يومي. وكمان فيه فيديو عملته عن البلانر بتاعتي من فايوليت ايف اللي باستخدمها في حاجات تانية غير المواعيد والتودو ممكن ترجعيله يديكي افكار برضه عن المحتويات اللي محتاجاها لمتابعة المجالات. لما الاجندة تتعمل توقعي تقعدي فترة تلعبي في الاشكال والمحتويات لحد ما تلاقي الحاجة اللي تريحك في الاستخدام.. غيري على طول لو لقيتي حاجة محتاجة تعديل ما تثبتيش عليها لمجرد انك خلاص عملتيها.. ده جمال الاجندات اللي بتعمليها بنفسك مش مضطر تلتزم بحاجة مش على مزاجي. وقوليلي النتيجة ونعدلها مع بعض :)

[@IngyAgenda]

Malek Mahmoud بالمناسبة ركزي في الصفحة اليومية شوفي يوم كده عادي بالنسبة لك بتحتاجي فيه ايه وخليها هي عناصر الصفحة اليومية بتاعتك.. مع الاستخدام حتكتشفي ايه اللي حيفضل في الصفحة اليومية واللي يتجمع في تاب لوحده افضل وهكذا.. اعمل صفحة يوم كده وجربها

[@halasewingtatahalima]

السلام من فضلك انا اريد تطبيق بالفرنسية او العربية الانجليزي صعب علي

[@IngyAgenda]

للاسف احنا ما عندناش تطبيقات عربية كويسة، لكن كل التطبيقات تقريبا لها نسخ عربية تقدري تستخدميها بسهولة.. نادر التطبيق اللي منه لغة انجليزية فقط.. وعموما التطبيقات بتنزل على الهواتف بلغة الهاتف، يعني لو انت ضابطة الهاتف عربي بينزل التطبيق عربي لو فيه نسخة عربية منه، لو مضبوط انجليزي بينزل انجليزي وهكذا.

[@halasewingtatahalima]

Agenda شكرا ليك

[@samarhashem602]

معلش ردي عليا انا عندي عاده سيئه وهي اني بقطع فشعري كده طول منا أعده بقالي سنين وحاولت افكار كتير وفشلت عندك حل عملي

[@IngyAgenda]

العادات السيئة مش بتتعمل لانها طلوبة في حد ذاتها انما هي سبب لحاجة، لو ما تعاملتيش مع السبب الأصلي يبقى مهما حاولتي توقفي مش حتعرفي.. العادات دي بتكون نتيجة لحاجة.. اعرفي ايه هي الحاجة.. ايه اللي بيخليكي مل شوية تمدي ايدك لشعرك وتقطعيه؟ العادات عبارة عن 3 خطوات، محفز واستجابة ومكافأة.. المحفز هو السبب اللي بيخليكي تعملي كده، لما بيحصل انت بتستجيبي بانك تقطعي شعرك، والمكافأة هو الاحساس اللي بيجيلك سواء بالراحة او حتى بالألم (الالم احيانا بيكون هو المكافأة على العادة).. فلما تعرفي ايه للي بيأدي للحاجة دي، ايه الحاجة اللي بتحصل او الحاجة اللي انت برتبطيها بتقطيع شعرك على طول، تقدري تغيري الاستجابة، يعني اعملي حاجة تانية يكون لها نفس المردود بالراحة، زي انك تاكلي حاجة حلوة، أو انك تقومي تنطي الحبل.. يعني مثلا في حالة انك بتقطعي شعرك بسبب التوتر خلي نط الحبل هو الطريقة اللي بتتعاملي بيها مع الطاقة الزيادة دي تطلعيها في حركة بدل ما تطلعيها في تقطيع.. اما لو الاحساس بالألم هو مكافأتك فالمشكلة اعمق ، ولها ابعاد اكتر فانت محتاجة استشارة طبيب.. ايه اللي يخليكي عايزة تؤلمي نفسك؟ دي طبيب لازم يشرف عليكي فيها.. اتمنى اكون افدتك في حدود اللي فهمته.

[@raloroo1639]

👍🏻✌🏻❤️❤️

[@halaashraf4548]

عندى سؤال انا بقالي حوالي سنتين بخطط بس أزاى ادخل اهداف جديده ممكن احققها واقضي على الروتين والتكرار .؟ رائعه جدا اللهم بارك وبتشجعينى .

[@IngyAgenda]

مش فاهمة، الروتين والتكرار في ايه بالضبط؟

[@halaashraf4548]

فيه أعمال مكررة على مدار السنة ودى بتخلينى يجيلي ملل ازاى ازود معاها اعمال جديده بأهداف جديدة ؟

[@halaashraf4548]

احسن حاجه انتى بتبتكرى طرق للتخطيط وده ميخليش الواحد يمل برافو عليكى

[@IngyAgenda]

ماهو لو المكرر ضروري يبقى مافيش مفر من تكراره، لكن لما تدخلي معاه حاجة جديدة لازم تدخليها بالتدريج وببطء علشان ما تلخبطيش نظام مستقر من الأساس.. بس من وقت للتاني كده محتاجة وقفة حقيقي مع المكرر ده.. هل لازالت هناك حاجة له ولا خلاص مش ضروري؟ احنا كتير بنحتفظ بأشياء في حياتنا على سبيل العادة بس ما بقناش بنحتاجها خلاص..

[@user-we5ir5ku9w]

لو عاوزه انسى اواعيش بدون ما اسأل اوافكر بالشخص الي انا بحبو ومتعلقه فيه ارجو الجواب

[@IngyAgenda]

جَےـوٌد ٱلَزِّهےـِرٱء حسابات المشاعر تختلف عن المنطق.. دي مش عادة نتابعها للاسف.. الله اعلم بظروقك لكن لو بعدك عن الشخص خير ليكي فاضعف الايمان ادعي ربنا.. ربنا يقويكي

[@malikato537]

ايه الفرق بين الورقه والقلم اى الكتابه وبين اجندة الموبايل

[@IngyAgenda]

الاريح لك والانسب في الاستخدام بس.. غير كده الاتنين بيأدوا نفس الغرض.. شوفي سلسلة الورق والديجيتال فيه تفاصيل كتير وبرامج كتير

[@soulafb755]

good morning beautiful soul 🌹🌹🌹🌹🌹🌹🌹🌹🌹🌹🌹🌹🌹

[@saraeid4063]

ارجو الرد

[@emyli8597]

في تطبيق حلو اسمو day by day رائع في هاذ الموضوع تاع العادات و بسيط هك

[@IngyAgenda]

ممتاز! شكرا على الترشيح

[@yasmenatef2]

ربنا يجزيكي كل خير فرقت ف تفكيري معلومة ممكن يكون وتسعين يوم او اكتر عشان اعملها بتلقائية لان بعض الحاجات بعملها 21 يوم وبسقط ف النص وبعدين اكمل وعادي ارجع تاني بس ليه لازم لو وقفت يوم ف وسط التسعين يوم ابدأ من الاول تاني؟؟ يعني كدا مش هيعملي احباط ولا هيكون حافز عشان موقفش🤔

[@IngyAgenda]

بالعكس ده حيكون دافع انك ما تنسيش يوم في النص، والا حيبقى سهل انك تسقطي ايام وترجعي تكملي مافيش حاجة تدفعك للاستكمال، وده معناه انك مش حتوصلي للهدف حقيقي لانك لو فصلتي يوم كسرتي الحلقة وده بيأثر فعلا على تعودك على الحاجة اللي بتعمليها..

[@yasmenatef2]

متشكرة جداااااا ع الاهتمام وع الرد ربنا يجزيكي كل خير

[@tothussain2912]

ممكن أسالك لو انا عندي كذا عادة عاوزة اثبتها مثلا اكتر من تلات عادات هل هقدر اعملها ف نفس الفترة ولا يبقا حمل عليا يعني مثلا عاوزة مذاكرة مع تعلم إنجليزي يوميا مع قران مع ترتيب البيت كمان لما بيبقا عندي كذا مهام وانا بعمل المهمة نفسها ببقا بفكر ف ال بعدها اي الحل ف التشتت ده

[@IngyAgenda]

مهامك اكتبيها علشان تطلعيها من دماغك، والعادات تعملي واحدة بس في المرة خاصة ان اللي اخترتيهم كلهم محتاجين تركيز كبير، موضوع العادات كان عليه حلقات كتير قوي

[@tothussain2912]

@@IngyAgenda اقصد ف نفس الفترة يعني مثلا ف تلات شهور اثبتهم زي التسعين يوم كده يبقا ف اليوم الواحد الأربع حجات دول يتعملو وهكذا لحد تسعين يوم ،ولا اخلي مثلا شهر كل يوم مذاكرة والشهر التاني ازود عادة التنضيف ده ال اقصده وتسلمي جدًا💕

[@IngyAgenda]

فاهمة قصدك، هي نفس الفكرة، بالعكس فيه حاجات حتحتاجي تسعين بوم علشان تثبتيها لوحدها خالص منغير حاجة تانية معاها..

[@user-lr2pv3tj7c]

يعنى ايه اكافئ نفسى طبيعى لما بيبقى معايا فلوس بجيب حاجة لنفسى

[@IngyAgenda]

المكافأة مش لازم فلوس، ومش لازم كل ما يكون معايا فلوس اشتري حاجة.. ممكن تكوني بتحوشي لكن على سبيل الاستثناء تشتري حاجة كمكافأة.. ممكن تكون المكافأة وقت زيادة على الموبايل او قدام التلفزيون، او خروجة او اي حاجة انت تربطيها بالعادة دي.. اي شيئ تقرري انك مش حتجيبيه او مش حتعمليه الا لو خلصتي.. ممكن حد من اصحابك تتفقي معاه على كده برضه، يخرجوكي مثلا بس لو انجزتي.. وهكذا..

[@rabigamal8992]

انا نفسي الالتزم بالصلاة بس انا بنت والبريود بتيجي ع 28يوم مش هقدر اكمل 40يوم كامل عشان اقدر ابني عادة الصلاة ارجو منك الرد امانة

[@user-mq3uc5gt3m]

عن تجربه عليكى بالدعاااء والالحاح فى الدعاء

[@Fatima_Alansari]

طيب لو هعمل عادة معينة هل الافضل أقرأ عن معنى العادات وعن العادة اللي عاوزة اثبتها والا ابدأ كده طالما انا عارفة مثلا انه الرياضة سمعت عنها مفيدة فأبدأ اعملها و الا الاول اقرأ عن نوع الرياضة وكده

[@IngyAgenda]

ما تشتغليش على عادة ابدا بدون مايكون لها معنى قوي لك، يعني "الرياضة مفيدة" ده مش مبرر انك تلعبيها، المبرر لازم يكون شخصي، تكوني حاسة بالنتيجة اللي حتوصلي لها بالرياضة، تكوني عايزة النتيجة دي فعلا، مش مجرد اقتراح من آخرين ابدا

[@Fatima_Alansari]

@@IngyAgenda ممتنة لردك يا غالية وجزاك الله خيرا 🌹❤️ اذن محتاجة اعمل فورمات من جديد لنفسي مع العادات لأنه اغلبها عاوزاها بس مش لها معنى قوي

[@IngyAgenda]

@Fatima_Alansari بالضبط، لازم تكوني فاهمة ايه هي احتياجاتك بالضبط، غير كده حتبقى بتتعبي نفسك عالفاضي

[@Fatima_Alansari]

@@IngyAgenda ايوه جزاك الله خيرا ❤️🥰 انتي نورتي لي حاجات كنت غافلة عنها

[@IngyAgenda]

ربنا يوفقك ان شاء الله وتوصلي للي يريحك

[@emomony8017]

بصي أولا انا بشكرك جدا علي كل الحجات والافكار المختلفه اللي بتساعدينا بيها وكنت عايزة مساعدتك في مشكلتي انا فعلا بتلخبط مش عارفه احدد حاجه معينه اعملها عملت لكل حاجه مكان المذكرات لوحدها والاهداف والعادات لوحدها وكل حاجه ف مكان ومش عارفه خالص اعمل التنظيم اليومي متلخبطه فيه اوي بجد مش عارفه في ايه الغلط وكمان انا بحط حجات ف دماغي اعملها بس زي ما يكون بتعمد اكسل ومعملهاش ههههه وممكن اعملها بس مش متشجعه انظم ف الورق مع اني بحب النوتس جدا جدا أشكرك ع ردك واسفه للاطاله

[@IngyAgenda]

Emo Mony ممكن لانك لخبطتي نفسك باجندات كتير.. ركزي في انك تنظمي يومك الاول بس باجندة واحدة.. لما تحتاجي غيرها ابقي اتوسعي

[@emomony8017]

Agenda تمام اوكي طيب انظم اليوم ع مدار الساعه يعني لكل ساعه احط حاجه اعملها ولا اللي عايزة اعمله اكتبه وخلاص كمان عايزة اعرف ازاي اتحفز لتعلم لغه انا مش متشجعه خالص اعمل ايه

[@IngyAgenda]

Emo Mony استني على تعلم اللغة لما تظبطي الدنيا شوبة وتنظمي نفسك بعدها ححتلاقي نفسك متشجعة حلو.. شوفي انت عايزة تعنلي ايه في يومك ووزعيه على مدار اليوم بلاش تحدديه بالساعة قوي علشان ما تقيديش نفسك بس ضروري تركزي انك تخلصي قبل اخر اليوم

[@emomony8017]

Agenda بجد شكرا ليكي جدا ع ذوقك وهعمل بكلامك واسمحيلي لو في أي حاجه وقفت قدامي ابعتلك ...ميرسي جدا ليكي

[@sarafathy258]

@@IngyAgenda جميل

[@fofasalah6480]

طيب لو عاوزه ابطل عاده اعمل إيه مثلاً قرقضه الضوافر

[@IngyAgenda]

نفس الطريقة تتابعي كل يوم انك ما عملتيهاش، بس دي بتحتاج مجهود اكبر شوية لانها بتتعمل في العادة بدون وعي فلازم تكوني واعية لنفسك، حاولي تشوفي انت بتعمليها امتى أكتر وقت، لما بتتوتري من حاجة معينة مثلا ولا وانت بتفكري في حاجة معينة ولا لما بتسرحي بصفة عامة دي حيخليكي في الأوقات دي تنتبهي لنفسك اكتر.... واعملي نوع من المنبهات، يعني حطي على ايدك مثلا زيت اللوز اللي بيتعمل اصلا علشان يقوي الضوافر ويطري الجلد في الأطراف، وفيه زيوت معمولة مخصوص لكده برضه موجودة في الصيدليات أو في محلات التجميل عموما، فكل ما تيجي تقرقضيها مذاق الزيت حينبهك.. دي حتاخد منك وقد ومجهود اكبر شوية بس بتيجي بنفس الطريقة.

[@fofasalah6480]

Agenda ياااه اد إيه انتى جميييله ربنا يحميكى استفدت منك كتييير ويحاول اتغير بس اكتشفت حاجات كتير عاوزه تتغير الله المستعان جزاكى الله. خير الجزاء 💕💕💕

[@IngyAgenda]

الرحلة دي متعبة لكن جميلة جدا وممتعة جدا جدا ربنا يوفقك ان شاء الله

[@fofasalah6480]

Agenda آمين يارب العالمين

[@nosachannel6723]

ينفع اثبت 3, عادات علشان نظام حياه صحي مع بعض ولا لازم عاده عاده

[@IngyAgenda]

هم ايه؟

[@nosachannel6723]

@@IngyAgenda مشي ربع ساعه مثلا ونص ليتر مياه كل اذان والاكل الصحي كل 3 ساعات حاولت اعمل كده من الساعه للي فاتت ولا عملت أي عاده

[@nosachannel6723]

اقصد السنه للي فاتت

[@IngyAgenda]

لانهم كتير مع بعض.. مش حتقدري تشتتي تركيزك بينهم، خاصة ان فيهم حاجة زي المشي تعتمد على انك تنظمي وقتك علشان تلاقي الربع ساعة دي وفي بعض الاحيان حتضطري تعيدي ترتيب يومك كله. ابدأي بحاجة واحدة.

[@nosachannel6723]

@@IngyAgenda طب لبدء بايه مثلا حضرتك لو تعرفي انا بقالي اد ايه بحاول اخس ويفشل قسما بالله ٢٠ سنه تقريبا ايام ما كان عمري ١٥ سنه وقولت اهم حاجه انظم حياتي وعاداتي حتي دي مش عارفه حتي أنا بحاول اشتغل من البيت بس ف ظل وجود أطفال الموضوع بيفشل فشل زريع ومش عارفه بجد ولله اعمل ايه ممكن تواصل مع حضرتك مباشرة من خلال الفيس بوك حتي أو مجموعه علي التليجلرام

[@dinaelalfy7854]

هو أنا لو عندي أكتر من عادة وعايزة اتابعهم اعمل ايه؟

[@IngyAgenda]

واحدة في المرة افضل، كذا واحدة مع بعض حيلخبطوا، وكل ما تثبتي حاجة كويس ضيفي حاجة تانية.. بيتعملوا في جدول كلهم الجداول دي كتير ومنتشرة جدا على النت بس المهم تبدأي بحاجة واحدة في المرة ما تلخبطيش نفسك

[@dinaelalfy7854]

@@IngyAgenda يعني مثلا كل أسبوعين أو شهر ادخل واحدة؟

[@IngyAgenda]

حسب تاخد منك وقت قد ايه، دي حسب درجة صعوبة العادة وقدرتك انت على الالتزام، اديها شهر، لو لقيتي انها لسها ما ثبتتش ما تدخليش حاجة وكملي عليها@@dinaelalfy7854

[@user-nh7zq1jt7w]

عزيز محمد دا اسم ابني صغير 👶🏻

[@exploreegypt1786]

غيرى اسم القناة لأم عزيز محمد

[@hananouf9995]

هو فى ورق جاهز شوفته على بنتريست 100 days of تقريبا متابعه حاجه لمدة 100يوم فاقولت اتابع فيه العادات بتاعتى فاينفع اتابع فيه كذا عادة مع بعض ولا هيبقى كتير عليا زى الصلاة والاذكار (اتعلم انجيزى نص ساعه يوميا) وشرب المياه وان ماتفرجش على حاجات مالهاش لازمه وان اسيب الموبايل قبل ما انام بنص ساعه او ساعه وانى ابطل اكل ضوافرى فا اتابعهم كلهم مع بعض ولا اخد عادتين بس اول 3 اتابعهم ولما اخلصهم اتابع غيرهم خصوصا ان الفكرة اللى مقلقانى ان حضرتك بتقولى ان لو يوم ضاع هرجع اعيد التراكر من الاول تانى وكل اللى فات كأنه ماتعملش وخصوصا ان بحاول من اول السنه وبمشى واقف وامشي واقف وامشي واقف

[@IngyAgenda]

كتير جدا، الافضل تخلي عادة واحدة في المرة، بس الفكرة ان بعض العادات بسيطة فانك تاخدي فيها 100 يوم كتير قوي عليها، ده يعني 3 شهور ونص على عادة زي الاذكار ما تاخدش اكتر من شهر مثلا، كتير قوي.. خلي جدولك شهر واحد، للعادات البسيطة.. وابدأي بحاجات بسيطة حاجة واحدة في المرة.. وبرضه خدي بالك ان كسر عادة سيئة غير اكتساب عادة جديدة، دول مش نفس الحاجة.. الموضوع ده كان عليه فيديو من فترة موجود في قائمة العادات.. بصفة عامة اللي فهمته من تعليقك انك بتبدأي بداية كبيرة قوي والعادات محتاجة بساطة عن كده، شوفي قائمة العادات على القناة حتفهمي قصدي ايه

[@hananouf9995]

@@IngyAgenda هو الفكرة ان بعد ما امشي شهر كويس ممكن الشهر اللى بعده اكسل عشان كده قولت اخليها ايام كتير ورا بعض عشان تتثبت بس وفعلا ان اشيل عاده سيئة ده صعب جدا عن ان اكتسب عادة جديدة وتمام هشوف قايمه العادات 💜❤

[@gazalabusaber7288]

ماانتي حلوه

[@user-xl5vr4bt2e]

والله انتي دي بنت مش زي البنات دنتي شاطرة

[@sihemhh6785]

تهدري ببطئ شديد

[@IngyAgenda]

معلش مش فاهمة