تقرير عن استهلاك وقود هايلوكس دبل ديزل 2020 قير تماتيك مكينة 2400

[@lost7760]

تجربه ممتازة اسال الله ان يعطيك خير الموتر ويكفيك شره يابو سعود ونصيحتي لك كل مطرود ملحوق اترك السرعه والله مافيها خير تضمن نفسك لكن ماتضمن غيرك .. الله يعطيك العافيه على التغطيه الجميله

[@lp8c]

ونعم الشارب يابو سعود .. رغم ان ما معي ديزل لكن حبيت اخذ فكره عنه اول ما طلع لي هو قناتك .. تحب الخير لغيرك جعلك ما تلقى الا خير وين ماوجهت

[@احمداحمد-ظ7و1و]

كيف اعرف المحرك ٢٤٠٠ عن ٢٨٠٠ في التي ار دي ما مكتوب سعة المحرك كم سي سي وكيف اعرف كم حصان

[@راشدالناصرالقحطاني]

بالعكس شرح ممتاز ومعلومات جيده ومستشفيات لكل الحالات فجزاه الله خير

[@راشدالناصرالقحطاني]

ومستوفيه لكل الحالات

[@mazzel502]

وياك ويجزاك بكل خير ويحفظك يارب

[@أَفْلَحَمَنْذِكْرِاللَّهِوَصَ]

لا اله الا الله توحيد لخالقنا ❤

[@Zyad518johani0]

و النعم ابو سعود رجل سمح و يتمنى الخير للغير

[@mazzel502]

ماعليك زود الله يطول في عمرك ويبارك فيك تسلم

[@ipropositional]

البنزين غالي واللي ما شرى قبل يغلى الديزل وش ينتظر التوفير في الاستهلاك يغطي على العيوب ان وجدت وهي تكاد معدومه

[@albandar1754]

الله يعطيك خيرها ويكفيك شرها وعندي سؤال مهم هل تحس فيها. تقيز. بالعماره الخلفيه. أو تنطيط بالخط

[@mazzel502]

نعم فيه تنقيز خفيف لئن نظام التعليق سست ،، لكن تقدر تفك سسته او سستتين اذا انت ماتحمل وراح تكون راسيه معك لكن ماراح تخدمك في التحميل

[@عادلالنهدي-ث8ع]

الله يوفقك كنت متردد من التماتيك بسبت تبديل النمره لنا استخدمت فورشنر تماتكي تعبنا اذا نطح هوا

[@abomshalrrr]

ماشاء الله تقرير وافي الله يبارك لك

[@triceratun]

وش وضع ثبات السيارة على السرعات العالية وخصوصا ان السيارة عالية!؟ هل السيارة ثابتة معك ولا تحس فيها رجة

[@mazzel502]

الحمدالله الهايلوكس الديزل لو تثبت السرعة على 180 ماراح ترجع نمره نشيطة ،، اما الرساوة حسب التعود لو انت متعود على سيارات صغيرة راح تفرق معك في الرساوة لنها مرتفعة لكن اذا سيارتك من قبل جيب او سيارة مرتفعه تكون الرساوة مقاربه ،،اما الرجة الحمدالله مافيه رجه ولا شي

[@arabbbc1]

معي هايلكس ادفنشر 2022 ديزل مكينه 2800 ماشاء الله قطعت 440 ومسكت بها خط واذا تجاوزت سياره وانا داعس يطلع دخان اسود مع الدعسه وش السبب

[@حمد-ذ5س5ه]

اشوفها في الهايلوكسات كلها تدخن مع الدعس بس يروح مايستمر

[@Xz.299]

ماشاء الله تبارك الله الله يبارك لك فيها يارب ويطعمك خيرها ويكفيك شرها ❤

[@mazzel502]

جزاك الله الف خير

[@خالدالزعابيابوسعود]

تجربه ممتازة اسال الله ان يعطيك خير الموتر ويكفيك شره يابو سعود جزاك الله خير 💗

[@alinasser3735]

يعطيك خيرها ويكفيك شرها يابو سعود بالنسبة لرائحة الديزل ما تدخل عليك جوى الغمارة إذا كنت ماشي بالسيارة أو واقف وهي شغالة ، لإن بعض الناس متخوف يشري ديزل علشان الكلام هذا وسيارات البنزين هلكتنا بالصرفية بالذات ٦ سلندر أو ٨ .

[@mazzel502]

لا الحمدالله مافيه اي ريحه تدخل داخل السيارة لكن اذا ضغطة على السيارة بسرعة عالية 180 او 200 ثم وقفت ونزلت من السيارة راح تشم رائحة الكربون لكن اذا دخل السيارة مافيه اي رائحة بنسبه لصوت من تعدي سرعة 80 خلاص ماتسمع صوت المكينة نهائي تصير زيها زي البنزيم بضبط ،، مع العلم الشغله تحتاج تعود والاهم يكون جيبك مرتاح

[@alinasser3735]

@@mazzel502 مشكور وجزاك الله خير يابو سعود .👍

[@M_f5]

طلبتك يا بو سعود تكفى افتك من سرعه تكفى افتك من سرعه والله مهيب زينه كلها على شان توصل بسرعه العجله من شيطان تكفى يابو سعود افتك من سرعه جعل عمرك طويل وجعل ربي يهديك ويرزقك ب سعادة وذرية صالحه جعل الله يهديك وتقبل نصيحتي جعل ربي يوفقك ويرزقك من حيث لا تحتسب و انت انسان بين انك محترم و اخلاق وهذي نصيحتي ياخوك وينكانك ب تقبلها او لا شيء يخصك ❤❤

[@mazzel502]

ابشر بعزك ياخوي محمد ،، وانا والله حدي في السرعة 160 لكن اذا حصلت احد يماشيني في الخط ماشيته شوي وهديت ،، مع العلم استقرار سرعة السيارة يجيب لي النعاس اذا دعست شوي اصحصح ،، ونصيحتك تاج فوق راسي وابشر

[@M_f5]

@@mazzel502 كفوو وتبشر بالجنه والله يوفقك ويثبتك يرزقك يا عين اخوه

[@محمدع-ر9ع]

صرفية موترك سيئه كان معي ٢٢ سلق اشخطه شخط يمشيني ٧٠٠ وكسور وتولع اللمبه. ذاك اليوم مشاني ٧٥٠ وباقي بالتانكي يمكن ٥ - ٨لتر

[@mazzel502]

صريفة الديزل تعتمد على الدعس وعلى اتجاه الهواء وعلى الكفرات وعلى حمل السيارة ،، انا مسجل المقطع وكان فيه هواء ناطح السيارة

[@محمدع-ر9ع]

الصراحه اهمالك للموتر مخلي الصرفيه كذا. نظف مواصير ال egr ونظف دبات التلوث والثلاجه... وبدل الصفايه ونظف البخاخات وسو فلاش للمكينه ومالك إلا يمشيك ٨٠٠ بالراحه

[@mazzel502]

@@محمدع-ر9ع ببيعها الله يعين راعيها يضبطها ،، مو فاضي لها

[@aldem34]

ايش السيارات إلى تنصحني فيها من عام 2010 حتى 2020 تشوف انها قوية واستهلاكها أقل حدد لي عدة سيارات متميزة؟ ومعليش على كثرة الأسئلة انت شخص متواضع وتستحق الاحترام

[@فهد-د9ض3ق]

لو اركب قير ديزل على بنزيم ضني بتخف الصرفيه وبترتاح المكينه

[@Abo.ali750]

يصير فيه سادس ممتاز 👍🏻👍🏻

[@TMEME15.]

سلام عليكم معي وحده ٢٠٢٢ امشي فيها سرعة ١٣٠ مثبت لين حايل تقريبا ٦٢٠ كيلويبقى فيها الربع او اقل من الربع فلذلك الفديو غير صحيح سرعة ١٦٠ تمشيك ٦٠٠ كيلو

[@mazzel502]

ممكن سيارتك فيها مشكلة او تكون الكفرات كبيرة او الهواء ناطحك كذا تزيد صرفية الديزل

[@TMEME15.]

@@mazzel502 غير صحيح موتري جديد مامشى ٣٠ الف وصيانه اول باول الموتر مايمشي ٦٥٠ ع سورعات فوق ١٦٠

[@mazzel502]

@@TMEME15. اجل موترك سليم ممكن موتري فيه مشكلة عشان كذا الصرفيه قليله

[@Good50591]

بيض الله وجهك ماقصرت 🥺♥️♥️

[@fahadgahthani8179]

طيب الاجواء الظهر والحراره هل هي تكفر في الظهر وبسلك عادي انا في الظهر اسرعه عليه امشي تقريبا١٦٠ وعليه

[@mazzel502]

تمشي عليها في عز الظهر 160 او 180 تبقى الحرارة على الربع لكن اذا تدعس تحت 200 ترتفع الى الثلث وفيه على القناة مقطع امشي عليها تحت ال 200 والحرارة على الثلث

[@للهدوءلذه]

والله جبت المواصفات الي ابحث عنها بضبظ غمارتين ديزل دبل اتوماتيك

[@mazzel502]

اذا انت راعي سرعة وتبي موتر انشط اخذ مكينة 2.8 جباره وقوية

[@عبداللهعلي-ي2غ5ز]

طيب المكينه 2.8 الي احصنتها 176 ايه اي وممكن تسوي قومات انت وايه بنشوف المبرمج 2.4 وا 2.8 لي اخصنتها 186 مشكوور على ابدعاتك

[@mazzel502]

ابد انا مستعد بس ماعرف احد عنده هايلوكس 2.8 ،، لكن مديل 2021 مكينة 2.8 تجي 201 حصان هذه تطلع علي وانا مبرمج اما مديل 2020 وتحت تجي احصنتها اقل واضن ماتطلع علي

[@MrCohiba11]

ما شاء الله تبارك الله، نبغى تقييمك لصوت محرك السيارة، وكيف العزل داخل السيارة في البلد والخطوط، وايضا ليش شريت المكينة الصغيرة 2400 ما اخذت الحجم الاكبر 2800

[@mazzel502]

اذا حصلت هايلوكس 2800 ان شاء الله اقارن بينهم ،، وقريب ابيع الهايلوكس واخذ فورشنر مكينة 2800

[@استغفراللهالعظيم-ق5ك]

فيه فرق 2400 ب 124000 و2800 ب 185000 والله اني لقيت التسعيره هذي عليها أمس في معرض في خميس مشيط لاحول ولاقوة الا بالله والسعر و2400كفو وقويه وست سرعات ويكفيك انها هايلكس تايوتا الواحد ماعليه من كلام الناس والله لوقاطعو الناس 2800ان تنزل قيمتها

[@ipropositional]

التصفير الهواء هذا متى يكون ؟ عجيب ذا

[@mazzel502]

التصفير مع السرعة العالية وعلاجه بسيط تنزل القزازة وتضغط الباب من فوق ويضبط

[@مجديالشراري-ه1ز]

وش رايك الفوتشنر ديزل ٢٤٠٠ موديل ٢١ هو ازعاج وثقييل ولاخفيف ماتسمع اصوات مكينه وحناته

[@mazzel502]

ياهلا وغلا فيك حياك ربي ،، بالعموم الهايلوكس والفورشنر الديزل يكون اقوى من البنزيم هذا الحجم 2.4 انا اشوف انه بعد البرمجة نشيط ولا عليه كلام ،، لكن حجم 2.8 هذه قوي تقارن في مكينة 6 سلندر بنزيم وقوي وممتازة اذا معك فلوس لا تتعدها

[@ماجدالكابتن]

صراحه ابداع الله يعطيك الف عافيه

[@mazzel502]

الله يعافيك ويطول في عمرك

[@محمدمحمد-د5ك3ص]

ايش البرمجه الي سويتها ؟ وايش افضل مستبشي او سيزو ؟

[@apassapass7675]

السلام عليكم ورحمه الله وبركاته أيهما أفضل حسب معلوماتك هايلوكس ديزل 2.8 كير اوتو أو كبر عادي . مشكور الله يرحم والديك

[@mazzel502]

وعليكم السلام ورحمة الله ياهلابك حياك ربي ،، الافضل قير اتماتيك اقوى في العزم واريح في التعشيق خاصة اذا كنت تسكن في مدينة يكثر فيها الزحام ،، لكن يحتاج تغيير الزيت حق القير من فترة الى اخرى ،، مع العلم استخدامك هو الي يحكم

[@ahmealghannami9442]

استمر في مقاطع المجاكرة

[@triceratun]

كلمنا عن التكييف هل مازال يبرد بكفاءة عالية بعد كل هذا الممشا!؟ ولا ضعف! وهل السيارة قاسية في الطرق ولا لا!

[@mazzel502]

التكيف ممتاز الى الان مافيه مشاكل ويفضل تركب له مروحة في الامام تبريد اضافي ،، والسبب ان اديتر التربو يغطي على اديتر المكيف وقلل من كفائته

[@سليمانالعبنق-ح8و]

سؤال يالغالي بحكم ان عندك ديزل انا محتار بين القير العادي والتماتيك وش الافضل برايك؟ وهل القير التماتيك اذا حطيته على نمره (تبديل يدوي) مثلا على نمره 1 ودعست على اخر شي هل تبدل النمره تلقائي ولا يقطع الكبريشن وما يبدل الا يدوي؟؟ الله يسعدك

[@سالمو-ي4خ]

توماتيك افضلك سواق احسن صوت محرك اخف

[@أبوعبدالله-ب7ض]

شكرا على الشرح الممتاز سؤالي عن التوربو شفت لك حلقة تتكلم عنه هل صار لك مشكلة أو عطل فيه وهل السرعة لها اثر عليه

[@mazzel502]

لا الحمدالله لايوجد اي مشاكل مع التيربو لكن ،، تحصل المشكلة في التيربو اذا كان فيه تنسيم في احد الخراطش او الانتركولر او تأخير في تنظيف الفلتر او دخول رمل والغبار مع الفلتر الى التيربو ،

[@أحمدالحربي-ك4ج]

الله يعطيك العافيه يا غالي تنصح بالتماتيك ولا قير عادي للهايلوكس الديزل طبعا دبل.

[@mazzel502]

الهايلوكس الاتماتيك افضل بكثير ،، لكن حساس شوي يعني يحتاج الى اهتمام وتغير الزيت من فتره الى اخرى مع الفلتر ..

[@waleedal-sahli7122]

ابو سعود معي واحد اخو اللي معك عندي الحرارة اوقات الاحظها تطلع عن الربع حاجة بسيطة عندك نفس الشي ولا لا

[@mazzel502]

ايه تطلع اذا انا امشي طبلون السيارة يعني السرعة تحت 200 ومطول وانا ضاغط عليها لكن اذا امشي من 180 وعليها تكون الحرارة طبيعية

[@Lsvvi]

ماحد قد جربت شاص ديزل 8 سلندر ؟ او شاص مرهم مكينه برادو 4 سلندر ؟

[@mazzel502]

انا ماجربته لكن اسمع يقولون ثقيل لنه بدون تيربو

[@triceratun]

هل السيارة جاسية في المطبات والحفر وغيرها ولا لا !؟ وهل فيه حل لهذه المشكلة. ومشكور يالغالي

[@mazzel502]

نعم قاسية اذا انت مو متعود على البيك اب او السيارات الي فيها سست ،، الحل تقدر تفك السسته الوسطى اذا انت ماتحمل كثير ،، راح يفرق معك في المطب وكلما تنزل سسته يخف المطب

[@triceratun]

@@mazzel502 طب وبالنسبة للعاب المرن وش رايك فيه!؟

[@سممنيه]

يااخ زيت سيارتك سوبر شل المكتوب عليه روتلا هل هذه النوعيه تمشي عشرة الاف

[@mazzel502]

انا اغير رول ملا

[@cucu6891]

شرايكم اخذها قير عادي ولا تماتيك وش الافضل

[@mazzel502]

الافضل تماتيك ،، لكن يحتاج تنتبه له في تغيير الزيت والفلتر

[@أبوسما-ج7ت]

ماشاء الله تبارك الله الله يبارك لك كم لها مبرمجه فين سويت البرمجه ياليت رقمهم او موقعهم

[@mazzel502]

البرمجة لها سنة ونص البرمجة في صناعية القديمة عند سوري اذا حبيت رقمه تواصل معي وتساب

[@الوهلا-غ5ح]

وين برمجت لاهنت ضروري جداً ابوسعود

[@mazzel502]

تواصل معي وتساب 0598835185

[@dxb3322]

السلام عليكم ، الديزل انشط من البترول سته سلندر ؟ قير تماتيك الديزل نفس قير البترول في الخط مريح ؟

[@mazzel502]

لا البنزيم 6 سلندر انشط لكن البنزيم في الخط ترجع نمرة مع الطلعة ومع الهواء ،، لكن الديزل مايرجع نمرة

[@abo-sauod]

بسبب العزم عالي تقريبا 400 نيوتن اما البنزين اضعف ​@@mazzel502

[@abumajed2400]

ماني حق سرعة ممشا متوسط هل تنفع لي قير عادي سلق ودبل مكينة 2400 وإلا غير انحد على الاوتوماتيك لأن ماني حاب الاوتوماتيك وهل 2800 أفضل إذا كان قير عادي بس ديزل دبل

[@mazzel502]

2800 قوية جدا جدا تقارنها في 6 سلندر اما 2400 تأدي الغرض ولافيها مشاكل ،، القير حسب استخدامك وحسب رغبتك 2400 فيه منها قير اتماتيك وقير عادي وكذلك 2800 فيها قير اتماتيك وعادي

[@marzooqalajmi1617]

طيب سوال مشاوير داخل البلد يعني اطلع من البيت اوقف عند مطعم اطلع اوقف واطفي وانزل عند محل ثاني عادي طف وشغل بدون انتظار

[@mazzel502]

مشاوير داخل البلد يعني السيارة ماتكون سرعتها ثابته .. النمرة تكون متغيرة زي زحمات الرياض كل شوي نمرة

[@marzooqalajmi1617]

@@mazzel502 اي نعم زحمات واشغال الرياض

[@Im-kr7ne]

ابو سعود اي كراج فكيت الفصله الموتر

[@mazzel502]

الصناعية القديمة بالرياض عند سوري اذا تبي رقمه تواصل معي وتساب

[@Im-kr7ne]

@@mazzel502 رقمك وينه يا الامير ميزبط الي في الرابط

[@mazzel502]

@@Im-kr7ne هذا رقمي الله يسعدك وتساب 0598835185

[@اللهمأجعلنيأفضلممايظنون]

السلام عليكم ورحمة الله وبركاته يبو سعود استفسار هل لها مشاحم للتشحيم لانه جاء عندي صوت حول الكفر الامامي مثل التصفير او الوزيز

[@mazzel502]

يجي في العمود الامامي والخلفي اما الركب وباقي الموتر مايجي فيه محل لتشحيم ،، اما الصفير بالغالب اذا غسلت السيارة بستم يروح واغلب الهايلوكس والفورشنر كذا

[@أبوسما-ج7ت]

الله يبارك لك هل ركبت اضافات ؟ كاتش كان ؟ فلتر هواء رياضي؟ داون بيب ؟

[@mazzel502]

لايوجد اي تعديل فقط برمجة

[@sale7654]

زود من المعانات غسيل لن وقفتك مع التريلات تلوث بجميع انواعه

[@aldem34]

ايش هي أفضل سيارات الهايلكس يعني أقتصادية وعملية؟

[@mazzel502]

الدبل الديزل ممتازة

[@saud9596]

سؤال اخوي ايش الفرق بين المكينه 2400ومكينه 2800 وايش الأفضل بينهم في الديزل انتظر ردك

[@mazzel502]

2400 مكينة صغيرة واحصنه اقل وعزم اقل لكن بعد البرمجة تعتبر ممتازة ،، لكن مكينة 2800 اقوى بكثير وافضل في العزم والتسارع والقوة

[@khalidalsharari-]

@@mazzel502 البرمجه كم زادت احصنه؟

[@Jsjsjsj-zf9xq]

٢٤٠٠ مواصفااااات افضل

[@عمرالدعجه-خ5ل]

الله يطرح لك البركه واجهتك مشاكل من برمجه أو حدا واجه مشكله من برمجه الديزل حد علمك برمجت الديزل في منه مشاكل

[@GtgvffVhhvvg]

الهايلكس حقك سلق والا لا وايش المواصفات ممكن الرد

[@mazzel502]

فل قير اتماتيك

[@abumajed2400]

ماشاء الله تبارك الله يعني اللي يمشي على سرعة 120 كيلومتر بالساعة راح تمشيه 1300 كيلو بالراحة السؤال الثاني يعني ديزل دبل قير عادي ماهي أفضل من القير الاوتوماتيك لأن الرغبة قير عادي

[@mazzel502]

اضن على ممشا 120 راح تمشيك قريب 1000 كلم ،، انا استخدامي في المدينة عشان كذا ارغب في الاتماتيك اريح ،، واشوف انها افضل من القير العادي

[@عاشقالديزل]

سلام عليكم راعي القناه ما قد نسم عليك القزوز ؟ وهل منه ضرر على الموتر او يقلل من عزمه ويش حلوله لاهنت رد علي

[@mazzel502]

القزوز نسم علي والسيارة ماشية 100 قبل ابرمج غيرت وجه الاقزوز وحطيت عليه غراء واموري في السليم الان والسيارة مشت الحين 270

[@عاشقالديزل]

@@mazzel502 طيب التنسيم ذا كيف صوته وهل منه اضرار ولا

[@عاشقالديزل]

@@mazzel502 وهل هو يقلل عزم الموتر

[@M-FAHD]

ممشى طبيعي ١٢٠ كم يوصلك فل التانكي؟

[@mazzel502]

قريب 900 كلم وممكن تزيد شوي اذا السرعة 120

[@aldem34]

ايش الفروقات بين هايلكس 22 و 23؟

[@mazzel502]

مافيه فرق نفسها الاختلاف في الخط فقط

[@triceratun]

غيرت الكفرات كم مرة يالحبيب في خلال 250 الف كم الي مشيتها!؟

[@mazzel502]

غيرتها ثلاث مرات بس انا اركب صيني جديد سعر الطقم قريب 1150 صيني نفس دعست الوكالة

[@nanaa7074]

ابو سعود شرايك في ددسن دبل ديزل تيربو 2006

[@mazzel502]

والله يخوك ماقد امتلكت ددسن ولا اقدر احكم عليها لكن ماصار لها شعبية ولا اقبال حتى ان الشركة قطعوها مره وحدة لكن الهالوكس اشوف لها شعبية وعليها اقبال

[@فارسالشهراني-ف2ك]

ياخي اذا لك خبره في الهايلوكس الديزل عندي ٢٠١٨ صوتها عالي اذاهي واقفه مادري ويش السبب

[@mazzel502]

سو لها تصفية تغير فلاتر وتنظيف بخاخات وبرمجة ان شاء الله يتغير الصوت

[@فارسالشهراني-ف2ك]

@@mazzel502 تعرف احد يسويها في الدمام ولاالرياض

[@mazzel502]

@@فارسالشهراني-ف2ك تقصد البرمجة او ايش

[@فارسالشهراني-ف2ك]

@@mazzel502 اقصد برمجه البخاخات عشان الصوت العالي وهي واقفه

[@mazzel502]

@@فارسالشهراني-ف2ك لا والله ماعرف احد يسويها لكن خليها على صوت الوكالة

[@sntbp1397]

يا ليت تحط مقطع وش برمجه موترك وين مبرمج و وش على الموتر

[@mazzel502]

الموتر برمجة فقط ماعليه اي تعديل ثاني

[@محمدالسلمي-ج2م]

ماشاءالله الله يباركلك

[@triceratun]

طولت علينا الغيبة يالحبيب!

[@mazzel502]

هههههههه ان شاء الله انزل حلقات جديدة قريب انشغلت الايام الماضيه وشكرا على سوالك

[@vip6336]

معقولة 21 دقيقة عشان شرح استهلاك!؟😂

[@bereal..]

يارجال موصاحي هههه

[@abomotlq1757]

وشلون فيكت فصلتها يبو سعود

[@mazzel502]

عن طريق البرمجة كلفني 1700 ريال مع زيادة احصنه لكن الموتر فرق كثير صارت تمشي مع البنزيم وافضل

[@سعيدسعد-ت5ه]

هل لها ضرر علا الموتر البرمجه وهل صرفيه الديزل تفرق بعد البرمجه

[@عزاممحمد-خ2ش]

وش الحل في تصفير الابواب ؟ وهل هو شائع في الهايلكسات

[@mazzel502]

نعم الصفير اغلب الهايلوكسات ،، الحل تركب ربلات اضافية او تشد الابواب

[@nnkhw3293]

هل يجي هايلكس 2800 تماتيك بدون دبل ؟

[@mazzel502]

ايه تجي غمارة قير عادي بدون دبل مكينة 2800 قوية جدا جدا من مديل 2020 وفوق

[@سعدالشهراني-ن3ز]

الرجال له ٥ شهور مانزل ولا مقطع الله يستر

[@موسىسعود-ن9ظ]

ما فيه شي الله يستر عليه

[@mazzel502]

موجود بس اشغال الحياة ان شاء الله نزل مقاطع قريب

[@B-20]

اخوي ابو سعود لاهنت نبي فديو عن ايجابيات وسلبيات الهايلوكس ديزل بعد استخدامك وهل تنصح فيه وهل هي نفس البنزين تتحمل ؟

[@mazzel502]

ياهلا وغلا فيك موجود على نفس القناة تقرير عن استهلاك الوقود مع بعض الملاحظات

[@alibib9916]

اشكرك بعنف انا معي ديمكس جي تي بس اشوف الهايلكس افضل

[@فارسأبوأحمد-ث7ث]

الشكل الجديد افضل من الهايلوكس

[@alibib9916]

@@فارسأبوأحمد-ث7ث بس قطع الغيار م تحصلها واذا حصلتها تحصلها نار

[@عايدالجهني-ت8ع]

المكيف شغال في مسافتك كلها وعلى رقم كم

[@mazzel502]

نعم شغال على رقم 1 المسافة 600 كلم لكن انا مشيت السيارة حتى وصل 700

[@محمدحمود-ف6غ7س]

وين ابرمجها افصلها اللي يفيدني

[@فيصلالشمراني-ب8ث]

احرق فيها طال عمرك يالبى الديمكس وصرفيتها

[@mazzel502]

ابشر انا معبي ديزل الان اذا وصلت محطة بنزيم اخذت بنزيم ب ريالين واحرقت فيها تامر امر

[@ابوسبع-غ6د]

مرحبا ياخوي كيف الدخان السود

[@mazzel502]

ما تدخن

[@711.1]

ابوسعود لاهنت ابي رقم او عنوان مبرمج فالرياض او ممكن اتواصل معك واتساب؟

[@mazzel502]

هذا رقمي حياك ربي 0598835185

[@wadhamohswn8338]

طيب ياخوي انا عندي هايلوكس ديزل دبل تماتيك 2400 امشي 140 الحراره تجي في نص ونا انغبن

[@mazzel502]

شيك على تماتيك المروحة + بلف الحرارة + دبت الرصاص او دبة البيئة

[@استغفراللهالعظيم-ق5ك]

نص ولا ربع

[@aldem34]

فيه هايلكس ديزل قير عادي؟

[@mazzel502]

نعم متوفر منه لعادي والقير الاتماتيك وحجم 2.8 وحجم 2.4 الديزل ..... لكن الهايلوكس البنزيم 6 سلندر تجي تماتيك فقط مافيه منها عادي

[@kakedansare2144]

وش ذا الخط الي مافيه ساهر انتبه انت يشاهدك الصاحي والمجنون لاتكون قدوه في السرعه المفروض ١٤٠ اخر سرعه

[@mazzel502]

ابشر من عيوني الثنتين بس لزوم من تجربة الاداء والفرق والتعديل مايبان الا بالسرعة والمقارنة

[@وائلسالم-و8ج]

يعني ب ٤٧ ريال كم لتر فيها

[@سلومالسلوم-ن4ز]

وش نوع الشاشة؟

[@mazzel502]

صيني نظام اندرويد طلبيه من برا

[@سلومالسلوم-ن4ز]

يعني الشاشة ما هي متوفره ف السعودية وشايف عدادات فيها😂😂 اعجبتني

[@mazzel502]

لا ماتحصلها هنا لكن فيه انواع ثانية متوفرة في الغرابي لكن نفس هذه طلبيه من برا

[@اميرعلي-ت3م4ق]

كم لتر اخذت اخر الفيديو

[@mazzel502]

مادري والله لكن مبين في التصوير الاترات

[@100-o9r]

٧٤ والتانكي ٨٠

[@mazzel502]

@@100-o9r ماعندي علم والله لكن الفرق بسيط بين 73 وبين 80

[@mazzel502]

@@100-o9r التانكي 80 لتر

[@rocky_20015]

شو قياس زيت الي تحطها

[@mazzel502]

اغير شل رول ملا يجي جالون 4 لتر

[@rocky_20015]

@@mazzel502 قياس ايض

[@rocky_20015]

@@mazzel502 قياس

[@user-vl4kwiMu1984]

كم اللزوجه 15W40 او 10W40 كم لزوجة الزيت اللي تستخدمها

[@triceratun]

وش رايك في ألغاء الـ EGR وهل يضر الموتر ولا لا!؟

[@mazzel502]

بالعكس هذا يفيد السيارة ،، لن هذا النظام يسترجع الهواء الخارج من الشكمان الى الثلاجة وسبب انسدادات واوساخ والغائه افضل

[@triceratun]

@@mazzel502 مشكور يالغالي وكثر الله خيرك.. سؤالي هل السيارة تحتاج برمجة بعد إلغاء الـ EGR ولا لا!؟

[@mazzel502]

@@triceratun اذا موترك من مديل 2021 وطالع تحتاج برمجة ،، اما مديل 2020 وتحت ماحتاج ركب السدة وتوكل على الله

[@triceratun]

@@mazzel502 يا أخي بيض الله وجهك 🌹

[@استغفراللهالعظيم-ق5ك]

لونك تمشي 140 وصلتك فوق 800

[@mohnadalakiel9325]

نظام الايكو مايشتغل على السرعه هذه. هههههههه

[@mazzel502]

يشتغل الى 150 بعدها يفصل لكن يضل شغال داخل المدينه على طول

[@mohnadalakiel9325]

@@mazzel502 أنت تمشي 160. لا تقول نسيت الايكو.. هههههههه هههههههه هههههههه.

[@naser3196]

كم كيلو تمشيك

[@mazzel502]

قريب 700 اذا السرعة من 160 وعليه اما اذا سرعتك 120 توصلك الى 900

[@l-701]

جالس أفكر في الهايلوكس الدبل الغمارة ٢٨٠٠

[@mazzel502]

الافضل اخذ غمارتين والموتر ممتاز جدا جدا لكن حاول تأخذ مديل 2021 وطالع تجي 201 حصان اما من مديل 2020 وتحت تجي 174 حصان

[@نوافالحويطي-ر1ف]

🥴ياحضكم. حنا الفل 275ريال

[@alibib9916]

فلتر الديزل وكل 30 الف والا ترا الطرنبه بتضرب عندك

[@mazzel502]

انا مهمل في الصيانة لكن ان شاء الله اغيره قريب

[@فيصل-خ5ش]

تقدر تختصر شرحك

[@ipropositional]

ما فيها كلام عشان غلاء البنزين فقط. 😇

[@steevhoya2361]

هذه الهايلكس فيها تيربو

[@mazzel502]

نعم كل الهايلوكسات الديزل الجديدة فيها تيربو

[@سلومالسلوم-ن4ز]

لا تخليه يصفر الديزل نصيحة

[@mazzel502]

صحيح كلامك المفروض مايتصفر حتى مايسحب الاوساخ لكن خليته يصفر حتى اشوف كم تمشي والافضل يتعبا من تولع المبة

[@سلومالسلوم-ن4ز]

يتعبأ من الربع بالكثير

[@30DID]

‏راح ابلغ عنك أنت تسوق بطريقه غير قانونيه

[@mazzel502]

لا تكفى لاتبلغ علي

[@Im-kr7ne]

ابو سعود لو سمحت عطنا رقمك واتس

[@mazzel502]

ياهلا وغلا فيك حياك ربي 0598835185