Рет қаралды 16,002
Керекті заттар: жіп, қалам, бөтелке. Бұл ойынды қай кезде ойнауға болады? 1) Командалық жарыстарда. Екі немесе одан да көп команда жарысқанда әр топқа жүргізуші 1 немесе 3 мүмкіндік беріп жарыстырады. Қаламды бірінші ретте-ақ, бірден бөтелкеге сала алған команда ұпайы да жоғары болады. Одан кейін ұпай саны да төмендей береді. Командалар саны көп болса артық уақыт кетпеуі үшін 1 ғана мүмкіндік берсе де болады. 2) Семинар, курс т.б. кезіндегі үлкен үзілістерде өткізуге болады. Бұл ойыннан не байқауға болады? 1) Команда /топ / сынып ынтымақтастығын байқауға болады. Егер командада ынтымақтастық күшті болса, олар жан-жаққа тартпай, шулап кетпей, бір-бірінің сөзіне, ұсынысына құлақ аса отырып, үндесе қимылдап, жетістікке жетеді. 2) Оқушылардың, студенттердің, курсанттардың көшбасшылық қабілеттерін байқауға болады. Әдетте көшбасшылық қабілеті бар адамдар бірден ситуацияны қолына алып, дауыс интонациясымен басқаларды өзіне қаратып, қалай қимылдау керек екендігін, не істеп, не істемеу керектігін түсіндіріп тұрып, топты жетістікке жеткізеді. Командалық ынтымақтастықты күшейту үшін бұл тренингті күнде немесе апта сайын жасатып тұруға да болады. Қандай пайдасы бар? Қайталап жасаған сайын оқушылар/студенттер/курсанттар ынтымақтаса түседі, басқа адамдардың сөзіне құлақ асуды, бірлесе қимылдауды, жетістікке бірге жетуді үйренеді. Көшбасшылық қабілеттері шыңдалады. Командада жұмыс істеуге дағдыланады. Ептіліктері артады.
Бұл тренинг 2014 ж. педагог қызметкерлерінің біліктілігін арттыру курсы кезіндегі үзілісте жүргізілді. Тренер Ләзат Дүйсембекова. Староста Зулхар Құлмағанбетов. Тренингті жүргізген Алматы облысы Сарқан ауданы М.Төлебаев атындағы орта мектептің биология пәнінің мұғалімі Әсем Нұржекееева.