《公開試當真》特約：口試王EP9｜追求快樂是否人生最重要的目標？｜陳柏宇 YT Ernest Locker（游學修） 蘇豪｜試當真

彩色｜2024｜#upandsdown、#maslows_hierarchy_needs 、#shotofdopamine｜中英雙語｜中文字幕｜28'｜
故事簡介：
為了再令大家交流，我們約了他們上來小組討論。
*本節目為模擬口試的綜藝節目。
**由於時間關係，本集的Locker將會由游學修代考。
主演：
陳柏宇 @ckw720
周殷廷 @whoisyanting
Ernest @ernest_pch
Locker @locker_94
游學修 @neoyau19
蘇致豪 @official_sochiho
試當舖（賣嘢）：trialanderror....
課金：linktr.ee/tria...
成為「認真毛」： / @trialanderror924
FB/IG: trialanderror924
Discord: / discord

[@moon0802]

痴線豪哥全程在線，彷彿回到十年前嘅辯論賽🫡

[@JimmyLee827HK]

滿分辯員 the GOAT😭😭😭

[@OiK264]

真 得豪哥指得出佢地講野既BUG 咁追求快樂同咁係因為你XX一樣只會變成萬能KEY

[@Stephleeen]

評判對豪哥的評價有欠中肯。 雖然豪哥在用詞上的確令人覺得未夠專業、認真，但係全程看到他思路清晰，先界定思考與快樂之別，亦都嘗試指出為何要用狹義的快樂，在目標與意義的討論，嘗試為題目帶來更清晰的界定。 其實這一條題目有很豐富的討論空間，若説他製造很多破綻給別人攻擊，不如說除了游學修嘗試開展這些討論空間，幫他修正用詞，其他參與者都漠視他的觀點。 為何我們要接受快樂等於滿足感？ 為何我們會覺得滿足愉悅感覺反而是我們的目標？ 為何情感以外，例如信念、責任等，不能夠凌駕於感覺而成為我們最重要的目標？縱使追求這些目標帶來的可能是痛苦或者是孤獨？ 而這條題目是討論「最重要」，即是我們要比較何者較重要。而豪哥有嘗試指出思考重要過情感，他清楚這條題目需要比較的地方。為何他的比較過程，未能為他爭取到合理的評價？當他嘗試表達自己觀點時鏡頭所拍攝的是工作人員及評判的笑容，這是因為評判或工作人員認為豪哥的發言語無倫次，抑或是見到豪哥在詞語背後有深刻思考這種反差而覺得好笑呢？ 雖然這一條係共識題，但若然大家未能處理需要討論的概念，而得出共識，未有從不同的觀點進行更深入的整合，這又是否一個高層次的討論呢？ 歷代哲人們都提出不同的觀點，追求快樂只不過係其中一派的堅持。而在今次討論中，無奈地我們看不到不同意識形態更豐富的對話。 但總體而言，仍然支持試當真，支持你們願意為缺乏中文口試的香港，製作這個節目。期待你們的節目會越做越好。

[@JimmyLee827HK]

口試王欠豪哥一個膠袋🤬😡

[@user-hr2sk5ec8u]

其實個評判係咪有牌？如果冇牌，可唔可以stop佢

[@lokbb3307]

蘇豪先係最清晰果個, 相對上柏宇太想人buy佢果套, 太chur又有d point太夾硬. 豪哥係將"最重要"解釋得最好 --> 即所有事件發生嘅"第一步" , 最先要條件 = 思考。 豪哥係堅抽。 評分簡直一d都唔合理, 唔怪得DSE係一個分唔到真正有料有思想嘅學生。

[@definesyouasaman]

其實佢有咩資格做評分?真心想知

[@Eric987hk]

@@definesyouasaman需唔需要一個中文老師，先可以做呢個網台節目嘅評判？

[@definesyouasaman]

@@Eric987hk 大家留言已說明一齊 咁都要 護航？

[@jojolee5]

@@Eric987hk 簡單啲搵返YY Lam黎評囉

[@hengmw1056]

既然思考係人生最重要嘅目標 咁你為左思考會有咩行動？ 思考已經係第一步啦喎 佢唔係行動咩 點會係目標😹😹😹第一步呢句已經離曬題

[@pgshing2421]

睇到最後就知,人生最重要目標真係講道理

[@tsecy1021]

😂😂😂

[@Kani0w0]

最佳留言w

[@chungmanovo]

事實勝於雄辯😂 好明顯佢哋唔係追求緊快樂

[@chenglee2368]

@@chungmanovo 覺得陳伯係追求緊講得掂豪哥的快樂😂

[@nowayout99]

吓？ 睇到最得部分人講道理 同埋講道理 點會係係人生最重要目標 😂

[@kennyho9852]

豪哥係唯一一個明白條題目嘅參加者，快樂只係一個獎懲機制並不是最終的目標反而評判因為自己嘅偏見同埋對題目理解不足，比出不合理的分數。豪哥說得對，很荒謬

[@jerrychan1996]

冇錯，快樂只係達成目標後嘅一個副產品

[@folo7000]

見到今次咁多人撐豪哥我放心了

[@0.0_95t8sora]

真

[@jackabc0]

豪哥認真果面 原來都咁好睇

[@ChanChan-lk2qc]

評判唔中肯，本身已經認定追求快樂係人生最重要的目標，太stereotype，根本唔採納其他可能性，其實最唔合格係個評判。另外，豪哥就算講既野唔成立，亦唔可以立即構成陳柏宇同呀修論點既成立，而迫使所有人認同並且達成共識。

[@alienghost717]

唔知Nero本身有乜料可以做評判？

[@Hh-nf8nk]

咁係條題目出得差令某個立場一面倒, 但唔係唔採納其他可能性, 只係現場沒人提出更合理既可能性 陳柏宇同呀修論點既成立, 邊有話係建基於豪哥講既野唔成立? 就算豪哥一句野都沒講過, 陳柏宇同呀修論點都沒唔合理喎, 憑咩唔可以成立?

[@peterlaiHK]

我都想知，人生唔係追求快樂，唔通真係追求道理??D留言又話評審唔夠專業又剩，咁係咪要搵考評局D人過黎評審下0,0

[@jojotang4103]

咁都要鬧 都係睇條片開心下啫 😢​@@alienghost717

[@AC0310]

@@peterlaiHK 啲神父搞啲細路嗰陣都好快樂㗎，啲欺凌者欺凌人都好快樂㗎，佢哋都係覺得追求快樂係最重要先咁做咋嘛，咁你覺得佢哋做得啱唔啱啦🤪 追求快樂唔係唔重要，但有比快樂更重要嘅嘢叫道德同良知，甚至乎係豪哥嘅講道理（雖然我覺得豪哥定義得唔好）

[@OneTwoThrre]

可以證明到DSE遇上一個唔思考嘅marker 會對考生有幾大影響 NEO給予 1號7分 2號0.5分 3號6分 即使係綜藝效果 都未免太顯得自己膚淺

[@Veronicaccccc]

今次覺得豪哥講得好好，追求思考唔一定最後會快樂，思考有陣甚至會令你陷入痛苦。追求思考係因為你身為人，你要push自己去諗野，當然每個人諗既野都可以唔同，但我認為追求思考並唔一定最後會快樂。 其實唔一定要達成共識，畢竟每個人都有自己認為最重要的目標。

[@leolee2116]

無錯，思考可能會令人痛苦。不過，進行思考嘅最終最重要目標係想達到自我快樂。所有野嘅理想狀態都係實現快樂。只不過有啲情況下係做唔到咁解。你可能會諗咁點解咁多偉人明知道極大機會滿足唔到自己嘅目標產生快樂，佢哋依然做？咁係因為堅守理想係自我實現嘅一種，而自我實現係可以比到人快樂嘅感覺。

[@aikko014]

其實睇親口試王都會認真諗埋一份，因為口試既重點就係過程中聽到d新既諗法，所以希望下次評分搵返荼毒，分數唔係重點，而係荼毒每次都做到客觀。

[@kinnismak4091]

搵哲學題做口試王,都唔搵荼毒室做評分 呢下已經錯

[@wairainie8104]

Neo簡直垃圾，浪費成條片

[@dailoah]

@@kinnismak4091 豬文好撚嘈好撚樣衰呢但係

[@user-tr3lx2rq1z]

@@dailoah 唔好俾佢落場，只可以做評判

[@ngaichingyiu3264]

討論哲學題，最好係叫佢地完咗再解吓話

[@alicechow789]

呢個口試睇到一個社會生態嘅縮影,真實性彰顯於評分環節。令人安慰的是留言者都係好有思考能力和有正義感。

[@kishunlam927]

@@alicechow789 講得好！

[@cristinaleung4541]

冇辦法認同評判嘅評審標準，建議以後搵返荼毒室評分先好再出哲學題做口試王

[@lfishl22]

哲學有正常人?

[@wairainie8104]

評判勁垃圾，本身自己已經有立場，仲問得出點解豪哥唔轉軚達成共識，因為佢根本唔明豪哥想講啲乜😂 陳柏宇講嘅野其實好空泛，剩係識不斷反駁人但又無實際例子，咁都7分，真係笑出聲

[@bnb_7958]

痴撚線個評判真係完全唔識

[@asbjchk]

Agree

[@garfieldthai]

@wairainie8104 評判的確係唔應該表明立場, 但你話評判"仲問得出點解豪哥唔轉軚達成共識"就反映你唔了解呢個口試嘅最終目標, 就係要"達成共識". 雖然今次條題目沒有寫明"要達成共識", 但香港公開試口試的小組討論題目絕大部分都是要達成共識. 至於你話"佢根本唔明豪哥想講啲乜"就有點本末倒置了, 評判點解要明白考生講啲乜? 反而係考生係有必要及有責任要令其他考生及評判明白你講啲乜, 如果評判唔明考生講啲乜, 咁作為評判要做的事, 就係唔俾分數.

[@angelalee1451]

其實豪哥講好好 狀態返晒黎 句句有point 完全唔撐評審 唔知咩評分準則 邊到黎既自信覺得觀眾會撐你😂 陳柏宇一唔夠豪哥講就撻英文出黎 乜野目標係Goal 動力motivation 唔見得有幾有論點 使唔使開個英文版口試王俾佢😂 游學修都幾理性討論既 會幫2號4號同學一齊講下又叫YT一齊傾下

[@tythecorgi5158]

邊度好呀 Goal of life is think? 知唔知呢個邏輯當中幾多謬誤

[@mcc8931]

係，少有覺得陳柏宇少煩，有啲jer住豪哥要認同自己個point

[@joshuachung4319]

啱, 唔明點解俾陳柏宇7分, 其實佢淨係識駁人, 講咗成場都唔係好知佢嘅論據, 冇先破後立

[@wairainie8104]

@@joshuachung4319係，不斷駁人又冇實質舉例，為反而反，有啲戇鳩

[@tranquilness3795]

​@@tythecorgi5158 你英文都唔方好 闡述一下點解呢個係邏輯？

[@MatthewPoonKingFung]

當你身邊所有人都否定你, 但只要你保持冷靜同清晰既頭腦, 呢樣先係最重要. 豪哥就做倒了

[@cubemen]

豪哥講得好好，思考唔係唔重要，只係人類天生會避免深層次嘅思考，因為生存本能驅使我哋依賴經驗去減少能量消耗。但如果你認為思考唔需要追求，只係因為你未曾真正去挑戰過自己嘅思想。一旦你真係去追求過，你就會明白，原來思考有唔同層次同深度。

[@kishunlam927]

Neo 真係未夠班聽得明豪哥既論述，修仔都根本駁唔到思考依個point ，只可以喺目標同意義上做下概念上既遊走 大路Jason 同大路修一開始就用廣義黎概括其實係共識黎，所以應該用頭一分鐘黎帶返啲可討論既方向，今次豪哥一樣咁出色，可惜無足夠既組織力都反駁Jason. Neo 比豪哥得0.5分，真係充份反映出佢做評判既唔稱職

[@cubemen]

@@kishunlam927 咁又唔係夠唔夠班嘅問題，只係豪哥好似解釋唔到，其實只係講到核心，再無得返轉頭再用例子解釋 。因為快樂同所謂活在一起當中都只係思考後嘅選擇 。

[@chchow6878]

@@kishunlam927 應該要搞返清楚, 口試評分準則從來都唔係睇d立場有幾驚天地幾「正確」, 而係睇考生們透過討論去互相理解再有共識。考官係唔需要去明哂所有人立場, 只需要留意人人「出招接招」。其實nero做呢個角色做得好稱職先真。

[@dokkanfan3437]

Nero之前啲比分都算，今次直頭偏頗到傻😮 ckw同修係揀咗考試入面最易行嘅路，定義到好闊大包圍，但過程中豪哥邏輯在線無比佢地氹到，只不過組織唔到出嚟反駁，反而最後比分其實豪哥講到好緊要嘅point「最終」=「最重要」？唔明點解評判諗都唔諗就反問，引證咗自己根本有既定立場接受唔到反方意見唔會客觀比分 講翻條題目，既然有個「最」字即係應該比較，就算你支持係追求快樂，應該都要比啲其他目標出嚟做比較，其實呢個位正正可以比豪哥打佢地定義得太闊，跟佢地咁講題目唔會出現到第二個「目標」；同埋題目如果無寫明，乜一定要達成共識？

[@Jim-mv2hz]

追求思考太模糊了，用追求智慧代替可能會好更好明白一些

[@Addred]

不如唔好再評分嗰啲。想唔限時間睇到佢地達成共識😂 豪哥個point好好，令我思考

[@skywolflee7722]

我反而覺得係1號同學聽唔明4號同學講乜😂 當你得到快樂，你就會擔心失去快樂，因為快樂係短暫既。 例如你得到健康又好睇既身體而快樂，你就會擔心衰老。 當你擔心既時侯，你就唔快樂。 幸福既家庭同財富都一樣，得到咗就會有失去既可能性， 所以拼命去維持快樂，人反而會愈黎愈唔快樂。 所以活在當下比較重要， 當你感受到呢一刻既快樂(不論多微小)，同時唔擔心未來會失去呢種快樂， 就可以得到真正既「樂」(比較接近5號同學所講既平靜)

[@cheuk6420]

所以題目講追求快樂係最重要，並唔係得到快樂。追求係要過程，得到係要結果，而活在當下據你呢個說法都係得追求快樂既一個過程/方法。

[@lfishl22]

道理係成立既 只不過定義太闊 對實際執行毫無作用 每個人既快樂都唔一樣

[@angelalee1451]

係鍋 4號同學想解釋咩係人係流動既果陣講講下1號同學又唔比人講埋落去 其實好簡單既例子 小學係為升中為最重要目標 中學係為大學為最重要目標 大學係為左前途為最重要目標 每個階段既最重要目標都會唔同 1號同學都唔肯去理解下人地既論點 又唔提出下自己既論點

[@user-tr3lx2rq1z]

1號同學聽唔明4號同學講乜～我覺得佢係根本唔想聽其他人講乜

[@KC-wm6tr]

佢只係識講英文 唔識思考

[@clhung7]

今次真係撐豪哥哥，將人生所有事都同快樂掛勾本身就係有問題，例如︰弘揚佛法嘅高僧去講經都唔係為自身快樂啦，係想人哋聽得明真理。行為本身唔一定係過程，都可以係一個結果。又例如︰我想踢贏一場波，係唔係因為嬴波就係為咗快樂、為咗幸福呢？唔一定喎，勝利可以係追求優越感，完成一個目標嘅滿足感，之後又夾硬話呢啲都係快樂嘅一種，咁即係世界上所有正面情感都係快樂，完全係以偏概全。

[@prologleung]

豪哥講得最有point 討論最重要係刺激新思維 如果本身已經認定人生最重要係快樂而且講嘅point大家都估計到 根本就唔使討論

[@chanyingtungxo]

豪哥講得好好 快樂係短暫嘅，如果人人將快樂prioritise 為最重要，會唔會冇咗「人生目標」嘅長遠性？ 例如我吸毒/飲酒會有好多dopamine, 咁追求呢種快樂應唔應該視為最重要？

[@joooleeeee]

其實豪哥講得超好!! 因為如果偷換概念將達成所有野=感到快樂，根本冇討論空間🤣🤣 我覺得豪哥講耶穌/孔子嗰啲，並不是要自己快樂，而係感化世人etc. 而且滿足感/成功感唔等於快樂。就好似有人嘅目標係考入大學，佢得到嘅可以係知識/朋友等等，但係你不能夠話呢啲必然為佢帶黎快樂😹😹

[@locim9201]

冇錯，係咪講道理最重要有商榷餘地，但如果跟佢哋定義到快樂咁闊，咁咩係次要目標？冇㗎喎，因為闊到將所有嘢指咗去快樂到，所有嘢動機都係快樂，你追女，快樂；追錢、名譽地位，快樂。 如果係咁，真係如豪哥話齋，冇嘢好討論。仲有，假如將快樂定義到咁闊，我反問一句，點解唔直接話追求滿足係最重要？而係追求快樂？最後又回到YT講 需求三角果個點度。 點講都好，1號、3號參賽者同埋評判扼殺咗所有討論空間，如果係咁嘅睇法係唔應該拎出嚟做題目😂

[@KC-ce1iv]

其實係可以將所有嘢換做痛苦都一樣講得通, 可惜豪哥冇咁做到

[@locim9201]

@@KC-ce1iv 呢個切入點唔太好，掉轉講，如果追求快樂係最重要，可以想像個世界會變成幾咁荒謬😂

[@shawncpinroar205]

認同，豪哥真係講得超好！！同埋1，3號定義快樂本來就定得唔好

[@annieau1060]

叔本華：人生就如鐘擺 在痛苦和無聊之間搖擺 我撐豪哥

[@hosyip]

我都覺得豪哥嘅思考方式好好, 但佢對快樂嘅定義太狹隘, 我對叔本華嘅認知淨係識個名, 但對[人生就如鐘擺 在痛苦和無聊之間搖擺] 呢句話 我有少少諗法: 追求係痛苦,但冇追求又無聊, 無聊又想追求, 咁其實追求乜野, 可以唔係快樂, 但最後追到係咪會快樂, 有冇乜野追求係追緊同追到兩個階段都係唔快樂呢

[@Chp-ke1mt]

​@@hosyip 其實豪哥想反駁陳伯修仔 陳伯修仔: 所有人嘅活動都係以快樂為目標 豪哥: 有啲人(佛陀)嘅活動唔係以快樂為目標，eg如果佛陀普渡眾生嘅目標最終失敗，咁佛陀因為失敗而唔快樂，咁點解佛陀唔怕失敗仲繼續做?

[@hosyip]

@@Chp-ke1mt 佢唔係為快樂而行動，但追求中或行動最終得到滿足或成功感，其實都係快樂，如果你能夠講得出一件事，由起初過程到最終完成，都係唔快樂嘅痛苦嘅冇任何滿足或成功感嘅，咁就打破左追求快樂係人嘅最終目標，你唔係單單講贏左試當真或者我，你係打爆左係歷史留名嘅哲學理論

[@chenglee2368]

@@Chp-ke1mt 佛陀想要離苦得樂

[@Chp-ke1mt]

@@hosyip 冇錯，起初嘅動機必會有包含快樂為其中之一，但係，​ 如果佛陀試咗n次結果都係失敗，咁喺試n+1次嘅時候會氣餒麻木到感受唔到快樂，點解佛陀接受咁多次失敗都繼續做? 聖人嘅目標就係理想到不可能實現而堅持，最終如何為咗快樂而做? 另外，點解有av男優會拍到厭倦? 追求快樂嘅吊詭就係最終發現快樂係求不得，所謂追求快樂其實係追求痛苦，咁就即係人以為所有活動係為咗快樂但其實係所有活動最終都會痛苦，咁陳伯修仔論點不成立

[@vdontcarewhatsup]

豪哥哥為口試王帶來好多延續思考： 4:07 人生最重要係講道理（思考） 7:58 將詞語嘅定義拉到咁鬆係會變廢話 23:16 抆唔走先係最重要

[@eddiechong343]

抆唔走先係最重要 呢句真心中！

[@winnnn1767]

豪哥今次no joke!

[@i_am_siu_mui]

我支持豪哥 你地可以打我了

[@-E--ft8co]

No joke嘅豪哥好好睇 亦都係在場最能夠解釋到「最終」唔等於「最重要」 23:10講到追求快樂可以係人生「最終」目標，但追求思考先係人生「最重要」嘅目標真係好勁。 撐你豪哥

[@tsangalvin9957]

依個point直頭可以拎嚟做下次口試王topic

[@852newjourney]

陳伯啲邏輯好混亂 又聽唔到人講野🤣

[@sunnypriv9186]

佢以為不斷拋D英文字出黎就代表佢講嘢有道理😭

[@alicechow789]

好chur又自以為有point

[@wairainie8104]

廢老味出緊嚟

[@852newjourney]

@@sunnypriv9186 佢只係用英文單字黎解釋中文字詞語 果啲叫字典 最多係翻譯唔係辯論🤣

[@bennyli5098]

@@852newjourney 個人覺得有時詞不達意, 可以試試講下英文單詞, 因為用法, 表達意思可能更細, 然後透過討論, 大家tune番正確個詞意, 或者留意自己可能用錯字表達不夠好

[@bunlik]

Like係畀豪哥 我一開始都以為佢好似ern9咁做效果，但原來係認真mode 提議下次可以試吓搵返豬文做評判

[@Luffy-ww8dg]

我本身係支持1號同3號既，但我聽到豪哥講嗰句「拿不掉的才是最重要的」就轉去支持豪哥。因為最終同最重要係兩回事。如果你冇思考其實同其他動物冇咩分別，你追求思考先係作為一個人最重要既野。當然，我地做所有野最尾都係想要快樂，但嗰份快樂係咪最重要？咁就未必

[@kccheuk2799]

其實我明豪哥，"追求快樂是人生最重要的目標" 聽落係合理，但就係唔想接受！第一太膚淺啦！第二以追求快樂為目標就係最易令人最不快樂，即使目標達成亦不等於會快樂，就算有都可能好短暫，所以以成本效益計算，人係唔值得視追求快樂為最重要的目標，所以YT既取向其實係可以發展落去，內心平靜會更接近道家既"無"同佛家既核心思想！

[@billychan5260]

今次撐豪哥，我覺得佢打得好好，啲例子都對題 唔明點解Neo次次都要擦游學修鞋

[@852newjourney]

追求加薪

[@Happyyppah103]

@@852newjourney其實豪哥都係老細

[@user-yo1yb4um3b]

0尊 人哋叫Nero

[@billychan5260]

@@user-yo1yb4um3b ok Sorry 我打錯Nero

[@thotho1234]

冇擦鞋嘅,衹係亂咁評分

[@chunkityuen6030]

1, 評判完全未夠水平去處理依條題目 Debate 目標絕對不是不是不是， 追求達成共識，更不是追求融合他人意見， 而係展示自己邏輯思考， 證明自己的論點。 他人同意或不同意，不是辯論本身存在的意義。 2, 快樂是永遠不能有共識的，快樂 是永遠不能有共識的，快樂是永遠不能有共識的， 很重要所以講3次 例子： 小我vs大我， 人情vs 道理， 責任vs自私， 等等等等不能盡錄 3, 口試王係綜藝， 還是認真清談節目呢? 不清楚。 但， 真的真的真的， 主持是很重要的角色， 暫時只有YY lam 以及朱文表現出作為主持應有水平。 最後， 口試王是好節目，加油！ 3

[@karsoninthewhite]

nero平時chitchat嗰陣hold場都還可以, 不過就真係未夠思辯水平應付哲學題嘅討論

[@kur653]

十分同意，你講出個重點

[@SC_42]

唔同意第一點，呢個唔係一辯論節目，香港公開試嘅口試係要佢哋達成共識

[@andyyip4879]

@@SC_42係鬼，你試下是但睇一年嘅口試試題，真係叫你達成共識嘅題目頂多得三分之一，題目無寫達成共識嘅話考生係完全唔應該亦唔需要嘗試達成共識(轉軚)，當然整合人哋講嘅嘢都係需要。

[@jefflau1994]

@@andyyip4879 真係喎，呢個題目無寫「試達成共識」，有無考評級嘅朋友答到如果係咁嘅情況係點？

[@mkdead4455]

我撐豪哥。無論快樂與否，追求思考先會意識到自己既感受，所以追求更多既思考係人生中最重要既目標（當然你都可以選擇唔思考） 但係後面修哥帶出追求不同既目標，我認為應該要達成共識。

[@oscarlo5768]

其實我想講Ernest 講得都唔差，係無深入到姐，「人生係流動既」最重要既事係會改變，何來重要的是追求快樂？ 豪哥係用字上同例子上唔夠好，但其實邏輯好清晰 根本係Jason加修太流於表面去諗 快樂 幸福 同 happiness，如果人人都追求快樂咁簡單既話，世界唔會咁複雜

[@nicholc6944]

好可惜無搵荼毒室參與（無論係做同學定評審）!! 豪哥其實好firm，修幫佢clarify做「思考係人生目標」時睇得出修思路好清晰 呢個題目難度好高，都想俾返credits俾所有參加者

[@zeita-dc1hx]

點解冇人讚Ernest，我覺得佢有point，完全不明為什麼負分。NERO 比負分之後，仲立即不比佢反應，完全invalidate Ernest，令我看得好唔舒服。Ernest 成個人谢哂。連YT都好疑惑，佢冇講野都有2分，Ernest有努力發言,卻負分。令我覺得NERO本身對Ernest有私怨

[@FireDeity620]

我覺得Nero係基於Ernest嘅人設而做效果畀佢。問題係今次難得個個都好認真去討論，唔似上一集咁fun，真係唔適宜做呢種效果。

[@chungkk2352]

我都覺得好偏頗😢😮 俾分有啲基於立場同評判一唔一樣，唔係睇對於討論的參與和提供的論點

[@kc-hu8pg]

我覺得Ern 好聰明， 的確定義題目嘅時候‘’追求‘’定‘’達到‘’係好 即是有啲人剩係鍾意追求女仔，唔係想得到一個女朋友 同流動嘅當下呢點都好好

[@Soulkitg]

我覺得豪哥係講得最好，只不過呢個係口試，1號同3號就搵咗最易入手嘅方向去講，不過我自己覺得修話思考係人生嘅意義而唔係目標呢一點就有問題，我會同意豪哥快樂先係意義而唔係目標，中國古代聖人都唔係透過快樂而成為聖人，而係思考再去實踐，過程中可能會得到快樂，但快樂唔會係最重要嘅目標，因為快樂都唔代表做得到修所講個三點，快樂唔代表身體健康，快樂都唔代表家庭和睦，快樂都唔代表世界和平。如果我地套用「思考」落去呢三點，一樣可以話最終可以做到呢三點，但可想而知思考必然可以更順利達到以上三點而非單純透過追求快樂，因此思考之後可以對症下藥，而唔係起迪士尼式嘅快樂底下可以解決所有問題，所以我自己覺得，追求快樂可以係你最終目標，但最重要必須係要做一人個有思考嘅人，因為現代真係太多人唔思考啦。

[@e715230]

24:13 豪哥全場唯一清醒

[@ceciliachung4319]

口試公開考試既標準係： 假設10分滿分，遇到共識題的話，只要成組未能達成共識，無論講得幾好最多得6－7分，壟斷發言的話會大扣分（1號同學）。呢條題目有三個重點： 1. 共識； 2.「最」重要（相對於其他追求，要跟其他選項進行比較才能得到高分，否定其他選項並非唯一出路）； 3.目標（相對於過程） 2號同學豪哥既發言重心「追求思考/真理」為大家提供另外一個好好既方向，因為追求思考的過程和目標不一定快樂。 另外，評審一開始就提出主觀的個人觀點是不合適，有違專業。

[@反駁隊]

豪哥no joke! 佢講到最終同埋最重要係唔一樣果個必要性同埋有講到可行性，呢兩點其實係冇人反駁到 但豪哥捉到鹿唔識得脫角，用番YT大哥講嘅Maslow's hierarchy of needs嚟講，其實可以打埋追求塔頂就係佢嘅人生目標，而快樂只係附帶嘅贈品，做到會開心，但唔係為咗開心而做，咁佢嘅目標係追求快樂咩？no，快樂只係佢達成目標嘅贈品 其實我覺得口試王唔一定要淨係玩共識題，同埋共識題好似唔一定達成共識，只要有feel到佢哋有呢個達成共識嘅傾向？🤔同埋我覺得唔係所有題目都可以達成共識由其是呢啲咁哲學性嘅題目，強行達成共識冇表達到自己嘅見解反而唔好睇 今集達成唔到共識但豪哥係好睇嘅！

[@yinho2016]

評審先係今集mvp 佢正正表達咗社會上只要你企係一個高位 你就可以去界定一個人既對與錯

[@Caffineyan]

同埋如果權力喺錯既人手上你幾有論點都係錯😅

[@kc-hu8pg]

😂

[@PETERWAHAH]

我諗呢個就係節目想帶出嘅中心思想

[@CPonthenet]

講公義，驚坐監／親友反目，有些人明知會咁，都去做。佢地係咪覺得快樂? 我即時嘅欵問? 豪哥的定義，覺得深入d。

[@TKW0]

@@CPonthenet 但問題就係佢哋將快樂定得太大根本就冇得講，為公義坐監佢哋都可以話係物理痛苦但因為堅持自己而快樂着。根本作為討論就唔可以放到咁大，放到咁大根本冇得講。

[@chickendabast]

不如搵翻荼毒室做評判算 咁先真係冇任何立場嘅評判 neo俾我感覺就係刷老細鞋 唔係淨係講公開試當真 有次以前牙ted仲係度開live個陣 飲大咗兩杯同游學修鬥下嘴 本身兩個都冇乜嘢覺得幾好笑 neo就爭住出嚟刷鞋叫牙ted收下口😅

[@852newjourney]

Nero 做返謝票場主持 比分0 FIRM

[@wairainie8104]

條友真係亂鳩咁嚟

[@kongfu7033]

修同柏宇將快樂＝幸福，所以立於不敗之地。 但根據維基「快樂與幸福的區別在於，快樂常指個人的、短時間的情緒感受；幸福則涉及到與他人、家庭的長期正面的交互過程，以及對事業、生活發展的積極的體驗」 快樂其實只係一種短暫感覺，不等於幸福。

[@thotho1234]

佢哋同維基有唔同嘅定義囉

[@kltz213]

呢個都係我諗到既point 快樂只係短暫 自我實現先係最終目標 YT有cover到Maslow hierarchy但無詳細講清楚都好可惜

[@sdl1126]

同埋幸福點解一定等於快樂？ 其實好多時有啲嘢令你痛苦但係你仍然可以感到幸福

[@chungkk2352]

係呀，其實之所以有唔同詞彙 - 快樂、滿足、幸福，就係分辨不同程度的感受和狀態。如果真係辯論，單就快樂是短暫這個論點去攻，應該好快已經站不住腳。

[@user-if4td5jn1v]

其實豪哥好型 講真比起追求快樂肯定有好多人係更熱烈追求講道理

[@yetipo326]

豪哥先係MVP🤟🏽 NEO真係用口試準則嚟比分，如果俾荼毒室做judge，結果應該會好唔一樣

[@SsdZ-b4z]

其實成條題目好虛,而且Nero 好撚吾合理😒但係今次我反而覺得Ernest講得最有point(雖然佢冇點講過野)先吾講豪哥住。3:36 16:44 人生係流動,目標係隨時會變,當下諗到嘅目標就係當下最重要嘅目標,講得幾好,｢你要追求活在當下，你要感受呢一刻，係咪真係為咗追求快樂」。10年前嘅目標真係吾係而家嘅目標，而快樂只係附帶嘅情緒。舉個例子，好似考dse，考好佢嘅目標係為咗入到好嘅大學,快樂只係附帶嘅情緒。但係10年後又會有新嘅目標,例如入到好嘅大學係為咗搵到筍工,搵到筍工係為咗有好嘅生活,－個目標係連住第二個目標,快樂只係完成咗目標表現出來嘅情緒,吾係目標,更加似係意義。試問下你哋嘅目標係咩,第一刻諗到嘅都吾會係快樂，因為快樂實在係太虛,快樂同人生好多目標都離吾開,所以大家就會覺得快樂係人生目標。而人生係因為有嗰一刻嘅目標先會有快樂，所以快樂根本吾係目標而係意義。再講快樂隨時都可以做到，咁仲係咪目標？而最後nero比-1. 5分雖然有少少綜藝成分但佢都吾比理亦吾聽Ernest解釋,就比咗我覺得Nero係抱有自己嘅立場去評分,我覺得係幾吾專業同埋幾膚淺嘅表現。

[@haxhaxchoi4793]

豪哥，我撐你💪🏻💪🏻雖然達唔到共識，但好明顯佢確定了立場佢反對題目，而且立了論點同論據，點都未至於係0.5分

[@wingLi96]

呢次評分唔公道 首先將快樂以幸福代替嚟講已經屈機 好易拎分 調返轉 我覺得以幸福去介題已經係唔同意「追求快樂」 而係「追求幸福」 但豪哥有解題 「最重要的目標」指出定立目標必需經過思考 係好有力嘅point 如果追求快樂（而不思考）嘅結果可能唔係得到自己想要嘅「快樂」 就如啊修嘅例子「一個人愛惜家庭就係人生目標」 當中嘅人都一定經過思考 明白權力、金錢等唔係佢所追求嘅嘢 思考後得出家庭先係最愛 另外追求幸福係人嘅原動力 但未必能夠將你推向想要嘅方向 所以需要透過思考 定立正確方向+追求幸福嘅原動力 先會得到人生嘅最終目標 豪哥嘅內容可以容納其他人提出嘅例子 而其他人係反駁唔到 所以真心有毅力嘅係其他人😂 我同意達唔到共識會令分數低 但討論中存在辯方先係令討論更精彩 令內容更豐富 更高階次嘅存在 其實每次都好認同豪哥嘅言論 包括之前楊過嘅類比 我同你有相同諗法！豪哥！支持你

[@kelvinlam5062]

一聽到豪哥話講道理，即刻笑咗😂 但聽聽下原來佢係認真緊。 個問題有bug，每一個人既標準都唔同，如果睇題目，我個重點會放係是否最重要 答是: 追求快樂是人生(最重要)的目標。答否: 追求快樂只是人生其中一個目標。

[@SamSamRabbit]

其實唔算條問題有bug 係佢地諗錯左一邊 覺得如果大家都唔同意 就一定要搵另一個一樣既最重要目標出尼達成共識(我覺得呢個係最最最高分既玩法 但係一有兩個豪哥係到 就好正常領唔到 只能夠不斷減少選擇) 我覺得個共識只係是/否 覺得唔否既咪各自講自己個最重要目標 呢到已經領到一個基本既分數

[@jihongluo9356]

我覺得問題係除左豪哥之外無人想去定義快樂究竟係咩，本身題目就好闊。如果唔定義根本就無可能達成共識。但係1.3就太想將自己嘅觀點强迫人去接受而無唔係聽人地嘅point。連個定義都無共識根本無可能達成最終共識。

[@yya8589]

真係好在有豪哥，冇佢個討論真係0內容，而且現實好多人真係唔係追求快樂在首要 如果可以選重度弱智但可以有快樂情緒健康生活一百年，還是有要思考人生但痛苦一百年，應該唔係人人會選弱智，其實唔係咁絕對 其他4個除了Ernest 真係冇咩內容，1號同3號由頭到尾都冇點講點解追求快樂係最重要，而且佢地某程度上否定緊個題目，將追求快樂演繹成幸福，滿足感後把所有事包含在入面，其實係同題目一開始想討論的原意不符.... 感謝豪哥

[@OneTwoThrre]

仲要Marker聽唔出條問題能引導嘅深度討論 最尾仲要話豪哥一直set位比人攞分

[@yya8589]

覺得1同3混淆了達成目標會產生的滿足感，同為了什麼原因追求目標錯誤地劃上等號。正常人達正目標必然會有滿足感，但為什麼他要追求目標的原因卻不一定是快樂，也可以是意義(有d似豪哥嘅講道理）或其他東西，就算達成後不快樂或沒有滿足感他們還是去追求。

[@ngaichingyiu3264]

遊學修預置所有行動背後都基於追求快樂，所以人生最重要嘅目標係追求快樂。其實係犯咗邏輯謬誤入面嘅「乞求論點」，將自己嘅立場偷混入論點入面，變咗前設。其實就係「因為A所以A」，好似豪哥所講，變咗廢話。

[@yikiunate1881]

我覺得豪哥講得好岩，有文有路，思想清晰，追求思考其實真係人類嘅歷史黎，思考係人類進步進化嘅先決條件，而思考未必會帶來快樂，否則解釋唔到咁多心理病點黎，甚至大把科學家因為推翻左自己世界觀而自殺，咁佢唔快樂係咪等於佢冇人生過/失敗？ 追求快樂真係未必，講得出追求快樂係最重要嘅人，可能自己好快樂先會有同感到😂講追求平靜可能仲岩過快樂 建議評判唔好本身先入為主左，公道少少，豪哥絕對值得高分，但認同以辯論嚟講1 3講得都好🫡

[@yeungeddie6882]

Nero真係痴L線，不過又咁講，香港嘅教育制度出嚟嘅產物呢個質素其實真係一啲都唔出奇。 點解討論最後一定要有達成共識？點解一定要蘇豪融入其他人？點解堅持己見=固執？最退一百步，擇善固執有咩問題？點解唔可以agree to disagree? 由頭到尾，每個人人生嘅目標本身就已經好唔一樣；所以先會有啲人搏命搵錢、有啲人選擇追求理想；至於搵錢／追求理想係唔係一定係為咗追求快樂？唔一定架喎。 好似曼德拉咁，因為相信自己嘅信念，所以入獄咁多年；係咪因為佢要追求快樂，所以先做佢做緊嘅嘢？未必係。你亦都見到過超級多搏命搵錢但系到頭來都係唔快樂嘅人？

[@Jim-mv2hz]

個人認為人生最重要的目標，是一種類似「不以物喜，不以己悲」的心靈境界。當一個人不再被快樂軀使，不再因痛苦而感到害怕時，他的人生自然而然就會充滿幸福和自由。所以我其實更支持平靜作為重要的人生目標。

[@ST-vm6yg]

如果有人鐘意極限運動 鐘意刺激感 對佢黎講最幸福似乎都無問題

[@bilibluuu]

如果呢集有荼毒室太保喺度會更好

[@chchow6878]

隨便一個都熟題目, 屈哂機反而冇咩觀賞性

[@hcseng]

@@chchow6878有人lead都好睇

[@Avaaavvv]

@@chchow6878咁佢地可以做評判㗎嘛

[@chchow6878]

@@Avaaavvv 上次豬文都有偏心, 有咩「更好」? 做評判又唔需要識哂所有立場。

[@jac8856]

其實呢條題目揀「是」係正路，但論點論據全部可以預期。考試要高分係要挑戰下群眾力排眾議，我欣賞豪哥嘅嘗試，但用「講道理」挑戰「快樂」，得廿分鐘真係唔易。 YT係五位當中最有機會突破嘅一個，佢一開始話答唔到 ，因為佢知道「追求快樂」唔係最重要嘅目標，只係一個過程，一個令人生可以走落去嘅過程。 要打低「快樂」，首先定義上唔會俾「快樂」包到，而又要令大家接納嘅說法，我會揀「平和」，即係類似YT所講：內心嘅平靜。 只要捉實追求平和比追求快樂更重要，就可以帶晒啲人過黎。因為快樂係無止境，今日賺到10萬蚊好快樂，或者家庭和睦好快樂，不過日日都係咁就唔會保持到呢份快樂，人會追求更快樂，或做其他野保持得到嘅快樂。 至於「平和」係一個無起伏嘅狀態，人會感到舒服自在，唔會俾任何野影響，根本無快樂與否嘅感受，類似嘅感覺就如閉上眼吹住微風，內心只有舒坦而無煩惱。 結論，快樂只係過程，有人會當快樂係目標，但唔會係最重要嘅目標，只有得到平和嘅人先會再無所求。歡迎討論。

[@anthcmt]

可惜嘅係一開始用咗"講道理" 呢個term但係當游去adjust返用思考去做豪哥個主題係make sense好多 Ernest 個活在當下如果可以好好咁elaborate相信會有趣好多 相反陳伯似為拗已拗多過豪哥所以5個我反而會比佢最低分

[@joshuachung4319]

但係平和又只係人情緒同心境上嘅一樣狀態, 又點解一定係最重要嘅目標呢?一個無風無浪嘅人生同一個經歷多采多姿嘅人生相比, 唔通多采多姿嘅人生就係唔好嘅人生? 相反其實要思考點解人會想追求內心平和, 同埋究竟追求乜嘢先係最重要, 所以思考甚麼是最重要才是最重要

[@jac8856]

⁠​⁠@@joshuachung4319思考我會認為係手段多於目標，將「追求思考」定為人生目標，人好易會迷失，因為思考唔會有答案，只係不斷重複呢個過程。如果唔係講人而係神明/哲學家，思考相對會合理啲。

[@hidden5773]

路過新觀眾睇到24:14，表示撐豪。淨係一句「追求快樂唔係最重要既目標，可以係最終嘅目標；思考先係最重要既目標」已經攬啱豪哥。就係大家都要保持思考，「先至」可以come up到「追求快樂是人生最終目標」呢度呢句說話。

[@MrTk256497]

２號同學講得好好，目標背後仲有一個目的，目標係搵錢，搵伴侶，建立家庭，目的係得到幸福。 另外３號同學定義得好好，快樂係外在，幸福係內在。打機/去玩/買野會快樂，幸福要從內在得到。 共識可能係得到幸福是人生中最重要的目的，而追求快樂係是得到幸福的其中一個目標。

[@MrTk256497]

@@uncleddd 所以呢個題目定得好好，有大量論述空間

[@patrickngnet]

其實豪哥講緊個樣野係哲學上好出名既概念，我思故我在，自我係源於思考，另外呢條題目都同佛學扯上關係 快樂係情感黎，呢種情感係人體釋放出黎俾大腦令到當下係快樂，咁當人體改變左，會唔會就唔識高興快樂，其實係會，例如抑鬱症咁，諗咩都會諗埋一邊 而佛學講緊追求既係不生不滅，單純係你坐低，呼吸一下都會感受到喜悅，愛，滿足感，而唔需要去追求，因為唔洗追求就能得到，所以條題目係非常之深，都想口試王係專拎呢d哲學題去當口試題目

[@user-ws3zj3sd1o]

如果用廣義"快樂"去傾 -> 就會無討論既意思 幸福/飽足感/滿足感 /成就感... 都係有分別 ，亦都有"快樂" 包含唔到既地方 而且達成任何目標 都會有滿足感（快樂）嫁啦 咁點解題目會提及既 "人生"同"最重要" 呢？

[@user-asdkjhasd]

同意, 哲學問題係要傾入小小先好聽

[@hi24359620]

幾好,我都BUY 豪哥, 因為思考係要 主動肯去做先做得到既野, 所以可以set做要目標, 而你點解要追求思考係因為你唔思考 人生唔可能達到好多快樂 你唔思考下點樣做好件事,你只會失敗然後沮喪, 所以你唔可能有快樂 你一定要逼自己思考先可能做好件事, 你先有可能達至快樂, 哪怕你溝女你都要思考 所以思考緊要過快樂, 所以思考先係人生最重要要追求既目標

[@jasoniron2000]

唯獨今集覺得Nero比分同總結做得好差

[@das-Bios]

1. 「口試王」呢個節目正正就反映到dse中文口試幾咁冇價值，至少舊有嘅口試制度完全就係垃圾。幾丁友喺咁短時間內，喺個戇鳩規矩度討論條唔完整個問題。dse中文口試嘅問題就喺：(a)要展現學生思維能力， 但廿分鐘根本冇辦法夠五個人比到完備嘅論述；(b)成日加埋啲戇鳩限制，例如要達成共識、要三揀一等等，結果就係為咗攞分要強行遷就其他人嘅戇鳩立場改變standpoint；(c)問題岩岩纔纔，表達得唔清唔楚，美其名要考生定義清楚題目，而且好大部分問題本身嘅預設就已經好可疑。唔好同我講話咩個社會就係需要邊種能力，學校就係需要訓練邊類性格嘅人出嚟，講真要學工作嘅溝通口語技巧唔會喺學校度學，出嚟做嘢撞幾次板唔識都變識，（非職業導向嘅）學校真正須要教係思維能力、人文價值、臨場應變等等，社會/職場需要嘅嘢相比之下可以話唔重要。換言之，口試討論嘅內容>>>>>>口語溝通嘅形式，既然考試時間有限，比起迫人達成共識，要人定義清楚題目，又要人有節目效果，不如改善好個討論題目，改善好個討論質素。試當真一方面話公開試將人變成齒輪，另一方面，又用一種娛樂綜藝片去「玩」口試，兼且係照抄舊有嗰種口試模式。如果試當真真係要講口試幾有咁價值，幾值得保留，就唔應該照抄舊有方式，相反係要認真反思返之前嘅口試制度有咩缺陷，外國嘅口試係點，之後喺節目度提倡一個理想嘅口試制度，呈現出一個合理嘅口試評核方式，而唔係討論時間、戇鳩限制、題型全部都照抄原本嘅口試制度。我相信製作團隊唔會覺得舊有嘅口試已經係做到最好冇得改進，「口試王」更加應該要做嘅嘢係創造返一個「真正嘅口試」出嚟，説服大眾到點解中文口試咁重要，但目前我見到「口試王」唯一嘅創新就多咗綜藝元素，但對舊有模式完全冇任何想法，聚焦咗喺啲藝人點樣喺條題目度展示自己嘅諗法，一邊做到咁綜藝一邊又抱怨啲觀眾對藝人咁多指點。呢種照搬原有口試嘅討論，比人嘅感覺係根本冇認真思考過口試係點樣先係對學生最有利，誅心啲咁講，「口試王」似係單純咁唔滿意政府「突然」剔走口試﹙其實一直都有聲音話唔要中文口試﹚，但如果要試當真答返口試應該要係點，又說不出個所以然，最後只係聯同舊制度嘅﹙潛在﹚既得利益者aka yylam 整咗個「口試王」一齊維護返舊考試制度，which《公開試當真》批評DSE嘅嘢，喺「口試王」度照搬晒出嚟，話社會就係需要共識、需要團結、唔要分裂，所以個唔係真考試嘅口試都要共識。 利申中文口試5** 利申上面段嘢唔係反口試，而講緊：試當真要提倡中文口試對香港學生有價值嘅話應該要點解做。 利申中五開始已經反中文口試，香港就唔應該有中文口試，唔單係DSE中文口試戇鳩，係所有都係垃圾。 2. 討論返條片，游學修定義快樂=happiness，定義好闊，當乜春都係happiness，痛苦都可以快樂，短期嘅辛苦都係快樂，思考真理雖然痛苦但快樂，內心平靜都係快樂。廣義到咁乜春目標都係快樂，條問題就會變咗「人生應該唔該追求某些目標」，快樂就冇得「最重要」，追求目標定義上已經等同咗有快樂，因為乜春目標都係快樂。 返返第1點，所以話點解啲題目用字咁空泛有問題，廿分鐘五個人講，可能有一半時間都係喺度介定題目，甚至好似呢條片咁差唔多成條片都係界題，根本討論唔到啲咩。一係就用字唔好咁空泛「快樂」，一係時間唔好咁短。 3. 豪哥混淆晒啲概念，思考係追求目標嘅「必要嘅前提、最重要嘅預設」，而唔係「最重要嘅目標」，斬樹一定要用鋸，但斬樹最重要嘅目標唔係把鋸。如果豪哥真正嘅意思係想講，最重要嘅目標係真理，首先就係指出點解游學修個定義唔準確，再講點解真理係最重要點解快樂相比之下唔重要，再講點解真理同快樂係分開/有輕重之分。 4. 其他人冇咩好評論，因為根本冇講到啲咩論點。但冇講到論點唔係藝人/評判水平低，問題喺個問題嗰條友度，喺個制度，口試唔是咁考的。

[@Husserl-wf6rp]

評分嗰陣形容D人嘅發言做「攻勢」其實都幾奇怪😂😂

[@asdfqwerty1100]

樓主思維清晰🙏🙏

[@kskk]

豪哥 is right

[@chris98028]

真係覺得豪哥講得好好 "最重要的目標"呢句其實已經知道 目標唔單單係一個 追求思考係目標、追求快樂都係目標 而冇追求思考 唔單只係快樂呢個目標 而係所有目標都冇左 冇左追求快樂 你重可以思考追求其他目標 例如:追求刺激、追求愛情、追求平穩、追求破壞、追求毀滅 無論追求緊啲乜 最終都會去到思考呢啲目標有冇意義 但係沒有追求思考 我什麼都不是(或者可以做燃堂守) 評判都係轉一轉人吧 唔單只係呢集 其他集數都唔夠公道 之前唔講當算數 不過今次明顯欠豪哥一個膠袋 今次豪哥立意咁優秀(雖然有時比人卡一卡又迷失咗方向) 好想知道 如果係豬文 會點評價

[@SuperKen1219]

快樂根本唔等於幸福感/滿足，字詞都唔一樣，英文happiness, well-being, fulfillment等等都唔一樣，考中文口試就係要討論呢啲用字定義。幾位扭曲咗個定義，其實冇嘢好討論，真係可惜。 最簡單一個思想實驗（我唔記得咗出處），就係有一部機器，插住部機就會不斷有多巴安，果個人就會不斷感到「快樂」，佢已經達成咗追求快樂嘅目標，而且係永遠地快樂，但我哋直覺會覺得，呢個人嘅人生唔會係一個好嘅人生。 因為追求快樂，本身係冇任何意義可言。 咁仲會唔會視「快樂」係最重要目標？ 其實只係Maslow所講最底層嘅需求。 我會話追求人生意義先係最重要目標，至於點解就唔解釋了 大家一齊思考下～

[@KC-wm6tr]

唔明點解佢哋覺得講英文等於一個論點

[@TKW0]

豪哥MVP, 放大快樂黎講根本冇得講, 幸福, 滿足, 成功感有以上嘅字就係因為快樂太廣義所以先有。所以人講快樂一定係狹義講情緒開心。就好似英文字一個字好多解釋, 我問'Apple是否好東西?' 到底Apple係人?係公司? 係食物? 定係D咩野?咁佢一定有表達想指嘅野唔會係所有。

[@AlvinItachi]

Nero我覺得你唔係差,只係每人都應該主力去做D自己擅長既野去做,你其他崗位做得好好,但你真係唔係呢方面既料 「只能感受到你地（2,4號)有種反抗意識」你會咁諗係因為你已經假定左1同3號講野係啱而佢地應該企去1同3號嗰邊,事實上你去數下1同3號攻擊/質問咗人幾多次,而2同4號只係嘗試鞏固自己既論點,邊個似反抗多D? 「加時幾次你地(2,4)仍然堅持到底,毅力上可以,但討論上係完全失敗」廢話嚟,你相信自己論點既話,你會唔堅持到底?正如豪哥所講,其他人都好好毅力。 「呢件事(快樂)唔重要?」快樂當然可以係重要,就算豪哥答你快樂係重要都冇問題,因為條題目係講"最重要" 「呢啲不斷締造喺辯論上面令1號同3號可以攞分既機會,咁佢地就好快樂喇」冇錯如果你純諗綜藝效果同引人笑既話你講呢句係會有效果,但你同時都迴避左回應豪哥講既「抆唔走既就係最重要」呢個point同埋只係冇基礎地攻擊人。你自己睇返,你用完佢做笑話,豪哥仲好大方地為你既節目效果而拍手。 去到Ernest個位,野都唔比人講

[@paklongcha8288]

豬文快啲睇呢集幫豪哥平反

[@eatpraylove1983]

呢鋪豪哥喺呢堆人最清醒 不過呢啲唔係真正嘅討論 口試只係role play 為立場堆砌同反駁對手，係一種有辯論成份表演🎭，本身並無需要嚴謹邏輯思路，亦都無咩養份

[@lfishl22]

簡直浪費生命

[@eatpraylove1983]

@@lfishl22如果大家睇得好忟，可能都係呢啲綜藝嘅計算🧮之一（始終都係剪出嚟），不過引到大家討論嘅，可能係點解佢哋有幾無水準有啲反宣傳效果。

[@jasonlai4726]

吓我覺得豪哥先系最貼題果個。Jason完全離哂題。修哥定義快樂太闊，幸福同滿足不等於快樂。

[@yiukay1210]

豪哥值得擁有更高嘅分數

[@CasPeR41182]

1，3，4號［物我］物理層面入面人所追求嘅快樂，短期得到嘅歡愉，完全可以人生途中不停轉變！好似3號所講嘅結婚生仔上大學係人生目標，咁如果個仔未上大學就死咗呢？！咁你嘅人生目標咪會變囉～咁會變就唔係最重要，而係當下嘅目標而已 5號 ［超我］類似道家萬法自然，人最終回歸自然，順應自然就是快樂，層次提升咗，但係相信呢種理論嘅人通常都係享受人生旅途，所以佢唔想係一個目標 2號 想接近［無我］類似佛學嘅解脫出六道，真理，維度升級等等，而途徑就係‘’思考‘’ 其實3號都明白2號講嘅層次更高，但係為咗題目遊戲攞分都係要跳返入物慾嘅快樂，搞到升華唔到個討論... 如果先定義快樂嘅層次分別物慾嘅快樂同靈性上嘅快樂追求，咁豪哥會易攞分好多，1同3號就無機會不停拉返去物理層嚟反擊 豪哥一開波起跳得太高啦～對手同考官跟唔到

[@OneTwoThrre]

陳伯講嘢真係反映到佢係追求片面快樂 缺乏深層思考

[@zeita-dc1hx]

應該是思维上未達到哲學性的層次，所以表現得好naiive咁get 唔到

[@f9winky]

豪哥今次真心有思考 尤其係佢反問有永遠嘅快樂咩 真心問得好好 Btw我覺得如果豪哥rephrase 為保持思考做最重要嘅人生目標會命好

[@stevenlau5849]

見豪哥叫觀眾留言先留言 只可以話評審Nero完全冇理解過豪哥講嘅野 如果冇理解錯 豪哥嘅中心思想應該係:「可能每個人做嘅野都由快樂去驅使佢去做 但係咁唔代表最重要嘅目標就係快樂 因為人要有其他目標先可以得到快樂 而思考就係擁有嗰啲目標嘅必要條件 所以追求思考先係最重要嘅目標」希望下次可以搵番啲合資格嘅評審啦

[@cubemen]

思考係要追求！

[@tangok8197]

豪哥光輝的一戰，呢場佢精神面貌明顯唔同，認真咗，我覺得如果繼續深化，可以講「人生最重要的目標是實踐自己認為最重要的道 & 理/價值，無論係靠講，定係真正用行動去做，呢個先係最重要的目標；而追求快樂，只不過是其中一部分人實踐緊自己認為最重要的道理/價值，實際上人生仲有其他野值得追求。」

[@anniewong8177]

快樂不等同幸福，快樂係短暫的情感，豪哥正確✅ 因此，修如果認為「幸福是人生最重要的目標」，就係代表佢都「唔同意」條題，所以修應該係反方！

[@arter214]

今次討論好似由一開始定義就走偏咗，其實條題目係想討論除咗快樂，仲有冇其他意義同目標係高於快樂，例如 追求公義，追求自由，又或者追求自己嘅理想，豪哥kind of有少少貼近，但被大家帶返走，最後hit唔中 （一開始提到佛陀Jesus，只要諗多步，引申到甘地、德蘭修女，佢地會為世人犧牲自己，尋求嘅唔係個人嘅快樂，而係公義、自由，同其他崇高理想同價值； 個人層面嚟講，游學修唔拍電影出嚟搞試當真 、YT捱咁多年唔放棄，為咗將自己嘅音樂推廣俾聽眾，其實係對自己理想同事業嘅追求，呢個都可以係討論追求快樂係咪最重要目標嘅一個point)

[@YamadaPeggy]

想糾正返少少嘢，我係2016 DSE嘅考生，我當年喺學校分別有2個中文老師都教我哋 ，「共識題」係不一定要「達成共識」，有達成共識嘅意向就可以。 再者，共識題大部分情況之下都要有選項中嘅「比較」，所以係需要有準則（1-3個係最合適嘅數量）嚟一齊討論「如何比較」。 另外，並不是為達成共識夾硬轉軚就可以拎到高分。 重點，討論到用相同嘅準則嚟作討論，都係算係一種共識。 🪖唔知到最後有中文說話嗰年仲有冇更新。

[@fanssechan1358]

其實oral無論舊制定新制都從來無聽過話一定要達成共識，唔知點解佢會咁諗⋯

[@Mi-fyt]

呢兩集幾好，睇完兩集都覺得豪哥係MVP，兩個嘉賓對於推進討論其實唔係太大幫助，得番2 3 4號其實都唔會爭太遠。YT太靜，陳伯兩集都成日拋英文出嚟好似講咗好多嘢咁，實則又唔係有point，急住反駁又聽唔明其他人講嘢咁。Nero做評審呢兩場嘅評分都唔掂，至少我作為觀眾唔認同。其實唔係在意個分數，而係聽點評點解比呢個分嗰陣真係成頭問號，想問係咪想做效果又太用力。

[@ST-vm6yg]

豪哥勁 人類有種渴求去渴求 並唔會追到某目標就完（反而打爆機就變得無聊） 所以追求事物的過程對我地有價值

[@bens4695]

如果2，4號同5號合作打應該達成到共識，思考即係覺察自己嘅情緒，從而達成活在當下而帶出平靜，基本上當下的力量同埋好幾本哲學書帶出嘅訊息都離唔開呢幾樣，反而快樂真係太濶，吸毒得到嘅快感你都可以叫快樂。

[@noname-ul5yd]

評判就好似夾硬比分陳柏宇同YT咁 點都認同佢哋 而踩低豪哥 其實豪哥個point真係幾好 如果真係DSE點會得0.5分😢 陳柏宇都唔會高到去7分啦 就算係節目效果都唔使做到咁呀嘛😅

[@alone0516]

我真係完全企豪哥嗰一邊，如果將「快樂」無限擴大佢嘅意義，係會令人窒息，一啲都唔快樂 而且呢條題目其實最弔詭嘅地方係，其實只要有一個其中一個成員答「否」，其實全部成員都要共識到係「否」，因為問題並唔係問「你」，係「快樂」係唔係「最重要」嘅「人生目標」，只要有一個人覺得唔係，都已經唔係最重要 舉一個比較極端嘅例子，一個被長期病患困擾嘅人，佢想脫離痛苦，但唔可以話佢想追求「快樂」，但廣義可以話係變得「快樂」；一個乞丐，佢要偷食物渡日，而佢自知盜竊唔啱，受良心責備，佢嘅日子係痛苦，想有返一啲錢過正常生活，佢嘅目標就好似YT講想追求返「平靜」，但廣義都可以話係變得「快樂」 所以我話無限廣大「快樂」嘅定義，非常窒息

[@jisbon0815]

今次覺得阿修同陳伯完全解錯條題目，見到條題目諗一陣好似好啱咁就企硬曬立場，而NERO亦都明顯因為從一開始就有呢個立場而到最後都係偏幫曬1號3號... 「追求快樂係最重要同係所有行為既目標」1,3,評你地幾個自己既行為係追求快樂/滿足，都唔好屈其他人既行為同人生都一樣係為左快樂同滿足...... 豪講得好既point係 有D人堅持用一生去講道理、去傳達真理 同贖罪呢D例子咁，你地都屈到話係為左滿足同快樂... 點解唔可以諗下人地真係有可能唔係為左快樂同滿足，而係因為佢地認為佢地既行動本身就係一樣最重要既事同人生目標呢？... 向世人講道理&贖罪呢D行為，結果好定壞、做呢D行為快唔快樂滿唔滿足、佢地可能根本唔care，可能care亦唔係佢地最主要既人生目標，佢地人生最重要既目標係講真理、還債，做左先最重要最首要，滿唔滿足開唔開心其次，點解唔得？ 你地自己係都要砌生豬肉話呢D都一定係為左追求快樂，真係屈曬機但其實放棄左思考同討論...

[@ST-vm6yg]

比如佛祖個例子 大部分人認為既動機為 具同理心>看到世人皆苦>用行動去傳佛幫世人脫苦海 你講緊個樣野似乎係佛祖可唔可以唔因同理心而做呢樣野 好似有的難搞 我會話佢個行動係理性同感性結合後的行為 而無情感驅使有d難想像

[@jisbon0815]

好似我而家同大家寫上面段野咁，講得通你地我都會開心滿足，但我覺得我第一順位根本唔係追求緊我自己開心，而係我想大家明白個道理本身，呢個先係我覺得最重要既事。 開唔開心真係其次囉，我認為最重要多左人明個道理。佛陀/耶穌一生講道理呢件事都應該要咁去睇，唔好屈左話佢地都係為左追求快樂同滿足先... 你回我段野，佛祖有冇因同理心做件事都好，用感性/理性/both去做件事都好，其實都唔好自己認為人地可能係追求快樂滿足先去做，人地一生堅持做呢件事可能真係單純認為呢件事係最重要既目標要去做，快樂滿足與否真係可能諗都冇諗過，想快樂都可能係其次...

[@ST-vm6yg]

@@jisbon0815 我都認同人類可以有無私的高尚情感既 可能只係字眼上"滿足"呢個字有自私的感覺 一個人滿足佢既同理心去捐錢咁唔代表佢係自私 如果佢係滿足自已虛榮感而咁做就係自私 情感的出發點幾關鍵

[@jisbon0815]

我就係講緊，情感出發都好，呢個都唔會係我同你講段野最重要既目標，我最重要既目標係講得明多一個人得一個人，我會滿足，呢個係次要 我講呢幾段野既首要目標&最重要既目標係想多D人明個道理，點解唔得？ 點解一定要話係因為情感出發或為左情感滿足 先係我或其他人講道理既最首要/最重要目標？

[@jisbon0815]

你可以話你做任何事以至你最重要既人生目標都係為左快樂同滿足，阿修同陳伯都可以話佢地做任何事以至佢地最重要既人生目標都係為左快樂同滿足。 但 唔可以去否定 好多其他人做好多事 最重要&最首要都並唔係為左快樂同滿足，而係單純認為件事對自己或對其他人重要而去做，而呢件事可能係佢地堅持一生既事，例如傳教，有人係為左滿足自己，有人真係認為係唯一真理好重要一定要去傳教，快唔快樂滿唔滿足真係可以排到好後面的，而一直去做呢件咁重要既事就係佢地最重要既人生目標。

[@user-pd1lh1br8u]

豪哥，我撐你！“我思故我在”呀🙏

[@bonlong3782]

我認為豪哥所說既「講道理」係人生最重要既目標 所指既係「奉行」將自身所認同的想法「推廣」及「傳承」給其他人。 甚至是想通過「講道理」這過程，引起新嘅概念。 *(當中豪哥對3號重新定義為"追求真理"也有抵觸，是因為有一些想法不能界定為真理。例如林超英，佢嘅人生目標可能係：奉行將"頂唔順開冷氣係心中有鬼"這道理推廣比其他人。） 而「講道理」過程中會通過「反覆思考」，「經歷印證」，「交流」 最重要既目標便是「推廣」及「發表」（而豪哥用「講」這動詞來概括）

[@hcseng]

如果有部happiness machine，入去就無限快樂，唔洗思考，你會唔會入去？

[@lammichael4791]

撐豪哥！思考必須要追求，因為思考係有層次，而呢樣嘢係最重要嘅目標，先可以有機會達成其他目標，例如快樂。

[@peterngpeter5799]

豪哥論點為觀眾帶來很多反思及更深層次的思考和討論，正！我都覺得評判好偏頗，你嘅論點其實好扎實無狡辯，愈後段愈有說服力，尤其是講到最終目標不等同最重要目標，思考係最不可或缺。正x100。 修歸納及回應能力超強，思路清晰，最能推進大家討論及找出共識，亦都係咁多個人里面最連結到豪哥論點並作出合理回應嘅人。雖然個人較buy豪哥，但以辯論達共識為首要任務計，修係表現最稱職。 Yt 追求平靜呢個pt有點可惜太遲帶出來，也沒能深入討論及展述 Jason 半中半英好影響觀感，但個人認為其實佢係可以用到中文表達到。再講，個人好急，不妨先諗諗別人論點背後邏輯，再慢慢回應會較好，反駁得激動但不見得有助推進討論。 4號太無亮點，表現很沉靜，活在當下呢個pt都好似唔夠實淨

[@FireDeity620]

感覺4號係諗到啲嘢但又唔夠實、具體，所以佢自己有時舉完手都無出聲，同埋會諗好耐。

[@JanieChung1002]

豪哥：Think!

[@hmf9226]

陳柏宇好懶醒又disturbing又聽唔明人地講咩，但到佢講又聽唔倒佢有point，佢一出聲就好炆憎

[@sharkxdd]

我諗豪哥一直堅持係其中一點係，唔明點解一定要同情感掛勾，人好多時做既係無意義，做完都唔一定快樂，但都會一直做，快樂某程度上都係相對，打工好攰唔快樂，但最後賺到錢換到一啲快樂，快樂係最終結果但未必係目標，其實應該諗法好inspiring，快樂確實唔係一定係目標係可以得到目標後隨之而來既情感🤔 雖然確實唔係成功既討論😂

[@abcsprint430]

其實呢個討論最大問題就係基於修哥個定義上作討論，所以人都響度鑽牛角尖。 正如豪哥所講，佢將所有事情既終點都歸納為快樂，變相令到個討論係無意義，因為一定正確。 如果豪哥/任何其他人可以指岀呢個係一定啱既定義，再提岀佢更狹義/更specific 既觀點，大家可能就可以提岀一啲更有趣既觀點，有更多既討論空間，相信大家都會傾同睇得更開心😂

[@kawai2743]

其實豪哥個point先係最屈機。 柏：你做任何事都係以快樂優先＞你要思考乜野事會令你快樂 修：追求不同目標＞你要思考你要追求乜野 ern：活在當下隨時轉＞你要跟據當下既情況思考你想要既目標 ＹＴ：快樂唔係一個目標，係自然發生既野>你需要思考乜野事情會令你快樂 可惜豪哥討論果時冇諗過點說服其他人，只係想講佢既point，冇理過阿修嘗試幫佢修正用詞。 如果唔係我覺得好大機會可以拉到ernest同阿修同佢同team

[@KC-wm6tr]

或者我覺得達成共識嘅其中一個方法，係將“追求思考”變成“思考追求什麼”是最重要目標

[@anapo2844]

陳柏宇永遠用最簡單最straight forward 嘅思路去玩 老師醉中意 sad