تورتة نص فانيليا ونص شيكولاته فى صنية واحدة وبالدقيق العادى مقاديرها سهلة جدا والنتيجة رووعة

#سويت_كيك
#تورتة_شيكولاتة
#تورتة_فانيليا
المقادير لصنية مقاس 22 سم
4 بيضات كبار
رشه فانيليا
معلقه كبيره خل
تلتين كوباية سكر حبيبات
معلقه كبيره محسن جل
نص كوباية ماية ساقعة
كوباية ونص دقيق عادى
معلقه كبيره نشا
معلقه صغيره بيكنج بودر
معلقه كبيره كاكاو خام اسبانى
مقادير الكريمه لكل كوباية كريم شانتيه خام
كوباية كريم شانتيه خام
تلت كوباية سكر حبيبات
كوباية وتلت ماية متلجة
معلقه كبيره لبن بودر او باسترى كريم
معلقه كاكاو خام اسبانى ومعلقة جناش لكريمة الشيكولاته

[@safwatazima1123]

تسلم ايدك جميله ربنا يحسن ما بين ايدك ويشفيلك بنتك ويرزقك

[@mayadaali760]

تسلم ايدك من قبل ما اشوف الفيديو ربنا يحسن ما بين ايدكي

[@اممحمدفيصل-ف2ص]

تسلم ايدك جميله

[@walaelsayed2924]

يسلم ايدك حبيبتي تحفه والله 🌹 وشكرا ليكي لاستجابتك انك تقولينا مقاس القواعد والعلب بتاعت التورته ربنا يوفقك ويحسن مابين ايدك يارب💞🥰

[@sweetcake5269]

تسلمي حبيبتي انتوا تؤمروا

[@walaelsayed2924]

@@sweetcake5269 حبيبتي 😘😘😘

[@merayousef3594]

بس عندي سؤال خليتي الكيكه بالثلاجة ولا قطعتيها وزينتيها بعد ماطلعت من الفرن مباشرة

[@sweetcake5269]

لأ بعملها قبلها بيوم

[@وردةنمرعبداللهمخلوف]

ياريت تكتبلنا المقادير بالجرام بصندوق الوصف

[@jasyousef8495]

تسلم ايدك عندي سؤال ازاي نخلي الاسبونش الجاهز ميهبطش بعد م نطفي الفرن بسخنه من قبلها ع ١٨٠ وبعد م بطفي الفرن بسيبه شويه جواه وبرده بيهبط

[@sweetcake5269]

تسلمي حبيبتي بس بيهبط اكيد بيبقى مش مستوى من جوه اهم حاجه يكون الفرن سخن كويس كان كان بيحصل معايا كده بس بيبقى من الفرن

[@jasyousef8495]

@@sweetcake5269 بس انا لما بقطعه بعدها بيكون مستوي كويس من جوه يبقي كده الفرن مفروض اسيبه يسخن تاني ولا اي

[@محمدالسيدكمال-ذ4ك]

انت نفسى اطلع الكريم شانتيه مظبوط اعمل ايه بالظبط ومحتاجه اد ايه لصنيه مستطيله بتاعت الطقم دقيق اسبونج اد ايه وكريم شانتيه اد ايه ارجو الرد

[@Hoda906]

لكل كباية كريمة كوباية ماية وربع سكر لو الصنية الكبيرة كيلو الا ربع اسبونج لو الوسط نصف كيلو

[@Khsh761]

لو سمحتي انا بستعمل كريم شانتيه المتحدة وحطيت كوبيتين ميه على كوباية ونص كريمة ومعلقة لبن بودرة ومعلقة كريم باستري بس بعد ما خلصت تزيين لقيت الكريم شانتيه ساح واللي ف التلاجة كمان ممكن اعرف ايه السبب

[@sweetcake5269]

ليه كده المتحدة عمرها ما عملت كده ودريم كمان حلوة اوى اكيد في حاجة فى الكريمه وكمان تضيفى سكر حبيبات والماية تكون فيها تلج

[@Khsh761]

@@sweetcake5269 انا كنت جايباه الفا المتحدة مش هايبر طب هو ينفع اضربه بالمضرب تاني

[@sanaamagdy3266]

ينفع المقادير ديه فى صنية مقاس 20

[@sweetcake5269]

ينفع بس هتبقى عاليه اكتر

[@mona33-o6s]

لو سمحتي نوع العجان

[@sweetcake5269]

هايبر جانو

[@Rania.1998]

ابعتلك رقمى تدخلين فى جروب الواتس محتاجه تورت انا من المنيا انا قلتلك كذا مرة وانت مش بتردى

[@sweetcake5269]

الكريم بقول مقاديره فى كل فيديو وكمان عملت الصنية الوسط المستطيلة والصغيرة بالاسبونش الجاهز وكمان بالاسبونش البيتى وكل الفيديوهات على القناة بس انزلى فى الفيديوهات هتلاقى كل حاجه

[@sweetcake5269]

ادخلى الجروب هو اسمه حلويات بيتى مع ايمى او كلمينى على الماسنجر