"UCHAGUZI WA SERIKALI ZA MITAA UTAKUA HURU NA HAKI " GUMBO

Halmashauri ya Wilaya ya Songea Mkoani Ruvuma imetoa maelekezo kuelekea uchaguzi wa serikali za mitaa unaotarajiwa kufanyika Novemba 27,2024 huku wakieleza namna walivyojipanga kuhakikisha uchaguzi huo unakuwa wa huru na haki.
Akizungumza na waaandishi wa habari katika ukumbi wa halmashauri ya
wilaya ya songea, Msimamizi wa uchaguzi wa uchaguzi wa serikali za
mitaa katika halmashauri hiyo Bi Elizabeth Gumbo,amesema zoezi la
kuandikisha wapiga kura litafanyika oktoba 11 mpaka oktoba 20,2024 hivyo wananchi watakao kuwa na sifa wajitokeze kujiandikisha katika vituo vilivyowekwa.
Pia ametoa rai kwa wagombea wa uchaguzi wa serikali za mitaa kuchukua
fomu za kugombea ambazo zitatolewa bure katika ofisi za vijiji na vitongoji kuanzia novemba 1,2024.
Kwa upande wake Reginadi Lema, ambaye ni mjumbe wa kamati ya maandalizi ya uchaguzi wa serikali za mitaa amebainisha sifa za mgombea na mpiga kura kwa mujibu wa sheria na kanuni za uchaguzi zilizowekwa ambapo miongoni mwa sifa hizo ni pamoja na kuwa na uraia wa
Tanzania ,awe na uwezo wa kusoma na kuandika lugha ya kiswahili na kingereza,awe na akili timamu,awe na umri wa miaka 18 nakuendelea.
#songea #tamisemi #uchaguzimkuu #habari #news