Рет қаралды 19,225
ازاي تتعاملي مع بنتك / ابنك النرجسي/ة في عمر المراهقة
١- ابني مهارة التعاطف
يعني ايه التعاطف ، يعني القدرة على ادراك وفهم مشاعر الاخرين ومشاركتها معهم ، طيب ازاي نعلم البنت التعاطف بطريق غير مباشر ؟ عن طريق لفت انتباهها لمشاعر غيرها بأسئلة تتقال في مناسبات عشان تكون باينة انها مش مقصودة ، زي : تفتكري جارتنا حست بإيه لما ابنها زعق معاها وعلا صوته عليها وزعلها ؟
تفتكري صاحبتك حست بإيه او ايه كان شعورها لما كنسلتي الخروجة فجأة وفي اخر لحظة ؟ وكمان في القضايا المجتمعية لازم تتكلمي معاها وتحكوا في اللي بيحصل للناس من احداث مؤلمة وتسأليها برضه اسألة زي اللي فاتت ، يعني مثلا سمعتوا عن حادث مؤلم وناس ماتت تسأليها تفتكري ايه شعور اسر الناس اللي ماتت دي ، تفتكري ايه شعور اخت الولد دة اللي توفاه الله ، تفتكري الاسرة اللي حصل لها التهديد الفلاني كانت مشاعرها ايه اثناء التهديد دة ، اسئلة من النوع دة بشكل غير مباشر ميبانش انها مقصودة ، حتنمي التعاطف وحتخلي البنت تفكر في مشاعر الاخرين وتخليها تخرج برة الانا بتاعتها وتشوف الناس اللي حواليها
٢- دايما تروحي تتبرعي وتاخديها معاكي او تخليها هي تتبرع من مصروفها ، خديها الجمعيات الخيرية وخديها الملاجيء وخليها تحس بمتعة العطاء خليها تشوف فرحة طفل يتيم بلعبة هي تشتريها له من مصروفها الخاص ، خليها تعرف ان العالم فيه ناس كتير محتاجة للتعاطف لكن من غير ماتقولي دة لازم بالفعل وبشكل حكيم عشان متسوديلهاش الدنيا ، يعني بالعقل ،
٣- اخلقي الرهبة داخل البنت او الولد النرجسي ، الرهبة مش يعني الخوف لا الرهبة يعني يحس بوجود شيء عظيم اعظم منه ومن اي حاجة حواليه عشان يحس بحجمه الطبيعي وطبعا ناس حتقول ايوة نخوفه بربنا وانا طبعا ضد الكلام دة انا بحب احببه في ربنا مش اخوفه بربنا ممكن بقى احكي له قصص عن عظمة ربنا ووقفاته مع الناس ومع الاولياء ومع الرسل وطبعا مش بسهولة حتقعدي شاب او مراهق وتحكي له قصص لكن ممكن تتفرجي معاه او معاها على ناشيونال جيوجرافي او البرامج المشابهة وتدوروا على فيديوهات عن الاجرام السماوية واثنا ما بتتفرجوا تلمحي ان سبحان اللي خلق كدة دة وتوجهي اسئلة لها ان اللي خلق كل دة ياترى قدرته اد ايه واللي خلق الجمال دة جماله هو شكله ايه واللي خلق المجرات دي عظمته دي وقوته اد ايه ، وبالتالي احنا بالنسبة للكون ملناش وجود احنا هباء في الهواء يقوم الولد او البنت تعرف حجمها ، الكلام دة يتعمل على مدى الحياة يعني مش مرة وخلصنا لا دة مفروض يكون اسلوب حياة واسلوب تعامل مش نجربه مرة وتيجي تقولي لي اتريق علي وقام مينفعش لازم اصلا تقربي له/ا وتتصاحبي عليه عشان توصلي لمرحلة تشارك الوقت
٤- كوني قدوة في موضوع التعاطف دة ، يعني ودي امك واخواتك ، ابعتي وجبات لجارة مسنة بشكل يومي وري الاولاد يعني تعاطف وكرم بشكل عملي بدون ماتقولي اعملوا زيي الاستمرار في رؤية الفعل اقوى تأثيرا من قوله
٥- شجعي اولادك على توسيع افاق فكرهم ، خليهم يفكروا بشكل افضل عشان ميحكروش تفكيرهم على نفسهم ، المراهق النرجسي دايما فاكر ان تصرفات اي حد حواليه بيكون هو المقصود بيها يعني مثلا لو صاحبتها متصلتش بيها النهاردة حتفكر انها متضايقة منها او ان المدرسة ادتها درجات مش كويسة عشان هي مبتحبهاش ، في الوقت دة لازم تسأليها تفتكري هو دة الاحتمال الوحيد ولا ممكن يكون كذا او كذا او كذا ؟ ساعديها انها تعرف توسع افق تفكيرها ومتحصرهوش على نفسها فقط
٦- متربطيش دايما العقاب بحاجاتها اللي هي بتحبها زي الموبايل واللاب والالكترونيات لان دة بيزرع جواها ان الاشياء والممتلكات هي اهم حاجة في الحياة ودة بيوصلها انها بتساويها بالبني ادمين ، دة ميمنعش انك تعاقبيها بيهم احيانا لكن مش طول الوقت واحرصي على ان الحرمان يتضمن كمان خروجة مع صاحبتها او زيارة صاحبتها او انها تشارك في اعمال البيت بشكل اضافي
اكونت الفيس بوك
profile.php?...
جروب ادرس عدوك النرجسي
/ kawthersanad11