هل النرجسي فعلا بيكرهك وعايز يحطمك؟ طيب ليه ؟

رقم حجز الاستشارات والكورسات : ٠٠٢٠١١٥٠٥٨٦٠٥٢
ايه شعور النرجسي تجاهك ؟
ياترى النرجسي بيحس ايه تجاهك ؟ وليه بيكرهك كل الكره دة وليه بيحطمك ؟
الحلقة النهاردة مستوحاه من بوست نزل عندنا في جروب ادرس عدوك النرجسي اول جملة فيه بتقول " هي جميلة ونقية فكيف يحب مثلي مثلها"
جملة صغيرة من كام كلمة لكن وصفت بعمق طبيعة العلاقة بين النرجسي وزوجته ، الزوجة نقية فعلا والمشكلة ان النقاء دة بيبين بوضوح تشوه النرجسي البوست بيقول ان هي مراية فائقة النقاء وبتبين تفاصيل الصورة القبيحة بتاعة النرجسي وبعدين بتقول على لسان النرجسي انها كانت تفضحني بنبلها المزعج .
شوفي انتي كانسانة شفافة وكناب مفتوح النرجسي بيقراه كلمة كلمة وبيشوف كل الصفات اللي كان يتمنى انها تكون فيه ومش عارف ازاي أصلا يقدر يكون زيها بيحصل عنده والعياذ بالله غل وحقد عليكي انتي ازاي وليه كدة وهو منتهى القبح والخبث واللؤم ودة بيحسسه زي ما انتوا عارفين بالعار ، فيحصل عنده ثورة عارمة عليكي انتي لان انتي وطيبتك ومثاليتك هي اللي نشطت الشعور بالعار دة . والمشكلة الأكبر انه كل مايشوف فعلا نقائك ومثاليتك اللي بيشوفها كل يوم في ردود افعالك وفي صبرك عليه وعطائك اللامحدود كل مايحس بالدناءة اكتر ويقارن بينك وبينه فيزيد حقد وغل عليكي ،ويبدأ يوهم نفسه انك بتمثلي زي ما صاحبة البوست كاتبة على لسان النرجسي : إنها خبيثةٌ مجرمة.. تريد بوداعتها تلك أن تقول لي أني حقير ومشوه. تخيلي ان دة بيكون تفكيره فعلا ،حالة من الحالات قالت لي كلام شبه كدة بالظبط النرجسي قاله لها ، لما يتعصب وهي تبتسم له وتطبطب عليه وتقول له طيب اهدا (قبل ماتعرف انه نرجسي طبعا) كان يقول لها انتيب تبتسمي عشان تغيظيني ، ولما كانت تعامله وتعامل اهله كويس وهم مطلعين عينها كان يقول لها انتي بتمثلي ولما تقول له اهاب تحبه كان يقول لها كدابة انا محدش يحبني أصلا ، انتي بتمثلي دور البطلة عشان تطلعيني ندل ، دة اللي بيقنع نفسه بيه عشان يهدي نفسه
وبعدين الكاتبة ختمت البوست بجملة : لم يكن لي اختيار سوى قهرها مرة بعد مرة.. حتى يبتلعها اليأس وتتحطم روحها ألف قطعة لتنتهي هي وأستريحُ أنا.
ففعلتها ..ولم أسترح .
وهو دة اللي بيحصل بالحرف الواحد هو بيحطم ثقتك في نفسك وبيحطم طموحاتك ونجاحاتك اذا انتي مادافعتيش عن نفسك من اول يوم وبيوصلك لحطام انسان وفي النهاية بيعمل ايه بيسيبك ويروح لحد غيرك وبيتجوز او يخون ،يعني ايه يعني تحطيمك ماريحهوش برضه وحسسه بمزيد من الفشل فراح يحاول يرتاح مع حد تاني . طيب لو انتي من اول يوم كنتي صلبة وقوية وحاطة حدودك وعارفة تتعاملي معاه تفتكري كان حيبقى وضعه ايه ؟ على حسب الخبرة مع الحالات بيتأقلم عليكي واحساسه انه قليل جدا ادامك بيكون اقل من لو كنتي راضخة ومتسامحة عشان كدة دايما الحالات تقول بقى انا اللي كنت سامعة كلامه وبدي وبس ومليش طلبات ومش باخد أي حاجة سابني وراح لواحدة بتديه على دماغه وبس مش بتعامله كويس وهو مبسوط كدة . اعتقد البوست دة فهمنا معلومة جديدة عن النرجسي وفهمنا هو ليه بيحب اللي أسوأ منه واللي اقوى منه واللي بيقف ادامه ويواجهه بس طبعا بحكمة وبطرق محسوبة ، ليه لان الطيب المثالي العطاء دة بيوريه عيوبه بشكل بيكون مستفز له وهو أصلا طول الوقت بيهرب من العيوب