ليه بتفشلي في تجاهل النرجسي وازاي تربطيه بيكي وميسيبكيش ولا يتجوز عليكي ؟... كوثر سند

ليه بتفشلي في التجاهل والنرجسي بيقلب عليكي وامتى تفشل طريقة الحجر الرمادي؟ اعملي له رابطة الصدمة ؟
الأول حرد على تعليقات فيديو امبارح بسرعة ، طبعا زي ما قلت لكم حصل ان ناس معجبهاش الكلام بس هم لهم عذرهم بالرغم من اني حددت اربع مرات انا بتكلم عن مين الخفيف الخفي مستوى اول وتاني والظاهر مستوى اول والضحية وكمان اللي مش بخيل وبيصرف على بيته كويس ومش بخيل على زوجته كمان ، يعني اللي بيشتم واللي بيضرب والبخيل واللي بيزني دول برة الكلام ، دول حيدخلوا في كلام النهاردة . وبعدين اللي بتقول مع الوقت بنمرض ، وهو دة اللي خلاني اعمل فيديو امبارح عشان انا مش عايزة اللي مجبرة تعيش مع الأنواع دي تمرض .... في اخر الحلقة حجاوب على بعض التعليقات برضه على فيديو امبارح
اذا بدأتي التجاهل او الحجر الرمادي وانتي متنشنة وغضبانة ومتوترة وحزينة كل المشاعر دي بيحسها النرجسي لانهم مذاكرك كويس وفاهمك جدا دة غير انه بيفهم جدا لغة الجسد وتعبيرات الوجه من كتر مابيقعد يراقب خلق الله ، والمشكلة كمان انك غالبا مشاعرك متأججة سواء كانت سلبية او إيجابية وبالتالي بتكون واضحة جدا
طيب ليه بقى النرجسي بيزداد سوء لما بتعامليه المعاملة الرمادية او لما تعملي له صمت عقابي؟ وايه الحل ؟
النرجسي محتاج منك رد فعل عشان هو محتاج معركة ومحتاج وقود فاذا حاول ينرفزك ويعصبك ومعرفش حيكمل استفزاز وحيضغط اكتر لحد مايكسر تجاهلك وصمتك او انه يتعب فيعمل هو الصمت العقابي ويدخل معاكي في مسابقة مين حيقدر يصمت فترة أطول وهو عارف ومتأكد انك حتخسري المسابقة لان هو متمرس ومتمكن من الصمت العقابي ودي طريقته هو وانتي مين أصلا عشان تعملي له الصمت العقابي ، وهو أصلا عنده استعداد يفضل صامت طول عمره اذا حس ان دة غايظك ومضايقك لن غيظك وغضبك ومضايقتك عبارة عن وقود سلبي ، طيب امتى تنجحي في صمتك ويجن جنون النرجسي ؟ لما يكون الصمت او التجاهل دة مفهوش أي مشاعر او بأسلوب (مش فارق )
يعني ايه أسلوب مش فارق دة ؟ يعني هو موجود مش فارق هو مش موجود مش فارق ، انتي مش مبسوطة ولا زعلانة ، انتي أصلا مش شايفاه ولا حاسة أي حاجة من ناحيته ، لو هو رضي عنك انتي مش فارق ولو غضب انتي مش فارق ، لو قالك بحبك مش حتحسيها ولا حتصدقيها ولو حسيتيها وصدقتيها مش حتفرحي بيها ، ولو قال لك انتي أسوأ انسان على وجه الأرض برضه مش حتحسيها ولا حتصدقيها وبرضه لو حسيتيها وصدقتيها مش حتزعلي منه ، يعني فعلا يكون بالنسبة لك هواااااا ، قط عايش بياكل ويشرب ولو جاع بيخربش وينونو ويعمل دوشة ، كدة وخلاص كدة بقى حتنجحي ؟ لا لسة حاجة مهمة جدا انك متعيشيش طول الوقت تجاهل وصمت اذا انتي عايزة تحافظي عليه ، فاكرة هو في اول الجواز لما كان عايز يحافظ عليكي كان بيعمل لك ايه ؟ كان بيكَوِن عندك رابطة الصدمة (اللي مشافتش فيديو رابطة الصدمة توقف الفيديو وتروح تشوفه عشان تفهم اللي حقوله وتعرف تنفذه ) انتي بقى عليكي الدور تعملي دة انتي بقى دلوقتي لازم تعملي له رابطة الصدمة ازاي بقى ؟ دلوقتي التجاهل والصمت دول مؤلمين جدا بالنسبة للنرجسي طبعا فيه احتمال انه يمشي ويسيبك او يدور على واحدة غيرك ، طيب عشان دة ميحصلش نعمل له نظام سخن بارد اللي بيكون رابطة الصدمة ، يعني في وسط التجاهل تديه شوية اهتمام ورعاية ووقود سلبي وايجابي وتعيشيه مرحلة حب ذهبية يومين مثلا وبعدين لما تلاقيه تمام وهدي وحس انك رجعتي لعبطك القديم تروحي راجعة تاني للتجاهل وخصوصا لو هو بدأ يزود في الإساءة ويعيش بقى ، وهكذا مع الوقت حيتعلق النرجسي بيكي زي ما انتي كنتي متعلقة بيه وحيفضل طول الوقت يقول في نفسه هي حتتعدل وحترجع زي ما كانت طول ما انتيب تديه جرعة الحب (بالنسبة له ) وترجعي تاني تسحبيها
طيب مين اللي تقدر تنفذ الكلام دة ؟ اللي تعافت تماما من ادمان النرجسي ، واللي بقت عندها ثقة بنفسها واللي بقت قوية وبدأت تشتغل وتدخل ولو ١٠٠ جنيه في الشهر لان دة حيحسسها انها قوية وانها تقدر تدخل الف وعشر الاف طالما بدأت
الناس اللي لسة في مرحلة الصدمة ماتستعجلش ومتحاولش تنفذ الكلام اللي في الحلقة دي غير لما تخرج من المرحلة اللي هي فيها وتتعافى تماما وتنفذ بعقلها وبدون مشاعر
خدي بالك انتي مش حتكوني شريرة لانك عايزة تحافظي على بيتك ووجود اب لاولادك ، وانتي كمان مش بتؤذيه ولا نيتك استغلاله ولا ذله ولا حتاخدي منه وقود زي ماهو كان بيعمل ولا غرضك ولا هدفك زي هدفه ، انتي هدفك تحافظي على زوجك وبيتك وصحتك النفسية وصحة اولادك النفسية لكن هو كان هدفه اذلالك واضعافك وربطك بيه عشان متقدريش تبعدي عنه مهما عمل فيكي ، كمان متخافيش انك تتعودي على كدة مع كل الناس لان انتي بطبعك متعاطفة ومش حتجف مشاعرك ابدا متقلقيش
خدوا بالكم الشخصية الحدية هي كدة أصلا وهو دة اسلوبها مع النرجسي عشان كدة سام فاكنين بيقول ان النرجسي بيحب الشخصية الحدية ، اللي هي أصلا من صفاته دايرة الحب الكره ، يعني تحبه جدا يومين او ساعتين ثلاثة وتقلب فجأة وتعذب فيه وتكرهه يومين او ساعتين ثلاثة وهكذا الحياة بينهم ، فلو انتي شخصية حدية متعمليش اللي قلته لانك أصلا بتعمليه ، بس حاولي تهدي اعصابك شوية وانتي حتعرفي تسيطري عليه كويس
خدي بالك بعض النرجسيين في اثناء الهوفرينج تلاقيه بيجربك ودي انا قلتها في مراحل الهوفرينج شوفوها ، هو بيبدأ يستعبط ويحاول يرجع يعمل اللي كان بيعمله قبل كدة (الحالة اللي غضبت وقالت كل اللي بيعمله فيها ورجعها وعمل هوفرينج) هو فعلا بيجس نبضك فانتي لازم تقفي زي الأسد في اللحظة دي مش زي الأسد يعني تزعقي وتغلطي لا زي الأسد في الثبات وعدم قبول أي احاجة قديمة ترجع تاني ، سواء تتكلمي بهدوء او تتخانقي على حسب الموقف ممكن بس تكشري على حسب الموقف وعلى حسب الزوج ، المهم انك توصلي له انك مش حتقبلي دة تاني ودة بيتطلب انك تكوني تعافيتي وبقيتي قوية جدا ومستبيعة ومش هامك
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress

[@Monaamer-rp3id]

أنا مش بس استفدت من الفيديوهات وتحولت من حطام امرأة إلي ست قوية وعندي طاقة إيجابية أنا كمان حسيت ان بقا عندي أصحاب وعائلة بحبك اوي جزاكي الله عنا كل خير

[@handados8508]

بجد ؟!!! لي عقود من الزمن ما قدرت رغم الوعي و الثقافة العالية ما استطعت تدبر أمري للأسف 💔

[@لاإلهإلااللهمحمدرسولالله-ص3ج5ز]

@@handados8508 وانا كمان مع الاسف ومريضه جدا

[@handados8508]

@@لاإلهإلااللهمحمدرسولالله-ص3ج5ز حبيبتي الله يشفيك و يعافيك و كل من يعاني ياكريم 🙏🏼🙏🏼😭 . لو توضحي شويه عن حالتك ممكن افيدك من تجاربي لتخفيييف حالتي ولله الحمد ؟

[@لاإلهإلااللهمحمدرسولالله-ص3ج5ز]

@@handados8508 كيف ستفيدينى وانتى ماقدرتي تدبري أمرك

[@لاإلهإلااللهمحمدرسولالله-ص3ج5ز]

ازاى بقيتى ست قويه نفسي ابقى مثلك جزاك الله خيراً

[@nadersnani9271]

يا استاذة النرجسي مش بيحتاج العلاقة الحميمة اصلا اغلبهم ضعاف جنسيا ومدمني عادة سرية

[@محمد-ظ3ذ4ر]

صدقتى والله العظيم هما معندهمش اى رغبه فى الحلال هما مدمنين افلام ابحيبه وعاده سريه والست الاى معاهم تضرب رأسها فى الحيط وحسبانا الله ونعم الوكيل 😢😢😢😢

[@BouzidiyahyaBouzidi]

صح مدمنين للعادة السرية برافو❤

[@Sally_4463]

فعلا كلامك صح

[@christaladiamenda1644]

صح كلامك كل صح وحقيقي

[@zebdaAdel]

كلام في الصوب

[@عبداللهعبدالعزيز-و9ع]

من يرتكب الكبائر ينبغي الرحيل عنه وتركه يهلك بذنوبه الله يسترنا ويحفظنا

[@melouk213]

هو فيه زرار يا دكتورة ادوس عليه يعمل مليون لايك ومليون love.

[@متعةالمعرفة-ز4ن]

- لا تقلق من الغد فإنه بيد الله -لا تجعل أحد يكسرك - كن إيجابيًا واحسن الظن بالناس ولكن احترس منهم في نفس الوقت.

[@ahmadkn4158]

ممكن اتواصل معك لوسمحتي انا محتاجه اتكلم معك ضروري ضروري تعبانه نفسيتي وانا بحاجه ردك لوسمحتي

[@rahmabouyazed9669]

من فضلك عندي دراري صغار وغدرني واذاني وتزوج عليا طعني في دهري حطمني والله ويستفزني وشتم ويقابل مني عمدا شو بدي ساوي

[@rahmabouyazed9669]

راني نتجاهل فيه يعني مش فارء معي يستفزني إهمال ولم اعمل كده يزيد يستفزني كيف اتصرف ازاي اعمل

[@rahmabouyazed9669]

ردي عليا من فضلك لو سمحتي محتاجه اتكلم معاكي

[@hadjilakadi1925]

Pp

[@mahamadhi8622]

انا من ثلاث سنوات تقريباً اكتشفت اني متزوجه نرجسي بعد زواج 22 سنه وخلال الثلاث سنوات ثقفت نفسي كثير واصبحت قويه واستمعت لأشخاص كثيرين بيتكلموا عن النرجسي بس اخترت اكمل معاكي انت اكثر شيء صوتك فيه راحه عجيبه واسلوبك سهل وبسيط وواضح ربنا يجزيك عنا خير الجزاء نحبك ♥️

[@vli6225]

حبيبتي ممكن تفيديني مين تتابعين من الي بيتكلموا عن النرجسي بشكل مفيد غير عن استاذه كوثر جزاك الله خير

[@املشيخموسشيخموس]

دكتور أحمد فؤاد يتحدث عن النرجسيين بالتفصيل

[@نوراحمد-ه7ش]

انا زيك عرفته بس بعد الخيانة وماكنتش اعرف الدكتورة جارتي هي بعتت لي الفيديوهات من اسبوعين ياريتنا عرفت من زمان انا من 6 شهور وانا بعاني من غدر وقسوة اول مرة اشوفها

[@ekhlasturki6778]

​@@emanhussein7388 😂😂حقيقي ..وفرحان بنفسه اوي رغم انه اكاديميا ممتاز جدا وبشخص كويس ..لكن الاستاذه كوثر عندها احساس بألم الضحايا وقلبها عليهم وحاسه فيهم اوي ..ربنا يجزيها كل خير وفي ميزان حسناتها يارب العالمين ..انا بعتبرها جند من جنود الله ارسلها رحمه لزوجات النرجسيين 😢😢

[@gegemamdouh5108]

انا بقيت بفرح لما بدايقه وبضحك لما بيتعصب وبضحك اكتر لما يشتم

[@Mjgggyj]

والله العظيم هو انا كده فعلا😂😂😂😂😂😂😂😂😂😂

[@noorhanyohanna7624]

و لما يهدد و يبعزق فلوس العيلة و يتهرب من المسؤوليات؟

[@backtoschool2023]

من اسباب نجاح القناة صوت حضرتك المبهج وطريقتك العفوية وانك بتكتبي ملخص الحلقة للى مش هايقدر يسمع الفيديو ودا اكبر خير حضرتك بتعمليه انك مراعيه وملمة بظروف زوجات النرجسيين بجد انا اتطورت كتير ووصلت للمرحلة الى حضرتك بتتكلمنى عنها فى الفيديو دا ومتابعة حضرتك من شهر ١٢ ٢٠٢٠ 😘😘😘

[@كلمهطيبه-س2ه]

حضرتك عندك حق فعلا افضل قناه واسلوب استاذه كوثر في غايه الرقي والاحترام مع صدق وسلاسه الحديث.... حقيقي سند اسم علي مسمي💗💗💗💗💗

[@basmaha2553]

كيف الاشتراك في القروب

[@بدورالشريف-ش5ب]

طلعت انا عاملة له رابطة الصدمة بدون ما اعرف ، لما قررت الإنفصال انهااار وماكنت مصدقة الا لما شفت دا الفيديوا .

[@nglaaattia8733]

والله حضرتك بتدينا طاقة ايجابية وثقة بالتفس مع انها مش قوية من شدة تحطيمه لينا بالتوفيق يارب 🤲 💕 احبك في الله

[@محمد-ص5ك1خ]

انا بصراحه فقد الامل معاه فى إلى شىء

[@IlhamIlham-cz5qw]

لامافيش تعامل حنين مع النرجسي انا متجهلاه مدة سنة ونصف لحد الان بدون رحمة لانه ضمرني نفسيا انا اطلب من الله ان ينسحب من حياتي لأنني عندي بيت ملكنا الاتنين وانا فانتضار استشارة محام كيف اعمل لطلب الطلاق بدون خساير واكتر شي حضانة ابناءي مسبهش يعيشو معاه لانه مريض ولن يتغير ابدا ادعو معي الله يوفقني🙏😍

[@noorhanyohanna7624]

باسم الرب

[@cestlavie2837]

انتي فله وشمعة منورة ياريتنا عرفناك من زمان فعلا التعايش معه انتحار واتعلمت منك كثير وفعلا نفذت كلامك التجاهل والعبط أسلوب راقي معه

[@Rehab-tn2ot]

هو كلام جميل بس حضرتك عازفة ان النرجسي متعدد العلاقات فحتي لو الزوجة عملت كده وعيشته مرحلة الحب الذهبية لما تيجي تتجاهله او تعمل له صمت عقابي حيروح برده للعلاقات الاخري هو دايما عنده استبن وكمان هو بمجرد مابيرتاح وياخد اي وقود هو اللي بيدخلها مرحلة التحقير يعني الزوجة مبتلحقش اصلا تتجاهله او تعمل اي حاجة

[@osamanassar9048]

كلام جميل وفعلا صحيح هو كده بالظبط

[@hebapopa981]

اول لما يشبع عندك حق

[@هشامابوالسعد-ج3ز]

دا يخليكي مش فاهمه حاجه ع طول حيره بنظري اي تعامل معه فاشل

[@الجوهرةالغاليه]

عيشيه عادي خذيه قد عقله هو ماراح يعيشها معاك بس انتي شوشي تفكيره وتركيزه عنك شويه

[@amalali-tg8bd]

ماهى حددت كلامها وقالت نوع النرجسيين اللى ينفع تعملى معاه الكلام ده واستسنت النرجسى اللى بيزنى لانه بينقل الامراض

[@marwakamel8467]

كان بينادي اولادي ويضربني قدامهم ربنا ينتقم فيه اللهم أرني فيه ثاري وقر به عيني

[@ghadahamdy7266]

ياااااااارب اللهم امين يارب العالمين

[@miraculousladybugarabicwor5490]

لا حول ولا قوه الا بالله تعليق حضرتك قهرني كتير

[@ronameda5757]

ان ربك لبالمرصاد ربنا يعوضك حبيبتى

[@maiabdo8703]

كل ما يحاول يعمل هوڤرينج و لا يبعت قرود طائرة اجي اتفرج على حلقاتك عشان ابقى قوية ربنا يبارك فيكي و يحفظك 🥰🌹

[@sarahkitchen_0636]

ايش يعني قرود طائره؟

[@manafsas5555]

حسبنا الله فيه وبالقرود بتاعو😔

[@manafsas5555]

القرود الطائرة لبيساعدو على الظلم

[@naimatraibi3244]

الله يحفضك على كل المعلومات. انا منفصلة عن النرجسي مدة ٢٧ سنة، ولكنه الان يريد العودة ، وانا اكرهه لانه كان يضربني ولا يصرف على العايلة. انا التي ربيت اولادي لوحدي بدون ان يعطيني النفقة . اكرهه بدون شفقة

[@macilva]

انا يحبك اوي يا كوثر سند وتعجبني ضحكتك. دي بتعطيني امل. الله ينورلك دربك. انا مع النرجسي خفي من 20 سنة و بخيل. وانا وجهتو لاني يعاني وبتعدب اوي.

[@diaadide3010]

كيف كانت العواقب

[@macilva]

@@diaadide3010 بيتغير يومين او ثلاثه ثم يعود الى عادته بنفس التصرفات.

[@shoshomostafa8554]

تصدقى اننا مش بنتكلم مع بعض من ٥ سنوات ولا كلمه واحده ربنا يقوينى

[@sabahlamairia9591]

لكا البقاء ع واحد كدا

[@somayaelmazahy7200]

والله انا مثلك مثل الاوتيل بس

[@sandraaman8250]

انا اكتشفت ان فعلا باعمل معاه الصدمة و حاليا مرتاحة و حاسة إني قوية

[@fozghamdi9027]

ممكن تعطيني مثال للصدمه من الحياه اليوميه مافهمت

[@shrou2a160]

@@fozghamdi9027 اهتمي بيصحي امتي وصحيه واعمليله فطار اتصلي اسألي يحب ياكل ايه او اطبخي اكتر حاجه بيحبها استقبليه عند الباب وهو راجع دلليه كطفل صغير لمدة يومين وتعالي في التالت وابدأي اتجاهلي حاجات من ال عملتيها دي هيلف حوالين نفسه هو عمل ايه خلاكي تتقلبي فجأة وهيحايل علشان يعرف مالك ويصبر ع اي قمص منك علشان مستنيكي ترجعي طيبه تاني لما تحسيه ضعف خااالص . ارجعي طيبه لمدة يومين تاني وهكذااا

[@chahrazeddz3693]

ربي يكتبها في ميزان حسناتك والله اصبحت قوية بعد 17 سنة عذاب والقادم اجمل بإذن الله

[@shoshomostafa8554]

ماينفعش تعطى له اى ذرة حب بعد الكره إللى فى قلبه

[@mirazed7035]

يا استاذة كوثر انا حاسة اني مبقاش عندي اي احساس او مشاعر من ناحيته و انو مش بيفرق معيا اي تصرف يتصرفو سواء كان سلبي او اجابي و عايزة انفصل لاني مش قادرة اعيش معاه لكن هو مش عاوز يسبني وبقى يعمل الهوفرينج و بقى لطيف و مش بكئب الجو في البيت بعد ما كان البيت كله مكهرب من مشاكل و زعيق لكن انا ولا حاسة باي حاجة اعمل ايه يا استاذة عشان يسبني في حالي و يطلقني

[@maggieyoussouf2392]

الله يكون بعونك حبيبتي وييسر امرك ويجبر خاطرك وخاطري 🤲🏻بس لو كان نرجسي خفي و كريم مع عياله يبقى خير وبركة بس لو العكس يبقى استخيري ربك هو نعم المولى والنصير

[@mirazed7035]

@@maggieyoussouf2392 اه هو كريم مع عياله لكن مش بيخليهم يعملو حاجة هما عايزين مثلا بنتي الكبيرة كانت عاوزة تشتغل في الجمارك ما خلاهاش يعني لاغي شخصية ولادو تماما و كمان كل الوقت مبوز و مكشر مفيش كلام و لا حوار و لما يروح معيا عند اهلي بيبقى مبوز و مكشر و قاعد لوحدو لو مايكلمهوش ما يكلمش حد و بينتقد اي حاجة و ان كان طفل عندو سنتين بينتقدو و مش مسؤول في البيت رامي كل الحمل عليا عشان كدا انا مش قادرة اكمل معاه لاني دايما في حالة تشويش و مش مركزة على اي حاجة و لما بنكون في فرح ما بيخلينيش على راحتي انبسط و افرح لازم ينغص عليا الفرح مرة و انا في فرح ابن اخته تخيلي ما كملناش الفرح و عمل مشكلة و جابنا للبيت انا و العيال و اصحاب الفرح بقو مندهشين من تصرفو الي مالوش مبرر

[@maggieyoussouf2392]

@@mirazed7035 الله يعيننا جميعاً نفس صفات التحكمات اللي وضحتها استاذه كوثر وان الشخصية دي بتحاول تعمل من الزوجة مسخ و نسخه منه ومن تفكيره اسمعي حلقة التشافي حبيبتي وحلقة رابطة الصدمة للاستاذه كوثر سند وحلقة ليه بتفشلي في تجاهل النرجسي دي حلقة ممتازه جدا جدا والله يا ام رتاچ اسلوب التجاهل والامبالاه ريحني نوعا ما احسن من التسول العاطفي واحسن من النقاش والحوار المرهق ربنا ييسر امورنا جميعا ويصلح بيوتنا 🤲🏻🤲🏻🤲🏻🤲🏻دعواتكم بظهر البيت

[@mirazed7035]

@@maggieyoussouf2392 انا ما بفوتش و لا حلقة للاستاذة و حتى الحلقات القديمة بشوفها عشان افهم سيكولوجية النرجسي انا الان مش قادرة اعيش معاه حاسة نفسي اني كرهاه و مش طيقاه عايزاه يسيبني لاني بعاملو باسلوبو الي كان بيمارسو عليا فانا متجهلاه تماما و عاملالو صمت عقابي وهو يا عيني بيعمل الهوفرينج و انا ولا معبراه حاسة اني قلبي مات من ناحيتو من كتر ما جرحني و اهانني و احتقر

[@loulabell]

اللهم صل صلاة كاملة وسلم سلاما تاما على نبي تنحل به العقد وتنفرج به الكرب وتقضى به الحوائج و تنال به الرغائب وحسن الخواتيم ويستسقى الغمام بوجهه الكريم وعلى آله🤲

[@امالشيوخ-غ7ط]

بالعكس استاذه كوثر انتِ فتحتي انظارنا وعقولنا وخرجنا من دوامه كأني مسحوره انا الحمدلله بدأت اصحصح بس باقي اولادي يحاول يسيطر عليهم يعنفهم بالصراخ والالفاظ السيئه عموماً جزيتي خيراً

[@fatemahbarrak9067]

أنت أحسن مرشدة بتقدم محتوى منظم وسهل عن النرجسية المرضية❤

[@montykhalil8504]

ملحوظة,, ليش كل حالات (النچسية🐷) ذكور 😂 هل في زوچات ؟!!؟ 😂

[@dalisarra4751]

انتى ابتسامتك. تعتبر سعادة لينا يا دكتورة

[@اسماءالعدوان]

اسأل الله العظيم ان يرزقك الفردوس الأعلى استاذة كوثر

[@mouhamad5770]

نجحت الحمد لله ربي يحفظك ويرفع قدرك

[@mouhamad5770]

طبقت الخطة ونجحت ماهي المرحلة اللي بعدها

[@bissabissa8748]

انا من الجزائر اعاني من زوج نرجسي راح اعمل بنصائح بتعتك يدكتورة ربنا يحفظك نورتي طريقي شكرا

[@rahmaashraf8657]

متجوزة نرجسى ليا سبع سنوات. وكنت ارهق روحى بالدفاع عن نفسى لكن حاليا اتجاهل صمته واتعامل عادى جدا معاه لحد ما يزهق من صمته ويجبر نفسه يتعامل معايا كويس

[@kamichammeli903]

😂😂❤ برافو عليكي

[@maryamsaleh6758]

10:08 👏🏻 نشغل هذا معاه 🧠 ونقفل هذا خااالص ❤️👉🏻

[@olaola1514]

متحرمش منك يا دكتورة وانا بقرا الشروط قرأتها بصوتك كانك بتتكلمي معايا ربنا يحفظكم ويبارك فيكم جميعا

[@kawthertaman4001]

انتى دكتورة جميلة اووى ولكن للأسف انا وصلت لارتفاع الضغط العالى والقولون العصبى وباخد علاج لكل شئ ولكن الحمدلله وصلت لمرحلة فعلا هو عبارة عن هواء أقدام بحاول امثل انى بحترمة فى بعض الأحيان بحس انة حياتى كلها تمثيل فى تمثيل وساعات كثير اوووى اقول ولية انا يتعمل فية كدة رغم انة كنت بتننمى لة الرضا يرضا ولكن ان شاء الله ربنا يقوينى كمان علشان احافظ على ولادى الا هم بالنسبة لية بالدنيا معاى ويعوضنى خير فيهم يااارب

[@kawthertaman4001]

انا بشوف ملامحة كانة شيطان والله اقصد الشكل والمعنى شيطان

[@rmz3919]

والله انا ضد انك تحاولي تحافظي على النرجسي وتصلحيه، الحل الوحييييد مع النرجسي انك تتركيه وتهربييييييي

[@yousryamohamed5418]

واذا كان الزواج دام ٣٥عام كيف الهروب والشكل الاجتماعي والاولاد والاحفاد ولذلك التعايش ضروري وخصوصا لو كانوا اقرب الناس مثل الأبناء

[@الباقياتالصالحات-و6م]

ياليت يتزوج و يبعد والله خليه مايعدلش انا مسمحاه راح ازغرت اللهم اكفنيه بما شئت.

[@براقَة-و5ض]

احبك احبك احبك يا ارقى دكتورة بالحياة استفدت منك وشفت العجب العُجاب يركض وراي رككككككككض ومتعلق فيني بشكل يذهل العقل ويضمني مع ظهري ويقول لاتفكرين كثير وانا اضحك خلاص ودعت المشاعر لانه بارد لايستحق شعوري يستحق التلاعب ويستحق الحدة

[@محمدخالد-ث3ح5ف]

عملتي ايه ؟

[@nisrineelaachak7009]

دكتورة!!! دانا حتكوزلووو بنفسي يتركني بس 😅. لحظة من لحضات التي عشتها في تجربتي، نتشاجر و لم يخطر على بال النرجسي الذي كان في حياتي سوى أن يقول أنت سعيدة الحض أنك تعيشين في إسبانية، و زاد على ذلك، لو كنت في المغرب... عندما رأى النرجسي قيامي له بدون جوف و مواجهتي له بكل ذكاء إنهار و كاد أن يموت، حين سمع مني قولي له: أ هاذا ما كنت تضن، أنت تضن أنني خاءفة منك؟؟؟؟كنت أعتقدك ذكي، ولكن أخطأت، أنا كنت أحترمك لم أخف منك أبدا، كنت أحبك و أحترمك، لا تعرف معنة هاذا الشعور، لهاذا فلا عليك.أنت معذور. أغلقت بابي في وجهه، إنهار!!!!!!! لا يحبون أن يكتشفو، كنت أتحدث معه صريحة و كان يكره كلامي و يقول لي أنت قلبك أسود، و لا تحبيني...إلخ، يوم من الأيام قال لي سأنتحر، و فتحت له النافذة، و قلت له، هيا، من منعك؟؟ النافذة أمامك أم تنتضرن أن أدفعك؟؟؟ لن أفعل لأنني أحب نفسي و حياتي. أصيب بالجنون.

[@nadasalman4907]

لو كنت اعرف هذا الكلام قبل ٢٠سنة كان تصرفت غير تصرفات.. قدر الله وشاءمافعل

[@shoshomostafa8554]

فعلا انا مرضت بالقلب وقرحة المعدة والضغط والحمد لله

[@HoorAltrky]

انا مثلك الف سلامه عليكي

[@zayanakhalfan4506]

أنا قولون عصبي كل مره خاينه لين مرضت بعده تزوج علي الحمدلله أحاول انسي لي سوه لانه بدون ضمير اتمني من الله يعاقبه هيه معه تفقو علي بس الحمدلله جالست أشوف فيديوهات عن نرجسي شوي شوي أن شاءالله بكون بخير الحين أنا بغرفه هوه بغرفه مشكله انه زوج بسر محد يعرف غيري يوم نقشته ف موضوع كذب ونكر موضوع حلف الحين يفضلها علي ع ولادي حيوان بعد ماساعده وقفت معه بكل شي. ان شاءالله شوف عذب نفس ماشفت حيوان مايشتغل ماعنده بيت ولا شي بس يشوف جمال فقط

[@user-jm5ux1is5h]

حلقة نارية دكتورة لاتوجد كلمات توصف شكري وامتناني لحضرتك بارك الله بكي

[@Moroccanmom]

شكرا استاذة لان معرفة المشكل هو نصف الحل اول مرة دخلت اتفرج على فيديوهاتك وانا في نضري مع كل احترامي للرجال معضم رجال عرب هم نرجسيين والا ما كان عندنا كمية طغيان وحروب الدامية في بلادنا وكلكم راه وكلكم مسؤل عن رعيته مشكلة النرجسي استغفر الله انه يمحي وجود الله استغفر الله ويتحدى الله استغفر الله وينكر ان الله يمهل ولا يهمل ولا يضع ابدا الاخرة امامه وسلاح الفعال ضد نرجسي هو ان ترجعيه غريبا وتقربي الى الله والله يعوض كل من تخرج من كلية النرجسيه

[@Roblox_goat7]

انا بشعر يا استاذه كوثر انك بتتكلمي كانك بحياتنا الشخصيه لدقة التفاصيل اللي بتوضحيها لينا

[@Lili-ej2gn]

مرسي حبيبتي ♥️♥️♥️و الله هو ذا لي بعملو من شهور و انا ولله الحمد في هناء و سكينة انا في عالمي و هو عالمه و هو بيشتغل برى انا بقوم بواجبي في البيت راحة ادى ما متعدى الحدود اعطيه وقود سلبي و ادا كان طيب و وودود بعطيه و قود اجابي و امدحه و كل ماشي على ما يرام الموضوع محتاج صبر باذن الله 👍🏻

[@djidjisabira9281]

من فضلك حاولي تفسرلنا اكثر من ذلك فكل شخص منا ومستواه الثقافي من الجزائر حلقات التشافي لم استوعب كثير وشكرا جزيلا

[@الفنانين-و6غ]

حبيبتي انا تاني جزائرية و عايشة مع نرجسي هبلني ههههع

[@djidjisabira9281]

@@الفنانين-و6غ الله المستعان ربي يكون معانا

[@osamanassar9048]

فيديوهاتك كلها رائعه جدا بارك الله فيك وحضرتك انسانه بمعني الكلمه وبنستفيد منك

[@سارهعبدالله-ض8خ]

اني تغيرت من بعد فيديوهاتك انتي انقدتيني وادخلتي الهدوء والاستقرار لى قلبي

[@mah_28]

أيوة شجعينا وادينا اكسير للحياة ربنا يبارك فيكي يارب ويجازيكي خير عننا 👍

[@ziadcooker4644]

فيديوهاتك ديما شامله ومفسره بشكل دقيق وسلس مننحرمش منك يارب ربنا يبارك فيك

[@suhadalj2934]

شكرا استاذه كوثر نورتينا صار لي شهرين امارس الصمت العقابي لانه قهرني وعمل مشكله كبيره من ولا شئ بس شلون ارجع اكلمه وهو عنده كبر ؟

[@fifififi7512]

هو بيوعدني انو يشتريلي لبس ويديني فلوس بس لما يأخد لعيزو مبيوفيش بوعدو وعلى فكرة هو بيصلي ويقوم الليل وكريم مع اهلو ومع الناس اجمعين الا انا واولادو 25سنة زواج واحيانا كنت بحسب عملنلو سحر حتى عرفت انو نرجسي وبدأت اتابع فيديوهات عن النرجسبة.لكن ما باليد حيلة معنديش مكان ارحلو مرات اريد اطفش من البيت لانه شيطان في صفة بني آدم.انا وصلت للجنون.

[@azizabarkat1309]

نفس حالتي والله

[@feriel7042]

الله يرضى عليك يا طيبة يا خلوقة ربنا يلاقينا بيك في الفردوس الأعلى.

[@noorhanyohanna7624]

شروط الصمت شوهي؟؟ في احيانا تقولوا بان تتكلموا معه طبيعي...طب كيف اذا هو طلب عدم التكلم معاه و انتو ببيت و عنده هو مسؤليات تجاه البيت و الاطفال..الخ و في حالة هو اجا تكام او سأل حاجه...هل اتجاهله ولا أجيبه ام اجيبه؟ و في حالة طلب نقود او شغله..هل اذله ام لا اعطيه؟ ام اعطيه؟ في حالة رجع بدون اعتذار؟؟ و في خالة رجع باعتذار ..هل اطلب تعويض بهدية او او ؟ رجاءا الرد الرب يباركك

[@dzra1183]

انا اغنيلك واقولك انت معلم انت معلم انت معلم واحنا نتعلم منك ياااااااجمل معلم يا ست الحبايب احنا من الجزائر 🇩🇿نبعثلك اجمل واروع سلام 👋بنحبك بنحبك بنحبك بنحبك بنحبك بنحبك بنحبك ياجمل دكتورة في العالم 🌏كله

[@Alr7al007]

جلسات نفسية اعادت لي الحياة ❤

[@kiryresin7856]

وده الاحساس اللى وصلتله مش فارق خالص ولا بحبه ولا بكرهو

[@dahdouhnadjet4182]

بفظلك عرفت انو زوجي نرجسي خفيف .. بعدما كنت محتارة اذا اصنفو نرجسي او لا لأنه يقوم ببعض الامور الجيدة لكنه في نفس الوقت استنزفني و كسرني و حطم شخصيتي و محاها

[@raniaadas6023]

ماشاء الله عليكي يادكتورة قد مانشكرك والله مايكفيكي لكن كل مانملكه ندعو لك بظهر الغيب ربنا ينفع بعلمك ويجعله بميزان حسناتك يااارب

[@khtabeazawai9098]

والله راحه اذا تزوج هدوء البيت الراحه النفسيه اهم من اي شي ثاني

[@ahmdlolo3857]

صح والله بقوله كده عيشته في البيت جحيم

[@sandraaman8250]

مع الوقت مش حتتحملي الوضع دا

[@handados8508]

مابيسبكيش حتى لو اخذ ثلاثه 🤷‍♀️

[@rosedesable1929]

صحيح مش حيسيبك ،انا فيها هو بيبتزني،و يقولي يا تكوني عبدة عندي و تعملي كل الي انا عيزو يا اما حتزوج عليك و في نفس الوقت حكون عبدة عندو هههههه يعني وراكي وراكي و اذا قررت الطلاق دا حيكون كارثة بتهدد انو ياخد الولاد مني و يرميني من غير اي حاجه .تصوروا الجحيم الي ممكن تعشيت مع شخص زي دا

[@كلمهطيبه-س2ه]

الفيديو رائع.... شكرا حبيبتي ... وفيديو الامس ايضا رائع ومنطقي شكرا شكرا شكرا 😘 😘 😘 😘

[@kawthersanad]

انتي فين طمنيني عليكي

[@Art_Design2024]

هل صليت اليوم عليه ؟ اين جيوش المصليين على نبينا وشفيعنا وحبيبنا محمد روسول الله❤ هيا فالنصلي عليه رغم انف الحاقدين وليجمعنا ربنا معه في جنة النعيم 🌴🌴 اللهم صلي وسلم على نبينا محمد وعلى اله وصحبه اجمعين❤

[@سامية-س5ض]

فعلا زوجي نرجسي كان خفي هووكريم ويحترمني واطفاله لكن غدر بيه وتزوج وقبل كان خاين كذاب ويسمع كلام اهله هل النرجسي الخفيف الخبيث يسمع كلام اهله يعني كالوا اتزوج تزوج ثاني

[@salmafarah7688]

بارك الله فيك. جزاك الله عنا كل خير. قبل المشاهدة ثقتنا بك كبيرة يا دكتورة سند

[@Omkino-k6g]

انا فعلاً بدأت اتجاهله وعملتله صمت عقابى قبل كدا من غير ما اعرف لدرجة شكيت ف نفسى انى نرجسية

[@naimakesraoui3954]

انا متابعة جديدة من ايطاليا . شكرا لكم كلامك و شرحك ونصاءحك مفيدين على الأقل الواحد يعرف هو عايش مع مين...الله جازيك كل خير على مجهوداتك لمساعدة الناس في حل مشاكلها ...

[@malikaezzine3263]

سلام ممكن التواصل

[@naimakesraoui3954]

@@malikaezzine3263 ممكن..... من اي بلد انتي ؟؟

[@safaaamir4380]

لايك قبل ما اشوف الحلقة ❤ زي العادة الله يسعدك دكتورة

[@شريفةمحمد-ت8ه]

الحمد لله على فضله ونعمه علينا أنا معاه ٢٦ سنة وجالى كانسر من كتر الضغط عليا والمشاكل ووجع القلب أه وقبل الكانسر كان قلبى بيوقف فعلا كان بيدق شوية ويقف حصل لى إلتهاب فى أعصاب القلب وده كان إكتشافة صعب

[@haninsedki1691]

ربنا يشفيكي

[@Samia2312z]

ماشاء الله حلقة مفيدة جدا. أشكرك دكتورة.

[@mulaykaramadan9462]

السلام عليكم دكتورة كوثر الله يعطيكي الف عافيه على هالعمل الرائع دكتورة كيف ممكن اعرف انو ابني الكبير برضو نرجسي حالياً انا بلشت اقتنع انو زوجي نرجسي وبلشت اتابع فيديوهاتك بكل اهتمام ولكن دكتورة كيف ممكن اعرف انو ابني نرجسي متل ابوه او لا ابني عمره ٧ سنين بس هو بسبب المشاكل الي بتحصل بيني وبين ابوه هو في حاله نفسيه مش حلوة لما بيسمعنا بنتناقش هو بخاف كتير ورجليه بتسير ترجف وبتعرق وببرد وببطل يعرف يحكي مزبوط وما بحب يشوفني ببكي وانا كتير زعلانه على وضعه وحابه احل مشكلته وكنت ناويه أعرضه على طبيب نفسي لانو فعلا وضعه مش تمام يا ريت اسمع منك رد عالموضوع وكل الشكر الك على محتواكِ الرائع

[@mulaykaramadan9462]

ويا ريت لو تخبريني كيف ممكن اتواصل مع حضرتك بمكالمة هاتفيه

[@loulabell]

بس يا دكتورة سؤال يحيرني: هل النرجسي يعلم انه نرجسي،وهل اذا واجهناه بأنه نرجسي سيعترف⁉️دكتورة جاوبيني من فضلك‼️

[@Ahlam-il4yi]

ممتنه لك 🙏انتي انسانه عظيمه .. ومخلصه وفاهمه ايش تقولين ...

[@fatimamezi3893]

صدقة جارية بإذن الله

[@محمدابراهيم-ج9خ9د]

طيب اللى بيتفرج على فيديوهات وحشه ايه العمل

[@sanaroro5991]

هتكون حاجة مضحكة اوي 😁 😆 البيت هيبقى مسرحية

[@bayanhani7213]

يعني هو يعمل اللي هو عايزة ، واحنا نقعد 24 ساعه نحضر حلقات وفيديوهات كيف نتعامل ونتعايش معهم، وهمه عايشين احلى حياة، وبالٱخر يعمل نفسه هو المظلوم ، انا زهقت ، وبطل يفرق معايا حاجة ، انا ابتديت احس اني مجنونة

[@montykhalil8504]

😂😭😂😭(🐷 نجس😈 شيطان)✋

[@dzra1183]

ربنا يخليك ويسعدك ويوفقك يارب يعطيك الصحة والعافية والسرور عليك انا من الجزائر 🇩🇿ومتجوزة نرجسبي خفي لكن بيشتم ويسقط وبيعمل صمت عقابي بشهور الان عاملة حجر رمادي لكن المدة شهرين ونصف عامل صمت عقابي وانا ولا على بالي لكن التكتيك حاشفوك وحاركز معاك يا قمر 🌗

[@hindtlb9710]

🇩🇿🇩🇿🇩🇿

[@medoashraf4920]

لو سمحتي يا دكتوره انا تعبانه جدا ونفسيتي مدمره بسبه وللاسف مينفعش اتفصل عنه علشان مليش ماوي تاني عنده اهله رقم واحد في حياته امه وابوه واخوه وولادك اخوه وولاد اخته بس لكن انا وعياله لا والعيال صعبانين عليا اوووي ممكن اتواصل مع حضرتك خاص نفسي ارتاح ارجوكي

[@basmagalal2608]

ياقلبي.دا.بيغيظك.علشان.عارف.ان.الحاجه.دى.بتغيظك.

[@achakir014]

لماذا اجبر نفسي وصحتي واولادي على كل هذا.واريد الحفاظ على انسان يمرضني .لا اعذب نفسي فقط

[@mamfour_h_a7703]

شكرا علي النصيحة

[@aminafassi745]

شكرا استاذة لاهتمامك بموضوع زنا النرجسي انا فعلا منعت نفسي عنه بقالي سنتين لان بعد مرور 21سنة جواز اكتشفت انه عايش مع ست ثانية واكثر من زمان فخلاص قرفت من العلاقة معاه وهو غضب كثير واتغيرت ملامح وشه نهاءيا انا الي بيتعبني انه اصبح يعامل بناته بتجاهل اكثر واهمال وصمت عقابي فانا ساعات بحس بالذنب وشكرا جزيلا لك حبيبتي فيديوهاتك باستفيد منها كثير

[@finenah9438]

مدام عايش مع وحده معينه ومن زمان يعني الفتره اله معرفتيش فيها ماصادك امراض واذا كانت زوجته فيحرم عليك منع نفسك واصلا لما عملت كده هو لم يتراجع فما هو تخطيطك بالضبط ،هل تعيشين بدون خطه او استراتيجيه 😳 هل تريدينه ام لا فكري في الامر فهناك خوف يتخلي عن الاطفال

[@HichamMedecin-vp9qx]

ضحتكك جميلة بالمناسبة و روحك حلوة حبيت♥️

[@haedremad5490]

ربنا يفتح في وجهك ابواب الخيرات والرضوان والرحمات

[@ghadahamdy7266]

انا شخصية حديه وعايزه اتعرف علي نفسي من خلالك جزاكي الله خيرا 💜💜💜💜

[@زهرةالنرجسموسى]

اي والله صح دوم على طول الخط اني افشل وية النرجسية الي عندي لاني عاطفية اكثر من اللازم

[@shafiaasultan5636]

الله يجزاكي كل خير ❤ حبيبتي ربي يرضى عليكي ويرضيكي يا رب ❤

[@safaaabdalmoneim1348]

عنده دايما استبن بدل الواحدة عشرة من الاخر معاه هيجننك سيباه هيجننك أنا زي المدمنة طلبت الطلاق واطلقت ومش عارفة انساه بموت كل لحظة وأنا شيفاه من علاقة لعلاقة ومش قادرة أوقف متابعة أنا بموووووت

[@wardshan2981]

حبيبتي مع الايام حتنسي صدقيني انتي كللل ماتشتاقيله خلي شريط اعماله القاسيه وكلماته الجارحه تمشي كانها فيلم اتذكري كللل شعور جارح وكلمه مؤذيه وموقف جارح عمله معاكي اتذكري كل طعنه عملها ليكي كل موقف زعلك مع الناس ومع اهلك وعيالك .بعد كذا حـ يخف شعور الشوق شويه شويه وكمان اشغلي نفسك مع صحباتك واهلك وعيالك متقعديش فاضيه عشان متدوريش وراه وتراقبيه اشغلي وقتك وادعي ادعي ربنا يجبر قلبك ويعوضك الخير ادعي دايما. ربنا معاكي ♥

[@نانونانو-ح4ر]

اشغلي نفسك دايما دايما

[@munerhab6197]

حسبي الله ونعم.الوكيل. ياطول. اعمارهم وصحتهم. تساعدهم. الله يحمنا منهم. برحمته

[@asmaanaser3065]

ايه العيشه السوده دي

[@NohaMohammed-w1n]

هههههههه

[@doaashalaby2836]

يا دكتوره لما بيجس النبض عملت كل اللي قولتي عليه مره اكشر ويصالحني ومره اديله كلمتين بدون غلط زي مش اتفقنا ويعتزر المره التالته بقى لو كرر ولقاني مكشره بيتخانق ويقولي اييييه انتي وقفالي على الواحده مش كده انتي عاوزه نكد وخلاص وبعدها يتكلم عادي ويقولي فوتي بقى خلاص المره اللي بعدها يتخانق أشد وميصالحش وهو كده ونظام انتي مش هتربيني ويبقى خصام وصمت عقابي ياايما اصالحه وارضي بالتصرف يا ايما يعمل التصرف بحجه الخصام(ممكن الزعل يكون على غيابه بره البيت من الصبح لحد بليل وانه بيروح على القهوه بعد الشغل لبليل بدون مايكلمني في التليفون وطبعا ببعت حد من الولاد يشوفه من بعيد على القهوه مش الزعل بسبب مد الايد لانه بطل يمد ايده من سنين من ساعه ما عملت له محضر وجاله ٣ شهور سجن واتنازلت بعد الصلح ومن ساعتها كل ما يهجم عليا افكره واقوله إياك تمد ايدك والا المره دي هحبسك ومش هتنازل ) المهم ويستمر الصمت العقابي شهر شهرين تلاته وانا بتجاهله تماما لدرجه اني كنت بقول الفتره دي I Have agost لانه بينزل ٧ صباحا ويرجع ١ونص صباحا ولا تليفون ولا اعرف هو فين ولا كلام خالص وممكن ياكل بالليل من الاكل اللي عملته وممكن لأ بس بعد اسبوع وطبعا بيغرف لنفسه ويوم الاجازه يفضل نايم للساعه ٤ عصرا ولما يصحى مايطلبش مني حاجه يعمل لنفسه شاي ويلبس وينزل لا كلام معي ولا مع الولاد ولو صادف ووشنا جه في وش بعض يدير وشه وانا اساسا مش ببصله وبعيش حياتي عادي كأنه شبح في البيت لحد ماييجي لوحده بعد شهرين تلاته اربعه يكلمني فاتجاهله او ارد على القد فيقولي خلاص مش كفايه فاقوله لأ انا عاوزه اطلق ومش هاعيش معاك تاني ومش عايزاك فيبدأ يعمل هوفرنج وكأنه انسان جديد ويوعد بأن لايتكرر وهكذا دوره الحياه لا تغييير الا في التلات ايام بتوع الهوفروج بس عايشه كده معاه على الحال ده بقالي ٢٦ سنه اكتشفت اني بعمل كل النصايح اللي قولتي عليها وانا مش فاهمه انه نرجسي رد فعلي كان تلقائي زي نصائح التعايش وكنت قويه ومش ببين اي زعل وعادي(ربما اكون شخصيه حديه مش عارفه الله اعلم) بس كنت بتحرق من جوه وبعيط وهو مش موجود لربنا لحد ما اخر مره عمل الصمت العقابي لمده اربع شهور عدي عليا رمضان والعيد الصغير والعيد الكبير وهو هاجرني كده وخلال الفتره دي روحت لمحامي و رفعلي خلع وقبل ما يعرف حاول يصالح لوحده فرفضت ورفضت الهوفرنج فاصر على الصلح فرفضت وبعد يومين جاء له المحضر بجواب الخلع فزهل واتحايل وقالي هاموت لو سبتيني واوطي ابوس رجلك فقولتله انت اكيد مريض نفسي روح اتعالج (كنت لسه معرفش انه نرجسي) فبدأ يمنع الفلوس ويتخانق كل يوم واخيرا مرحله تشويه السمعه واتهمني اتهامات تخص الأخلاق والشرف أمام الولاد واني على علاقه بشخص بيلعب في دماغي (فعملت له نو كونتاكت من التليفون وبلوك من جميع وسائل الاتصال) ولما الولاد دافعوا عني وقالوله ماتقولش على ماما كده غضب وساب البيت بقاله خمس شهور وخلال الفتره دي عرفت انه نرجسي لما شوفت الفيديوهات ولسه ماشيه في إجراءات الخلع وربنا يقرب قرار المحكمه.. دعواتك يا دكتوره انتي فوقتيني وعرفتيني انا كنت عايشه مع مين ونفعتني حلقات التشافي ربنا يباركلك

[@ronameda5757]

ربنا معاكى ويساعدك ويعوض عليكى

[@بابالوصوللحضرةالرسول]

يارب يكوثر سند اشوف قناتك ٥٠ مليون

[@zinaben2589]

ربنا يديك الصحة وطول العمر آمين

[@aminaelattar4444]

اللهم صلي وسلم وبارك على سيدنا محمد وعلى آله وصحبه أجمعين تسليما كثيرا إلى يوم الدين و الحمد لله رب العرش العظيم

[@lisaalshekha4881]

والله نفسيتي زفت ونفسيت اولادي كمان انشالله ربي يقويني عليه

[@yoseefabdelhamid7839]

انا كل يوم بحاول اتغاضي وافوق من الي انا فيه بس بلاقي نفسي بموت تدريجيا واولادي بيتأثروا بذلك

[@stay2547]

@@yoseefabdelhamid7839 ها أنت امرأة ام راجل الله يعوضك

[@nadarafik8101]

اللي بتقوليه هو اللي باعمله من اول سنة زواج قبل ماعرف شخصيته لأن كرامتي ماتسمحش لي انه واحد يتجاهلني وماتجاهلوش او يعمل لي صمت وماعملهوش ومابتنازل ابدا عن حقي لو شو ما صار

[@howidahelmy3198]

بخيل فظيع يبيع نفسه عشان اي حاجه ماسبش صفه وحشه الا واخذها فعلا بيحارب اغلب الناس بيراقب ويتحسس

[@nadaalenzi1268]

اكيد اذا زاني اعوذبالله تخلعه او طلاق للضرر فعلا ينقلها امراض وتقدر تمنع نفسها منه

[@PSI2011]

ممكن بعد إذن القائمين علي محتوي القناه الدكتور لما بتقول الفيديو السابق او ارجعوا للحلقة كذا ..تحطوا رابط الحلقة لاني اجد صعوبة في الوصول لها للمتابعة . شكرا و جزاكم الله خير

[@يومياتومشغولات]

حضرتك فديوهاتك كلها مفيده واحنا مابنشبعش منها جزاكي الله كل خير

[@صباح-ح8ل]

سؤال ممكن حلقة كيف أخذ فلوسي لي ولأولادي منه؟ وكيف يهتم بالبيت واحتياجات البيت المادية؟

[@Sali-or7ck]

بعد ما بدأت التشافي، وبدأت اتجاهله، عملي إلقاء و تخلي، و دلوقتي رافع عليا قضية طلاق !😢

[@Rehab-tn2ot]

ربنا يسعد اوقاتك والله كل موضوعاتك جميلة وشيقة لايك قبل مااتفرج وبعدين نعلق