ازاي يكون عندك ثبات انفعالي اثناء هجوم النرجسي عليكي(ازاي تعيشي من غير ما تمرضي نفسيا).... كوثر سند

ازاي تتعاملي مع النرجسي او أي شخصية مسيئة وتستمري معاه من غير ما تأثري على صحتك النفسية وتقدري تكوني سعيدة وحياتك (الشخصية بعيدا عنه ) حياة سوية
ازاي تقدري تمسكي اعصابك وتكوني هادية ومتنفعليش معاه لما يعمل لك جازلايتينج ويلف ويدور معاكي ويعمل لك اسقاط او يعيد توجيه اللوم عليكي ؟
حقولك كلام مهم جدا لازم تركزي فيه كويس لانه حينفعك في التعامل مع النرجسي وغيره، وغيره دي هي الأهم ، اطفالك اللي بقيتي بتنفسي فيهم غضبك من النرجسي وانتي مش واخدة بالك
طيب ايه اللي بيحصل لما النرجسي يستفزك ويسقط عليكي او يعمل لك جاس لايتينج ، بيحصل عندك غضب ، طيب تعالي نشوف مخك بيتعامل ازاي مع الغضب دة ؟
بيخلي جسمك يتحط في حاجة اسمها مود حارب او اهرب او تجمد ، ودة المود اللي برضه المخ بيحطك فيه لما تتعرضي للخطر ، ربنا خلقه عشان تحمي نفسك وتحمي حياتك يعني لو اتعرضتي لهجوم من أي شخص حيؤذيكي جسديا او حيوان مفترس حتلاقي نفسك اما تحاربي او تهربي وبعض الناس بيحصل لها شلل مؤقت بتتجمد في مكانها من كتر الخوف ، وفي الحالة دي لما الجسم يدخل في مود حارب او هرب المخ بيعمل شت داون للجزء الامامي في المخ ايه دة ليه ؟ لان الجزء دة بتاع التحليل والتفكير المنطقي والمشاعر ودول انتي مش محتاجة لهم في ساعة الخطر فمش عايزين تشويش وتعطيل لانه لو اشتغل الجزء دة حيعطلك عن انك تهجمي او تهربي ودة حيكون فيه خطورة على حياتك ، دة لو فيه عدو او وحش بيهاجمك ، طيب لما تكوني بقى بيحصل لك هجوم من النرجسي وتغضبي بيحصل نفس الكلام بيحصل شت داون للجزء الامامي للمخ واللي انتي في اللحظة دي محتاجة له جدا جدا عشان تفهمي بيقول ايه وتحلليه وتعرفي تتصرفي ازاي ، طيب نعمل ايه عشان نشغل الجزء الامامي تاني ؟ تهدي نفسك ! ازاي يعني وانا بتهاجم وعمال يغيظ فيا ويستفزني ؟ بالراحة بس كدة ، مش مطلوب منك غير انك تاخدي نفس عميييق وتخرجيه بالراحة مش تنفخي لا خدي كام نفس عميق وخرجيه ببطء وغيري وضعك يعني لو واقفة اقعدي ولو حاسة انك حتموتي من الغيظ بعد الشر عنك اعملي نفسك داخلة التويليت واغسلي وشك عشان تهدي لازم تهدي نفسك في اللحظة اللي بيهاجمك فيها ، في الأول حيكون الموضوع صعب وناس حتقول مستحيل خصوصا اللي بتعاني من العصبية أصلا ، لكن بالتدريج وبالتدريب حتلاقي نفسك هادية أصلا ومش بتتأثري بهجومه . دي كانت اول خطوة ودي تستفيدي منها في التعامل مع اطفالك لما يتصرفوا غلط وتغضبي وترعبيهم منك .
٢- فيه حاجة اسمها اعيدي تأطير التجربة . ايه بقى الكلام الغريب دة احنا ناقصينك ياست انتي ؟ حقولك بس متزعليش إعادة تأطير التجربة يعني انك تعملي لها في ذهنك شكل جديد اصح من الشكل اللي فيه حاليا ، ازاي يعني ؟ مثلا انتي كنتي فاكرة ان النرجسي شخص سوي ومفروض انه يحبك ومفروض انه لا يسيئ لكي ولا يستغلك ولما اتصدمتي وعرفتي انه شخص غير سوي ومش بيحبك وعايز يستغلك ويؤذيكي فهمتي نص الحقيقة وبعد ماكانت تجربتك مع النرجسي عبارة عن اتجوزت واحد مش بيحبني وانا مكنتش حلمه وهو حب مرة وخلاص ومش عارف يحبني و..... ودي طبعا صورة غلط للتجربة ،بقت الصورة الجديدة ايه انه شخص غير سوي ومجمد مشاعرة مبيستخدمهاش ومحبش حد قبلك ولا حيحب حد ابدا والمشكلة فيه مش فيكي ، كدة حصل إعادة تأطير للتجربة واتغير مفهومك من الصورة الأولى للصورة التانية ، طيب مش دة برضه التأطير ولا المفهوم اللي انا عايزاكي توصلي له ، التأطير الصحيح للتجربة واللي لازم تفهميه لنفسك ان مش انتي المقصودة شخصيا بالاهانات والاذى النرجسي دة مش موضوع بينك وبينه ولا هو كان بيختارك انتي تحديدا عشان ينتقم منك او عشان شخصك لا هو اختار الة تلبي له طلباته والاختيار قدرا وقع عليكي ، ولو مكنش وقع عليكي كان حيقع على غيرك يعني أي حد مكانك كان النرجسي حيعمل معاه نفس اللي عمله معاكي ، طيب ودة حيفيدنا في ايه ؟ حيفيدنا انك تفهمي ان أي حاجة بيقولها النرجسي تقلل من قيمتك مش انتي شخصيا المقصودة بيها ومش ششايفها فيكي أصلا هو عنده صفات محسساه بالعار ولو حس انها عندك انتي كمان حيقنع نفسه ان دة الطبيعي بتاع البشر ومش انا لوحدي اللي معاق كدة ( زي اللي والعياذ بالله بيشرب مخدرات لو لقى ولد نظيف وملوش فيه يفضل وراه لما يفسده عشان يبقى محدش احسن من حد ) هو دة السبب الرئيسي للاسقاط عند النرجسي ، انتي مفروض لما تفهمي الكلام دة تعرفي انك ادام انسان مختل عايز يخلص من صفاته السيئة فكل شوية يرميها عليكي فانتي ترميها ورا ظهرك ولا كأنك سمعتيها أصلا دة حيساعدك على تقليل الشعور بالغضب منه والكره الشديد له (طبعا مش عشانه هو لا عشان الشعور بالغضب والكره بيؤذوكي انتي وبيحطموكي انتي وبيعيشوكي في نكد رهيب واكيد كل اللي مرت بمرحلة الصدمة وتعافت حتكون حست بمرحلة الغضب والكره واد ايه الحياة مع النرجسي في المرحلة دي بتكون صعبة جدا نفسيا ، لكن لما بتتعافى ومشاعرها تتحيد ومتبقاش حاسة بأي حاجة ناحيته بتكون اد ايه مرتاحة وكأن جبل اتشال من على قلبها .
٣- حطي حدود مناسبة تسمح لك تكوني في مأمن يؤكد انك لايتم ايذائك تاني ابدا ، طيب ازاي ؟ عندك حلقتين بيتكلموا عن الحدود اسمعيهم لحد ما ادور على كتاب تمارين يعلمك ازاي تبني حدود صحية لنفسك ، الحلقة الأولى (ازاي يبقى لكي حدود واضحة وخطوط حمرا النرجسي ميقدرش يتعداها ) ،، التانية (ازاي تحمي نفسك من النرجسي وتبني حدودك)
اكونت الفيس بوك
profile.php?...
جروب ادرس عدوك النرجسي
/ kawthersanad11
صفحتي الخاصة
/ kawthersanad1.wordpress

[@user-id-kawthers-sanad]

باقي التفريغ ٤- مهمة جدا النقطة دي ، لو انتي نفذتي نقطة رقم ٢ واعدتي تأطير التجربة وفهمتيها بالصورة الصحيحة ومع ذلك مش عارفة تتعاملي مع النرجسي من غير ماتشخصني المواقف ولسة بتعتبري هجومه عليكي ان انتي شخصيا المقصودة بيه وان لو أي حد مكانك مكنش حيعمل فيه كدة عشان انتي اللي العيب فيكي ، فدة معناه انك احساسك دة متجذر جواكي ومش بسبب النرجسي لوحده لا دة له أسباب تانية انتي مش واخدة بالك منها ، فيه حاجات مزروعة جواكي من طفولتك انك مش كفاية وانك مش حتنجحي ابدا وانك مبتعرفيش تتعاملي مع الناس وكل الكلام اللي بيتقال في حملة تشويه سمعة الطفل كبش الفدا وهي دي الأسباب اللي بتساعد على انك مش عارفة تتخلصي من الانفعال والغضب من النرجسي بالرغم من انك قدرتي تفهمي تجربتك معاه بشكل صحيح ، وهنا بنقول انك لازم تشيلي مسؤلية كاملة عن مشاعرك وانتي حاسة بإيه وتفهمي انتي ليه مش عارفة تخلصي من المشاعر دي طيب حنخلص منها ازاي ؟ ححاول اعمل لكم سلسلة حلقات نتعلم فيها ازاي نتخلص من المشاعر القديمة دي وطبعا اللي تقدر تروح لطبيب حيكون افضل الف مرة ، لكن اللي مش حتقدر ان حجيب لها الطبيب هنا من الكتب وممكن اقرأ لكم من الكتاب المترجم لكن التلخيص حيكون احسن لكم ، القصد اني مش حقول لك حاجة من دماغي ، ودي حتكون حلقات للي متقدرش تروح لطبيب ابدا بسبب النرجسي . خدي بالك من كمان نقطة انك انتي تكوني حبيتي دور الضحية وتمسكتي بيه وعايزة تفضلي بالاحساس دة ، انتبهي لنفسك ٥- اخر نقطة تجديد العلاقة مع النرجسي او انهائها ، طيب انهائها مفهومة لكن تجديدها دي يعني ازاي هو ينفع نجدد العلاقة مع النرجسي ؟ ان شاء الله الحلقة الجاية حقول لك

[@NOORNOOR-ls3di]

شكرا الك لاء مش حابه دورة ضحية ابدا ولا بحب ضل انضرب امام أطفالي وابقى عندو لان اصبحو بيخافو ويبكو من منظر ضرب ابوهم ليا انا خايفه على أطفالي لان عمرهم سنتين وتلت سسنين انا انظلمت مابدي اظلم اطفالي معي قبل ما اطلق في خطوات كتيره مابدي دمرهم واحرمهم من ابوهم وهو مش فارق معاه أطفالي لازم يتحمل مسؤلية معي في تربيتهم مش بس ولادو الي من قبلي بس قلولي رائيك

[@Basmah.Tawfiq]

اسم الكتاب لو سمحتي. عن التفريغ الوجداني سواء بالعربي أو الانجليزي

[@AA-xx5es]

انا.بشكر حضرتك علي رد بتردى عليه انا بابا كان نرجسي فحضرتك ممكن يكون هو السبب ده بس انا حضرتك ملقيتش حد ينصحني ماما الله يرحمها كانت تقول الست لازم تتحمل مكنتش اعرف اتعامل معه ازايه دائما كنت اقول يمكن الغلط فيه انا بس كان يعمل حاجات كنت اقول ده مش طبيعي لحد ما حضرتك نورت عقلي واعرف اني انا صح وانا يعتبر حضرتك مامتي لو حضرتك تسمحلي كان اكلم مع حد ويعرفني اتعامل معه ازايه وانا بحب حضرتك اوى وانا دلوقتي بكلمك من وراه مش يخلني اقعد علي التلفون حتى الوسيلة الا بطلعني من الا انا فيه عايز يمنعني منها وانا بشكر حضرتك علي كل فديو بتعمليه ♥️♥️♥️♥️♥️♥️♥️♥️

[@amanymohammed3987]

جميلة مخلصه مميزة بسبب اخلاصك فى النصح

[@user-jm5ux1is5h]

متى الحلقة القادمة وكيف نجدد العلاقة مع النرجسي دكتورة بارك الله بيج

[@krisantakrisanta9909]

أنا زوجة نرجسي مرضني وقتلني ببطئ وعند 5 ولاد أنا استفدت منك اوي يا دكتورة رجيعت تقتي في نفسي وبفرح نفسي وبعمل رياضة وبهتم بوالدي الحمد الله وشكرا ليكي يا دكتورة

[@user-yy3kv2yj9n]

محتاجه دعاء من كل من يقراء تعليقي 😥

[@thaskourthkabyle8043]

ربي يفرج علينا

[@user-is2yy7cc3t]

الله يفرج كربك

[@redaahmed684]

قال الله" واستعينوا بالصبر والصلاة وانها لكبيرة الا على الخاشعين الذين يظتون انهم ملاقوا ربهم وانهم اليه راجعون" فلتجرى المنكوبة بالنرجسي كى تتوضأ ثم لتصلى ركعتين وفى سجودها تكرر "رضيت بالله ربا وبالإسلام دينا وبسيدنا محمد نبيا ورسولا صلى الله عليه وسلم

[@KINOT_O.]

اايووووه بليز اعملي لنا حلقات كيف نتخلص من المشاعر القديمه👌🏻👌🏻

[@Hebaalmaghrby]

مساء الخير علي حضرتك لو حضرتك مش عندك مانع تدخلى عندى تلقي نظرة بقدم تنمية بشرية اتحدث عن الشخصية النرجسية والعلاقات الزوجية و العاطفية وتطوير الذات إذا عجبتك انضمى اوإذا لم تعجبك فا لكى منى كل الاحترام والتقدير

[@monasamak9747]

الامانة العلمية عند حضرتك فوق الوصف. وده اللى بيخلينى اثق فى كل كلمة حضرتك بتقوليها. وبالتالى بتكون المصداقية فى أعلى مستوياتها. شكرًا دكتورة

[@soadsherif2209]

الذين ءامنوا وتطمئن قلوبهم بذكر الله ألا بذكر الله تطمئن القلوب 💐🌸🌷🙏💖

[@read55]

بحبك و انقذتي حياتي 😘😘😘😘 اروح بقى اشوف الفيديو... والله يسلط عليهم أنفسهم و يموتوا بعضهم ببعض

[@gogahelal4141]

ربنا يبارك فحضرتك.غيرتي حياتي وتفكيرى وردود افعالي .ربنا يكرمك

[@ebtisamahmed2013]

اللًهم آمييين آميييين

[@hendmoustafahussin4668]

امين

[@roulaaboukadah2779]

اجمل شيء فيكي إنك بتفهمي ما تعاني المرأة مع النرجسي وبتشعري فيها ليس نظريات فقط وبتتناولي مواضيع جد مهمة ما حدش طالها.. شكرا نحن بحاجة لهذه المواضيع فعلا.

[@solafamasarwa3310]

ان شاء الله اللهم امين

[@lavie8964]

ربنا يحرسك بعينه التي لا تنام ويجعل كل ما تفعلينه مع الضحايا في ميزان حسناتك يارب 😘😘😘

[@bassemahakim7431]

لاتقولي مرة أخرى انك لست دكتورة انت دكتورة ونص ماشاء الله .....سمعت لكل الفيديو تحفة كلامك في الصميم .....وممنهج وجاوب على كل تساؤلاتي وانتظر فيديو الحلقة الجاية لانه مهم بالنسبة الي ....بارك الله فيك يا عسل يا رحمة من ربي انت يادكتورة الدكاترة

[@malakmohamd1092]

الله الله الله عليكي كل قلتيه للأسف انا مريت بيه وبعد مشفتك قصدي ربنا بعتك ليا نجدة وفهمت كل الي بيحصل دا ليه وانا الحمد لله العافية منه وللأسف أنا بعاني بسببه بأمراض ومنها انهيار عصبي شديد وحسبي الله ونعم الوكيل وأن بعد العسر يسرا لو سمحتوا ادعولي بظهر الغيب وشكرا

[@Hebaalmaghrby]

مساء الخير ملك لو سمحت ومعنديكيش مانع تيجى عندى تلقي نظرة بقدم تنمية بشرية اتحدث عن الشخصية النرجسية والعلاقات الزوجية و العاطفية وتطوير الذات إذا عجبتك انضمى اوإذا لم تعجبك فا لكى منى كل التقدير والاحترام

[@masterphoneblida2802]

ربي يعينك و يشفيكي

[@khtabeazawai9098]

حسبي الله ونعم الوكيل بكل انسان اذاني في حياتي قهرني ونزل دمعتي يا عساه في صحته وعافيته يا عساها تنزل متقطعه تقطيع يارب يارب يارب يا عسى حوبتي ما تعداك يا اللي في بالي

[@gassergasser3068]

امي نرجسية واخواتي وزوجي نرجسين انا ربنا يخلصني منهم ويجبلي حقي منهم ربنا ينتقم منهم ويجعلهم عبرة اكتر ماهما عبرة

[@Hebaalmaghrby]

مساء الخير علي حضرتك لو حضرتك مش عندك مانع تدخلى عندى تلقي نظرة بقدم تنمية بشرية اتحدث عن الشخصية النرجسية والعلاقات الزوجية و العاطفية وتطوير الذات إذا عجبتك انضمى اذا لأ ف لكى منى كل الاحترام والتقدير اختك هبة من مصر 🇪🇬

[@Hebaalmaghrby]

كان الله في عونك حبيبتى ربنا معاكى...بالحكمة والدراسة شخصيتهم هتعرفي تعيشى وتتعاملى معاهم

[@anasatef2360]

ربنا ينتقم منهم بحق مااذونا

[@user-xv6lv7kf9d]

نفس حالتك وبعاني جدا منهم امي لو تشوفني انقتل قدامها ما يهمها ابدا عمري ما حسيت بعاطفتها ولا حبها عمرها ما حضنتني او باستني بكرها خصوصا بعد ما جبت اولاد وعرفت عاطفة الامومة وغلاوة الاولاد

[@user-sg1gs2ms3q]

وانا زيك. امى محولة حياتى لجحيم. دمرتنى ودمرت حيانى وللاسف اخواتى نرجسيين زيها. ما عنديش حد خالص فى الحياه الجأ اليه

[@fatimaassi2600]

اللهم اهلك الظالمين بالظالمين واخرجنا من بينهم سالمين

[@user-xv6lv7kf9d]

اللهم آمين

[@nehadamber8932]

اللهم امين

[@sayida-chourouk-achams]

كل ما كنت هادئة أمام استفزازه و سبه و شتمه كلما زاد في ذلك إلى أن ينهي وصلة الغضب عنده و يفرغ ما لديه من سموم

[@sofere]

ربنا يبتليه بالمرض الى يخليه يعمل الصمت العقابى ده غصب عنه حسبى الله ونعم الوكيل حسبى الله ونعم الوكيل بيذلنى بالفلوس الملاليم الى بيصرفها علينا ويعمل الصمت العقابى عن الفلوس كمان خصوصا لما اكون عند اهلى ف محافظه تانية وتفضلى انتى تبعتيله وهو ميردش وسايبك تستلفى حسبى الله ونعم الوكيل حسبى الله ونعم الوكيل حسبى الله ونعم الوكيل

[@bonjourr9999]

اتمنى من النرجسين يسمعون ويعرفون ان حركاتهم ضعف ويعزون نفسهم ويعالجونها

[@user-cr1js6xd7j]

والله حصلى ارتكاريا فى الدم بسببه وجالى ضيق فى التنفس ةكنت بموت بسببه وانا كنت بتشاهد وبموت وهو رايح يودينى المستشفى وهو ولا على باله اعد على الفيس ايلى ربنا ينتقم من

[@_allalbaet5972]

ياريت يادكتور تسوين حلقات على هذا الكتاب للي عشو طفولة مع اب نرجسي ولا نقدر نروح لاي دكتور ممكن كل وحدة رايدة دوس لايكات حتة الدكتورة تعمل الحلقة ومتنساش

[@zeyadmahmoud2028]

انا فعلاوصلت للمرحلة دي وأصبحت لا اشعر بيه لا حب ولا كره وعوضنا علي الله

[@noraelsaigh1604]

والله يا ست الكل..انا اتعلمت حاجة حلوة جدا من معاشرتى النرجسي الا وهى أنى أثناء هجومه عليا باشغل نفسي بذكر الله..استغفار تسبيح..اى ذكر لدرجة انى مش باينه هو بيقول ايه اصلا..تخيلي أنى ساعات لانى مش بتكون سامعاه.وبكون شايفة تعبيرات وجهه وهو متغاظ لانى مش سامعه ولا منفعلة ولا غضبانة ..باكون ماسكة نفسي من الضحك على شكله...حقيقي باكون ماسكة نفسي بالعافية..كانى باتفرج على فيلم كوميدى صامت...وده طبعا بالتدريب وصلت لكدة...لانى من قبل ماعرفش أنه نرجسي لاحظت أنه بيكون سعيد لما يشوف زعلى أو غضبي..فقلت طيب وانا ليه أسعده بكدة.. ما انا احرمه من المتعة دى زى ماهو منكد عليا وحارمني من كل حاجة حلوة في الحياة.واتدربت واتعلمت أنى لا تظهر له أى مشاعر بتاتا خاصة وقت غضبه النرجسي.

[@uwwuwuwu4742]

كيف ذلك علمني

[@Sally_4463]

فعلا انا كمان بقيت بمثل زيه اني بحبه واني مصدقه كلامه اللي ساعات بيضحك عليه بيه لما بيبقى عاوز مني أي مصلحه

[@lhajafatima7371]

مع الاسف لم انتبه ولم افهم حتى وصلت الستين من عمري بعدما كنت غرقانة واحاول اصلحه وبعدما مرضت نفسانيا الله يجازيك عنا كل خير

[@esraagamal4911]

الحلقة روعة جتلي في وقتها نفس اللي انا عايشاة بالضبط والله ربنا وضع حضرتك في طريقي علشان توعيني وتنقذيني من اللي انا فيه

[@user-mx3iz8gm3g]

الله ينور طريق من نور طريقنا

[@nawalheikal7217]

ربنا ينجيك وينجينا يارب

[@rosiesamman3768]

للأسف الشديد شخصية سامة جدا ومتعبة بمعني الكلمة من تعب وعدم استقرار من جنون العظمة وهذه الشخصية المضطربة بنشكرك كتير يا أستاذة كوثر فعلا نورتينا ونتعلم منكي كل التكتيتات

[@lobnachaabo1621]

الحل الوحيد للتعامل مع النرجسي هو الهرب بعيدا دون رجعة

[@saffagalal5421]

الفيديو أكثر من رائع ياريت فيديوهات عن كيفية ترويضة والتلاعب معه بالالفاظ وماذا تفعل عند توجيه الاهانة للضحية أمام الأبناء؟

[@user-yk7zm5en7c80]

نعم هذا السؤال

[@mamanody4527]

قال صلي الله عليه وسلم ( إذا غضب الرجل فقال أعوذ بالله سكن غضبه) وكذلك قال : اذا غضب احدكم فليسكت) رواه الامام احمد إن الغضب من الشيطان وإن الشيطان خلق من نار وإنما تطفئ الماء النار فإذا غضب احدكم فليتوضأ) صدق رسول الله

[@hebapopa981]

حضرتك بطبطبى علينا بكلامك ربنا يكرمك بجد

[@rappel3617]

يكفينا ان نسمع صوتك الحنون النابع من قلب حنون لكي نحس بالأمان والاطمئنان اللذان افتقدناهما طيلة هذه السنين العجاف......فبارك الله فيك سيدتي ....ولن أكف عن الدعاء للك بدوام الصحة والعافية ....😍😍😍

[@souadmoulay6416]

شكرا سيدتي استفدت كثيرا في تجربتي اصبحت اكثر هدوءا وتبصرا وفهمت ان المشكل خارج عن ارادتي لست انا المقصودة الحالة مرضية علاجها ليس بيدي

[@ghadamohammed1518]

خلاص تأخرت اني اسمعك مرضت نفسيا وجسديا دموعي بدون شعور تنزل قلبي مقهور الحزن يعشعش في قلبي وهو ولا عليه حاط صورو عالواتس في فندق وإنه مرتاح ومبسوط وانا اسأل نفسي ياترا يتألم من بعدي ولا لا بس انفس في التدخين يارب اشفني وارحمني

[@user-hg9dr7ld7p]

عمري ستين سنه زوجى نرجسي تعافيت بفضل الله ثم فديوهاتك زوجي مات فى قلبي اعامله بالرحمه فقط واحتسب اجري عند الله الله عوضني بابناء بارين صحه وعافيه ودين وعلم وتقوى وايمان الحمد لله رب العالمين

[@molisrwtsrwt9362]

انا معاك ان الاحساس السلبى منذ الطفوله وفعلا كل صفات النرجسى انا قدرت اوصلها واصنفه نرجسى قبل مااسمع حضرتك وآخرون دلوقتى بقيت واعيه جدا وبدأت اصدق ان العيب فيه مش منى مع فيديوهاتك القيمه بدأت ابقى اقوى واصلب سأستمر فى متابعتك🌹

[@dollydalia6635]

جزاكى الله خيرا يا دكتورة حلقه جت فى وقتها..احنا فى خصام عقابى من ناحيتى بسبب تعديه للحدود.. ومازالت الحرب مستمرة مع النرجسى ومالناش غير ربنا وحضرتك وكل فاعلى الخير من متخصصين فى فهم النرجسى والتعامل معه

[@user-nd6ui1vp7w]

عملية الاسترخاء في علم النفس تسمى: (meditation) شكرا جزيلا لكِ على كل ماتبذليه من جهود.. وجعلها الله في ميزان حسناتكِ.. 🙏🌹تحيات متابعيك من العراق🇮🇶🇮🇶❤️

[@abdulrahmanhafez6767]

الله يباركلك.. الله يجبر خاطرك و ينور بصيرتك و ينفع بيكي كمان و كمان

[@user-yq1gm4zd5d]

ياااا الله كلامك ريحني اوي مشكورة الله يفتحها علينا جميعا وينصرنا يارب

[@khadijahamzaouialger3842]

احسن حل تواجهه بعبارة ليس باليد حيلة انا انسانة سيئة كما تعلم و لا أفهم من المفروض انك تعودت و تختمي بابتسامة عريضة و تتركيه هكذا بدون أي رد آخر و بدون انفعال .. و كلما جاء ليلومك على شيء رددي هذه العبارة و هو يعلم جيدا أنه تحدث عنك بالسوء مع الناس و سيشك بأنك عرفت ماقاله عنك اتركيه في دوامته و حافظي على هدوءك

[@Sally_4463]

انا بقوله لو مش عاجبك ماتطلقني وبغيظه

[@maramabdallah5479]

مشكورة حبيبتي على المعلومات القيمة ❤️

[@drkhejjer6151]

والله نورتي حياتنا .انا كل محس اني فهمت وعرفت واني أتشافا يطلع بأساليب جديدة في النكد والقهر والخبت أحس أني أرجع خطوة للوراء محتاجة نصائحك .تقبلي خالص تحياتي وتقديري

[@fleurdelys2300]

لا تتجاوبي و تستسلمي لاساليبه الجديدة تجاهليه و لازم يكون عندك ثبات انفعالي

[@user-wf3hl9mx6y]

صلي اخر الليل قبل الفجر واطلبي من الله عز وجل القوة والثبات والسلام الداخلي انا كنت مثلك ولكن طبقت حلقات التشافي وبعد مدة اصبحت لا اشعر باي شعور اتجاهه لا حب ولا كره عاد غريب كما كان توكلي عل الله واصبري واكثري سماع محاضرات الدكتورة كوثر وشيخنا الفاضل النابلسي اطال الله. في عمره

[@drkhejjer6151]

@@user-wf3hl9mx6y شكرا لاهتمامك أنا اليوم أحسن بكثير لاني والحمد لله مواضبة على صلاة الفجر وعلى دروس الاستاذة كوثر ولله الحمد تعافيت لم يعد يعنيلي شيء وأصبحت أهتم بنفسي واولادي وكأنه غير موجود

[@user-mb2ch4dx9y]

جزاكي الله خيرا يا استاذه كوثر ربنا يجعله في ميزان حسناتك حلقه ممتازه

[@user-nr3vo7mm6b]

تسلمي ويسلم الشرح الجميل ، الفيديو اكتر من رائع🌼🌼🌼🌼🌼🌼🌼

[@ritabarhoumy2026]

الله يعينك على فعل الخير والتوعيه ،،،، الله يكتر من امثالك

[@pocy4782]

جزاك الله خير الجزاء على كل الكلام اللي بيخفف الأمور علينا💐💞

[@Gala-ew4zc]

الله يجزاك خير يارب...خففتي حزني بعد الالتجاء الى الله

[@moznaaalbeni14]

إنت إنسانة رائعة لو تعرفي شو استفدت منك الله يجعل كل حرف بتحكيه بميزان حسناتك يا رب

[@stars9005]

صباح الخير يااطيب قلب . شكرا لك على كل شي بتعمليه عشان تنقذينا💕

[@basmahussain9196]

فعلا كلام بيريحني اوي واستفد جدا وريح نفسيتي ، فعلا اصعب الابتلاءات … شكرا جدا

[@user-on3zm2zx8b]

ربنايبارك في حضرتك ويجعله في ميزان حسناتك

[@khawlaalrebeah5762]

الله يزيدك كوثر ثبات وحكمة ونور بصيرة اللهم امين 🤲

[@user-pf9zs6ss8l]

الحمدلله اللي خلاكي فطريقي انتي بجد انسانة رائعة بحبك اوي

[@user-sq5hc4fu3o]

الف تحية حب واحترام وتقدير لحضرتك ..تعبك هذا في ميزان حسناتك أن شآء آلله تعالى 🌷🌷🌷🌷🌷

[@salihaseklafi9048]

جزاك الله خيرا يااحلى دكتوره 🥰🥰🥰

[@nahedsalem4900]

حلقة رائعه تسلمى يا احلى دكتوره ❤

[@ebtisamahmed2013]

ربنا يسعدك ويوفقك استاذه كوثر حقيقه بنستفيد منك

[@mahaalbetar3572]

مبدعة كعادتك جزاك الله كل خير على فيديوهاتك الرائعة استمري مع اطيب امنياتي لك بمزيد من التوفيق والنجاح

[@maggieyoussouf2392]

ربنا يسعدك يا استاذه لان حضرتك هونتي كثير بالفديو ده ربنا يجزاكي الخير استاذه كوثر🌸🌸🌸🌸

[@user-jd9lx2pt1m]

مش عندي كلام اقوله غير بارك الله فيكي وجزاكي خير الله يرزقك الجنه

[@user-wf9px5of5h]

والله نصائح رائعه وتوضيح لمقاصد وأهدافهم من قبل الدكتوره الفاضله

[@stars9005]

انت منقذ ارسله الله لنا . شكرا لك حقيقة الشكر ماتوفيك حقك ربي يجزيك عنا خير الجزاء ويكفيك ماأهمك من أمر الدنيا والآخرة💓

[@rereahmad3571]

شكرا من لقلب استاذة كوثر اتمنى حلقات علاج من حضرتك محتاجينها جدا ♥️♥️

[@didadouda240]

بارك الله فيك ياأستادة وزادك علما وإحسانا وننتظر حلقاتك بفارغ الصبر لأنها مفيدة أوي😍😍🌹🌹

[@user-pg2mq5bb3i]

بارك الله فيك والله لما اسمع فيديوهاتك ارتاح ومابحبش تخلص ربنا يريحك واصلي ربنا يوفقك

[@abeerharb860]

مكتوب انه من سنتين وانا بحاول اتابع ومحتاجاه جدآ جدا ربما يديم عليكى نعمه العلم والثواب

[@KM-sq9sn]

مشكورة جدا على هذه الحلقة الرائعة

[@marwataye1923]

أول مرة أسمع حضرتك النهاردا وريحتيني جدااااوبدأت أنفذ كلامك وبدأ يجيب نتيجة والله. جزاك الله خيرا

[@fatfleur8378]

جزاك الله كل خير يا محترمة يا فاضلة 🤩🤩

[@emanelsherbiny3775]

ربنا يحفظك حببتي ويزيدك من علمه ... خيركم من تعلم العلم وعلمه

[@hassnamoustafa3139]

كل اللي حضرتك بتقوليه صحيح جدا وحضرتك بتفصلي جدا كل المواقف وكيفية التصرف فيها جزاكم الله خيرا كثيرا واستفدت من حضرتك كتير❤🎉🎉

[@monaguebril1508]

ربنا يسعدك فى الدارين ❤️❤️ .. آمين يارب

[@fatenomasha2404]

رووووووووعه جزاك الله كل خير سيدتنا الجميله اللطيفه الذكيه 👑💞💋

[@ranahatimabusamra5235]

جزاك الله خير.. جزاك الله الجنة.. بحبك في الله ♥️♥️♥️

[@aminaboussad849]

شكرا جزيلا على مجهوداتك ان شاء الله في ميزان حسناتك

[@sunrise3084]

الحلقة دي من اجمل الحلقات حقيقة ❤

[@tayssirsghaier4207]

شكرا جزيلا لك على المعلومات والله كلامك يبرد على القلب

[@fatenalaa6556]

مجهود مشكور تأجري عليه باذن الله 🌹

[@hudaelsennary2251]

ربنا يجزيكِ كل خير دكتورة كوثر .. إن شاء الله كل كلمة بتقوليها وبتتعبي فيها تبقى في ميزان حسناتك .. أنتِ نعمة جميلة من الله في حياتنا ❤️❤️❤️

[@peace4syria922]

الرجاء لمن عنده رقم الدكتورة اريده للضرورة

[@lokaali3300]

كتر خير دكتوره كوثر ربنا يزيدك من علمه

[@WisamSamy]

ماشاء الله لا قوة إلا بالله انتي جميلة وشيك خالص بارك الله فيك يارب❤️

[@tahanis8494]

الله يرضى عليك رضا لاسخط بعده ابداً … كمية حب واخلاص وحنان ودفئ بين كلماتك .. ادمنت صوتك المريح والله انك بلسم ع الجروح الله يرفع قدرك دنيا واخره

[@rabiaoumnour6217]

جزاك الله خيرا على مجهوداتك د. كوثر سند، فعلا الفيديو ساعدني أني أشوف تجربتي مع النرجسي بشكل آخر وارتحت جدا بإعادة تأطير تجربتي.. شكرا جزيلا 🙏

[@nogaa2787]

بالله عليكم هاي نعم الله علينا انه يسخر لنا مثلك تساعدينا من وسط بيوتنا شكرا الكم الف شكر وشكر وتكرار الشكر

[@Hebaalmaghrby]

مساء الخير نوجا لو حضرتك مش عندك مانع تدخلى عندى تلقي نظرة بقدم تنمية بشرية اتحدث عن الشخصية النرجسية والعلاقات الزوجية و العاطفية وتطوير الذات إذا عجبتك انضمى اذا لأ ف لكى منى كل التقدير والاحترام

[@omawadsalah4608]

جزاك الله خير نستفيد منك كثيييير لك كل الإحترام

[@hodarahmani9225]

شكرا لك دكتورة على منهجك الرءع وكلامك المنطقي والله كنت تاءهة لكن لما بدات اتابع بالصدفة هذا النوع من الفيديوهات اصبحت افهم مدى العلاقةالسامة والغريبة التي اعيشها. شكرا لك لاتتاخري علينا بارك الله فيك.

[@sanbafatiha2103]

الله يسعدك زي ما تسعدينا وتنوري قلوبنا بالمعرفة لضحايا النرجسي

[@user-yn9ww8ty5t]

بعدما كنت راح امرض نفسيا لقيت فيديوهاتك،دعموني بزاف بزاف،ربي يحميك ويوفقك

[@asmaawasel3387]

ربنا يوفقك لكل خير ❤️

[@monasamak9747]

جزاكم الله خيرا دكتورة كوثر. وربنا يجعل كل تعبك ده فى ميزان حسناتك. انا بحس ان حضرتك بجد خايفة علينا وان المعلومة بتديهالنا من قلبك. شكرا جزيلا ☺️ من قلوبنا والله.

[@AyaAya-bp6hp]

الله يبارك فيكي بحبك اوي استفدت من حضرتك جدا

[@e.r.527]

لو سمحتي حلقات عن ازاي الام تعمل ايه مع اولادها وبناتها في سن الشباب اللي بيتأثروا بالاب النرجسي .. سواء يتبعوا اسلوبه او انه يؤثر على سلوكهم ومعتقداتهم وشخصيتهم باسلوبه الخبيث في تشويه الحقائق خصوصاً لو انهم مش حاسين بمراوغته وخبثه ومكره .. وغالباً سنوات يهاجم الام ويتهمها ويصغرها ويقلل من شأنها امامه .. وهي لاتفهمهم شيء علشان نفسياتهم ؟؟

[@dr.gabrial2023]

لازم الام تفهمهم عشان نفسياتهم مش تتدمر منه هو شخصيا بعد كده وعشان تدافع عن نفسها ادامه..وماتقلقيش فيه اصغر من كده وبيفهموا الامور دى المهم التدريج ف اعطائها لهم بالمنطق والدين والدليل ادامهم وسيبيهم يقارنوا بين الحق والباطل بعد ماتفهميهم طبعا فين الحق وفين الباطل ف كلامه وتصرفاته..و ادعي الله كثيرا

[@ferialaboukalam708]

كلامك جواهر وراحه نفسيه الله يكون معنا

[@howtodoit2909]

استاذة كوثر الله يعطيكي الجنه انتي منقذ لينا

[@sarahabya7663]

ربي يفرحك دنيا وآخرة أفدتينا وفيديواتك رائعة شكرا.

[@koora1981]

حضرتك ست عظيمه ربنا يراضيكي يارب

[@ahmedn2030]

ربنا يبارك لك بفضل من الله وحضرتك بعد منه حياه تغيرت تماما

[@user-nm1uh7pn6u]

تسلمي انتي غيرتي حياتنا

[@user-mv1ik7sp6f]

جزاكى الله خيرا 💗شكراً كل الشكر 💖

[@azzasaeid3775]

ربنا يكرمك انك بتخرجينا من الكارثة التي وقعنا فيها

[@TeachingandTrainingMrsFaiza]

معلوماتك عميقة و رائعة❤بارك الله فيك

[@hamzamohammed4707]

بحبك يادكتور وبدعيلك كتير ربنا يجازيكي كل خير

[@user-nn7qo4sc9q]

فعلا انتي عظيمة جدا جدا الف مليون شكر لكي استاذة محترمة جدا جدا