ازاي توقفي الصمت العقابي..... كوثر سند

Рет қаралды 179,867

2 жыл бұрын

ازاي تقطعي الصمت العقابي او تقللي مدته ؟
الفكرة مش في انك تكلميه فيرجع لا الفكرة انك توصلي له ان طريقتك مش حتفيدك ومش حتاخد منها حاجة فيبطلها
١- شوفي هو بيعمله ليه ؟ من ضمن الأسباب انك تروحي تحايليه وتسأليه ماله وتلفي وراه وهو يتدلل ويهين فيكي ويتمنع ويقول لك مش عايزك وبعض الحالات كانت بتقول انه بيدخل الغرفة ويقفل عليه وميخرجش من الغرفة غير وهي نايمة ، يعني بيمنعها تملي عينيها بجماله ، طبعا عشان عارفها عبيطة وحيوحشها فيشوقها اكتر ويخليها تقف تتحايل عليه يفتح لها الباب ، وتتذلل له وكل دة عشان يحس انه مهم وله قيمة يعني عشان ياخد وقود نرجسي ، طيب اذا انتي اديتيه الوقود دة في كل مرة يعمل لك صمت عقابي يبقى تأكدي ان حياتك معاه حتكون كلها عبارة عن صمت عقابي بيتخلله كام يوم صلح وبعدين يرجع الصمت العقابي تاني ، يبقى اول حاجة مفروض تعمليها انك تبطلي تحايلي وتعيطي وتنهاري وتسألي مالك
٢- ممكن في مرة كدة من مرات الصمت اول مايبدأ تروحي تقولي له ( الناس الكبار لما بتواجههم مشكلة بيتكلموا فيها فإذا عندك مشكلة ممكن نتكلم فيها ، ممكن يقول لك مش عايز أتكلم ، قولي له مش لازم دلوقتي ممكن نتكلم بكرة خد وقتك واهدأ ، وسيبيه واخرجي من المكان ، بس لازم تكلميه بثقة وثبات انفعالي وكأنك بتكلمي طفل صغير لازم يحس بقوتك في الكلام وثقتك بنفسك ، وتاني يوم لو مجاش يتكلم روحي فكريه انكم مفروض تقعدوا زي الناس الطبيعيين تتكلموا ، وتفكريه ان الأسلوب دة حيأثر سلبا علي الأولاد ، انا عارفة ان الخطوة دي مش دايما بتجيب نتيجة لكن بعض الحالات بتشتغل معاهم وبتقطع الصمت العقابي وخصوصا لو هم في اول الزواج متدخلي شمعا عليه طريقتك واسلوبك وبتحطي له حدود بيلتزم بيها وبيكون من ضمنها انك مش حتقبلي الصمت العقابي دة ، بالظبط زي اللي مش بتقبل الضرب او الشتيمة ، نفس الحكاية في الصمت العقابي او أي تصرف ممكن يعمله النرجسي معاكي ، ومتنسيش انه في الأول بيجربك ويشوف حدودك شكلها ايه يعني بيختبر انتي حتقبلي ايه ومش حتقبلي ايه ودة بيكون الأسلوب اللي بيعاملك بيه ،
٣- اذا فضل زي ماهو ماتكلمش معاكي تجاهليه تماما ، واتعاملي عادي كأنك مش ملاحظة انه مش بيكلمك او متجاهلك ، حرفيا كأنك مش واخدة بالك أصلا ( عندي حالة قالت لي انها في بداية زواجها كان يعمل لها صمت عقابي وهي مش فاهمة طبعا لا صمت عقابي ولا غيره هو ساكت ومش بيتكلم معاها نهائيا واي حد بيكلمه فون او يجيله بيتكلم معاه ومتجاهلها تماما وكانت تقول في نفسها يمكن تعبان يمكن حاجة مضايقاه ومكسوف يبين دة ادام حد غيرها ، المهم كانت بتتعامل معاه عادي جدا ولا كأنه متجاهلها وبعد اول سنة جواز كان مبطل الصمت العقابي تماما مشافتهوش معاه ٣٠ سنة جواز معملهوش غير لما بيكون فيه مصدر وقود جديد وبيكون اشبه بالترك منه صمت ودة طبعا هي مافهمتوش غير من الفيديوهات مؤخرا من شهور مثلا ، المهم ان فعلا التجاهل او بمعنى اصح تجاهل الصمت مش تجاهل الشخص يعني تتعاملي عادي جدا كأن مفيش حاجة واذا قالك صريح متكلمينيش قولي له براحتك وسيبيه وتجاهليه هو شخصيا ، دة حيخليه يحس انه قارف نفسه من غير فايدة لا وقود اخد ولا اللي عايزك تعمليه عملتيه ، ( واذا كان ضعيف ومش عنيف ممكن تمنعي عنه العلاقة الحميمة لما يعمل لك صمت عقابي ، واذا هو مانعها انتبهي ماتمنعيش الخدمة اذا مش عايزاه يروح لحد غيرك لان احنا متفقين لو قطعتي وقود وخدمة وعلاقة حميمة حيستبدلك ) كل دة لو هو معاكي في نفس البيت ، اما لو مسافر بقى او راح يقعد عند اهله ، متعبريهوش غير بكام رسالة في اول كام يوم وبعد كدة تجاهليه برضه بنفس الطريقة واتصالاتك تكون لاسباب قهرية متعلقة بالاولاد بس ، تاني حقولك الحاحك ومحايلتك بتديه وقود وهو دة اللي هو عايزه وعمره ماحيبطل صمت عقابي لو انتي مبطلتيش تحايلي
٤- ماتصالحيهوش اذا انتي مش غلطانة وماتعتذريش عن حاجة معملتيهاش لانك لو صالحتيه برضه مش حيبطل الصمت العقابي لانه بيستمتع طبعا بانك تصالحيه وتعتذري ويهينك شوية عشان يصالحك ، ولو هو من النوع اللي لو اعتذرتي له يهينك ماتعتذريش بشكل مباشر ومتستنيش انه يقبل الاعتذار ويستحسن في الحالة دي الاعتذار يكون في رسالة وتكلميه بعدها كأن مكنش فيه حاجة حاصلة واقفلي الموضوع على كدة ، واذا استمر في الصمت متكرريش الاعتذار ، ولا تحاولي تصلحي.
٥- اعرفي وتأكدي انه راجع لك تاني احنا اتفقنا انه بيعمل الصمت دة لأسباب قلناها في حلقة ( ليه النرجسي بيستخدم معاكي الصمت العقابي ) اسمعيها كويس قبل ماتكملي دي او بعدها مش مشكلة ، المهم هو من ضمن أسبابه انه يختبر حدودك ويجربك زي ماقلت لك بس في النهاية بيرجع ، انتي لما تعرفي انه راجع كدة كدة مهما طول حتبقي هادية وحتخلصي من قلق هو كدة خلاص سابني ولا حيرجع لا اتطمني تماما هو حيرجع لان انتي مصدر الوقود الأساسي له ومش حيقدر يسيبك الا اذا لقى مصدر جديد وممكن بعد مايزهق منه يرجع لك برضه ( انا عارفة ان كتير بيقولوا مش عايزينه يرجع ، بس فيه ناس طبعا خايفة من الطلاق ) المهم انك لما تعرفي انه راجع حتهدي وتبطلي تزني وتحايلي فيه وتسيبيه يتفلق عشان يبطل الصمت العقابي
٦- امسكي اعصابك متدخليش
معاه في تحدي لانه طبعا عايز كدة وعايز معركة معاكي وطبعا هو اللي حينتصر فيها وفي الاخر تتصالحوا وانتي ما اخدتيش حقك وهو اخد وقود ولو كل مرة كدة يبقى الصمت العقابي نجح حيبطله ليه بقى
٧- متدخليش حد بينكم ولا توسطي حد عشان يصالحك لانك كدة بتديه وقود وفي نفس الوقت بتديه سبب يعاقبك لما يرجع لانك طلعتي اسراره برة ، وكمان خدي بالك اذا مش عايزة تطلقي وعايزة تستمري في الحياة معاه ابدا متفضحيهوش ادام حد لانك لو نفذتي وفضحتي فتحتي له السكة انه يبقى ظاهر ودة معناه انه حيهين ويؤذي على الملأ وممكن يتجوز وممكن يسيبك لانك حرقتيه ادام

Пікірлер: 1 200

@user-id-kawthers-sanad 2 жыл бұрын

ساندوا قناة( السيرة النبوية الشريفة ) الجديدة حنزل عليها باقي الحلقات عملناها عشان يبقى سهل عليكم كلكم تشيروها بعيدا عن النرجسية

@melissacc8681 2 жыл бұрын

اسال الله ان يجبر قلوب ضحايا النرجسين جبرا يتعجب منه اهل السموات والأرض...وان يشعرون بالراحة العميقة يارب ويختفي الألم يارب 🙏

@nahedf9046 2 жыл бұрын

والله مفش احلى من الصمت العقابي دي انا من عشقي الصمت العقابي دي احلى حاجه في الحياة مع النرجسي انا جوزي سبلي الغرفه وبنام على السرير لوحدي💃💃💃💃💃💃💃💃💃💃💃💃💃💃💃💃💃

@abdelrahmanhassan-bu7ue

والله فترة الصمت العقابى احسن فترة في حياتي برتاح من الاسغلال العاطفى والحب المشروط بريح دماغى منه نهائياً ويفضل حابس نفسه فة الغرفة وانا وولادى واخدين البيت كله ضحك ولعب وبنحس بطاقة إيجابية رهيبة

@korombakoko9047 Жыл бұрын

زوجي مغترب وبيعمل معايا صمت عقابي كان الأول يومين تلاته وبعدين اسبوع فاسبوعين شهر ودلوقتي شهرين .. بعمل خطوه انت زعلان من ايه طيب نتكلم .. ولو اتصلت بيه يقولي عندي شغل مش فاضي ولو اتكلمت تاني يقولي أنا عايز انام مش قادر اتكلم .. مش عارفه ايه الحل .. المره ديه عملتها مره اتنين ومقدرتش اكمل ووقفت كل حاجه ومازلنا في الصمت وانا تعبت حله ايه ياريت الرد

@KoukouBouzid-kf1qs

عندي شهرين معاقبني بالصمت العقابي والله تعبت أول مرة نوصل لهذه المرحلة من قبل اول مدة كانت عشرة ايام او خمسة عشر المشكلة اني مش عارفة نجاوب اولادي على اسئلتهم اللي ماتخلص لأنو صار ياكل عند اهلو أنا ساكنة في الطابق اللي فوقهم من قبل كنت نحاول مايعرفوش لكن هذي المرة الحكاية باينة بالنسبة ليهم خاصة انهم مراهقين و صغار واهلو مشجعينو ربي ينتقم منهم كلهم يا رب

@oumdoodi9503 2 жыл бұрын

انا عايشة معاااه عشرين سنة كلها صمت عقابي حاولت كل المحاولات تجاهلت عاقبت منعت الفراش اديتو علاقة حميمة تحاورت فهمت سكت بكيت سبت البيت مفيش اي فائدة والحمدلله على كل حال

@rimaelcheikh4572 2 жыл бұрын

بتعرفي يا دكتورة كل أمنيتي عيش بطريقة طبيعية بمودة ورحمة ورجل اقدر اثق فيه أتناقش معه بأي شي .. رجل يشاركني تفاصيل يومي .. مواعيد الطعام .. النوم بقربي .. يرحمني بمرضي .. يقدّر وجودي .. والله يا دكتورة ضحايا النرجسي يرضون بأقل القليل لكن حتى أقل القليل كثير علينا للأسف 🥺

@oomar9181 2 жыл бұрын

ليه نوقف الصمت العقابي هذا رحمة من الله بنا هذا استراحة محارب كما يقولون بالعكس انا اجد فيه متنفس لروحي

@hebahany5631 2 жыл бұрын

والله جيتي من ربنا ليا نجده من السماء كنت هتجنن لحد امبارح بس لما شفت الفيديو بتاعك نرجسي خفي وفهمته علي حقيقته وارتاحت من كتر التفكير واللوم يالله لا حول ولا قوة الا بالله العلي العظيم... شكرا لك

@RondaGoldenArts Жыл бұрын

احدى المرات كنت اتعافى من عملية ورم بالدماغ الله وحده اعلم بما مررت به وكان ردة فعله على مرضي صمت عقابي لمدة ٧ اشهر…ما اقسى قلوبهم وما اكفرهم.. تجاهلته وتصرفت بكل طبيعية وكانه لا يوثر علي بشيء والنتيجة انه بحجة ان اخلاقه وتضحيته دفعته للرجوع فرجع. 😂ويا ريته ما رجع