USમાં લાખો લોકો સ્ટોરમાંથી ચોરી કરવા મજબૂર કેમ બન્યા? આનો ઉપાય શું?

ઈકોનોમીની દૃષ્ટિએ દુનિયાનો સૌથી મોટો દેશ અમેરિકા પોતાને ત્યાં શોપ લિફ્ટિંગ એટલે કે મોલ અને સ્ટોર દુકાનોમાંથી ચોરી અટકાવી શકતો નથી. નવાઈની વાત એ છે કે અમેરિકામાં શોપ લિફ્ટિંગ સતત વધતું જાય છે અને નવા આંકડા આ બાબતની સાબિતી આપે છે. જાન્યુઆરીથી જુલાઈ 2024 સુધી છ મહિનામાં અમેરિકામાં શોપ લિફ્ટિંગમાં 24 ટકાનો ઉછાળો આવ્યો છે. એક રિપોર્ટમાં જાણવા મળ્યું છે કે યુએસમાં દર પાંચમાંથી એક વ્યક્તિએ સ્ટોરમાંથી ચોરી કરી છે. એટલે કે 23 ટકા લોકો ચોરી કરવાનો અનુભવ કરી ચૂક્યા છે.