Рет қаралды 243
આભલાની કોરમાં તારા ટમક્યા ને પેલી
ચાંદની મલપતી છાની ....
આવી રે રાત નોરતાંની......
ઝાકળ પહેરીને ઝૂમે રાતરાણી મ્હેકતી
જૂઈને કહે, ’’હું ઊજળી ’’
જૂઈ રે રિસાઈ, જઈ ચાંદાની પાસ, માગે
‘’ચાંદની ઉછીની લાવ ઘોળી ’’
ચાંદો મલક્યો ને કીધું ભમરાને કાનમાં,
‘’જૂઈને મનાવ જઈને છાની ’’
આવી રે રાત નોરતાંની.......
એવી એક વાત લઈ,વાદળની કોરમાં
ચાંદો કહે,’’સાંભળ તારલી !
ગબ્બરને ગોખથી રુમઝુમતી નીસરીને
અવનિએ આવશે માવડી ’’
તારલી અચમ્બામાં હળવેથી પૂછે,
‘’ તેં જોઈ કંકુવર્ણી પાની ? ’’
આવી રે રાત નોરતાંની.....
વિહાર મજમુદાર