Рет қаралды 2,551
VERY OLD GHAZAL:
Arzoo zabte gham, justujoo khastagi
Zindagi kya hai ek mustaqil tashnagi
... ...hai labon par tabassum bhi hai
Allah Allah tere gham ki sha'estagi
Hum to ahle junoon hain hamare liye
Zeest bhi dillagi, maut bhi dillagi
Aaj bhi yaad hai, teri aawaz e pa
Dharkanon mein hai abtak wohi naghmagi
Ishq ka baankpan, sar nigoon ho gaya
Al aman, al aman, husn ki sadagi
Eik ummid thi, woh bhi rukhsat hui
Koi deikhe mere dil ki aasoodagi
Uski awaz chupkar suni thi kabhi
Hai sama'at mein abtak wohi tazagi
Thak ke baitha na main, rahbaron ki tarah
Inse behtar hai yeh meri aawaragi
Meiri aah o fughan par tera qahqaha
Qabil e deed hai teri barjastagi
Eik baar unse baatein hui thiin kahin
Phir na bola kabhi, iss qadar chup lagi
Dil Shamim apna seene mein patthar hua
Jab se deikhi hai apnon ki be'gaanagi
Shamim* Jaipuri