صوت بابور الجاز مع الغساله القديمه

زمن الطيبين والقلوب الرحيمه
كان البيت كله بيصحى بدرى يفطروا مع بعض ويتجمعوا على ترابيزة أو طبلية واحدة.. فطار مصرى أصيل طعمية سخنة وفول وبيض وجبنة وعسل وعيش بلدى.
ويا سلام لو جايلك زيارة من البلد عيش فلاحى وكمان جبنة قريش كوباية شاى أصيلة فى كوباية مش مج فنجان قهوة على سبرتاية بريموس
تفتح التلفزيون تتفرج على سينما الأطفال ومغامرات الكلبة لاسى.. وثلاث جرائد موجودة، الأهرام والأخبار والجمهورية، ومجلة علاء الدين تجبها يوم الخميس عشان تتقرأ يوم الجمعة.
تسمع خطبة الجمعة من الجامع اللى جمبك أو تتفرج وتسمعها ف التلفزيون تنزل نصلى صلاة الجمعة مع الكبار بجلاليب بيضا وطواقى شكلهم بيفرح
وحملة نظافة فى كل البيوت وريحة البخور فى كل مكان تسمع القرآن فى كل البيوت.. سورة الكهف تتقرأ ودعوة حلوة من ست الحبايب بعد كل صلاة يمكن تكون ساعة استجابة.
تتفرج على عالم الحيوان وتستنى سر الأرض وتضحك مع القرموطى.. الكل مستنى الساعة 2 حديث الشعراوى بأسلوبه السلس
مع النجوم «ميكى ماوس» عبد الله أحمد عبدالله، ذكريات مع النجوم.. الفيلم العربى اللى بنستناه من الجمعة للجمعة فيلم قديم ومتكرر بس الكل بيحبه وبيتفرج عليه.
برنامج حياتى يحول المشاكل الاجتماعية لعمل درامى جميل ويحلها.. اللعب والأتارى اللى بيطلعوا يوم الجمعة مفيش مذاكرة فيه لعب، النهاردة أجازة
خروجة وفسحة حلوة بنحلم بيها طول الأسبوع موعودين بيها يوم الجمعة عشان سمعنا الكلام.
العيلة كلها تتجمع فى بيت العيلة لعب وضحك وهزار والأمهات كلها ف المطبخ بتجهز أحلى غدا.. والكل يتجمع الساعة 7 مستنين المسلسل العربى الحلقة مالهاش إعادة
«حديث الروح» قبل نشرة تسعة وأخبار الأسبوع كلها متجمعة فى نهاية الأسبوع
مستنين فيلم السهرة اللى بيخلص بدرى أصل التلفزيون بيقفل وبيعمل
وشششششششششششششششششششششششششششش نلبس البيجامة المقلمة ونام من الساعه10
لو كانت دى ذكرياتك أترك تعليق وإعجاب فضلا وليس أمرا ومتنساش الاشتراك www.youtube.com/@tamr1411/vid...

[@tamr1411]

" إذا أعجبك محتوى قناتى ، لا تنسى الضغط على زر الاشتراك وتفعيل الجرس على الكل لتصلك كل فيديوهاتنا الجديدة ، واعمل لايك وشير لدعمنا في تقديم المزيد وشكراً لدعمكم المستمر

[@user-kk1ku6lq1f]

اللي كان بينام على صوت الجمال ده يدوس هنا ❤️

[@user-lf4id9vz9z]

كلنا هذا الرجل ❤

[@AbeerMohamed-fn3jh]

أنا ومازلت

[@gorygory2145]

مشغلاه اهو مش بعرف انام ف الشتاء ال ع صوته صديقي ف الشتاء بيونسني وبيفكرني بايام زماااااان والحنيه والحب والامان ال مبقاش موجود تحس انه بيطبطب ع قلوبنا فعلا صوته دافي شكرا جدا

[@tamr1411]

تحياتى

[@ahmedmohamadykhatep3316]

عاوز اعرف اجيبه منين واشغله اذاي ومافيش جاز

[@MohamedmostafaOmara-dh1up]

فى محل اسمه بريميوس فى العتبه بيبعه بس طبعا ده جديد .. وفى بيوت فيها بواجير قديمه أنا عندى اتنين ​@@ahmedmohamadykhatep3316

[@MohamedmostafaOmara-dh1up]

​@@ahmedmohamadykhatep3316 اكيد فى حد عندك ف المنطقه اوقريب هتلاقيه بيبيع جاز أو اسال لو ينفع تجيب من اي بنزينه لو سولار البنزينه يشغله

[@abdulilahalzobaidy4081]

كل من يعشق هذا الصوت يجب أن يعرف انه طيب القلب و حنون

[@user-dn9dy2cv1d]

كل من يعشق هذا الصوت هو إنسان حنون ؤطيب القلب (طبعآ انا احكي عن تجربه

[@user-nl4dt7fg4l]

احسنت والله صدقت

[@randamohamed9763]

بس بجد نفسي اخد راي حضراتكم انتم زي ولا انا بس بشعر بكده جربت اسمعه في الصيف ماحبتهوش وحسيت انه فعلا مناسب لفصل الشتاء اكتر من اي وقت تاني اللي موافقني في الراي يحط لايك

[@user-tt6ng5tr2c]

انا كمان بحبه فى الشتاء لكن فى الصيف هنولع لو شغلناه

[@randamohamed9763]

@@user-tt6ng5tr2c فعلا والله هو نفس الشعور

[@ayah-lg3ln]

كلنا زيك

[@halalol9531]

انا كدا. بردو ولكن مؤخرا الصيف اللي فات كنت بسمعه بس مش زي الشتا الشتا حاجة تانيه خالص ممكن كل شويه

[@user-rz6bq1hh1f]

ايوه كلنا ازيك

[@tgvfvg1173]

ياااااه احنا عصابه كبيره مكنتش متخيل ان في ناس زيي بتحب صوت البابور وشكرا اصانع المحتوي

[@tamr1411]

تحياتى نورت باتك

[@mohamedelsahey2860]

قراءه الكومنتات ممتعة كلها دفئ ونفس الكلام اللي عاوزين كلنا نقوله وكلنا متفقين انه بيريح الاعصاب وذكريات الطفولة 🥺♥️

[@halalol9531]

فعلا جميل جدا لما كلنا نكون متفقين علي نفس الاراء والشعور

[@user-hu1jj3jz7v]

صوت بيفكرني بالأمان والدفء والهدوووء 💚 حالة من الفصلان اللذيذ عن العالم واحداثه المتلاحقة وابتلاءاته الصعبة صوت بيرجعك لأيام الطفولة البريئة من غير مسئوليات ولا ضغوطات وبيرجعلك الونس والصحبة الحلوة وريحة الماضي وذكرياته اللطيفة العفوية البسيطة ❤️ اللي يعدي من هنا يدعيلي بالله بالشفاء العاجل من مرض الاكتئاب بقالي ٧ سنين بتعالج وحالتي بتسوء

[@tamr1411]

ربنا يشفيكى ويعفيكى يارب ويبعد عنك كل سوء

[@muhammadelshalakany9703]

كنت زيك والصوت ده عالجني بس متقطعيش العلاج غير بأمر من الدكتور

[@user-yc5oq3vc4x]

ربنا مخلقناش عشان نجلد في نفسنا ونكتئب ونحزن في ايه في القران الكريم بتقول لا تحزن ان الله معانا ف متضيقيش نفسك ومتحملهاش حمل كبير متستحملهوش وربنا بينزل الابتلاء عشان يختبرنا هنجلد في نفسنا ونزعل ولا نرضي بقضاء ربنا ونصبر ونستحمل ربنا لما بيحب عبد بينزل عليه ابتلاء عشان يخفف من ذنوبه ربنا يشفيك ويعفيكي يرب❤

[@moumenkadry2415]

انا بسافر كتير ومحمل الصوت على التلفون واول ما الطياره تتطير ابدء اشغل الصوت ده في السماعه لغايه موصل بالسلامه... احساس رهيب ونوم عميق ❤

[@user-hu1jj3jz7v]

انا كنت اقعد بالتناوب انا واخويا في الحمام يوم الغسيل نسمع الصوت ونحس القشعريرة ونتمزج😴😊♥️ وطول ما انا قاعدة اجيب أكياس الإريال والرابسو والمنظفات اقرأ اللي مكتوب عليها😂😂😂 ويا سلام لو لقيت مجلة او قصة أطفال😍 الله يشفيكي ويديكي الصحة يا أمي الغالية💚 ويرحم ابويا الغالي💔

[@tamr1411]

الله يرحمه ويغفر له ويتقبله مع الشهداء و الانبياء والصديقين ويكتب للحاجه عمر مديد

[@user-hu1jj3jz7v]

آمين

[@areebaqureshi6844]

Aameen

[@mostafaalierik2672]

سبحان الله شعور رهيب شعور كده بحس فيه بالراحه والاطمئنان والهدوء والدفئ انا من مواليد 1985 بيرجعني كده حوالي 20 سنه وانا نايم في حضن امي وبذاكر جنبه ونعمل ساعات كتير بطاطس محمره ولا كان فيه سياسه ولا قوانين ولا القرف اللي اسمه مهرجانات ولا تارجت ولا follow up list والناس راضيين وصوت اذاعه القرءان الكريم ورضا بالحياه ولا حقوق مراءه ولا رضوي الشربيني ولا كل المهاترات اللي الهدف منها التمرد والنقمه علي أوضاع حياه صنعت اماهات واباء يحيطون بابنائهم وبيوتهم بالرضا والسعاده باقل شئ ورغم الان وجود كل شئ الا انه انتزعت منه البركه ياريت كانت الايام اللي فاتت دي ترجع وترجع العائله والترابط الاسري والعائلي وحمد الله والرضا والسعاده شكرا علي الفديو الجميل جدا جدا جدا ده

[@tamr1411]

تسلم

[@user-tt6ng5tr2c]

تعليقك رائع بجد قولت إلى جواانا وبزياده كمان ربنا يصبرنا على الايام دى ويعطينا القوه لنتحمل ونستمتع بكل قديم له طعم

[@mostafaalierik2672]

@@user-tt6ng5tr2c حبيبي يا ا/محمد ده من ذوق حضرتك بس ربنا يقوينا ويتولانا برحمته ويحفظ لك اهلك واولادك ديما

[@mostafaalierik2672]

@@tamr1411 انت اللي حضرتك بجد تسلم علي العيله الصغيره اللي عملتها لينا دي والاعضاء جميعا المحترمين اللي اتشرفت اني اكون منهم

[@halalol9531]

بجد كلنا بنحس نفس الاحاسيس لان كلنا قلوبنا صافيه وبيضه وشكرا للستاذ تامر لانه بيجمعنا كاسرة صغيرة فيها نفس الاحساس والشعور

[@mohamedmagdy-hx8qs]

جدتي الله يرحمها كانت دايما تسيح سمنه علي وابور نمرة ٣..كبير و ولعته كبيرة و لونها ازرق في. اصفر... كنت اسمع صوته اروح جري اقعد جمبه في المطبخ و اسرح اوي اوي اوي اوي لحد ما اروح في النوم.. النوم علي صوته كان بيدينا امان.. لحد دلوقتي صوته تحسه الة زمن.. بياخدك لزمان.. لسه حاسس ببرودة البلاط اللي كنت بقعد عليه.. سامع صوت جدتي الله يرحمها.. شامم ريحة السمنه.. كنت ٦ سنوات

[@tamr1411]

الله يرحمها ويغفرلها ويسكنها فسيح جناته ويجعل قبرها روضه ومن رياض الجنه

[@user-vu7bp4ft5q]

انا حاليا طالب فى قسم لغة عربية ودراسات إسلامية كلية التربية جامعة عين شمس الفرقة الرابعة في سنة ٢٠٠٦ بدأت قصة حبي وعشقي وتتيمي للبابور ولصوته ولرائحة دخانه المنبعث إثر احتراق الغاز الابيض فصوت البابور بيحدث: =قشعريرة في عامة الجسد مع الاحساس بالبرودة يتبعها الدفئ تلقائيا لمناسبة الموقف =الالتفاف حول النفس والانكماش داخل الفراش للتدفئة =غلق العين تدريجياً والنظر الى توهج النيران لما يعطي احساس جميل ترتاح له العين وآلف للحالة المرهونة =السرحان في العالم الماضي(الزمن الجميل ) وتذكر الأشياء والمناسبات المصاحبة لصوت البابور مثال كتذكر أفراد العائلة وتذكر الأحداث المرتبطة بالبابور وسماع صوته ورؤية نيرانه وشم رائحة الجاز المنبعث بعد احتراقه وتذكر احداث الطفولة من إعداد الأم الطعام وطهيه على البابور . = تذكر احداث الماضي الخالدة في الذكر من الوالدين وبيت العائلة و الطفولة الجميلة البريئة الخالية من القلق والتوتر والتفكير في المستقبل الذي يشغل بال الجميع اليوم فهذا بمثابة الآلة المستخدمة في تنقية الذهن ولو لساعة من التوتر والقلق ثانياً: انا كنت بحب أجيب المخدة واللحاف وانام جنب البابور واستمتع بصوته واسيح في النوم العميق وترك العالم والوسط المحيط الصاخب بالمشوشات العصبية ليت هذه الأيام تعود 💔

[@HAMADA-1945]

صوت الباجور عاد بي لاوائل السبعينات لاجمل ذكريات العمر رحمه الله علي روح أمي الطاهره وجدتي ام عبده الحبيبه

[@user-tt6ng5tr2c]

انا والله كل شويه عايز اكتب تعليق يوصف انا اد ايه مستمتع لكن مش بعرف أقول كل حاجه بحسها لأن فى ذكريات ياريتها ترجع بتتحس أكتر ما تتحكى ربنا يديم علينا نعمه الرضا والراحة

[@halalol9531]

اللهم امين

[@user-rz6bq1hh1f]

الله يبارك لك نفس الاحساس

[@user-rz6bq1hh1f]

الواحد كل ما افتكر ذكريات زمان جسمي بترعش

[@samahhas42198]

امين يا رب

[@user-tt6ng5tr2c]

@@user-rz6bq1hh1f اه فعلا كلنا بنحس بالرعشه دى سبحان الله كلنا نفس الاحساس

[@user-ox4kx7qx2i]

والله انا مليش معاه زكريات بس بحس اني من ساعت م سمعت صوته ونا بحبه وفعلا شعور جميل تحياتي لكل حد شاف التعليق وشكرا علي الفيديو الجميل

[@tamr1411]

نورتنا يا استاذ مصطفى تحياتى لك

[@ahmedmohamed-pu5pm]

صوت البابور والغسالة القديمه بيريحني نفسيا وبجد بحس باطمئنان نفسي وشعود بالدفا وبالاخص في الشتاء والجو برد والدنيا بتمطر كل ده حبيته لما كنا بنقعد عند جدي وناكل ونذاكر علي صوتهم كانت احلي ايام بجد❤

[@hazemelsawy8559]

يا جماعة انا بحب الصوت ده جداااااااااااااااا و بحس بأحساس جميل جداااااااااااااااا وانا بسمعه كنت مفكر انى مريض نفسى بس الظاهر انها عاده كتير من الناس بيحبها صباحكم ذى العسل

[@ammarahmad2633]

على فكرة الكل يلي علق هون بتحسن( انت) روح وحده نفس الكلام نفس الشعور نفس الدفئ نفس الذكرى مستحيل ترجه تنعاد بسبب التطور اللامعنوي وانفصال العاطفه الحديثة السيئة

[@radwaagmi820]

فعلا والله كل تعليق لواحد بيعبر عن الكل انا حاسه اننا اسره واحده فعلا

[@n.o.r.a-alsayed]

فعلا

[@ziadadly3852]

صح مليون في المية

[@eoj80]

صح فعلا

[@KarimKarim-sq4eq]

بجد احساس جميل جدا انا ٢٦ سنه فاكر بفضل الله وانا عندى ٧ سنين والله وانا قاعد قدامه كده وبنام ووالدتى تشيلنى تقوم منيمانى على السرير واحلى يوم فى حياتى كان بيبقى يوم الغسيل كنت اقوم بدرى مع والدتى ربنا يديها الصحه يا رب واحضر معاها كل حاجه بتاعه الغسيل وصوت الغساله مع صوت الباجور انا مبعرفش اقولها غير كده 😂ياه على ديه ذكريات ربنا يعودها تانى يا رب

[@hebahebs5492]

الله يرحم مرات بابا انا كل يوم انام ع الصوت دا وافتكر أجمل طفوله

[@hopasam2141]

الله يرحمها

[@user-sk5pd2ph6g]

اي كانت بتشخل الغساله وهيه بتوطي هوب اجل ولاكن لا تخبر اباك هذا المره فقط😅😅😅😂😂

[@alyellol8368]

دا مخدر طبيعي

[@Ahmed-bm1xx]

انا مش مصدقه إن فى ناس بيحبوا صوت البابور زيى متعه رهيبه لما بسمع صوته وولادى بيستغربوا منى نفسى أجيبب بابور علشان يجربوا المتعه دى ويعملوا ذكريات جميله يفتكروها بعدين ويحكوها لولادهم شعور غريب لما بقرا تعليقات حضراتكوا بفتكر أيام جميله وبحس إننا عيله كبيره بينا صفات وذكريات مشتركه

[@mohamedghanem507]

مش هتعرف عشان بقا ميقدرش يسيب الموبيل ويسمع البابور

[@halalol9531]

دي حقيقة

[@mohammedomara5013]

عندنا منه الحمدلله اكتر من باجور صوتهم فعلا ملئ بالدفئ والأمان تقريبا بنام على صوته كل يوم 💙💛

[@alibakro306]

صوووته خيييلة الضوضاء البيضاء هذه

[@bahariamaohmd2625]

بجد متعه رهيبه بترجعني ٣٠سنه كانت الحياه بسيطه صوت البابور بيخليني انام وكأني على ريش نعام هدوء وطمئنينه بجد نفسي ارجع تاني

[@enjymady5212]

كنت بذاكر على صوته واحفظ القران ويثبت الحفظ فى دماغى..كان احساس دافى وطفولى. وجميل..

[@user-tt6ng5tr2c]

ما شاء الله ربنا يزيدك من فضله

[@ahmedshwki2769]

احلي ايام في عمري

[@mohg6852]

​@@user-tt6ng5tr2c555،،،😅

[@hanykhashaba904]

والله هحكى موقف ليه انا كنت بروح عندخالتى فى البلد علشان البابور ولما جيت اتجوز قولت لحماتي تجيب ليه وابور أجمل أيام ياريت كانت فضلت ❤❤❤

[@marwabogdade8764]

ابويا الله يرحمو كان كل يوم بعد الغدا ننام علي صوت باجور في شتاء لغايه دلوقتي محمله صوت بنام عليه بحس براحه كبيره جوه شتاء مع البابور متعه

[@AliRahal]

اى الاسم اليخووف دة

[@mohamedelsahey2860]

انا بردو محمله

[@basemtawfek9271]

عمرى واحد وخمسين سنه .. كان مصروفي في الابتدائي قرشين .. وفي الاعدادي ربع جنيه.. كنت لما اسمع والدتي الله يرحمها بتشوي السمك علي البسطه قدام الباب .. أجرى واجيب غطا وانام علي الكنبه اللي قدام البسطه.. كنت اتمني وقتها أن الزمن يقف علي كده

[@aldoodalkoth2298]

ربنا يديك الصحه فعلان يارتنا فضلنا عيال صغيره ربنا يجعل القادم افضل باذن الله ربنا كريم اوي أن شاء الله يطبطب علي قلوبنا❤

[@haythamelazizi4889]

الله يرحم والدتك و والدتي و يلحقنا بهم في جنات النعيم

[@hassanattalla4413]

انا والدتي برضه كانت بتعمل السمك علي البسطة قدام الباب في بيت جدتي علي الباجور و ابقي قاعد اتفرج و انا في منتهي الاستمتاع .. راحت فين الايام دي

[@user-jf3eb7xi4k]

كلنا بنتمنى نفس الامنية .يا ريت الزمن يرجع بينا ويجمعنا تانى بحبايبنا اللى فرقونا .يا ريت الزمن يرجع بناسه وونسه والدفا اللى كان مالى البيوت والقلوب

[@user-lf4id9vz9z]

انا كنت فاكر اني الوحيد الي بينام على صوته انا كنت مانع حد يقربله وانا موجود لما امي تحب تشغله انا الي اقوم اشغله واعمل عليه كوبايه شاااي وأفضل جنبها وهي بتعمل الاكل

[@AliMohamed-cu2hi]

يوم الغسيل ده كان متعه بالنسبه ليا كنت اقعد فى وسط الغسيل واذاكر ويوم الغسيل الابيض البابور بيخليه اكتر متعه عشان كان بيشتغل عشان امى تغلى الابيض والله جسمى بيقشعر لما بفتكر الموقف ده ذكريات ممتعه رجعت عمر بحاله العمر جرى من غير ما نحس عشان سنى دلوقتى ٤٤سنه

[@user-tz5in9rp3s]

كنت بنتظر صلاه الفجر بدور في التليفون لقيت الفيديو ده يااااااه علي الجمال والحلاوه الله يسعدك زي ما اسعدتني احلي ايام حياتي وعمري ما انساها

[@tamr1411]

شكرلحضرتك

[@eslammohamed7097]

ليه حضرتك عندك كام سنه

[@user-tz5in9rp3s]

@@eslammohamed7097 عندي 45 سنه

[@eslammohamed7097]

@@user-tz5in9rp3s العمر كله لحضرتك انا بسمع البابور ده كل يوم عندي ٣٠ سنه

[@mostafaali8846]

دى احلى احلى الذكريات .... ليه الزمن مش بيتوقف ؟؟ ليه الزمن بيمشى ويفوت احلى ايام ؟؟؟

[@user-mz6ho1nr4o]

كل ال اقدر اوصفه لك من رؤعه الصوت انك وجعت قلبي وجع لايقدر يشفيه طبيب رجعتني لي أيام أنا أتمني لو ترجع بس يوم وأحد والله العظيم أنا راضيه بيوم 💔💔💔

[@tamr1411]

تعيشى وتفتكرى احبابك

[@ahmedmohamadykhatep3316]

والله العظيم فعلا يوم واحد بس انا راضي بيه

[@user-tt6ng5tr2c]

ياسلام على المتعه و الراحه والسكينه فى الليل ويكمل مع لمه العيله ونعمل عليه أحلى عشااا وبعدين نشربوا الشاى فى البرد القارص وكمان الجو يكون بيشتى سبحان الله الجمال دايما بيكون فى البساطه

[@user-ut3sh8vj3f]

انت بالذات متشابه معايا في عشقك ليه اكيد مواليد 85

[@user-tt6ng5tr2c]

@@user-ut3sh8vj3f انا مواليد 87 اتشرفت بيك ياأخى الكريم

[@doaamagdy5878]

بس اكيد البابور لي مخاطر اي أسبابها

[@ftamapakr9388]

انا كنت فكره انى انا بس ال بحب الصوت ده وينام عليها ينهااااار ابيض اقسم بالله احلي حاجه شوفها ومكنتش متخيله إن ممكن حد ينزل الفيديو داأ بصراحه نفسي نفسي يوم تانى من الايام دى اعيشو ...الله يرحمك يا امى

[@tamr1411]

الله يرحمها

[@masrzaman9032]

الله يرحمها

[@hemakhalil4935]

فى زيك وانا منهم هههه كلنا فى نفس جلنا عندنا الموضوع ده احساس وشعور اكتر من رائع بجد لما نسمع البابور والغسالة القديمه ايام كانت جميله

[@hemakhalil4935]

والله يرحمها ويرحم موتنا

[@nahedyassin7910]

صوته فى راحه رهيبه مع أن فى ناس كتير بتضحك عليا لما بتعرف أن بحب صوت الباجور وبنام على صوته ..بس بجد احلى صوت

[@MohamedMohamed-fe6su]

كل اللي بيحب صوت وابور الجاز انسان حساس وانتي انسانه حساسه وشاعريه

[@mohammedkhayrat9781]

زكريات لأكثر ن ٦٠ عام كنت اهرب من الحجره الي المطبخ لاستمتع بالصوت الجميل والدافى...سعدت جدا حينما عثرت مره اخري عليه..اعشق الشتاء بسببه..وكمان صوت الغساله واي ماكينه صوتها عال...كان لدينا مصنع بلاط كنت اطلب من العامل ان يحضر مساء بدلا من الصباح ليعمل واتغطي بطانيه واجلس معه للصباح استمتع لصوت ماكينة جلاء البلاط......زكريات ....

[@user-hj2pl8cn1f]

وانا كمان متلك بيظحكو لاني بحب صوتو

[@user-lf4id9vz9z]

لست وحدك

[@abdulkosara8135]

لأنهم ما بيفهموش بلزكريات والايام الجميلة والحب والحنان والقلوب الصافية

[@mohamedhanafy4024]

صوته بيرجعنا لذكريات جميله وطفوله اجمل وحياه من غير ضغوط

[@user-th3ll1po1p]

عمري ٦١ سنة والحمدلله ان نص عمري قضيته مع أجمل ذكريات الزمن الماضي الجميل

[@randamohamed9763]

زمان وأنا صغيره كنت بنتظر الليل يليل ونقفل باب البيت وكنت أحب اكتب واجب المدرسه علي صوت وابور الجاز وياسلام لما ماما تعمل زي ماانت بتعمل دلوقتي كده وتذودصوت الوابور ولا يوم ماامي هتكون بتجهز الغسيل ياسلام علي دي أيام كان كل مشكلتي مع أهلي ان صوت ضحكتي عاليه دلوقتي بعد يوم طويل في الشغل الراحه والاسترخاء بالنسبه لي هو هذا الصوت الجميل

[@user-tt6ng5tr2c]

أحلى أيام بجد لما كان البال رايق وفعلا الضحكه بتطلع من القلب

[@MM-ig2it]

راندا انتي عسل اوي. فكرتيني بذكريات الطفولة.

[@user-xj6hc4je3f]

نعم صحيح نف الشعور

[@user-uz6ix8st5y]

صحيح والله

[@user-xj6hc4je3f]

@@user-uz6ix8st5y انت منين يا علاء

[@user-lo2vd8wl2n]

دفئ ذكريات الماضي رغم بساطتها وتواضعها لكنها اجمل ايام واحلي ماضي البابور وصوته ارتبطت بحاجات كتير فينا منها أيام الشتا ومنها في رمضان ولما يبقي في عزومه كبيره يولع من الصبح بدري وايام الغسيل مع صوت الغساله كانت كل حاجه حوالينا حلوه والدنيا بخير والأهل والجيره احساس الامان مع الدفا ذكريات العمر الجميل

[@user-sg8hs7yn5v]

كانت ايام جميلة كنت أروح فى النوم على صوته وألزق جنبه وأمى رحمة الله عليها تقولى هتموتى محروقة بالوابر ده

[@ommgafar2010]

نفس الموقف مع أخويا الصغير كان يحط البابور علي الكنبه في حِجره لغايه ما يغلب عليه النوم و كانت امي تطفي البابور

[@johnwageih6246]

جميل جدا احلى صوت للاسترخاء في الشتاء رجعتني ٣٥ سنه ايام امي الله يرحمها يوم الغسيل وادخل الحمام وانام على الصوت المخدر ده. وأيام الشتاء كنا بنعمل عليه الشاي ونتجمع حوليه بليل ربنا يسعدك ذي ما اسعدنا بالصوت ده

[@tamr1411]

اشكرك جدا

[@user-iu5rq1iv9t]

الله على كل حاجه عاشت جوانا من الزمن ده حلوه وصافيه أجمل سنين عمرنا

[@MohamedAhmed-yc9xw]

والله كانك بتوصف اجمل لحظات عشناها فعلا

[@alaasoliman2242]

كأنك تتحدث عنى . الفرق الوحيد هو ان ذلك كان يحذث من ٦٠ سنه حيث كنت استيقظ فى الشتاء فجرا على صوت البابور علشان الغسيل وكنت اذهب مباشره وانام على كومه الغسيل الملون لانه حيتغسل فى الاخر وكانت امى تقوم بتغطيتى وكنت انظر اليها حتى انام ثانيه رحم الله امهاتنا وجزاهم عنا خير الجزاء

[@halalol9531]

@@alaasoliman2242 الله يرحم كل ام واب اللهم امين

[@dodofuoda553]

انا من ساعه ما لقيت الفيديو ده وانا مفيش يوم بيعدي غير لما انام ع صوت البابور بجد رجعني لأيام عمري ماهعيش تاني زيها يمكن الجي احسن لكن عمره ماهيبقي زي حلاوه زمان وخيره وبركته تحياتي ليك من كل قلبي ع الفيديو الحلو اوي ده

[@tamr1411]

تحياتى لحضرتك

[@dodofuoda553]

@@tamr1411 وتحياتي ليك من كل قلبي شكرا

[@mohamd3988]

شكرا لك فديو ممتع لايعرف هزا الصوت الا لزي عاش ماضي جميل معه وخاص جيل ٧٠ و٨٠ و٩٠ ايام لجميله ولبسيطه بدون انترنت

[@hebaahmed6457]

ماشاء الله انا كنت مفكرة انا بس اللي بحب الصوت ده لكن لاقيت جيش هايل زي الله يرحم زمان وليالي زمان كانت أحلي ايام

[@mohamedabdelslam1916]

انا من سوهاج كنت باحب امي الله يرحمها و باحب يوم الغسيل عشانك كانت اغسل وتغلي الهدوم كانت ايام جميله الله يرحمها امي ويرحم ابويا ويجعل مثواهم الجنه ويجعل قبره منور في الدنيا وفي الاخره بقعد افتكر الايام دي واقولهالو اولادي بيحس ان هي حدوته جميله وحلوه ايام الحلوه راحت من بعد امي وابويا😭😢😢😢😢😢

[@tamr1411]

الله يرحمهم يا اخى

[@user-kk5xh1zv5h]

ما اصعب فقدانهم شيء مرعب الله يرحمهم جميعا راحوا وفقدنا معهم كل جميل

[@samahhas42198]

الله يرحمهم

[@halalol9531]

الله يرحمهم ويرحم كل اب وكل ام توفاهم الله ويجعل مثواهم الفردوس الاعلي اللهم امين يا رب العالمين

[@user-tt6ng5tr2c]

الله يرحمهم ويرحم أبى وجميع موتى المسلمين ويصبرنا على الفراق ويشفى أمى شفاءا لا يغادر سقما فهما حقا الدعم والسند

[@youseefgems2680]

صوت عاد بي الزمن الجميل وأيام السعادة والدفئ مع الآباء والأجداد ما اجمل هذا الزمن!!😢😢😢

[@Toto-ww8fi]

بعشق صوت الوابور والغسالة العادية وامى سبب حبى ليهم واحنا صغيرين كان رمضان بييجى ف الشتاء ❄️ وزمان كان الشتاء برررد جدا وكانت تصحينا عشان نتسحر وكنت احب اقعد جنب الوابور عشان ادفى وكنت يوم الاجازة من المدرسة بيبقى يوم الغسيل بالنسبة لامى فكنت اصحى على صوت الغسالة العادية وصوت الوابور امى بتغلى عليه الملابس البيضاء بجد احلى احساس واجمل ذكريات ولما كبرت واتجوزت طلبت يكون فى جهازى وابور وفعلا عشت بيه سنين طول الشتاء برغم وجود الدفاية بس للاسف من فترة طويلة اللى بيصلحوا الوابور مش متوفرين فأضطريت انام على صوت الوابور من اليوتيوب

[@user-tt6ng5tr2c]

نفس ما كنت أشعر به أجمل أيام العمر

[@user-vu7bp4ft5q]

نفس عم كان يحصل معي

[@user-fq6pd3ni5t]

اكتب كلماتي وانا استمع اليه واذهب بذهني لزمن الطيبه والبركه والرضا والسعاده والامان في كل من حولك من اهلك واقاربك واصدقاء منهم من هو موجود ومنهم من فارق الدنيا ..اعتقد ان ذهابنا باذهاننا لهذا الزمن لنتذكر كل مافيه من بساطه كل شئ وراحه بال وسعاده ولمه العيله هو اكبر دليل علي اننا سئمنا مما فعلته بنا الدنيا مؤخرا ... حقا عشاق صوت واجواء الباجور انتم مختلفون ومتميزون بطيبه القلب وصفاء العقل 🔝🔝🔝

[@raniaelsharkawy8192]

مش الصوت بس اللى ليه ذكريات واحساس جميل الريحة كمان ❤🥰🥰🥰

[@waelalsharif4040]

أصعب لحظة كانت تمر عليا لما كان البابور ينطفى ويطلع الدخان اوياخد هوا ببقى كان حد مات وزعلت هاا الله يرحم زمان وأيام زمان احنا دلوقتى فى زمن المسخ

[@waleedezzat950]

حينما أريد الهدوء و الراحة النفسية والسكينة والطمأنينة وأحاول الهروب من صخب الدنيا وضجيج مشاكلها الذى لا يهدأ أهرع إلى سماع هذا الصوت الشجى الذى يأخذنى لعالم أخر ويدفع للتدفئة ف أجواء كلها برودة وينهمر سيل الذكريات فأجد كل أحبابى الذين ذهبوا ف رحلة اللاعودة طيفا جميلا يسرح بمخيلتى أحسنت يا مبدع

[@user-tt6ng5tr2c]

تعليقك عبر عن كثير مما نريد أن نقوله بصراحه كل تعليق بيوصل حاجه كنا بنحسها فعلا قراءه التعليقات مع الصوت حاجه تانيه

[@halalol9531]

@@user-tt6ng5tr2c فعلا كل حاجة قالها بتعبر عن ما بداخلنافكل محبي البابور احساسهم متشابه

[@whowho9453]

ياه، زمن البابور قمه الروعه في البرد و في مكان لا يوجد فيه ضوء، كنت اولع البابور و افرش جنبه عشان بس انام على صوتوا، بس كنت اقعد و اطلع على رأس البابور لفترات طويلة لحد القشعريرة ، هادي هيا احسن فترة، صوته و رائحه الكاز و ضوه من المستحيل أي شيء تاني يكون احلا من هيك، اه يا دنيا شو اعملتي فينا

[@kore2003]

الله علي أجمل ذكريات رجعتتي للأكثر من 30 سنه فاتت أيام الطفوله أحساس بالراحه والهدوء الله يرحمك يا أمي كنت بحب أنام علي صوته أنا وأخواتي ووالدي ربنا يبارك فيهم ويحفظهم

[@tamr1411]

الله يرحمها ويكتب للوالد عمر مديد فى طاعة الله

[@ahmed.alshakha815]

صوت البابور بيفكرني بخالتي الله يرحمها كنت بحب اروح عندها دايما في البيت لما بتكون بتغلي الهدوم عالبابور و بعدين تحطهم في الغساله وكنت بخش الحمام و بفضل قاعد لحد ماتخلص

[@mohamedelsahey2860]

صيف وشتا بحبه بسبب الشعور اللي بحس بيه لما اسمعه احنا تعبنا اوي وشئ بسيط زي ده بيريحنا ربنا يرحمنا

[@hawi6128]

اسمع صوت بابوراقرا تعليقات الناس تحس بحساس حلو

[@samaasarhan3674]

اجمل صوت دفا وحنان وعزله عن العالم ، هو الصوت دا شكرا من اعماق قلبي

[@tamr1411]

تحياتى

[@cellnisser7807]

انتو ملاحظين اننا من خلال هيدا الصوت ترحمنا كلنا على امواتنا

[@memeeyad7522]

فعلا الله يرحمهم جميعا يارب

[@abdulilahalzobaidy4081]

الله يرحمهم جمعيا

[@hopasam2141]

الله يرحمهم جميعا

[@peterEvangl]

بحب اشوف تعليقات الناس اللي بتعشق الصوت ده ولكل حد فيهم ذكرياته والغريب أن كتير من الذكريات متشابهه في ناس بتفسر أن السبب في حب صوت البابور ان الجنين بيسمع نفس الصوت فى بطن أمه وده غلط بدليل أن في ناس كتير مش بتحب الصوت ده لكن السبب في حبك لصوت البابور هو الزمان والمكان والأشخاص والأجواء اللي كانت بتأثر فيك صوت البابور بيخليك تسترجع اجمل ذكريات عشتها لانه كان موجود فى الاوقات دي ولدرجة انك بقيت تشعر بالدفا من صوته لانه كان مصدر الدفا ليك وقتها وبتحس بالأمان لانك بترجع لاكتر ايام كنت فى امان فيها حاجات كتير روحك مرتبطه بيها بمجرد ما تشوف البابور في مقطع وتسمع صوته

[@halalol9531]

والله كان لسه في بالي كل الكلام اللي حضرتك قولته

[@user-tt6ng5tr2c]

من التعليقات الجميله بجد وفعلا لما قرأتها حسيت بالتشابه فى كل حاجه

[@peterEvangl]

@عبد الرحمن A عادى انك تنقل حبك لشئ لشخص مكنش يعرف عنه أو تلفت نظره ليه ع الأقل ويبدأ هو فى مرحلة الاندماج والتعلق بيه لكن اللى بقوله هيفهمه اجيال قبلك عاشوه واقع مش مجرد مقطع فيديو وفاهمين كويس معنى الذكريات اللى ذكرتها

[@xoce1968]

الله يطول بعمر أمي وأمهاتكم. ويكسبنا رضاهم. ويرحم من توفى منهم. أمهاتنا ماعدا في متلهم ب هادا زمن. كانوا يتعبوا بس كان رضى ونور في وشوهم.

[@karemelmasry3849]

كلامك مظبوط الامر متعلق بذكرياتنا وبامهاتنا زمان عشان اتربينا علي الصوت ده كان اداه للطهى وللتدفئه في زمن يخلو من الخبث والكراهية لمة العيله حوالين البابور في عز الشتا والبرد وشعورك بالدفا وجسمك يقشعر من صوته واحلي نوم تنامه علي صوته اقسم بالله كانت امى الغالية رحمة الله عليها كانت تخاف عليه تطلعنى في الشتا اشترى جاز كنت اخد الجركن واطلع اجرى في عز البرد اشترى جاز وانا في منتهى السعاده عشان هنشغل البابور واقعد في حضن امى واسمع صوته احساس لايوصف ولايقدر بثمن رحمة الله عليكى امى الغاليه

[@abdullahkarem6310]

اجمل ايام عيشتها بحياتي كنت استني البيت كله ينام ويروح في النوم واقوم اشغل انا البابور واقعد اذاكر بقي لحد الفجر والصبح كمان وبابا الله يرحمه يصحي يلقيني مشغله والجو برد يقعد يفطر جنبي بس للاسف مكنتش اعرف انه مكنش بيكون مركز معايا علشان المشغولايات الي لما كبرت عرفتها الله يرحمه ويغفر له ويعفو عنه اجمل ايام زمان وكنت اما ابقي عاوز اكمل المتعه بقي استني اخويا الصغير يصحي واتفق معاه اني اديله فلوس بس يقعد جنبه علشان ميفصلش ويعمل دخان الله يرحم ايام زمان

[@somakimo8866]

اللهم امين يارب العالمين ويرحم ابي وجميع موتى المسلمين يارب

[@mohammedomara5013]

رحمه الله عليه ابوك رحمه واسعه وعلى ابويا وموتانا جميعا يارب

[@hebaabdelal4113]

ربنا يبارك فيك والله ع الفيديو الجميل ده بالصدفه لاقيته رجعتنا لاحلي ايام واحلي صوت الله يرحم امي وابويا كنا نستنا الليل يجي وامي تعملنا احلي محشي وسحلب وكاكاو ياااه فكرتني باحلي ايام ربنا يعزك يارب

[@tamr1411]

الله يرحمهم تحايتى لحضرتك

[@mohg6852]

صوت بيحسسك بالدفا والراحة النفسية.. أنا ما أعرف أنام إلا على صوته.. بيذكرني بأمي الله يرحمها لما كانت تقلي عليه البطاطا وأنا بجلي بالمطبخ ومبسوطة عصوته.. الفيديو راائع والميكس جدا جميل..

[@mohammedelkenawi9663]

الله يرحم امي ويغفرلها ويجعل مرضها في ميزان حسناتها كنت بقعد جانبها ونحكي ونفضفض وهي بتعمل الاكل عليه كانت ايام بركه ورضا وفرحه من القلب.

[@somakimo8866]

اللهم ارحمها واغفر لها واسكنها فسيح جناتك يارب

[@user-qn7mp2nb2b]

يعنى ايه بتجلي

[@jodyali659]

انا بحب انام على سوط الغساله والبابور جدا بتعمق فى النوم كمان شكرا على الفيديو جدا

[@monamohamed6420]

هو بيتباع فين من فضلكم

[@user-mt7dz5qz3x]

يعنى اعمل فيك ايه بجد انت عارف احنا عايزين ايه وبتعمله الله يسعدك رجعتنا لايام الطفوله اجمل واحلى وايام

[@user-rz6bq1hh1f]

ابقى باين لنا البابور يا استاذ

[@salmaabdo3199]

اول حاجه جت في دماغي وانا مضايقه ومخنوقه دلوقتي اني ادخل افتح صوت البابور مع الغساله وارجع لايام زمان وانام علي صوتهم وافتكر ايام زمان وانا في بيت بابا وارمي كل الهموم والقرف ورا ضهري واعيش بس مع صوت الغساله والبابور شكرا لحضرتك ربنا يبارك في عمرك ويسعدك

[@tamr1411]

العفو يا فندم نورتينا

[@asmaawaly6639]

احلي صوت واحلي ايام يوم الغسيل مع الباجور ياااه الواحد نايم في متعه ودفي

[@ebrahimezz2062]

ربنا يديكي الصحه يا أمي الغاليه يا ما طبختي كتير عليه زمان

[@deshabasha1103]

صوت من عالم تانى ببعملك مناخ فى عالم خاص بيك لوحدك وكفيل أنه يعزلك عن خزعبلات الحياه .واحسن حاجه عجبانى تعليقاتكم انا فكرت انى عندى مرض 😂😂 بس الحمد لله

[@mahmoudabdelwahabcuco1620]

وياسلام بقي علي تلفزيونات زمان وموسيقي برنامج نادي السينما ونافذة حول العالم وعالم الحيوان ومسلسل اوشين الصيني دة واليوم يخلص في التلفزيون الساعة 12بليل اخره داكمان لو في مسرحية يوم الخميس ياااااااه الف خسارة علي الزمن دة والله ايام في منتهي الحنان افتقدنا القيم النبيلة دي

[@janojana6920]

مشكور كتير على الفيديو صوت رائع متل ماحكى كتير من تعليقات ماحدا بيفهم هاد الصوت غير الي عاش ذكرياتها اكيد جيل 2000 او قبل بشوي مارح يعرفو شو بيعني هاد الصوت لانو صعب توصل الهم الاحساس الي بنعيشو لما نسمع هاد صوت .الله يرحمك ياستي

[@_ahmedkhaled3123]

أنا مواليد 95 ولحد دلوقتي بسمعه وبنام ع صوته 😂😂

[@mohamedtarek393]

انا مواليد 2004 ولحد دلوقتي مبعرفش اغفل غيني غير على صوته 😊😊😊😊

[@yousefhamad3169]

احساس مايتوصفش بيخدني لعالم تاني بعيد عن اي حاجه مزهقاني في عشتي.. بجد فيديوهات حضرتك كلها اكتر من رائعه

[@sonamohamed1737]

الله على الجمال احلى ايام كنا نحط عليه صفيحه ونحط عليها قشر البرتقال والسفندى ونقعد نذاكر الاقى نفسى رحت فى النوم

[@tamr1411]

فكرتنى بقشر الاستفندى ابى الله يرحمه كان بيزعئلى لما اطلع الميه الى فى القشر على الباجور

[@ab25687]

وانا كمان كنت بعمل زيكم سبحان الله هى الدماغ كانت واحده

[@mohamedebrahem2339]

الحمدلله في ناس زيي بتحب البابور والغساله راحه نفسيه ونوم على وتفكير في الذكريات الجميلة

[@EmanMohamed-eu9jf]

احنا كنا بنذاكر على صوته فى الشتا وهو جمبنا مدفينا كان دفايه زمان وكمان كانت مامتى بتعملنا عليه حاجه سخنه واحنا بنذاكر ايااام الدفا والريحه الجميله

[@halalol9531]

كلنا بيفكرنا هذا الصوت بزمان ايام ماكانت اهلينا محتضنانا ومفيش الهموم اللي احنا فيها دلوقتي

[@user-lu6ox6qv3f]

اللهم صلي وسلم وبارك علي سيدنا محمد صلي الله عليه وسلم جميل جدا ربنا يباركلك يا يااااااااااااااااااااااااااارب

[@tamr1411]

عليه الصلاه والسلام

[@user-hs6gg2pl9v]

مافي اطيب ولا احن من الام مصريه الام مصريه رمز الحنان رمز الحب رمز الكفاح والعطام الام المصريه رمز الوفاء تحيه وتقدير لي كل ام مصريه ارجو منكم الدعاء لي والدتي المتوفيه الحاجه فاطمه ابو سمرة الفدرحمه نور عليك يا أمي وحشتني يا اغلي من نور عنيه

[@tamr1411]

الله يرحمها برحمته الواسعة ويسكنها فسيح جناته

[@user-vu7bp4ft5q]

ربنا يرحمها ويغفر لها ويسكنها فسيح جناته

[@user-jx6oj8hg3n]

الله يرحمها ويغفر لها واجعل قبرها روضه من رياض الجنه ويصبر قلبك على فراقها اللهم امين يارب العالمين

[@AliMohamed-cu2hi]

الصوت ده بحس وانا بسمعه بقشعره فى جسمى وراحه واسترخاء غريبه

[@memomemo3515]

اول ما بتسمع الصوت علطول بتفتكر الايام الجميلة وذكرياتها إلى مستحيل تتنسى ابدا وتفتكر الناس إلى شاركتنا احلى ايام الله يرحمهم ويرحم ايامهم 👍❤

[@tamr1411]

اللهم امين

[@ayah-lg3ln]

اول ما شفت الفديو عملت زى انطوان ايجو فى فيلم الفار الطباخ لما القلم وقع منو وافتكر امو وهو صغير بجد تسلم

[@tamr1411]

😍

[@user-tz6jq3wb3s]

نفس الاحساس

[@wafaayoussef326]

ايام البراءة والطفولة والزمن الجميل

[@user-mi7ns8qc4v]

الله يرحم أبويا وامي كانت احلي أيام معهم أمي كانت تعمل عليه الاكل وتقول مش قادره اقف علي البوتاجاز وأبويا كان يعمل عليه الشاي يااااااا كانت أيام جميله

[@tamr1411]

الله يرحمهم وينور قبرهم

[@user-mi7ns8qc4v]

@@tamr1411 امين يا رب العالمين 🤲

[@user-ut3sh8vj3f]

يوم وقفة العيد كنت اخده معايا الحمام وانا بستحمي وصوت الكباس بتاعه حكايه تتحكي لوحدها والقشعريرة دي عشق لوحدها والنوم العميق بدون تفكير في اي مشاكل نوم من اجل المتعه وبس وكأنه اجمل وقت بيعدي في حياتي حاولت أجرب حاجات تانيه كثير علشان تعمل نفس الصوت او قريب منه مفيش حاجه نفعت غيره. عشق لا ينتهي

[@ahmed9218]

انتا بتفكرنى بى ايام جميلة ةالله

[@yousefhamad3169]

👍👍👍👍

[@ahmednasser2056]

طيعا

[@lobnaabdo5679]

فعلا اهم حاجة القشعريرة دى هى بداية الاسترخاء والدفء كمية استرخاء لا تتوصف بنتى بتقولى انتى مبتزهأيش من الصوت

[@marmrnasser9979]

بجد انا عايزة اشكرك جدا على الفيديو الرائع دة اللى رجعنا 35 سنه وفكرنى باللمه وباخواتى لما كنا فى حضن بابا الله يرحمه وهو قاعد مغطينا من البرد ومشغلين البابور وماما ربنا يديها الصحه تعمل عليه بطاطس محمرة وتسخن الغيش ونقعد ناكل ونتهنا بوجودهم معانا الله يرحم الايام الجميله 😭

[@tamr1411]

الله يرحمه تحياتى لحضرتك

[@aboukarim710]

امي كانت دايما تغسل يوم السبت وكان بسبب البابور وغسالتنا القديمه كان لايمكن اروح المدرسة يوم السبت وكن في ثانوي اصلي الفجر وارجع اجيب فول وفلافل وعيش محمص واولع البابور واعمل الشاي واسيب البابور مفتوح واقعد اذاكر لغاية ما الجاز يخلص

[@AliMohamed-cu2hi]

يوم الغسيل ده كان متعه بالنسبه ليا كنت اقعد فى وسط الغسيل واذاكر ويوم الغسيل الابيض البابور بيخليه اكتر متعه عشان كان بيشتغل عشان غليت الابيض والله جسمى بيقشعر لما بفتكر الموقف ده ذكريات ممتعه رجعت اكتر من ٣٥سنه عشان سنى دلوقتى ٤٤سنه

[@aboukarim710]

@@AliMohamed-cu2hi كانت احلي ايام عمري حاليا خمسون سنة ولا انسي ابدا هذه الابام مع انها كانت ايام بسيطه والامكانيات محدوده بس كنا سعداء اكتر من دلوقتي مع توفر كل وسائل الرفاهية والحمد لله علي كل حال

[@user-eq4et2ev7d]

هههههههههه عامل زيي بس كان يوم تلات وده يوم الغياب عندي

[@reemawad428]

@@AliMohamed-cu2hi وننتهننن نغتغعمنننننننننىىى ن

[@malk_1114]

الله على الذكريات الجميله عماله اضحك على كلامكم تقريبا كلنا ذكرياتنا واحدة وكلنا بنحنلها سبحان الله ربنا يجمعنا بحبايبنا على خير وطاعه عشان الدنيا بقت مسخه قوى بجد

[@mohamedwaheed8045]

من حوالى ٢٠ سنه كانت امى الله يرحمها بتعمل عليه حلويات وكنت اقعد جمبه وابصله لحد مااروح ف النوم كآنت أحلى ذكريات وأيام مش هتيجي تاني للأسف . وشكرآ علي مجهودك . رسالة لكل عاشق للعظمه دى . انت مش لوحدك ❤

[@tamr1411]

الله يرحمها فعلا هذا كان حال كل واحد فينا تحياتى لحضرتك

[@SimoSimo-ci1nr]

الله يرحم الايام ويرحم من كانوا وجودهم في حياتنا نور ورحمة من الله يرحم ايام الزمن الجميل ويرحم والدي واخوي ليت ترجع هذه الايام😪

[@tamr1411]

ربنا يرحمهم

[@SimoSimo-ci1nr]

@@tamr1411 يارب

[@tabarakmetwaly6280]

احلي صوت مريح وهادي وشكل الغساله وهي شغاله محسسني بالبرد والدفء مع بعض

[@rashataher8337]

جميل جدا بفكرنى بأيام جميله والشتاء زمان والطفوله المميزة صلى الله على سيدنا ونبينا محمد وعلى آله وأصحابه وسلم تسليما كثيرا تسلم ايدك بجد الفيديو جميل جدا بفكرنى بأيام جميله ما شاء الله لا قوة إلا بالله العلي العظيم

[@tamr1411]

عليه افضل الصلاه والسلام

[@MohamedAhmed-yc9xw]

انا بشكرك جدا على الفيديو الرائع جدا لا تتخيل سعادتى وحبى وراحتى النفسيه لهذا الصوت ،حتى تعليقات الناس جميله اوى والله حسيت اننا كلنا نعرف بعض وعندنا نفس الحنين والطيبه بتاعت زمان شكرا جدا لحضرتك

[@tamr1411]

العفو يافندم نورتنى

[@johnshehata9095]

بغض النظر عن الناس اللى ماشافتش البابور ولا اتربت على صوته ولا انا عايز اضايق حد حتى لو القناه ملهاش هدف زى مابيقول واحد من الناس ....مع كامل احترامى للجميع انا واحد من الناس الصوت دا بالتحديد بيفرق معايا جدا بيفكرنى بأحلى ايام حياتى وبيفكرنى بالناس الحلوة اللى سابونا ..وبأمى الله يرحمها ...كان يوم ماتيجى تغسل تكوم الغسيل على جنب وتشغل البابور وانا اجرى انام وسط الغسيل على صوته وياسلام لو الجو شتا ..كانت ايام جميلة فيها محبة وبساطة وطيبه ...انا بمجرد سماعى الصوت دا ...بلاقى نفسي قدام الصورة دى وعندى حنين واشواق للايام دى ....ادفع الباقى من عمرى واعوض يوم واحد من الايام الجميلة دا راييي ومش بضايق حد ..وشكرا على الصوت الجميل ...حنين الى الماضى

[@bahariamaohmd2625]

بجد وانا بقراء التعليقات رجعت ٣٠سنه

[@radwaagmi820]

اللي بيعطي الاحساس والقشعريره مش الدفا لا دا جاي من صوت البابور الراءع بدليل ان الدفايه بدفينا بس مش بتدينا الاحساس الجميل بتاع البابور ده وكمان شكلو الراءع ده انا كده اطمنت علي نفسي كنت فاكره اني لوحدي عاشقه البابور لكن دا طلع في كتيييير زييي بس متهيالي مفيش حد بيحبو ادي

[@halalol9531]

انا بحب البابور جدا دا كل شويه اشغل الفيديو دا وانسي اي تعب نفسي او جسدي دا غير اني بنام علي صوته يعني ادماااان

[@user-tt6ng5tr2c]

صوت البابور طبعا هو إلى بيعطينا وبيذكرنا بكل ما هو جميل علشان كده القشعريرة دى بتيجى أول ما بتذكر الماضى الجميل وكأن الجسد كله يخبرك أنه مستمتع

[@redagad8730]

الصوت ده صديق عمري كنت لمااحب انام أولع البابور عشان انام علي صوته ولمااحب اتدفي اشغلةواحط عليه قطعةصاج لتنشرالدفا في الحجرةواقعدجنبةفي الأرض كانت احلي ايام

[@user-ke5kl2rk2q]

احلى ايام واحلى ذكريات كنت مفكرة اني انا بس اللي بحب صوته اللغيرحمك يابابا كان ادمان بالنسبة لنا

[@tamr1411]

الله يرحمه

[@dodyzabady513]

احلى قناه بجد يا تامر أنا مبنمش غير على فيديوهاتك تسلم ايدك بجد راااائع

[@tamr1411]

اشكرك جدا

[@ahmedhany7268]

يا جماعه هو لسه في جاز دلوقتي انا بسأل عليه والناس تقول ما عادش موجود احساس رائع بيفكرني بالايام الجميله وراحة البال احلى مذاكره كانت عليه وأفضل واريح نوم كان عليه

[@tamr1411]

موجود فى محطه الاسعاف شارع التوفقيه عماره6 مصر البترول

[@Allnew11188]

موجود عند اي بتاع حدايد وبويات اسمو جاز اببض او تنر

[@user-ri4dm9wm5u]

انا لسه الشغاله بتاعتى جايبالى اجازه بس معنديش بابور وحتى لو عندى معرفش اولعه

[@user-dw9xk3qh6p]

صوت البابور مع المطر ايام امى الله يرحمها ويغفر لها ويسكنها فسيح جناته أغلى حاجه الام وربنا يرحم جميع الأموات وانا سعيد بصوت البابور اوووى راجعنا 35سنه

[@videogames4577]

صوت المطر حلو كتير

[@maherelhelw7915]

الله يرحم امواتنا جميعا

[@alimostafa6250]

طيب يا جماعه ماترتبوا يوم برد فى الشتا نتقابل فيه ونسمعه مع بعض مع احلى كباية شاى وبطاطس محمره وماتقترحون من اضافات

[@user-tt6ng5tr2c]

ياسلام دا تكون قاعده كلها مزاج هههه

[@hazemzakzook2587]

هههههه ما انت كده هتنام ومش هتروح :)

[@eslammohamed7097]

ياريت

[@user-uc1rd4kw6q]

ياريت

[@esoosad8409]

والله افتكرت ابويه الله يرحمه كان يقولي واحنا صغيرين انزل هات الجاز وطلع وهات مجله نادي الزمالك الله يرحمه نفسي ارجع ليوم من ايام زمان ايام الطيبة والناس ال بتحبك من قلبها

[@tamr1411]

الله يرحمه ويحسن اليه كان زمالكوى زى ابويه الله يرحمه

[@esoosad8409]

@@tamr1411 الله يرحمه ويغفر له

[@ramialkahel4677]

العشق والحب لهذا الصوت ذكريات ولازمً اجيب واحد

[@user-dn9dy2cv1d]

ممكن اعرف السعر

[@egypt8705]

ايام زمان وفنطاس الغليه والغسيل والبيت البسيط والحياة الي من غير هموم ومشاكل ووجع قلب

[@massshahen4925]

احلى صوت سمعته في حياتي كلها له في قلبي زكريات جميله جدا جدا جدا جدا جدا جدا

[@amiraayoub1197]

قمه الامان فى صوت دة احلي ذكريات عمرى لحد دلوقتي انام ع صوته شكرا بجد ع كل مقطع لصوت بابور

[@tamr1411]

العفو يا فندم نورتينا

[@yallahkorh337]

هذه الأصوات ترجع بنا زمن الطيبين

[@hanamohamed8839]

الله يحلي لنا ايامنا ويرحم اهلنا ويقوينا علي تكمله رسالتنا في الحياه