為什麼DSE中文好難？| 這是全香港考生最想刪除的科目| END GAME之卷| 死亡中文科

教育局當然應該重新審視中文的教育制度 與 考試模式。
但同時間，社會風氣也是導致我們中文水平下降的原因之一。
始終中文與我們生活息息相關，亦與我們的水化有著唇亡齒寒的關係。
希望會有更多的香港人能欣賞中文。
如果希望了解更多學習中文的態度與提高中文水平的方法。
又抑或 有其他問題，歡迎留言告訴我 ：）
------------------------------------------------
Reference:
《哲學家們都干了些什麼？》 - 林欣浩
《高中語文如何達到130＋》- 知乎
2006年高考作文文章 《聽我的故事，別走開》 - 劉婉薈
《自此以後，我終於解開了心結》佳作 - 江衍蔚
------------------------------------------------
如果喜歡我們的影片記得訂閱和留一個讚～
你的支持是我製作影片的動力。

[@__ppy___]

睇到熱淚盈眶，既喜又悲。 喜，係因為終於有人明解我一直以嚟諗緊啲咩。喺香港，無論你對文科幾有興趣，幾有動力去學習，都唔會得到太大嘅利益回報。 以前啲人讀四書五經性理大全去考科舉，到依家啲人去考DSE。我諗除咗對知識嘅追求，最大嘅推因素就係實在嘅利益。 以前讀書考科舉，就可以做官兼光宗耀祖；到依家考DSE爆5**就可以讀神科，搵到賺錢嘅出路。教育嘅本質上都係冇變過，只不過塊敲門磚由文變理。 所以當見到愈嚟愈多人睇透咗呢個現象，我好欣慰。我知道文學嘅種子仲未到無法萌芽嘅一日。 至於悲，唔單止係因為我對文學嘅熱誠冇辦法反應喺我嘅成績之外，亦因為個考試制度本身。 正如片入面提到，東方人係比較著重意象嘅。而當意象係人類情感嘅反映，咁通常就唔會有標準答案，因為每個人嘅解讀都唔一樣。而卷一閱讀理解，要求你剖析一（/兩）篇白話，一篇文言。尤其係白話，意涵豐富多樣。所以如果你要考高分，你嘅答案一定要吻合考評嘅解讀。而我好多時都唔係呢類人。 至於卷二寫作，我相信冇文學家會喺寫文章前，會先命題？可惜因為呢個係一場考試，為咗方便考核，所以要先命題，然後令幾萬考生寫大同小異嘅故事。 唉！下一個月就考DSE了，但求可以盡快拋走呢塊敲門磚，上大學追求真正嘅學問。

[@cj.5556]

好認同你將利益同學生學習動機掛勾 事實就係如此 但記住真正嘅喜愛係看破殘酷嘅既真相以後仍然熱愛 每年臨近DSE KZbin都會莫名傳來一堆通知 一個本身冇咩人睇嘅channel 就會忽然好多人留言 仔細一睇原來係一班DSE學生都頗有體會同感悟 回首向來蕭瑟處 距離影片發布時間已經四年 身份與感悟都各有不同 唯香港情況雖偶爾會有佳作 但風氣依舊 難右大局 好多人請教過我一個問題：「點解要讀大學？」 事實係 就算唔洗讀大學 唔洗讀書 以後好多人都會搵錢多過你 依個係真 但人類之所以係萬物之靈嘅原因並非金錢 而係思考 一個人缺乏思考 永遠只係二三流 而大學正正係提供你一個可以更多思考時間丶機會丶氛圍嘅地方 話雖如此 唔係一定讀大學先代表會思考 依到想引用《三個傻瓜》嘅一句： 追求卓越，成功自然會追著你跑 成績表只係一張紙 無論佢係大學又好 碩士又好 即使你係幾星狀元都好 世界從來都不缺乏大學生同天才 世界缺嘅係善良嘅人 缺嘅係可以為社會帶來正面能量嘅人 缺嘅係願意為咗追求卓越而願意犧牲一切嘅人 我相信你有咁嘅洞悉力 成績一定都唔會差喇 希望少少寄語幫到你 幫到路過嘅你

[@コーヒーダミー]

@@cj.555625日後考中文 又只係因為中文搞到我要讀asso

[@Chokelate]

可以讲一下香港的考试和学习压力吗，我是大陆人，我一直以为香港和西方国家一样学习压力不大的，我住在河北，至少这个地方学习压力不小😂😂

[@patpat2347]

大學唔一定有真正的學問

[@1213edmond]

「一千人眼中有一千個哈姆雷特」 香港DSE中文科從來都被稱為死亡之卷，其原因為難以猜測出卷員的想法。最讓人印象深刻莫過於「藍色窗簾」一事，甚至原作者也無法正確答完考試的題目。 文學從來就不應該只有單一解釋，每個人的背景、經歷都是影響理解的原因。正如人生不同時期聽情歌會有不同感觸，讀文章又何嘗不是？不同年代背景，所得出來的感受截然不同。在時代的進步下，現代年輕一輩與生俱來的科技和物品，可能是上一輩歷盡千辛萬苦才得到的東西，所帶來的感觸又怎會相同。 感觸不同，也擺。可在香港的考試制度下，強迫學生要和「上一代」的出卷員得出同一見解，那豈不是與文化進步本末倒置。一千個人的眼中有一千個哈姆雷特，又怎能要求每個人眼中都和你眼中的哈姆雷特一樣？ 我喜歡看書，閲讀能帶給我不同的感觸。看一次、兩次、三次，我都能得到不同的感受。基於我本人的經歷，加上每次閲讀時對細節的想像，我都能創造一個只屬於我自已的「世界」，讓我樂在其中。DSE則相反，不是要創造屬於自已的「世界」，而是要求考生想像出卷員腦中的「世界」，這豈不是把同學們的想像力扼殺於搖籃之中？ 考評局需要一種方法去測量考生的水平我十分理解，但不應該是現今的這樣。猜測出卷員的想法並不能令學生的文學水平有所提升，反而令初中三年高中三年後的學生淪為考試機器，失去自已去感受的能力。時代始終會推進，現在的出卷員也遲早會被我們這一代所取代，經過考試的「洗禮」和「洗腦」後，誰又能確保我們這一代能比上一代有所進步呢？下一代也經歷着相同的考試制度，何嘗又不是進入了一個死胡同呢？ 考生需要的是獨立思考的能力，而不是一成不變的背答題方法。每人對同一件事都會有不同的看法，本質上並沒有所謂對錯。能不能用通順的文字把自已的見解表達出來，才應該是學生該考核的內容。 有感而發

[@AlinGood-dv9zz]

大陆也不好搞，别看有那些选择题，但其实大题也基本上是依据出题人的主管意识

[@Peter-ye8vf]

最憎閱讀, 逼D學生做通靈師, 唔係通靈D原作者, 係D出題老師

[@joeyingwaichan6406]

我唔知DSE係點，但當年未代會考係完全偏向邏輯分析， 好少估諗法／情感既題目，多數都係邏輯判斷題，所以有四式判斷 答錯左對答案會覺得心服口服，唔會好似台灣咁藍色窗簾， 不過DSE應該變左好多，以前CE中文無人會話係死亡之卷

[@conviviallai2596]

⁠@@joeyingwaichan6406DSE考生表示其實DSE都唔洗估，但要feel😂 有時候睇完篇文好自然就feel到作者抒發嘅情感，get到文章嘅主旨，但有時候會迷迷地，但多數再睇下啲題目，就會get到，啲題目會guide住考生思考

[@joeyingwaichan6406]

@@conviviallai2596 當年未代會考直頭好少問情感，加埋小組討論其實即係辨論，作文又有議論文棟，聆聽同綜合基本上係考數據分析，仲要文言文果剩係得幾題，文學成份真係好細😅

[@Hellcat5023]

即係你個「主觀意見」同出題果個老師既「主觀意見」不同，成條題就零分？之前有個原作作者特登去考DSE嗰個題目，但最後5分入邊得2分。

[@SN-ti4rh]

@@Hellcat5023說話又唔係咁講，因為閱讀理解通常強調言之有理就會比分，就算「主觀意見」唔同都好，只要你解釋個Flow同論據合理，支持到你嘅諗法就已經有分。 如果我冇記錯你講緊嗰個case我記得個老師係話作者太清楚自己諗緊啲乜，所以佢寫得好簡短，爭咁咗啲解釋部份所以俾唔到高分佢。 所以嗰啲閱讀理解嘅問題其實係 1. 你覺得個作者諗緊啲乜嘢？ 2. 篇文有冇證據去支撐你嘅諗法？ 3. 你要點樣去詮釋/解釋 利申剩係得閱讀理解高分 其他中文卷都係碌柒嘅

[@kwyuenantony]

其實中文只係大學既門檻, 甚至覺得語言既天份程度, 比其他科目大好多, 我認為自己有啲啲中文既障礙 (反而我英文覺得輕鬆好多, 同埋大學都係用英文寫文都無乜問題)。以我既感悟, 都係中學之後, 有時好奇睇返以前課文, 先感受到中文課文有啲感動位。可能以前就係中文老師太著重上堂問你係咩描寫手法, 同埋不斷嚇你問你問題驚唔識答。 其實只要你係個正常人, 果啲咩手法根本唔重要, 反正一個正常人都會明背後個意思, 只要明背後個意思, 都代表咩隱喻、措代、XX描寫手法、融情入景其實你都暗地裏知既, 你明左作者點解要嘥墨描寫呢一樣野, 再轉化為一個學術名詞就得。但好可惜DSE就會考你無教過既寫作手法既學術名詞, 去所謂分叻既學生。所以重點真係你要有本雞精書, 話晒你知所有描寫手法、技巧。去應付考試就得。只有你無學過個描寫手法個名, 沒有人真係唔知個意思係咩, 所以你真係唔使花時間睇幾篇文去學咩叫某個描寫手法, 倒不如花時間自己練習下有咩技巧去自己應用個手法, 呢個手法中文界常用既古典字詞係咩, 有幾多就一次過搵幾多出黎。例如古人鍾意用月比喻故鄉, 酒代表咩, 落花代表咩, 柳代表咩, 頭髮既常用比喻係咩。咁你先會有效率地融會貫通, 自己寫文人地就會話你有啲文筆, 話文筆係浸出黎, 我唔同意, 反而係古人好多時流傳落黎既字詞, 好多約定俗成, 例如我今日發明玩電腦係代表屈屈不得志, 其實係個rule黎, 根本無需要用浸去學個rule。 同埋, 有啲人就覺得要學啲文筆公認好好既作家, 同埋要多睇不同作家, 我覺得係錯既。例如龍應台、金庸、陶傑, 根本完全不同風格, 雖然都有文筆, 但係有啲會太FF, 有啲又會覺得感性得黎不失嚴謹既邏輯, 有啲通俗得黎又帶啲書香, 最重要係揀個自己佩服、connect到既作家去浸, 無興趣既就係無興趣。我覺得一個理科人, 睇一百本龍應台都唔會浸得明佢好喺邊。 咁先真係會有進步, 否則喺一個香港中學咁多野學咁多野做既地方, 浪費左時間都係無用既。

[@cj.5556]

所以我都好強調中文水平其實等同我哋人生閱歷 夏蟬不可語冰 無可能叫三歲小朋友寫篇八十歲人生感悟

[@zanettak]

遲啲歷史先係最難, 你會發現點解學校同考試啲歷史同世界認知唔同既?!

[@my.cute.sister]

中史先難，西史幸運的話，DSE嗰年考一戰二戰就冇依個問題。同埋現時啲中學生(未來不清楚)都明白歷史發生咩事，但考試又會變晒擦鞋仔。

[@Unknown66693]

歷史dse篡改 簡單化歷史

[@lingso6531]

我高中中史阿sir話中史好主觀😢，評分參照某程度好虛無抽象。 我高中中史阿sir做過改卷員，一題25分，佢畀19分，而另一位先畀12分，最後差距大要再覆核，最終個題17分。而我師兄考中史，一個評分大概落在Lv3，而另一個評分大概落在Lv5，跟住第三個人改個評分都大概落在Lv5，最終先有5。 生死完全掌握喺marker手上。😢 例子：問經濟措施制度，答案寫租庸調，有d marker唔會畀分😅，但題目已經列明“制度”，可不寫“制”。

[@Unknown66693]

真心為個字咁拗好無謂

[@cj.5556]

中史評分有差距原因在於改卷老師對歷史認知與理解 例如教科書觀點其實都採取咗歷史主流講法 但對一眾改卷員 佢哋都會吸收咗唔同歷史書籍同其他歷史家觀點 換句話說 改卷員如果本身知識淵博 對歷史有全局了解 學生寫得太片面就會GG 但有其他改卷員 可能只係按中學教既知識作為評分準則 分數就會相對高 例如其實學科書主流觀點係慈禧係奸 導演晚清滅亡 但其實唔係 但依個觀點教科書冇寫 學生如果有自己額外睇書 寫到依類觀點 改卷員自然唔會比低 @@lingso6531

[@elisepwp]

5:39 我都好鍾意中文，每次見到d好鬼靚嘅句子真係會超級享受！有時亦會因為文章而忍俊不禁，有開心、傷心難受，真係會喊。有陣時代入自己，去欣賞中文又會有唔同既角度，唔同嘅思考方式。中文真係好靚...

[@elisepwp]

btw 你真係講得好好

[@Nhentaiman]

情感豐富（❌ 低能兒（⭕

[@YEUNGYatLongS5H21]

我想drop中文

[@whitegold8409]

有得drop嘅話呢，到中四中文課應該會變得好稀有

[@gladysho2149]

@@whitegold8409中國文學咁lo

[@YEUNGYatLongS5H21]

@@whitegold8409會變成怎樣？全香港都drop?

[@whitegold8409]

@@YEUNGYatLongS5H21 幾乎是

[@mechanical-pencil-holic]

回憶起上學時每逢大考，祖父母死亡機率最高

[@ckkongbai]

當中文閱讀已經如數學一樣有了標準答案，並且有作者自己都做不到自己文章的卷這種先例在，已經好難讓人去相信閱讀卷的意義所在（個人），本身我們閱讀的時候，大家討論的東西也是各式各樣的，所謂的“標準”答案實在是不知道他標準在哪（不排除是為考試方便啦。。） 在作文這份卷上，片中講的很正確的一點就是背金句格式，反過來為了用金句為了自己篇文章的用字不那麽明了無趣，這本就是本末倒置的，每次作文我都很多時候其實更在意的是去想象，自己先代入故事在從中得知感情以及情景面臨的情況，我覺得這一點是為什麼我寫出來的作文不會太差（雖然我不是最頂尖的），對於金句以及更高級的文字表達方式我覺得應該是在上面所說的我自己那種作文方法之後才去提高自己的知識庫去背的，因為我自己也試過當想用一些成語或金句的時候反而用不出來的情況。當然，最後才是看完思考文筆方面的問題，能力足夠，真的可以達到這種位置，才會去效仿臨摹。 最後的最後，大環境的影響也是很大的緣由片中提到的那些問題，確實對於作為一個普普通通的學生，很難在有理由去認真學中文吧。。 講道理，中文作文我還不算討厭，每次作文我也有享受，但一到閱讀這份卷真的很痛苦。 中文有意思的地方應該是在就是一種情感，一個行為，他能用不同的字去表達，這正是區別于英文所帶給我的感受 以上個人小小見解，距離dse還有段小距離，對閱讀這份卷還是有些許迷茫

[@UltraNeutralPlastic]

我有時候真係會係讀本睇到想喊，尤其是係親情，哋描寫母愛描寫得好感人。然而，我已經好代入到，讀本都係只得lv2+...

[@skwong1135]

我一直都唔明作文其實核心幾句就20個字， 為何硬要寫到600個字， 所以作文一直都好低分。有次亂9作一堆沒意義的唯美用詞，像自hi文一樣，連自己都唔知寫咩， 結果拎全班最高分還貼堂出來， 結論就是作文是要寫一大堆沒內容的廢話出來，之後我先睇得明人地寫了什麼廢話，自己也作得出廢話，中文分數才上升😂

[@hareruyawin]

隻隻中文字我都明 擺埋一齊就唔明😂

[@sowonglik]

你的視頻做得很不錯，很有喜劇感，適合做編劇那類人，但教人怎讀中文的方法其實一點用也沒有，我是大學修物理的，中學時候就是全級物理最好的一兩個人，當時真心喜歡物理，我也可以說你要有心喜歡物理才會讀得好，事實是我讀物理用一個小時，比其他同學讀十個小時還要明得更多。現在要教女兒中學物理時，就不可以隨便說兩句就以為她明白，要非常有耐心講解一次、兩次、三次，甚至十次，我想中文也是一樣，你有你的天份，別人有別人的能力，不是迫自己喜歡就會成為有天份的人。

[@tt200c]

我記得有次邀請龍應台做自己篇文的閲讀理解，她自己都係拿到中等成績。😅 當佢睇到果是Marking scheme 時，她話我當時寫無諗到多喎😂😂😂

[@彗醬今天也很小-d8m]

大家對中文閱讀理解有個錯誤認知，佢考你嘅唔係通靈能力，而係考你可唔可以憑住文本依據去推理作者用意，因為我地啲人其實除咗去問作者本人，根本無可能確實知道作者內心點諗，但好似啲古詩咁，點飛返去揾啲古人問吓，唯有憑我地有嘅文本證據去推敲。 藍色窗簾雖然係一個幾好笑嘅梗，但其實我地點解會有呢種過份解讀，係因為多餘嘅嘢係唔會寫落去，寫得就必有其意 中文閱讀理解訓練嘅係你嘅中文閱讀、字裡行間嘅推理能力，呢啲嘢係好有用，就好似宮崎駿最新嗰套《蒼鷺與少年》咁，好多人都睇唔明，就係佢地捉唔到啲推敲線索，當你有足夠嘅能力，你就可以有獨到嘅解讀

[@cj.5556]

依個我頗有睇法 但我今日太攰 休息下先 早抖 Ps.唔好唔開心

[@cj.5556]

覆返先 已經feel到你中文成績絕對唔會差 頗有睇法既係推敲作者文章意思固然係今次DSE玩法 但如果想去到更高手境界 就係作者會唔會創造出「共嗚感」既作品 如果文章絢麗 但讀者需要花太長時間去解讀 雖然並非壞事 但如果可以強大到連一般普羅大眾都明白 咁先會流傳千古 舉個例子左思《三都賦》文辭壯麗 但都係敵唔過李白一句 抽刀斷水水更流 舉杯消愁愁更愁 短短十四字就道出人生

[@patpat2347]

唔係每個人都好似你咁有才華，普通人有能力理解文章内容，奈何方向脱離參考答案，就一定是錯嗎？ 中文唔係理科，每個人睇完文章後有唔同睇法，原因可能基於自身經歷。考試太死板，框住了大家的腦袋，好多時都創造了一個又一個的失敗者。

[@asukachu]

啊啊我作文選材嗰part （自此以後，我解開了心結）係低級版！叫我情何以堪😢 一時之間大腦真係一片空白，乜嘢都諗唔到😖惟有套用返最普遍的框架：一開始「我」理解唔到屋企人嘅愛，覺得佢哋唔鍾意「我」，好憋屈，後來經歷了一啲事之後，先逐漸理解到佢哋對「我」嘅愛，解開了心結。睇完中級版同高級版之後，「wow」咗一聲，係喎，仲有好多嘢可以寫，例如之前係鏗鏘集睇過嘅內容：資優生因為自己的「與眾不同」/有一個智障細妹嘅阿哥，因為較少分得家人的關愛，而有過心結。呢啲都可以作為作文嘅素材，只係我expect臨場發揮肯定作唔好😭一來唔熟；二來冇乜時間；三來我的文筆未必駕奴到。所以我只能作返啲成日接觸的題材

[@TamagoYakiLi]

無老師識教，只係識考默書背默

[@cj.5556]

你老師太廢 但又好老實 我依家教書班學生都唔聽書 sad

[@lingso6531]

又唔係，我中一中文老師同高中中文代課老師教得超好，會深入分析，玩小遊戲、小劇場，冇默書呢樣野😂😂😂 只可以話風格唔同

[@火腿豪華]

鐘意中文 Miss話我平時作文都穩星 但今次pp1有少少炒 pp2題材就係中級 本來文筆很不錯但這次有些沙石 暫時都已經想到用錯3個詞彙和2個錯字 真係驚會死

[@cj.5556]

希望你會繼續鐘意中文 其實我中文作文真正大幅度進步係中學畢業後嘅幾年 跳出咗文憑試嘅學習方式 涉獵咗唔同類型書籍 文筆都慢慢有自己風格 自己覺得DSE作文 錯字都唔緊要 最重要係你文章嘅題材、結構、意境同最後昇華 其實 即使一流嘅文豪都唔會係短短幾小時寫出千古絕文 好多佳作都係作家慢慢將句子雕砌 考官都會明白考生嘅難處 所以放心啦 對自己有信心D～ 預祝你5星星！

[@cj.5556]

3年後 好想知依位同學最後幾多分

[@godfordragon]

今屆 DSE考生 原本中四時專寫議論文,而且平時都有合格以上分數 但到中五時候開始下滑,從合格以上變成接近合格,學校老師講我份卷時話我“論證/例子不足”,但又給唔到我一個解決方法或甚至係一個建議去改善問題。 佢平時教除議論文以外的文章多,真到教議論文又用一D廣告詞 “俾D例子去證明,三論點架構啊。”教完等於無教過,議論文又唔會係小說入面出現,最終轉寫抒情文,始終個老師日日講點寫抒情文,我聽到我自己覺得自己可以作抒情文。 所以我狂操抒情文,過左年到左中六先至發現成績比之前差,所以聽補習老師建議又想再操下議論文 一年無做議論文,自己的文章分佈安排忘得一清二楚,老師又係同一位,DSE又得個30日,中文可能連2都冇 煩

[@cj.5556]

抒情文自由度大 冇議論文咁刻板 議論文要寫得好要求考生本身有足夠知識庫 最根源方法應該係多睇書 多留意時事 但你得返30日 我反而會建議你做返抒情文添 btw做咩大家都對自己中文卷都咁冇信心架......@@godfordragon

[@godfordragon]

@@cj.5556 無信心其中一個原因係因為中間中二至四有covid19上zoom嘅空白期 學校係三年間變來變去,例如突然增加嘅校規同埋各種政府政策,真到復學反而感到唔熟識 其次就係zoom 嘅問題,老師唔識用個app,一系mute左自己一系唔小心息左個app,上個堂可以有三次technical issues,易miss重點之余,又需要大量時間處理,長而久之,學生學唔到野,老師上個堂好似上戰場,每次都要用5分鐘去check各種野先開始。 而且實在無咩人想對住個monitor, zoom 嘅後面就係KZbin, IG, APEX個D社交媒體同埋遊戲嘅誘惑。前面就係屋企的環境,始終唔係學校,隨便一D野,例如屋企人,隔離屋裝修等,就會易分心。 最後就係DSE取消左卷三同四嘅拉分項目,變左根本拉唔到幾多分嘅SBA,卷一二本來攞分就難,似家仲難,攞個level 2好似買六合彩咁,運氣好,自己卷一寫嘅野有分,咁埋中獎；運氣差,自己以為寫得好嘅卷二有萬種原因攞低分,咁埋無獎。

[@縱然たとえ]

近排去左日本修漫畫 俾老師話寫野成日寫到成舊雲咁唔知主角諗緊咩 睇完呢條片解決左我既疑問 原來中文底轉日文英文咩文都好 1:33 我地都係擺脫唔到講野好玄既style 所以睇咩日漫主角d內心想法咩都寫哂出黎 打打下無啦啦係度嘴遁 心諗咁好睇咩..中文人真係唔明

[@cj.5556]

其實我最近都探討緊依個話題 心中已有個答案 莫講係香港 連新世代既電視動漫故事都恍惚冇以前咁好

[@joeyingwaichan6406]

係咩, CLAMP既漫畫對白全部好玄喎, 全部講野都係講一半😂 應該係少年漫畫著重打戲同CLAMP係少女漫畫出身著重文戲既分別

[@pu_son]

如果中文冇咁多𠮩𠹌位嘅話，真係可能會成為令學生最有興趣嘅科目之一😢

[@mak3406]

想講佢題外話讚下條片 剪得好好 咁啱仲要係最鍾意嘅銀魂同埋我都好鍾意周星馳❤️ 讚啊！！！

[@hereunnamed2204]

比較想將數學改成elective 你未來唔讀相關專科的話高中數學99%都唔會用得上 part B仲要專門刁難學生，又幾乎無得背，成日都唸爆頭都唔識點樣做，有時難得唸到點做，但係有一個小步驟唔小心寫錯(例如正負)，sorry成題錯曬😂

[@cj.5556]

中文同數學都係中學生最想drop既科目 但數學最真意係想訓練既係學生既邏輯推論&解難能力 用理性公式去搵出問題答案 思考邊個方法最快最適合 其實試想像應用到實際人生 無論設計行業丶音樂丶其他困難 好多時候辦法 (公式) 已經有或者聽過 但當真係遇上困難(數學問題)既時候 大家都一頭霧水 陷入困境 需要其他人建議先可以解決 再其次係好多同學忽略咗 我哋目前世界之所以科技如此發達 數學先係最大功臣 語言係解決人類感情問題 數學則解決人類實際問題 所以站於人類大局觀 數學發展其實應該要比語言重要

[@仁淚]

我真係好憎中文課，我唔明白點解睇完一篇文章，大致理解文章裏的事情經過和作者通過文章想帶出的道理和感受，從而向我們傳達他們獨有的人生觀，豐富我們的世界觀還不夠，還要問我文章使用了什麼手法，明明「得到審美、品德的培育和文化的薰陶，以美化人格，促進全人發展」的這個理念已經揮發得淋漓盡致。 我XX的還要背這些手法的功效和好處，然後想像一個標點符號會為句子帶來甚麼影響，又或者為什麼要作者詳細描寫這個情節，背這些抽象的東不會增加我的寫作能力，難不成是要和別人討論文章的時候能吹一下水，顯得自己比較威水有文化？切切實實討論文章所說的內容和思想，這才是一個作者想要寫這一篇文章的用意之際，難道不是嗎？

[@TheOneHong]

0:16 "因為你沒資格吃這盒飯!"

[@巧克力餅乾-u6s]

建議大家享受中文，何為中文？既是過去，是現在，亦是將來，是五千年來前人的感悟，是我現在的啟發，更是留給後人的導引。當你拿起筆時心中有華夏源遠的文化，寫的是心中所想，求的是流傳於世，那寫出的墨水便是壯麗的天地山河，也可以是人間的萬家燈火，世間的一切美好皆不及文字，因為文字本就包括一切是天上星晨璀璨綺麗，是黎明朝陽破曉，是海旁浪花輕拍。當你的心中常存對世界的欣賞，多留意各樣美好，所想的筆落皆成詩句。這便是中文

[@cedricyum9940]

高級版係寫新詩啊嘛 www

[@taro7145]

遠赴海外，才發現所有學的中文毫無意義

[@ofcanadadream425]

中共想给下一代洗脑

[@cj.5556]

可否講多少少 想聽

[@taro7145]

@@cj.5556 同英文為母語嘅人講野時中文嘅知識幾乎完全無用，在外國中文講得太多習慣了中文的文法的話，英文文法會明顯退步。習慣留在comfort zone只跟華人相處時也少了很多跟local打交道的機會。

[@第2期ロシデレを楽しみです]

點樣可以寫好作文

[@kwanchai3633]

2024呢屆開始聆聽同說話都冇埋，學一個語言聽同說嘅評測都冇，得返讀同睇，真係唔知點溫先提升到閱讀同作文能力，除左淨係死背12篇😢

[@cj.5556]

作文嘅暗黑兵法係......考試前不妨上網搵喲萬金油金句 & 故事題材 & 大綱背咗佢 然後入場換湯唔換藥 但如果你對中文有興趣 完咗DSE 就好好咁睇多喲書 & 電影 讀書唔係只係為分數嘅 中文作用比我哋所認知嘅形象中更重要 (

[@hin6855]

中文呢啲矯揉造作的風格真係好嘔心，呢個世界唔係人人都咁鐘意無病呻吟，有人的性格就係真性情，直率，唔轉彎抺角。 最奇怪就係華人社會要用咁扭曲的準則去評測一個學生的能力與潛能。 中文學術界認為呢類文筆係高深又有意義的時候，又有冇諗過只係一班人自我圍爐打飛機，強迫班學生去學冇用又不客觀的科目。 當然，唔推中文科上必修科唔迫你學，班專家咪冇權威冇地位，咪冇飯開。緊係搞尻班學生啦，唔通玩尻自己咩。

[@cj.5556]

矯揉造作只係其中一個高分方法 最直擊人心既文學作品往往都只係寥寥幾句且毫無不造作 精粹在於對人性洞察&引起共嗚 問題係依家要求香港學生寫一個好既故事 比 寫一篇好文章更困難 故事概念會比矯揉造作既方式更抽象丶更困難 都係個句無可能要求一位十八歲學生寫出八十歲既人生感悟 依家文學&藝術界別都係 新一代文本功架永遠比唔上舊一代 先唔講資訊科技發達 網絡速食文化已經奪走咗新一代沉思能力 基本連靜低睇完一套電影&一本書既心都冇 最直接例子係 搭地鐵大家都係專注手機內容 唔會好好觀察周圍發生既事&人既對話 人生閱歷再打多個骨折 試問咁點可以寫出好既故事？ 學生就自自然然認為死人就係唯一感動方法 然後每年DSE就一堆屋企人死咗既文章出現

[@elvisk6632]

對於大多數人而言，語言既目的應該係為左思考同溝通 如果語文科教既係邏輯就好

[@cj.5556]

邏輯訓練應該歸類為數學科 理性地由公式推演答案 不涉及任何主觀與感情

[@chl8198]

最撚憎D語文科,作文冇確實既評分準則,完全睇改卷教畜心情,最攞命係份閱讀理解卷通常會問作者表逹乜同心情,但係由作者本人做都可以錯......

[@cj.5556]

想掃走你少少作文上誤會 情況有少少似視藝 大部分同學以為評分準則係由考官心情或喜好決定 但其實凡事萬物終歸一 基礎做到極致 自然就係極致 學生如果係抓形丶光影丶比例丶透視做好 基本分數都十不離八九 換返作文 先撇開整體文章立意丶故事 其實確實運用好暗喻丶排比丶押韻等手法修飾句子再加上大綱清晰 分數都十不離八九

[@chl8198]

@@cj.5556 你都誤會我,我就係憎D野咁瞹昧,乜野不離八九,我要既係絕對,起碼老師話你啱定錯都心服口服,仲有你講既視藝如果係必修我同樣憎,所以唔係必修好合理。

[@cj.5556]

um.....我唔介意你比你份作文我睇 我睇完咪比d絕對既comment比你 @@chl8198

[@wingsumng2420]

唔知道點解對中國語文科、英國語文科冇感情可以講

[@henryng4074]

我都好鍾意中文！ 我都好鍾意中文科! 雖然依家中五比較辛苦,不過唔知點解英文練得再好,讀中文嗰種心情真係冇得頂!:)

[@redhongkong]

中文難 是 在家講方言 在朋友圈講普通話 在校講英文...

[@抹茶雪糕-c1y]

前排睇太多科幻小説，給果做閱讀卷炒曬 科幻文學同DSE卷差多（雖然考評局一直都幾反對科幻）

[@shenshen8369]

建議讀international Alevel

[@leesam3258]

所以最後揀左作議論文

[@hosyip]

唔好話成科中文係廢, 我個人覺得係作文份卷戇鳩, 比個事前唔知嘅題目嚟, 得個幾鐘寫份千字文出嚟, 然後個份數佔比咁重, 咩邏輯

[@cj.5556]

其實作文有速成法 你只要試想像下 你係改卷員 你要面對百幾份小學生水平作文 當你寫到似樣既金句或者有意境既文章 你已經打敗晒班友仔 但依個速成法治標唔治本

[@IanKwong1574]

個人中五學生 到而家做閱讀理解卷都係好鬼科幻

[@laam829]

一講起中文科一定會諗起個個藍色的窗簾，都唔知係咪女人出題，自己係咁諗多左 所以我真係好憎中文，又強迫人辯論

[@likhangwong4526]

中文也是最悶的科目

[@pianriar8045]

啱，堂堂必瞓

[@guypudding3208]

我老師話唔可以寫啲人死咗

[@conviviallai2596]

中文喺香港地真係冇乜前景，任中文5**，英文唔夠好，就係nothing🥲 （除非你中文真係超勁超好）

[@cj.5556]

的確 但又好老實 even任香港人英文好 其實......又可以有咩成就？ 英文好嘅香港人會唔會用英文寫出下一本《雙城記》或者《簡·愛》？ 我估答案係未必 最多係讀大學寫paper比較輕鬆 又或者畢業打工之後寫email快少少 歸根究底已經唔係語文能力嘅問題 係整體文學丶社會風氣問題 就好似以往我研究中西歷史一樣 工業革命只能出現在歐洲 而非中國一樣 可能路過嘅人發現我長期放負 其實恰恰相反 我認為要改善問題 必須先要有無知之知 要承認自己問題先可以解決問題

[@conviviallai2596]

@@cj.5556 但英文嘅好壞真係可以直接決定到你大學讀咩科，一大堆科英文都有weighting，有啲科又compulsory要你有5；相反，中文有weighting嘅科少之又少

[@conviviallai2596]

@@cj.5556 喺社會文化層面，中文的確有其無可替代嘅地位，但就個人方面出發，除非勁到寫到啲好勁嘅文學作品，如果唔係，對前景真係冇太大幫助

[@akimoto3624]

我考igcse 中文5**

[@akimoto3624]

今晚今日律師都唔吃香

[@lokhimcheung9262]

不如全港學生投票否決中文

[@overtherainbowc.7483]

你好呀 想咨询一下: 如果过了dse考试，但是没有高中学历，依旧可以申请香港/大陆的大学吗

[@只是看著的辛味噌]

中文點難都難唔過M2

[@YEUNGYatLongS5H21]

甚麼？M2我溫半天都有60多分，predict 有5，中文溫了整個月卷一都是不合格，好則38分，差則28分，老師predict 我1

[@shiwong9769]

我覺得英文reading更加難lol

[@IanKwong1574]

成篇嘢幫你翻譯晒，你就唔會話難

[@IanKwong1574]

又唔係好似中文咁，全部字都識加埋你就唔識

[@chanpeter5652]

英文reading你轉成中文 啲內容，問題同小學中文reading差唔多

[@lwklucy1994]

中文考左 5， 唔覺得難，但好憎數學

[@edx-xd8nv]

多講普通話就可以，因為中文考試是用書面語