文夏流浪記伴唱版

[@WBChen-zv2ir]

18102/《文夏流浪記》Bûn-hā Liû-lōng Kì 文夏Bûn-hā ------------------------------------------ 阮離開故鄉彼時 gún lī-khui kòo-hiong hit-sî 有人咧啼哭 ū-lâng teh thî-khàu 伊就是我的阿母 i tsiū-sī guá ê a-bú 病也真正重 pīnn iā tsin-tsiànn tāng 交代我身愛保重 kau-tài guá sin ài pó-tiōng 綿綿哭無停 mî-mî khàu bô-thîng 予我也流落流落 hōo guá iā lâu-lo̍h lâu-lo̍h 悲傷的珠淚 pi-siong ê tsu-luī 悲傷的珠淚 pi-siong ê tsu-luī 思慕的親愛阿母 su-bōo ê tshin-ài a-bú 你今在哪裡 lí kim tsāi ná-lí 無論在天邊海角 bô-lūn tsāi thinn-pinn hái-kak 我也欲揣你 guá iā beh tshuē lí 想彼時爸母疼囝 siūnn hit-sî pē-bú thiànn kiánn 相處真快活 sio-tshú tsin khuìnn-ua̍h 無疑會今仔日拆散 bô-gî ē kia̋nn-ji̍t thiah-suànn 漂流在苦海 phiau-liû tsāi khóo-hái 漂流在苦海 phiau-liû tsāi khóo-hái 天頂的牛郎織女 thinn-tíng ê Gû-lông Tsit-lí 雖然來離開 sui-jiân lâi lī-khui 不過怹七夕暗暝 put-kò in tshit-si̍k àm-mî 也會欲相會 iā ē beh siong-huē 我雖然佮著阿母 guá sui-jiân kah tio̍h a-bú 細漢就離開 sè-hàn tō lī-khui 希望會早有一日 hi-bāng ē tsá ū-tsi̍t-ji̍t 歡喜的相會 huann-hí ê siong-huē 歡喜的相會 huann-hí ê siong-huē ------------------------------------------ 臺語正字/orthography請查見教育部《常用詞辭典》 →twblg.dict.edu.tw/holodict_new/default.jsp 注音請見(spelling-to-sound correspondences, see) 臺羅教學網→tailo.moe.edu.tw/